Utshovসর্গ 58
58.1
ততঃ প্রহস্তং নির্যান্তং দৃষ্ট্বা ভীমপরাক্রমম্ ।
উবাচ সস্মিতং রামো বিভীষণমরিন্দমঃ ।। ৬.৫৮.১ ।।।।
58.2
ক এষ সুমহাকায়ো বলেন মহতা বৃতঃ ।
আচক্ষ্ব মে মহাবাহো বীর্যবন্তং নিশাচরম্ ।। ৬.৫৮.২ ।।।।
58.3
রাঘবস্য বচঃ শ্রুত্বা প্রত্যুবাচ বিভীষণঃ ।
। ৬.৫৮.৩ ।।।।
58.4
এষ সেনাপতিস্তস্য প্রহস্তো নাম রাক্ষসঃ ।
লঙ্কায়াং রাক্ষসেন্দ্রস্য ত্রিভাগবলসংবৃতঃ ।বীর্যবানস্ত্রবিচ্ছূরঃ প্রখ্যাতশ্চ পরাক্রমে ।। ৬.৫৮.৪ ।।।।
58.5
ততঃ প্রহস্তং নির্যান্তং ভীমং ভীমপরাক্রমম্ ।
গর্জন্তং সুমহাকায়ং রাক্ষসৈরভিসংবৃতম্ ।। ৬.৫৮.৫ ।।।।
58.6
দদর্শ মহতী সেনা বানরাণাং বলীয়সাম্ ।
অতিসঞ্জাতরোষাণাং প্রহস্তমভিগর্জতাম্ ।। ৬.৫৮.৬ ।।।।
58.7
খড্গশক্ত্যৃষ্টিবাণাশ্চ শূলানি মুসলানি চ ।
গদাশ্চ পরিঘাঃ প্রাসা বিবিধাশ্চ পরশ্বধাঃ ।। ৬.৫৮.৭ ।।।।
58.8
ধনূংষি চ বিচিত্রাণি রাক্ষসানাং জয়ৈষিণাম্ ।
প্রগৃহীতান্যশোভন্ত বানরানভিধাবতাম্ ।। ৬.৫৮.৮ ।।।।
58.9
জগৃহুঃ পাদপাংশ্চাপি পুষ্পিতান্ বানরর্ষভাঃ ।
শিলাশ্চ বিপুলা দীর্ঘা যোদ্ধুকামাঃ প্লবঙ্গমাঃ ।। ৬.৫৮.৯ ।।।।
58.10
তেষামন্যোন্যমাসাদ্য সঙ্গ্রামঃ সুমহানভূৎ ।
বহূনামশ্মবৃষ্টিং চ শরবৃষ্টিং চ বর্ষতাম্ ।। ৬.৫৮.১০ ।।।।
58.11
বহবো রাক্ষসা যুদ্ধে বহূন্ বানরয়ূথপান্ ।
বানরা রাক্ষসাংশ্চাপি নিজঘ্নুর্বহবো বহূন্ ।। ৬.৫৮.১১ ।।।।
58.12
শূলৈঃ প্রমথিতাঃ কেচিৎ কেচিচ্চ পরমায়ুধৈঃ ।
পরিঘৈরাহতাঃ কেচিৎ কেচিচ্ছিন্নাঃ পরশ্বধৈঃ ।। ৬.৫৮.১২ ।।।।
58.13
নিরুচ্ছ্বাসাঃ কৃতাঃ কেচিৎ পতিতা ধরণীতলে ।
বিভিন্নহৃদয়াঃ কেচিদিষুসন্ধানসন্দিতাঃ ।। ৬.৫৮.১৩ ।।।।
58.14
কেচিদ্দ্বিধা কৃতাঃ খড্গৈঃ স্ফুরন্তঃ পতিতা ভুবি ।
বানরা রাক্ষসৈঃ শূলৈঃ পার্শ্বতশ্চাবদারিতাঃ ।। ৬.৫৮.১৪ ।।।।
58.15
বানরৈশ্চাপি সঙ্ক্রুদ্ধৈ রাক্ষসৌঘাঃ সমন্ততঃ ।
পাদপৈর্গিরিশৃঙ্গৈশ্চ সম্পিষ্টা বসুধাতলে ।। ৬.৫৮.১৫ ।।।।
58.16
বজ্রস্পর্শতলৈর্হস্তৈর্মুষ্টিভিশ্চ হতা ভৃশম্ ।
বৈমুঃ শোণিতমাস্যেভ্যো বিশীর্ণদশনেক্ষণাঃ ।। ৬.৫৮.১৬ ।।।।
58.17
আর্তস্বনং চ স্বনতাং সিংহনাদং চ নর্দতাম্ ।
বভূব তুমুলঃ শব্দো হরীণাং রক্ষসাং যুধি ।। ৬.৫৮.১৭ ।।।।
58.18
বানরা রাক্ষসাঃ ক্রুদ্ধা বীরমার্গমনুব্রতাঃ ।
বিবৃত্তনয়নাঃ ক্রূরাশ্চক্রুঃ কর্মাণ্যভীতবৎ ।। ৬.৫৮.১৮ ।।।।
58.19
নরান্তকঃ কুম্ভহনুর্মহানাদঃ সমুন্নতঃ ।
এতে প্রহস্তসচিবাঃ সর্বে জঘ্নুর্বনৌকসঃ ।। ৬.৫৮.১৯ ।।।।
58.20
তেষামাপততাং শীঘ্রং নিঘ্নতাং চাপি বানরান্ ।
দ্বিবিদো গিরিশৃঙ্গেণ জঘানৈকং নরান্তকম্ ।। ৬.৫৮.২০ ।।।।
58.21
দুর্মুখঃ পুনরুত্থায় কপিঃ স বিপুলদ্রুমম্ ।
রাক্ষসং ক্ষিপ্রহস্তস্তু সমুন্নতমপোথয়ৎ ।। ৬.৫৮.২১ ।।।।
58.22
জাম্ববাংস্তু সুসঙ্ক্রুদ্ধঃ প্রগৃহ্য মহতীং শিলাম্ ।
পাতয়ামাস তেজস্বী মহানাদস্য বক্ষসি ।। ৬.৫৮.২২ ।।।।
58.23
অথ কুম্ভহনুস্তত্র তারেণাসাদ্য বীর্যবান্ ।
বৃক্ষেণাভিহতো মূর্ধ্নি প্রাণান্ সন্ত্যাজয়দ্রণে ।। ৬.৫৮.২৩ ।।।।
58.24
অমৃষ্যমাণস্তত্কর্ম প্রহস্তো রথমাস্থিতঃ ।
চকার কদনং ঘোরং ধনুষ্পাণির্বনৌকসাম্ ।। ৬.৫৮.২৪ ।।।।
58.25
আবর্ত ইব সঞ্জজ্ঞে উভয়োঃ সেনয়োস্তদা ।
ক্ষুভিতস্যাপ্রমেয়স্য সাগরস্যেব নিস্বনঃ ।। ৬.৫৮.২৫ ।।।।
58.26
মহতা হি শরৌঘেণ প্রহস্তো যুদ্ধকোবিদঃ ।
অর্দয়ামাস সঙ্ক্রুদ্ধো বানরান্ পরমাহবে ।। ৬.৫৮.২৬ ।।।।
58.27
বানরাণাং শরীরৈশ্চ রাক্ষসানাং চ মেদিনী ।
বভূব নিচিতা ঘোরা পতিতৈরিব পর্বতৈঃ ।। ৬.৫৮.২৭ ।।।।
58.28
সা মহী রুধিরৌঘেণ প্রচ্ছন্না সম্প্রকাশতে ।
সঞ্ছন্না মাধবে মাসি পলাশৈরিব পুষ্পিতৈঃ ।। ৬.৫৮.২৮ ।।।।
58.29
হতবীরৌঘবপ্রাং তু ভগ্নায়ুধমহাদ্রুমাম্ ।
শোণিতৌঘমহাতোয়াং যমসাগরগমিনীম্ ।। ৬.৫৮.২৯ ।।।।
58.30
যকৃত্প্লীহমহাপঙ্কাং বিনিকীর্ণান্ত্রশৈবলাম্ ।
ভিন্নকায়শিরোমীনামঙ্গাবয়বশাদ্বলাম্ ।। ৬.৫৮.৩০ ।।।।
58.31
গৃধ্রহংসগণাকীর্ণাং কঙ্কসারসসেবিতাম্ ।
মেদঃফেনসমাকীর্ণামার্তস্তনিতনিস্বনাম্ ।তাং কাপুরুষদুস্তারাং যুদ্ধভূমিময়ীং নদীম্ ।। ৬.৫৮.৩১ ।।।।
58.32
নদীমিব ঘনাপায়ে হংসসারসসেবিতাম্ ।
রাক্ষসাঃ কপিমুখ্যাশ্চ তেরুস্তাং দুস্তরাং নদীম্ ।। ৬.৫৮.৩২ ।।।।
58.33
যথা পদ্মরজোধ্বস্তাং নলিনীং গজয়ূথপাঃ ।
। ৬.৫৮.৩৩ ।।।।
58.34
ততঃ সৃজন্তং বাণৌঘান্ প্রহস্তং স্যন্দনে স্থিতম্ ।
দদর্শ তরসা নীলো বিনিঘ্নন্তং প্লবঙ্গমান্ ।। ৬.৫৮.৩৪ ।।।।
58.35
উদ্ধূত ইব বায়ুঃ খে মহদভ্রবলং বলাৎ ।
সমীক্ষ্যাভিদ্রুতং যুদ্ধে প্রহস্তো বাহিনীপতিঃ ।রথেনাদিত্যবর্ণেন নীলমেবাভিদুদ্রুবে ।। ৬.৫৮.৩৫ ।।।।
58.36
স ধনুর্ধন্বিনাং শ্রেষ্ঠো বিকৃষ্য পরমাহবে ।
নীলায় ব্যসৃজদ্বাণান্ প্রহস্তো বাহিনীপতিঃ ।। ৬.৫৮.৩৬ ।।।।
58.37
তে প্রাপ্য বিশিখা নীলং বিনির্ভিদ্য সমাহিতাঃ ।
মহীং জগ্মুর্মহাবেগা রুষিতা ইব পন্নগাঃ ।। ৬.৫৮.৩৭ ।।।।
58.38
নীলঃ শরৈরভিহতো নিশিতৈর্জ্বলনোপমৈঃ ।
স তং পরমদুর্ধর্ষমাপতন্তং মহাকপিঃ ।। ৬.৫৮.৩৮ ।।।।
58.39
প্রহস্তং তাডয়ামাস বৃক্ষমুত্পাট্য বীর্যবান্ ।
। ৬.৫৮.৩৯ ।।।।
58.40
স তেনাভিহতঃ ক্রুদ্ধো নদন্ রাক্ষসপুঙ্গবঃ ।
ববর্ষ শরবর্ষাণি প্লবঙ্গানাং চমূপতৌ ।। ৬.৫৮.৪০ ।।।।
58.41
তস্য বাণগণান্ ঘোরান্ রাক্ষসস্য মহাবলঃ ।
অপারয়ন্ বারয়িতুং প্রত্যগৃহ্ণান্নিমীলিতঃ ।। ৬.৫৮.৪১ ।।।।
58.42
যথৈব গোবৃষো বর্ষং শারদং শীঘ্রমাগতম্ ।
এবমেব প্রহস্তস্য শরবর্ষং দুরাসদম্ ।নিমীলিতাক্ষঃ সহসা নীলঃ সেহে সুদারুণম্ ।। ৬.৫৮.৪২ ।।।।
58.43
রোষিতঃ শরবর্ষেণ সালেন মহতা মহান্ ।
প্রজঘান হয়ান্নীলঃ প্রহস্তস্য মনোজবান্ ।। ৬.৫৮.৪৩ ।।।।
58.44
ততঃ স চাপমুদ্গৃহ্য প্রহস্তস্য মহাবলঃ ।
বভঞ্জ তরসা নীলো ননাদ চ পুনঃপুনঃ ।। ৬.৫৮.৪৪ ।।।।
58.45
বিধনুস্তু কৃতস্তেন প্রহস্তো বাহিনীপতিঃ ।
প্রগৃহ্য মুসলং ঘোরং স্যন্দনাদবপুপ্লুবে ।। ৬.৫৮.৪৫ ।।।।
58.46
তাবুভৌ বাহিনীমুখ্যৌ জাতবৈরৌ তরস্বিনৌ ।
স্থিতৌ ক্ষতজদিগ্ধাঙ্গৌ প্রভিন্নাবিব কুঞ্জরৌ ।। ৬.৫৮.৪৬ ।।।।
58.47
উল্লিখন্তৌ সুতীক্ষ্ণাভির্দংষ্ট্রাভিরিতরেতরম্ ।
সিংহশার্দূলসদৃশৌ সিংহশার্দূলচেষ্টিতৌ ।। ৬.৫৮.৪৭ ।।।।
58.48
বিক্রান্তবিজয়ৌ বীরৌ সমরেষ্বনিবর্তিনৌ ।
কাঙ্ক্ষমাণৌ যশঃ প্রাপ্তুং বৃত্রবাসবয়োঃ সমৌ ।। ৬.৫৮.৪৮ ।।।।
58.49
আজঘান তদা নীলং ললাটে মুসলেন সঃ ।
প্রহস্তঃ পরমায়ত্তস্তস্য সুস্রাব শোণিতম্ ।। ৬.৫৮.৪৯ ।।।।
58.50
ততঃ শোণিতদিগ্ধাঙ্গঃ প্রগৃহ্য সুমহাতরুম্ ।
প্রহস্তস্যোরসি ক্রুদ্ধো বিসসর্জ মহাকপিঃ ।। ৬.৫৮.৫০ ।।।।
58.51
তমচিন্ত্য প্রহারং স প্রগৃহ্য মুসলং মহৎ ।
অভিদুদ্রাব বলিনং বলান্নীলং প্লবঙ্গমম্ ।। ৬.৫৮.৫১ ।।।।
58.52
তমুগ্রবেগং সংরব্ধমাপতন্তং মহাকপিঃ ।
ততঃ সম্প্রেক্ষ্য জগ্রাহ মহাবেগো মহাশিলাম্ ।। ৬.৫৮.৫২ ।।।।
58.53
তস্য যুদ্ধাভিকামস্য মৃধে মুসলয়োধিনঃ ।
প্রহস্তস্য শিলাং নীলো মূর্ধ্নি তূর্ণমপাতয়ৎ ।। ৬.৫৮.৫৩ ।।।।
58.54
সা তেন কপিমুখ্যেন বিমুক্তা মহতী শিলা ।
বিভেদ বহুধা ঘোরা প্রহস্তস্য শিরস্তদা ।। ৬.৫৮.৫৪ ।।।।
58.55
স গতাসুর্গতশ্রীকো গতসত্ত্বো গতেন্দ্রিয়ঃ ।
পপাত সহসা ভূমৌ ছিন্নমূল ইব দ্রুমঃ ।। ৬.৫৮.৫৫ ।।।।
58.56
প্রভিন্নশিরসস্তস্য বহু সুস্রাব শোণিতম্ ।
শরীরাদপি সুস্রাব গিরেঃ প্রস্রবণং যথা ।। ৬.৫৮.৫৬ ।।।।
58.57
হতে প্রহস্তে নীলেন তদকম্প্যং মহদ্বলম্ ।
রক্ষসামপ্রহৃষ্টানাং লঙ্কামভিজগাম হ ।। ৬.৫৮.৫৭ ।।।।
58.58
ন শেকুঃ সমরে স্থাতুং নিহতে বাহিনীপতৌ ।
সেতুবন্ধং সমাসাদ্য বিকীর্ণং সলিলং যথা ।। ৬.৫৮.৫৮ ।।।।
58.59
হতে তস্মিংশ্চমূমুখ্যে রাক্ষসাস্তে নিরুদ্যমাঃ ।
রক্ষঃপতিগৃহং গত্বা ধ্যানমূকত্বমাস্থিতাঃ ।প্রাপ্তাঃ শোকার্ণবং তীব্রং নিস্সঞ্জ্ঞা ইব তে ঽভবন্ ।। ৬.৫৮.৫৯ ।।।।
58.60
ততস্তু নীলো বিজয়ী মহাবলঃ প্রশস্যমানঃ স্বকৃতেন কর্মণা ।
সমেত্য রামেণ সলক্ষ্মণেন চ প্রহৃষ্টরূপস্তু বভূব যূথপঃ ।। ৬.৫৮.৬০ ।।