Utshovসর্গ 59
59.1
তস্মিন্ হতে রাক্ষসসৈন্যপালে প্লবঙ্গমানামৃষভেণ যুদ্ধে ।
ভীমায়ুধং সাগরতুল্যবেগং বিদুদ্রুবে রাক্ষসরাজসৈন্যম্ ।। ৬.৫৯.১ ।।।।
59.2
গত্বা ঽথ রক্ষোধিপতেঃ শশংসুঃ সেনাপতিং পাবকসূনুশস্তম্ ।
তচ্চাপি তেষাং বচনং নিশম্য রক্ষোধিপঃ ক্রোধবশং জগাম ।। ৬.৫৯.২ ।।।।
59.3
সঙ্খ্যে প্রহস্তং নিহতং নিশম্য শোকার্দিতঃ ক্রোধপরীতচেতাঃ ।
উবাচ তান্নৈর্ঋতয়োধমুখ্যানিন্দ্রো যথা চামরয়োধমুখ্যান্ ।। ৬.৫৯.৩ ।।।।
59.4
নাবজ্ঞা রিপবে কার্যা যৈরিন্দ্রবলসূদনঃ ।
সূদিতঃ সৈন্যপালো মে সানুয়াত্রঃ সকুঞ্জরঃ ।। ৬.৫৯.৪ ।।।।
59.5
সো ঽহং রিপুবিনাশায় বিজয়ায়াবিচারয়ন্ ।
স্বয়মেব গমিষ্যামি রণশীর্ষং তদদ্ভুতম্ ।। ৬.৫৯.৫ ।।।।
59.6
অদ্য তদ্বানরানীকং রামং চ সহলক্ষ্মণম্ ।
নির্দহিষ্যামি বাণৌঘৈর্বনং দীপ্তৈরিবাগ্নিভিঃ ।। ৬.৫৯.৬ ।।।।
59.7
স এবমুক্ত্বা জ্বলনপ্রকাশং রথং তুরঙ্গোত্তমরাজয়ুক্তম্ ।
প্রকাশমানং বপুষা জ্বলন্তং সমারুরোহামররাজশত্রুঃ ।। ৬.৫৯.৭ ।।।।
59.8
স শঙ্খভৈরীপণবপ্রণাদৈরাস্ফোটিতক্ষ্বেলিতসিংহনাদৈঃ ।
পুণ্যৈঃ স্তবৈশ্চাপ্যভিপূজ্যমানস্তদা যয়ৌ রাক্ষসরাজমুখ্যঃ ।। ৬.৫৯.৮ ।।।।
59.9
স শৈলজীমূতনিকাশরূপৈর্মাংসাদনৈঃ পাবকদীপ্তনেত্রেঃ ।
বভৌ বৃতো রাক্ষসরাজমুখ্যো ভূতৈর্বৃতো রুদ্র ইবাসুরেশঃ ।। ৬.৫৯.৯ ।।।।
59.10
ততো নগর্যাঃ সহসা মহৌজা নিষ্ক্রম্য তদ্বানরসৈন্যমুগ্রম্ ।
মহার্ণবাভ্রস্তনিতং দদর্শং সমুদ্যতং পাদপশৈলহস্তম্ ।। ৬.৫৯.১০ ।।।।
59.11
তদ্রাক্ষসানীকমতিপ্রচণ্ডমালোক্য রামো ভুজগেন্দ্রবাহুঃ ।
বিভীষণং শস্ত্রভৃতাং বরিষ্ঠমুবাচ সেনানুগতঃ পৃথুশ্রীঃ ।। ৬.৫৯.১১ ।।।।
59.12
নানাপতাকাধ্বজশস্ত্রজুষ্টং প্রাসাসিশূলায়ুধশস্ত্রজুষ্টম্ ।
সৈন্যং গজেন্দ্রোপমনাগজুষ্টং কস্যেদমক্ষোভ্যমভীরুজুষ্টম্ ।। ৬.৫৯.১২ ।।।।
59.13
ততস্তু রামস্য নিশম্য বাক্যং বিভীষণঃ শক্রসমানবীর্যঃ ।
শশংস রামস্য বলপ্রবেকং মহাত্মনাং রাক্ষসপুঙ্গবানাম্ ।। ৬.৫৯.১৩ ।।।।
59.14
যো ঽসৌ গজস্কন্ধগতো মহাত্মা নবোদিতার্কোপমতাম্রবক্ত্রঃ ।
প্রকম্পয়ন্নাগশিরো ঽভ্যুপৈতি হ্যকম্পনং ত্বেনমবেহি রাজন্ ।। ৬.৫৯.১৪ ।।।।
59.15
যো ঽসৌ রথস্থো মৃগরাজকেতুর্ধূন্বন্ ধনুঃ শক্রধনুঃপ্রকাশম্ ।
করীব ভাত্যুগ্রবিবৃত্তদংষ্ট্রঃ স ইন্দ্রজিন্নাম বরপ্রধানঃ ।। ৬.৫৯.১৫ ।।।।
59.16
যশ্চৈষ বিন্ধ্যাস্তমহেন্দ্রকল্পো ধন্বী রথস্থো ঽতিরথো ঽতিবীরঃ ।
বিস্ফারয়ংশ্চাপমতুল্যমানং নাম্না ঽতিকায়ো ঽতিবিবৃদ্ধকায়ঃ ।। ৬.৫৯.১৬ ।।।।
59.17
যো ঽসৌ নবার্কোদিততাম্রচক্ষুরারুহ্য ঘণ্টানিনদপ্রণাদম্ ।
গজং খরং গর্জতি বৈ মহাত্মা মহোদরো নাম স এষ বীরঃ ।। ৬.৫৯.১৭ ।।।।
59.18
যো ঽসৌ হয়ং কাঞ্চনচিত্রভাণ্ডমারুহ্য সন্ধ্যাভ্রগিরিপ্রকাশম্ ।
প্রাসং সমুদ্যম্য মরীচিনদ্ধং পিশাচ এষো ঽশনিতুল্যবেগঃ ।। ৬.৫৯.১৮ ।।।।
59.19
যশ্চৈষ শূলং নিশিতং প্রগৃহ্য বিদ্যুত্প্রভং কিঙ্করবজ্রবেগম্ ।
বৃষেন্দ্রমাস্থায় গিরিপ্রকাশমায়াতি যো ঽসৌ ত্রিশিরা যশস্বী ।। ৬.৫৯.১৯ ।।।।
59.20
অসৌ চ জীমূতনিকাশরূপঃ কুম্ভঃ পৃথুব্যূঢসুজাতবক্ষাঃ ।
সমাহিতঃ পন্নগরাজকেতুর্বিস্ফারয়ন্ ভাতি ধনুর্বিধূন্বন্ ।। ৬.৫৯.২০ ।।।।
59.21
যশ্চৈষ জাম্বূনদবজ্রজুষ্টং দীপ্তং সধূমং পরিঘং প্রগৃহ্য ।
আয়াতি রক্ষোবলকেতুভূতস্ত্বসৌ নিকুম্ভো ঽদ্ভুতঘোরকর্মা ।। ৬.৫৯.২১ ।।।।
59.22
যশ্চৈষ চাপাসিশরৌঘজুষ্টং পতাকিনং পাবকদীপ্তরূপম্ ।
রথং সমাস্থায় বিভাত্যুদগ্রো নরান্তকো ঽসৌ নগশৃঙ্গয়োধী ।। ৬.৫৯.২২ ।।।।
59.23
যশ্চৈষ নানাবিধঘোররূপৈর্ব্যাঘ্রোষ্ট্রনাগেন্দ্রমৃগাশ্ববক্ত্রৈঃ ।
ভূতৈর্বৃতো ভাতি বিবৃত্তনেত্রৈঃ সো ঽসৌ সুরাণামপি দর্পহন্তা ।। ৬.৫৯.২৩ ।।।।
59.24
যত্রৈতদিন্দুপ্রতিমং বিভাতি চ্ছত্রং সিতং সূক্ষ্মশলাকমগ্র্যম্ ।
অত্রৈষ রক্ষোধিপতির্মহাত্মা ভূতৈর্বৃতো রুদ্র ইবাবভাতি ।। ৬.৫৯.২৪ ।।।।
59.25
অসৌ কিরীটী চলুকুণ্ডলাস্যো নগেন্দ্রবিন্ধ্যোপমভীমকায়ঃ ।
মহেন্দ্রবৈবস্বতদর্পহন্তা রক্ষোধিপঃ সূর্য ইবাবভাতি ।। ৬.৫৯.২৫ ।।।।
59.26
প্রত্যুবাচ ততো রামো বিভীষণমরিন্দমম্ ।
অহো দীপ্তো মহাতেজা রাবণো রাক্ষসেশ্বরঃ ।। ৬.৫৯.২৬ ।।।।
59.27
আদিত্য ইব দুষ্প্রেক্ষো রশ্মিভির্ভাতি রাবণঃ ।
সুব্যক্তং লক্ষয়ে হ্যস্য রূপং তেজস্সমাবৃতম্ ।। ৬.৫৯.২৭ ।।।।
59.28
দেবদানববীরাণাং বপুর্নৈবংবিধং ভবেৎ ।
যাদৃশং রাক্ষসেন্দ্রস্য বপুরেতৎ প্রকাশতে ।। ৬.৫৯.২৮ ।।।।
59.29
সর্বে পর্বতসঙ্কাশাঃ সর্বে পর্বতয়োধিনঃ ।
সর্বে দীপ্তায়ুধধরা যোধাশ্চাস্য মহৌজসঃ ।। ৬.৫৯.২৯ ।।।।
59.30
ভাতি রাক্ষসরাজো ঽসৌ প্রদীপ্তৈর্ভীমবিক্রমৈঃ ।
ভূতৈঃ পরিবৃতস্তীক্ষ্ণৈর্দেহবদ্ভিরিবান্তকঃ ।। ৬.৫৯.৩০ ।।।।
59.31
দিষ্ট্যা ঽয়মদ্য পাপাত্মা মম দৃষ্টিপথং গতঃ ।
অদ্য ক্রোধং বিমোক্ষ্যামি সীতাহরণসম্ভবম্ ।। ৬.৫৯.৩১ ।।।।
59.32
এবমুক্ত্বা ততো রামো ধনুরাদায় বীর্যবান্ ।
লক্ষ্মণানুচরস্তস্থৌ সমুদ্ধৃত্য শরোত্তমম্ ।। ৬.৫৯.৩২ ।।।।
59.33
ততঃ স রক্ষোধিপতির্মহাত্মা রক্ষাংসি তান্যাহ মহাবলানি ।
দ্বারেষু চর্যাগৃহগোপুরেষু সুনির্বৃতাস্তিষ্ঠত নির্বিশঙ্কাঃ ।। ৬.৫৯.৩৩ ।।।।
59.34
ইহাগতং মাং সহিতং ভবদ্ভির্বনৌকসশ্ছিদ্রমিদং বিদিত্বা ।
শূন্যাং পুরীং দুষ্প্রসহাং প্রমথ্য প্রধর্ষয়েয়ুঃ সহসা সমেতাঃ ।। ৬.৫৯.৩৪ ।।।।
59.35
বিসর্জয়িত্বা সহিতাংস্ততস্তান্ গতেষু রক্ষস্সু যথানিয়োগম্ ।
ব্যদারয়দ্বানরসাগরৌঘং মহাঝষঃ পূর্ণমিবার্ণবৌঘম্ ।। ৬.৫৯.৩৫ ।।।।
59.36
তমাপতন্তং সহসা সমীক্ষ্য দীপ্তেষুচাপং যুধি রাক্ষসেন্দ্রম্ ।
মহৎ সমুত্পাট্য মহীধরাগ্রং দুদ্রাব রক্ষোধিপতিং হরীশঃ ।। ৬.৫৯.৩৬ ।।।।
59.37
তচ্ছৈলশৃঙ্গং বহুবৃক্ষসানুং প্রগৃহ্য চিক্ষেপ নিশাচরায় ।
তমাপতন্তং সহসা সমীক্ষ্য বিভেদ বাণৈস্তপনীয়পুঙ্খৈঃ ।। ৬.৫৯.৩৭ ।।।।
59.38
তস্মিন্ প্রবৃদ্ধোত্তমসানুবৃক্ষে শৃঙ্গে বিকীর্ণে পতিতে পৃথিব্যাম্ ।
মহাহিকল্পং শরমন্তকাভং সমাদদে রাক্ষসলোকনাথঃ ।। ৬.৫৯.৩৮ ।।।।
59.39
স তং গৃহীত্বা ঽনিলতুল্যবেগং সবিস্ফুলিঙ্গজ্বলনপ্রকাশম্ ।
বাণং মহেন্দ্রাশনিতুল্যবেগং চিক্ষেপ সুগ্রীববধায় রুষ্টঃ ।। ৬.৫৯.৩৯ ।।।।
59.40
স সায়কো রাবণবাহুমুক্তঃ শক্রাশনিপ্রখ্যবপুঃ শিতাগ্রঃ ।
সুগ্রীবমাসাদ্য বিভেদ বেগাদ্ গুহেরিতা ক্রৌঞ্চমিবোগ্রশক্তিঃ ।। ৬.৫৯.৪০ ।।।।
59.41
স সায়কার্তো বিপরীতচেতাঃ কূজন্ পৃথিব্যাং নিপপাত বীরঃ ।
তং প্রেক্ষ্য ভূমৌ পতিতং বিসঞ্জ্ঞং নেদুঃ প্রহৃষ্টা যুধি যাতুধানাঃ ।। ৬.৫৯.৪১ ।।।।
59.42
ততো গবাক্ষো গবয়ঃ সুদংষ্ট্রস্তথর্ষভো জ্যোতিমুখো নভশ্চ ।
শৈলান্ সমুদ্যম্য বিবৃদ্ধকায়াঃ প্রদুদ্রুবুস্তং প্রতি রাক্ষসেন্দ্রম্ ।। ৬.৫৯.৪২ ।।।।
59.43
তেষাং প্রহারান্ স চকার মোঘান্ রক্ষোধিপো বাণগণৈঃ শিতাগ্রৈঃ ।
তান্ বানরেন্দ্রানপি বাণজালৈর্বিভেদ জাম্বূনদচিত্রপুঙ্খৈঃ ।। ৬.৫৯.৪৩ ।।।।
59.44
তে বানরেন্দ্রাস্ত্রিদশারিবাণৈর্ভিন্না বিপেতুর্ভুবি ভীমকায়াঃ ।
ততস্তু তদ্বানরসৈন্যমুগ্রং প্রচ্ছাদয়ামাস স বাণজালৈঃ ।। ৬.৫৯.৪৪ ।।।।
59.45
তে বধ্যমানাঃ পতিতাঃ প্রবীরা নানদ্যমানা ভয়শল্যবিদ্ধাঃ ।
শাখামৃগা রাবণসায়কার্তা জগ্মুঃ শরণ্যং শরণং স্ম রামম্ ।। ৬.৫৯.৪৫ ।।।।
59.46
ততো মহাত্মা স ধনুর্ধনুষ্মানাদায় রামঃ সহসা জগাম ।
তং লক্ষ্মণঃ প্রাঞ্জলিরভ্যুপেত্য উবাচ বাক্যং পরমার্থয়ুক্তম্ ।। ৬.৫৯.৪৬ ।।।।
59.47
কামমার্যঃ সুপর্যাপ্তো বধায়াস্য দুরাত্মনঃ ।
বিধমিষ্যাম্যহং নীচমনুজানীহি মাং প্রভো ।। ৬.৫৯.৪৭ ।।।।
59.48
তমব্রবীন্মহতেজা রামঃ সত্যপরাক্রমঃ ।
। ৬.৫৯.৪৮ ।।।।
59.49
গচ্ছ যত্নপরশ্চাপি ভব লক্ষ্মণ সংয়ুগে ।
রাবণো হি মহাবীর্যো রণে ঽদ্ভুতপরাক্রমঃ ।ত্রৈলোক্যেনাপি সঙ্ক্রুদ্ধো দুষ্প্রসহ্যো ন সংশয়ঃ ।। ৬.৫৯.৪৯ ।।।।
59.50
তস্য চ্ছিদ্রাণি মার্গস্ব স্বচ্ছিদ্রাণি চ লক্ষয় ।
চক্ষুষা ধনুষা যত্নাদ্রক্ষাত্মানং সমাহিতঃ ।। ৬.৫৯.৫০ ।।।।
59.51
রাঘবস্য বচঃ শ্রুত্বা পরিষ্বজ্যাভিপূজ্য চ ।
অভিবাদ্য ততো রামং যয়ৌ সৌমিত্রিরাহবম্ ।। ৬.৫৯.৫১ ।।।।
59.52
স রাবণং বারণহস্তবাহুর্দদর্শ দীপ্তোদ্যতভীমচাপম্ ।
প্রচ্ছাদয়ন্তং শরবৃষ্টিজালৈস্তান্ বানরান্ ভিন্নবিকীর্ণদেহান্ ।। ৬.৫৯.৫২ ।।।।
59.53
তমালোক্য মহাতেজা হনুমান্ মারুতাত্মজঃ ।
নিবার্য শরজালানি প্রদুর্দ্রাব স রাবণম্ ।। ৬.৫৯.৫৩ ।।।।
59.54
রথং তস্য সমাসাদ্য ভুজমুদ্যম্য দক্ষিণম্ ।
ত্রাসয়ন্ রাবণং ধীমান্ হনুমান্ বাক্যমব্রবীৎ ।। ৬.৫৯.৫৪ ।।।।
59.55
দেবদানবগন্ধর্বৈর্যক্ষৈশ্চ সহ রাক্ষসৈঃ ।
অবধ্যত্বং ত্বয়া প্রাপ্তং বানরেভ্যস্তু তে ভয়ম্ ।। ৬.৫৯.৫৫ ।।।।
59.56
এষ মে দক্ষিণো বাহুঃ পঞ্চশাখঃ সমুদ্যতঃ ।
বিধমিষ্যতি তে দেহাদ্ভূতাত্মানং চিরোষিতম্ ।। ৬.৫৯.৫৬ ।।।।
59.57
শ্রুত্বা হনুমতো বাক্যং রাবণো ভীমবিক্রমঃ ।
সংরক্তনয়নঃ ক্রোধাদিদং বচনমব্রবীৎ ।। ৬.৫৯.৫৭ ।।।।
59.58
ক্ষিপ্রং প্রহর নিশ্শঙ্কং স্থিরাং কীর্তিমবাপ্নুহি ।
ততস্ত্বাং জ্ঞাতবিক্রান্তং নাশয়িষ্যামি বানর ।। ৬.৫৯.৫৮ ।।।।
59.59
রাবণস্য বচঃ শ্রুত্বা বায়ুসূনুর্বচো ঽব্রবীৎ ।
প্রহৃতং হি ময়া পূর্বমক্ষং স্মর সুতং তব ।। ৬.৫৯.৫৯ ।।।।
59.60
এবমুক্তো মহাতেজা রাবণো রাক্ষসেশ্বরঃ ।
আজঘানানিলসুতং তলেনোরসি বীর্যবান্ ।। ৬.৫৯.৬০ ।।।।
59.61
স তলাভিহতস্তেন চচাল চ মুহুর্মুহুঃ ।
স্থিত্বা মুহূর্তং তেজস্বী স্থৈর্যং কৃত্বা মহামতিঃ ।আজঘানাভিসংক্রুদ্ধস্তলেনৈবামরদ্বিষম্ ।। ৬.৫৯.৬১ ।।।।
59.62
ততস্তলেনাভিহতো বানরেণ মহাত্মনা ।
দশগ্রীবঃ সমাধূতো যথা ভূমিচলে ঽচলঃ ।। ৬.৫৯.৬২ ।।তিঃ ।।।
59.63
সঙ্গ্রামে তং তথা দৃষ্ট্বা রাবণং তলতাডিতম্ ।
ঋষয়ো বানরাঃ সিদ্ধা নেদুর্দেবাঃ সহাসুরৈঃ ।। ৬.৫৯.৬৩ ।।।।
59.64
অথাশ্বাস্য মহাতেজা রাবণো বাক্যমব্রবীৎ ।
। ৬.৫৯.৬৪ ।।।।
59.65
সাধু বানর বীর্যেণ শ্লাঘনীয়ো ঽসি মে রিপুঃ ।
রাবণেনৈবমুক্তস্তু মারুতির্বাক্যমব্রবীৎ ।। ৬.৫৯.৬৫ ।।।।
59.66
ধিগস্তু মম বীর্যেণ যস্ত্বং জীবসি রাবণ ।
সকৃত্তু প্রহরেদানীং দুর্বুদ্ধে কিং বিকত্থসে ।ততস্ত্বাং মামিকা মুষ্টির্নয়িষ্যতি যমক্ষয়ম্ ।। ৬.৫৯.৬৬ ।।।।
59.67
ততো মারুতিবাক্যেন ক্রোদস্তস্য তদা ঽজ্বলৎ ।
। ৬.৫৯.৬৭ ।।দানীং দুর্বুদ্ধে কিং বিকত্থসে ।সংরক্তনয়নো যত্নান্মুষ্টিমুদ্যম্য দক্ষিণম্ ।পাতয়ামাস বেগেন বানরোরসি বীর্যবান্ ।। ৬.৫৯.৬৮ ।।।।
59.68
হনুমান্ বক্ষসি ব্যূঢে সঞ্চচাল পুনঃপুনঃ ।
। ৬.৫৯.৬৯ ।।।।
59.69
বিহ্বলং তু তদা দৃষ্ট্বা হনুমন্তং মহাবলম্ ।
রথেনাতিরথঃ শীঘ্রং নীলং প্রতি সমভ্যগাৎ ।। ৬.৫৯.৭০ ।।।।
59.70
রাক্ষসানামধিপতির্দশগ্রীবঃ প্রতাপবান্ ।
পন্নগপ্রতিমৈর্ভীমৈঃ পরমর্মাতিভেদিভিঃ ।শরৈরাদীপয়ামাস নীলং হরিচমূপতিম্ ।। ৬.৫৯.৭১ ।।।।
59.71
স শরৌঘসমায়স্তো নীলঃ কপিচমূপতিঃ ।
করেণৈকেন শেলাগ্রং রক্ষোধিপতয়ে ঽসৃজৎ ।। ৬.৫৯.৭২ ।।।।
59.72
হনুমানপি তেজস্বী সমাশ্বস্তো মহামনাঃ ।
বিপ্রেক্ষমাণো যুদ্ধেপ্সুঃ সরোষমিদমব্রবীৎ ।। ৬.৫৯.৭৩ ।।।।
59.73
নীলেন সহ সংয়ুক্তং রাবণং রাক্ষসেশ্বরম্ ।
অন্যেন যুদ্ধ্যমানস্য ন যুক্তমভিধাবনম্ ।। ৬.৫৯.৭৪ ।।।।
59.74
রাবণো ঽপি মহাতেজাস্তচ্ছৃঙ্গং সপ্তভিঃ শরৈঃ ।
আজঘান সুতীক্ষ্ণাগ্রৈস্তদ্বিকীর্ণং পপাত হ ।। ৬.৫৯.৭৫ ।।।।
59.75
তদ্বিকীর্ণং গিরেঃ শৃঙ্গং দৃষ্ট্বা হরিচমূপতিঃ ।
কালাগ্নিরিব জজ্বাল ক্রোধোন পরবীরহা ।। ৬.৫৯.৭৬ ।।।।
59.76
সো ঽশ্বকর্ণান্ ধবান্ সালাংশ্চূতাংশ্চাপি সুপুষ্পিতান্ ।
অন্যাংশ্চ বিবিধান্ বৃক্ষান্নীলশ্চিক্ষেপ সংয়ুগে ।। ৬.৫৯.৭৭ ।।।।
59.77
স তান্ বৃক্ষান্ সমাসাদ্য প্রতিচিচ্ছেদ রাবণঃ ।
অভ্যবর্ষৎ সুঘোরেণ শরবর্ষেণ পাবকিম্ ।। ৬.৫৯.৭৮ ।।।।
59.78
অভিবৃষ্টঃ শরৌঘেণ মেঘেনেব মহাচলঃ ।
হ্রস্বং কৃত্বা তদা রূপং ধ্বজাগ্রে নিপপাত হ ।। ৬.৫৯.৭৯ ।।।।
59.79
পাবকাত্মজমালোক্য ধ্বজাগ্রে সমুপস্থিতম্ ।
জজ্বাল রাবণঃ ক্রোধাত্ততো নীলো ননাদ চ ।। ৬.৫৯.৮০ ।।।।
59.80
ধ্বজাগ্রে ধনুষশ্চাগ্রে কিরীটাগ্রে চ তং হরিম্ ।
লক্ষ্মণো ঽথ হনূমাংশ্চ দৃষ্ট্বা রামশ্চ বিস্মিতাঃ ।। ৬.৫৯.৮১ ।।।।
59.81
রাবণো ঽপি মহাতেজাঃ কপিলাঘববিস্মিতঃ ।
অস্ত্রমাহারয়ামাস দীপ্তমাগ্নেয়মদ্ভুতম্ ।। ৬.৫৯.৮২ ।।।।
59.82
ততস্তে চুক্রুশুর্হৃষ্টা লব্ধলক্ষাঃ প্লবঙ্গমাঃ ।
নীললাঘবসম্ভ্রান্তং দৃষ্ট্বা রাবণমাহবে ।। ৬.৫৯.৮৩ ।।।।
59.83
বানরাণাং চ নাদেন সংরব্ধো রাবণস্তদা ।
সম্ভ্রমাবিষ্টহৃদয়ো ন কিঞ্চিৎ প্রত্যপদ্যত ।। ৬.৫৯.৮৪ ।।।।
59.84
আগ্নেয়েনাথ সংয়ুক্তং গৃহীত্বা রাবণঃ শরম্ ।
ধ্বজশীর্ষস্থিতং নীলমুদৈক্ষত নিশাচরঃ ।ততো ঽব্রবীন্মহাতেজা রাবণো রাক্ষসেশ্বরঃ ।। ৬.৫৯.৮৫ ।।।।
59.85
কপে লাঘবয়ুক্তো ঽসি মায়য়া পরয়া ঽনয়া ।
জীবিতং খলু রক্ষস্ব যদি শক্তো ঽসি বানর ।। ৬.৫৯.৮৬ ।।।।
59.86
তানি তান্যাত্মরূপাণি সৃজসি ত্বমনেকশঃ ।
। ৬.৫৯.৮৭ ।।।।
59.87
তথাপি ত্বাং ময়া যুক্তঃ সায়কো ঽস্ত্রপ্রয়োজিতঃ ।
জীবতং পরিরক্ষন্তং জীবিতাদ্ ভ্রংশয়িষ্যতি ।। ৬.৫৯.৮৮ ।।।।
59.88
এবমুক্ত্বা মহাবাহূ রাবণো রাক্ষসেশ্বরঃ ।
সন্ধায় বাণমস্ত্রেণ চমূপতিমতাডয়ৎ ।। ৬.৫৯.৮৯ ।।।।
59.89
সো ঽস্ত্রয়ুক্তেন বাণেন নীলো বক্ষসি তাডিতঃ ।
নির্দহ্যমানঃ সহসা নিপপাত মহীতলে ।। ৬.৫৯.৯০ ।।।।
59.90
পিতৃমাহাত্ম্যসংয়োগাদাত্মনশ্চাপি তেজসা ।
জানুভ্যামপতদ্ভূমৌ ন চ প্রাণৈর্ব্যয়ুজ্যত ।। ৬.৫৯.৯১ ।।।।
59.91
বিসঞ্জ্ঞং বানরং দৃষ্ট্বা দশগ্রীবো রণোত্সুকঃ ।
রথেনাম্বুদনাদেন সৌমিত্রিমভিদুদ্রুবে ।। ৬.৫৯.৯২ ।।।।
59.92
আসাদ্য রণমধ্যে তু বারয়িত্বা স্থিতো জ্বলন্ ।
ধনুর্বিস্ফারয়ামাস কম্পয়ন্নিব মেদিনীম্ ।। ৬.৫৯.৯৩ ।।।।
59.93
তমাহ সৌমিত্রিরদীনসত্ত্বো বিস্ফারয়ন্তং ধনুরপ্রমেয়ম্ ।
অভ্যেহি মামেব নিশাচরেন্দ্র ন বানরাংস্ত্বং প্রতিয়োদ্ধুমর্হঃ ।। ৬.৫৯.৯৪ ।।।।
59.94
স তস্য বাক্যং প্রতিপূর্ণঘোষং জ্যাশব্দমুগ্রং চ নিশম্য রাজা ।
আসাদ্য সৌমিত্রিমবস্থিতং তং কোপান্বিতো বাক্যমুবাচ রক্ষঃ ।। ৬.৫৯.৯৫ ।।।।
59.95
দিষ্ট্যা ঽসি মে রাঘব দৃষ্টিমার্গং প্রাপ্তো ঽন্তগামী বিপরীতবুদ্ধিঃ ।
অস্মিন্ ক্ষণে যাস্যসি মৃত্যুদেশং সংসাদ্যমানো মম বাণজালৈঃ ।। ৬.৫৯.৯৬ ।।।।
59.96
তমাহ সৌমিত্রিরবিস্ময়ানো গর্জন্তমুদ্বৃত্তসিতাগ্রদংষ্ট্রম্ ।
রাজন্ন গর্জন্তি মহাপ্রভাবা বিকত্থসে পাপকৃতাং বরিষ্ঠ ।। ৬.৫৯.৯৭ ।।।।
59.97
জানামি বীর্যং তব রাক্ষসেন্দ্র বলং প্রতাপং চ পরাক্রমং চ ।
অবস্থিতো ঽহং শরচাপপাণিরাগচ্ছ কিং মোঘবিকত্থনেন ।। ৬.৫৯.৯৮ ।।।।
59.98
স এবমুক্তঃ কুপিতঃ সসর্জ রক্ষোধিপঃ সপ্ত শরান্ সুপুঙ্খান্ ।
তান্ লক্ষ্মণঃ কাঞ্চনচিত্রপুঙ্খৈশ্চিচ্ছেদ বাণৈর্নিশিতাগ্রধারৈঃ ।। ৬.৫৯.৯৯ ।।।।
59.99
তান্ প্রেক্ষমাণঃ সহসা নিকৃত্তান্নিকৃত্তভোগানিব পন্নগেন্দ্রান্ ।
লঙ্কেশ্বরঃ ক্রোধবশং জগাম সসর্জ চান্যান্নিশিতান্ পৃষত্কান্ ।। ৬.৫৯.১০০ ।।।।
59.100
স বাণবর্ষং তু ববর্ষ তীব্রং রামানুজঃ কার্মুকসম্প্রয়ুক্তম্ ।
ক্ষুরার্ধচন্দ্রোত্তমকর্ণিভল্লৈঃ শরাংশ্চ চিচ্ছেদ ন চুক্ষুভে চ ।। ৬.৫৯.১০১ ।।।।
59.101
স বাণজালান্যথ তানি তানি মোঘানি পশ্যং স্ত্রিদশারিরাজঃ ।
বিসিষ্মিয়ে লক্ষ্মণলাঘবেন পুনশ্চ বাণান্নিশিতান্ মুমোচ ।। ৬.৫৯.১০২ ।।।।
59.102
স লক্ষ্মণশ্চাশু শরান্ শিতাগ্রান্ মহেন্দ্রবজ্রাশনিতুল্যবেগান্ ।
সন্ধায় চাপে জ্বলনপ্রকাশান্ সসর্জ রক্ষোধিপতের্বধায় ।। ৬.৫৯.১০৩ ।।।।
59.103
স তান্ প্রচিচ্ছেদ হি রাক্ষসেন্দ্রশ্ছিত্ত্বা চ তাঁল্লক্ষ্মণমাজঘান ।
শরেণ কালাগ্নিসমপ্রভেণ স্বয়ম্ভুদত্তেন ললাটদেশে ।। ৬.৫৯.১০৪ ।।।।
59.104
স লক্ষ্মণো রাবণসায়কার্তশ্চচাল চাপং শিথিলং প্রগৃহ্য ।
পুনশ্চ সঞ্জ্ঞাং প্রতিলভ্য কৃচ্ছ্রাচ্চিচ্ছেদ চাপং ত্রিদশেন্দ্রশত্রোঃ ।। ৬.৫৯.১০৫ ।।।।
59.105
নিকৃত্তচাপং ত্রিভিরাজঘান বাণৈস্তদা দাশরথিঃ শিতাগ্রঃ ।
স সায়কার্তো বিচচাল রাজা কৃচ্ছ্রাচ্চ সঞ্জ্ঞাং পুনরাসসাদ ।। ৬.৫৯.১০৬ ।।।।
59.106
স কৃত্তচাপঃ শরতাডিতশ্চ মেদার্দ্রগাত্রো রুধিরাবসিক্তঃ ।
জগ্রাহ শক্তিং সমুদগ্রশক্তিঃ স্বয়ম্ভুদত্তাং যুধি দেবশত্রুঃ ।। ৬.৫৯.১০৭ ।।।।
59.107
স তাং বিধূমানলসন্নিকাশাং বিত্রাসিনীং বানরবাহিনীনাম্ ।
চিক্ষেপ শক্তিং তরসাজ্বলন্তীং সৌমিত্রয়ে রাক্ষসরাষ্ট্রনাথঃ ।। ৬.৫৯.১০৮ ।।।।
59.108
তামাপতন্তীং ভরতানুজোগ্রৈর্জঘান বাণৈশ্চ হুতাগ্নিকল্পৈঃ ।
তথাপি সা তস্য বিবেশ শক্তির্বাহ্বন্তরং দাশরথের্বিশালম্ ।। ৬.৫৯.১০৯ ।।।।
59.109
স শক্তিমান্ শক্তিসমাহতঃ সন্ মুহুঃ প্রজজ্বাল রঘুপ্রবীরঃ ।
তং বিহ্বলন্তং সহসা ঽভ্যুপেত্য জগ্রাহ রাজা তরসা ভুজাভ্যাম্ ।। ৬.৫৯.১১০ ।।।।
59.110
হিমবান্ মন্দরো মেরুস্ত্রৈলোক্যং বা সহামরৈঃ ।
শক্যং ভুজাভ্যামুদ্ধর্তু ন সঙ্খ্যে ভরতানুজঃ ।। ৬.৫৯.১১১ ।।।।
59.111
শক্ত্যা ব্রাহ্ম্যা ঽপি সৌমিত্রিস্তাডিতস্তু স্তনান্তরে ।
বিষ্ণোরচিন্ত্যং স্বং ভাগমাত্মানং প্রত্যনুস্মরৎ ।। ৬.৫৯.১১২ ।।।।
59.112
ততো দানবদর্পঘ্নং সৌমিত্রিং দেবকণ্টকঃ ।
তং পীডয়িত্বা বাহুভ্যামপ্রভুর্লঙ্ঘনে ঽভবৎ ।অথৈবং বৈষ্ণবং ভাগং মানুষং দেহমাস্থিতম্ ।। ৬.৫৯.১১৩ ।।।।
59.113
অথ বায়ুসুতঃ ক্রুদ্ধো রাবণং সমভিদ্রবৎ ।
আজঘানোরসি ক্রুদ্ধো বজ্রকল্পেন মুষ্টিনা ।। ৬.৫৯.১১৪ ।।।।
59.114
তেন মুষ্টিপ্রহারেণ রাবণো রাক্ষসেশ্বরঃ ।
জানুভ্যামপতদ্ভূমৌ চচাল চ পপাত চ ।। ৬.৫৯.১১৫ ।।।।
59.115
আস্যৈঃ সনেত্রশ্রবণৈর্ববাম রুধিরং বহু ।
। ৬.৫৯.১১৬ ।।।।
59.116
বিঘূর্ণমানো নিশ্চেষ্টো রথোপস্থ উপাবিশৎ ।
বিসঞ্জ্ঞো মূর্চ্ছিতশ্চাসীন্ন চ স্থানং সমালভৎ ।। ৬.৫৯.১১৭ ।।।।
59.117
বিসঞ্জ্ঞং রাবণং দৃষ্ট্বা সমরে ভীমবিক্রমম্ ।
ঋষয়ো বানরাঃ সর্বে নেদুর্দেবাঃ সবাসবাঃ ।। ৬.৫৯.১১৮ ।।।।
59.118
হনুমানপি তেজস্বী লক্ষ্মণং রাবণার্দিতম্ ।
অনয়দ্রাঘবাভ্যাশং বাহুভ্যাং পরিগৃহ্য তম্ ।। ৬.৫৯.১১৯ ।।।।
59.119
বায়ুসূনোঃ সুহৃত্ত্বেন ভক্ত্যা পরময়া চ সঃ ।
শত্রূণামপ্রকম্প্যো ঽপি লঘুত্বমগমৎ কপেঃ ।। ৬.৫৯.১২০ ।।।।
59.120
তং সমুত্সৃজ্য সা শক্তিঃ সৌমিত্রিং যুধি দুর্জয়ম্ ।
রাবণস্য রথে তস্মিন্ স্থানং পুনরুপাগতা ।। ৬.৫৯.১২১ ।।।।
59.121
আশ্বস্তশ্চ বিশল্যশ্চ লক্ষ্মণঃ শত্রুসূদনঃ ।
বিষ্ণোর্ভাগমমীমাংস্যমাত্মানং প্রত্যনুস্মরন্ ।। ৬.৫৯.১২২ ।।।।
59.122
রাবণো ঽপি মহাতেজাঃ প্রাপ্য সঞ্জ্ঞাং মহাহবে ।
আদদে নিশিতান্ বাণান্ জগ্রাহ চ মহদ্ধনুঃ ।। ৬.৫৯.১২৩ ।।।।
59.123
নিপাতিতমহাবীরাং দ্রবন্তীং বানরীং চমূম্ ।
রাঘবস্তু রণে দৃষ্ট্বা রাবণং সমভিদ্রবৎ ।। ৬.৫৯.১২৪ ।।।।
59.124
অথৈনমুপসঙ্গম্য হনুমান্ বাক্যমব্রবীৎ ।
মম পৃষ্টং সমারুহ্য রাক্ষসং শাস্তুমর্হসি ।। ৬.৫৯.১২৫ ।।।।
59.125
বিষ্ণুর্যথা গরুত্মন্তং বলবন্তং সমাহিতঃ ।
তচ্ছুত্বা রাঘবো বাক্যং বায়ুপুত্রেণ ভাষিতম্ ।আরুরোহ মহাশূরো বলবন্তং মহাকপিম্ ।। ৬.৫৯.১২৬ ।।।।
59.126
রথস্থং রাবণং সঙ্খ্যে দদর্শ মনুজাধিপঃ ।
। ৬.৫৯.১২৭ ।।।।
59.127
া রাঘবো বাক্যং বায়ুপুত্রেণ ভাষিতম্ ।
তমালোক্য মাহতেজাঃ প্রদুদ্রাব স রাঘবঃ ।বৈরোচনমিব ক্রুদ্ধো বিষ্ণুরভ্যুদ্যতায়ুধঃ ।। ৬.৫৯.১২৮ ।।।।
59.128
জ্যাশব্দমকরোত্তীবং বজ্রনিষ্পেষনিস্বনম্ ।
। ৬.৫৯.১২৯ ।।।।
59.129
গিরা গম্ভীরয়া রামো রাক্ষসেন্দ্রমুবাচ হ ।
। ৬.৫৯.১৩০ ।। ।।।
59.130
তিষ্ঠ তিষ্ঠ মম ত্বং হি কৃত্বা বিপ্রিয়মীদ্দশম্ ।
ক্ব নু রাক্ষসশার্দূল গতো মোক্ষমবাপ্স্যসি ।। ৬.৫৯.১৩১ ।।।।
59.131
যদীন্দ্রবৈবস্বতভাস্করান্ বা স্বয়ম্ভুবৈশ্বানরশঙ্করান্ বা ।
গমিষ্যসি ত্বং দশ বা দিশো ঽথবা তথাপি মে নাদ্য গতো বিমোক্ষ্যসে ।। ৬.৫৯.১৩২ ।।।।
59.132
যশ্চৈব শক্ত্যা ঽভিহতস্ত্বয়া ঽদ্য ইচ্ছন্ বিষাদং সহসা ঽভ্যুপেতঃ ।
স এব রক্ষোগণরাজ মৃত্যুঃ সপুত্রদারস্য তবাদ্যয়ুদ্ধে ।। ৬.৫৯.১৩৩ ।।।।
59.133
এতেন চাত্যদ্ভুতদর্শনানি শরৈর্জনস্থানকৃতালয়ানি ।
চতুর্দশান্যাত্তবরায়ুধানি রক্ষস্সহস্রাণি নিষূদিতানি ।। ৬.৫৯.১৩৪ ।।।।
59.134
রাঘবস্য বচঃ শ্রুত্বা রাক্ষসেন্দ্রো মহাকপিম্ ।
বায়ুপুত্রং মহাবীর্যং বহন্তং রাঘবং রণে ।আজঘান শরৈস্তীক্ষ্ণৈঃ কালানলশিখোপমৈঃ ।। ৬.৫৯.১৩৫ ।।।।
59.135
রাক্ষসেনাহবে তস্য তাডিতস্যাপি সায়কৈঃ ।
স্বভাবতেজোয়ুক্তস্য ভূয়স্তেজো ঽভ্যবর্ধত ।। ৬.৫৯.১৩৬ ।।।।
59.136
ততো রামো মহাতেজা রাবণেন কৃতব্রণম্ ।
দৃষ্ট্বা প্লবগশার্দূলং কোপস্য বশমেয়িবান্ ।। ৬.৫৯.১৩৭ ।।।।
59.137
তস্যাভিচঙ্ক্রম্য রথং সচক্রং সাশ্বধ্বজচ্ছত্রমহাপতাকম্ ।
সসারথিং সাশনিশূলখড্গং রামঃ প্রচিচ্ছেদ শরৈঃ সুপুঙ্খৈঃ ।। ৬.৫৯.১৩৮ ।।।।
59.138
অথেন্দ্রশত্রুং তরসা জঘান বাণেন বজ্রাশনিসন্নিভেন ।
ভুজান্তরে ব্যূঢসুজাতরূপে বজ্রেণ মেরুং ভগবানিবেন্দ্রঃ ।। ৬.৫৯.১৩৯ ।।।।
59.139
যো বজ্রপাতাশনিসন্নিপাতান্ন চুক্ষুভে নাপি চচাল রাজা ।
স রামবাণাভিহতো ভৃশার্তশ্চচাল চাপং চ মুমোচ বীরঃ ।। ৬.৫৯.১৪০ ।।।।
59.140
তং বিহ্বলন্তং প্রসমীক্ষ্য রামঃ সমাদদে দীপ্তমথার্ধচন্দ্রম্ ।
তেনার্কবর্ণং সহসা কিরীটং চিচ্ছেদ রক্ষোধিপতের্মহাত্মা ।। ৬.৫৯.১৪১ ।।।।
59.141
তং নির্বিষাশীবিষসন্নিকাশং শান্তার্চিষং সূর্যমিবাপ্রকাশম্ ।
গতশ্রিয়ং কৃত্তকিরীটকূটমুবাচ রামো যুধি রাক্ষসেন্দ্রম্ ।। ৬.৫৯.১৪২ ।।।।
59.142
কৃতং ত্বয়া কর্ম মহৎ সুভীমং হতপ্রবীরশ্চ কৃতস্ত্বয়া ঽহম্ ।
তস্মাৎ পরিশ্রান্ত ইব ব্যবস্য ন ত্বাং শরৈর্মৃত্যুবশং নয়ামি ।। ৬.৫৯.১৪৩ ।।।।
59.143
গচ্ছানুজানামি রণার্দিতস্ত্বং প্রবিশ্য রাত্রিংচররাজ লঙ্কাম্ ।
আশ্বাস্য নির্যাহি রথী চ ধন্বী তদা বলং দ্রক্ষ্যসি মে রথস্থঃ ।। ৬.৫৯.১৪৪ ।।।।
59.144
স এবমুক্তো হতদর্পহর্ষো নিকৃত্তচাপঃ স হতাশ্বসূতঃ ।
শরার্দিতঃ কৃত্তমহাকিরীটো বিবেশ লঙ্কাং সহসা স রাজা ।। ৬.৫৯.১৪৫ ।।।।
59.145
তস্মিন্ প্রবিষ্টে রজনীচরেন্দ্রে মহাবলে দানবদেবশত্রৌ ।
হরীন্ বিশল্যান্ সহ লক্ষ্মণেন চকার রামঃ পরমাহবাগ্রে ।। ৬.৫৯.১৪৬ ।।।।
59.146
তস্মিন্ প্রভিন্নে ত্রিদশেন্দ্রশত্রৌ সুরাসুরা ভূতগণা দিশশ্চ ।
সসাগরাঃ সর্ষিমহোরাগাশ্চ তথৈব ভূম্যম্বুচরাশ্চ হৃষ্টাঃ ।। ৬.৫৯.১৪৭ ।।