Utshovসর্গ 60
60.1
স প্রবিশ্য পুরীং লঙ্কাং রামবাণভয়ার্দিতঃ ।
ভগ্নদর্পস্তদা রাজা বভূব ব্যথিতেন্দ্রিয়ঃ ।। ৬.৬০.১ ।।।।
60.2
মাতঙ্গ ইব সিংহেন গরুডেনেব পন্নগঃ ।
অভিভূতো ঽভবদ্রাজা রাঘবেণ মহাত্মনা ।। ৬.৬০.২ ।।।।
60.3
ব্রহ্মদণ্ডপ্রকাশানাং বিদ্যুত্সদৃশবর্চসাম্ ।
স্মরন্ রাঘববাণানাং বিব্যথে রাক্ষসেশ্বরঃ ।। ৬.৬০.৩ ।।।।
60.4
স কাঞ্চনময়ং দিব্যমাশ্রিত্য পরমাসনম্ ।
বিপ্রেক্ষমাণো রক্ষাংসি রাবণো বাক্যমব্রবীৎ ।। ৬.৬০.৪ ।।।।
60.5
সর্বং তৎ খলু মে মোঘং যত্তপ্তং পরমং তপঃ ।
যৎ সমানো মহেন্দ্রেণ মানুষেণাস্মি নির্জিতঃ ।। ৬.৬০.৫ ।।।।
60.6
ইদং তদ্ব্রহ্মণো ঘোরং বাক্যং মামভ্যুপস্থিতম্ ।
মানুষেভ্যো বিজানীহি ভয়ং ত্বমিতি তত্তথা ।। ৬.৬০.৬ ।।।।
60.7
দেবদানবগন্ধর্বৈর্যক্ষরাক্ষসপন্নগৈঃ ।
অবধ্যত্বং ময়া প্রাপ্তং মানুষেভ্যো ন যাচিতম্ ।। ৬.৬০.৭ ।।।।
60.8
বিদিতং মানুষং মন্যে রামং দশরথাত্মজম্ ।
ইক্ষ্বাকুকুলনাথেন অনরণ্যেন যত্পুরা ।। ৬.৬০.৮ ।।।।
60.9
উত্পত্স্যতে হি মদ্বংশে পুরুষো রাক্ষসাধম ।
যস্ত্বাং সপুত্রং সামাত্যং সবলং সাশ্বসারথিম্ ।নিহনিষ্যতি সঙ্গ্রামে ত্বাং কুলাধম দুর্মতে ।। ৬.৬০.৯ ।।।।
60.10
শপ্তো ঽহং বেদবত্যা চ যদা সা ধর্ষিতা পুরা ।
সেয়ং সীতা মহাভাগা জাতা জনকনন্দিনী ।। ৬.৬০.১০ ।।।।
60.11
উমা নন্দীশ্বরশ্চাপি রম্ভা বরুণকন্যকা ।
যথোক্তাস্তপসা প্রাপ্তং ন মিথ্যা ঋষিভাষিতম্ ।। ৬.৬০.১১ ।।।।
60.12
এতদেবাভ্যুপাগম্য যত্নং কর্তুমিহার্হথ ।
রাক্ষসাশ্চাপি তিষ্ঠন্তু চর্যাগোপুরমূর্দ্ধসু ।। ৬.৬০.১২ ।।।।
60.13
স চাপ্রতিমগাম্ভীরো দেবদানবদর্পহা ।
ব্রহ্মশাপাভিভূতস্তু কুম্ভকর্ণো বিবোধ্যতাম্ ।। ৬.৬০.১৩ ।।।।
60.14
স পরাজিতমাত্মানং প্রহস্তং চ নিষূদিতম্ ।
জ্ঞাত্বা রক্ষোবলং ভীমমাদিদেশ মহাবলঃ ।। ৬.৬০.১৪ ।।।।
60.15
দ্বারেষু যত্নঃ ক্রিয়তাং প্রাকারশ্চাধিরুহ্যতাম্ ।
নিদ্রাবশসমাবিষ্টঃ কুম্ভকর্ণো বিবোধ্যতাম্ ।। ৬.৬০.১৫ ।।।।
60.16
সুখং স্বপিতি নিশ্চিন্তঃ কালোপহতচেতনঃ ।
নব ষট্ সপ্ত চাষ্টৌ চ মাসান্ স্বপিতি রাক্ষসঃ ।। ৬.৬০.১৬ ।।।।
60.17
মন্ত্রয়িত্বা প্রসুপ্তো ঽয়মিতস্তু নবমে ঽহনি ।
তং তু বোধয়ত ক্ষিপ্রং কুম্ভকর্ণং মহাবলম্ ।। ৬.৬০.১৭ ।।।।
60.18
স তু সঙ্খ্যে মহাবাহুঃ ককুদঃ সর্বরক্ষসাম্ ।
বানরান্ রাজপুত্রৌ চ ক্ষিপ্রমেব বধিষ্যতি ।। ৬.৬০.১৮ ।।।।
60.19
এষ কেতুঃ পরঃ সঙ্খ্যে মুখ্যো বৈ সর্বরক্ষসাম্ ।
কুম্ভকর্ণঃ সদা শেতে মূঢো গ্রাম্যসুখে রতঃ ।। ৬.৬০.১৯ ।।।।
60.20
রামেণ হি নিরস্তস্য সঙ্গ্রামে ঽস্মিন্ সুদারুণে ।
ভবিষ্যতি ন মে শোকঃ কুম্ভকর্ণে বিবোধিতে ।। ৬.৬০.২০ ।।।।
60.21
কিং করিষ্যাম্যহং তেন শক্রতুল্যবলেন হি ।
ঈদ্দশে ব্যসনে প্রাপ্তে যো ন সাহ্যায় কল্পতে ।। ৬.৬০.২১ ।।।।
60.22
তে তু তদ্বচনং শ্রুত্বা রাক্ষসেন্দ্রস্য রাক্ষসাঃ ।
জগ্মুঃ পরমসম্ভ্রান্তাঃ কুম্ভকর্ণনিবেশনম্ ।। ৬.৬০.২২ ।।।।
60.23
তে রাবণসমাদিষ্টা মাংসশোণিতভোজনাঃ ।
গন্ধমাল্যাংস্তথা ভক্ষ্যানাদায় সহসা যয়ুঃ ।। ৬.৬০.২৩ ।।।।
60.24
তাং প্রবিশ্য মহাদ্বারাং সর্বতো যোজনায়তাম্ ।
কুম্ভকর্ণগুহাং রম্যাং সর্বগন্ধপ্রবাহিনীম্ ।। ৬.৬০.২৪ ।।।।
60.25
কুম্ভকর্ণস্য নিশ্বাসাদবধূতা মহাবলাঃ ।
প্রতিষ্ঠমানাঃ কৃচ্ছ্রেণ যত্নাৎ প্রবিবিশুর্গুহাম্ ।। ৬.৬০.২৫ ।।।।
60.26
তাং প্রবিশ্য গুহাং রম্যাং শুভাং কাঞ্চনকুট্টিমাম্ ।
দদৃশুর্নৈর্ঋতব্যাঘ্রং শয়ানং ভীমদর্শনম্ ।। ৬.৬০.২৬ ।।।।
60.27
তে তু তং বিকৃতং সুপ্তং বিকীর্ণমিব পর্বতম্ ।
কুম্ভকর্ণং মহানিদ্রং সহিতাঃ প্রত্যবোধয়ন্ ।। ৬.৬০.২৭ ।।।।
60.28
ঊর্ধ্বরোমাঞ্চিততনুং শ্বসন্তমিব পন্নগম্ ।
ত্রাসয়ন্তং মহাশ্বাসৈঃ শয়ানং ভীমদর্শনম্ ।। ৬.৬০.২৮ ।।।।
60.29
ভীমনাসাপুটং তং তু পাতালবিপুলাননম্ ।
শয্যায়াং ন্যস্তসর্বাঙ্গং মেদোরুধিরগন্ধিনম্ ।। ৬.৬০.২৯ ।।।।
60.30
কাঞ্চনাঙ্গদনদ্ধাঙ্গং কিরীটিনমরিন্দমম্ ।
দদৃশুর্নৈর্ঋতব্যাঘ্রং কুম্ভকর্ণং মহাবলম্ ।। ৬.৬০.৩০ ।।।।
60.31
ততশ্চক্রুর্মহাত্মানঃ কুম্ভকর্ণাগ্রতস্তদা ।
মাংসানাং মেরুসঙ্কাশং রাশিং পরমতর্পণম্ ।। ৬.৬০.৩১ ।।।।
60.32
মৃগাণাং মহিষাণাং চ বরাহাণাং চ সঞ্চয়ান্ ।
চকুর্নৈর্ঋতশার্দূলা রাশিমন্নস্য চাদ্ভুতম্ ।। ৬.৬০.৩২ ।।।।
60.33
ততঃ শোণিতকুম্ভাংশ্চ মদ্যানি বিবিধানি চ ।
। ৬.৬০.৩৩ ।।।।
60.34
পুরস্তাৎ কুম্ভকর্ণস্য চকুস্ত্রিদশশত্রবঃ ।
লিলিপুশ্চ পরার্ধ্যেন চন্দনেন পরন্তপম্ ।। ৬.৬০.৩৪ ।।।।
60.35
দিব্যৈরাচ্ছাদয়ামাসুর্মাল্যৈর্গন্ধৈঃ সুগন্ধিভিঃ ।
ধূপং সুগন্ধং সসৃজুস্তুষ্টুবুশ্চ পরন্তপম্ ।। ৬.৬০.৩৫ ।।।।
60.36
জলদা ইব চোন্নেদুর্যাতুধানাস্ততস্ততঃ ।
শঙ্খানাপূরয়ামাসুঃ শশাঙ্কসদৃশপ্রভান্ ।তুমুলং যুগপচ্চাপি বিনেদুশ্চাপ্যমর্ষিতাঃ ।। ৬.৬০.৩৬ ।।।।
60.37
নেদুরাস্ফোটয়ামাসুশ্চিক্ষিপুস্তে নিশাচরাঃ ।
কুম্ভকর্ণবিবোধার্থং চক্রুস্তে বিপুলং স্বনম্ ।। ৬.৬০.৩৭ ।।।।
60.38
সশঙ্খভেরীপণবপ্রণাদমাস্ফোটিতক্ষ্বেলিতসিংহনাদম্ ।
দিশো দ্রবন্তস্ত্রিদিবং কিরন্তঃ শ্রুত্বা বিহঙ্গাঃ সহসা নিপেতুঃ ।। ৬.৬০.৩৮ ।।।।
60.39
যদা ভৃশার্তৈর্নিনদৈর্মহাত্মা ন কুম্ভকর্ণো বুবুধে প্রসুপ্তঃ ।
ততো মুসুণ্ঠীর্মুসলানি সর্বে রক্ষোগণাস্তে জগৃহুর্গদাশ্চ ।। ৬.৬০.৩৯ ।।।।
60.40
তং শৈলশৃঙ্গৈর্মুসলৈর্গদাভির্বৃক্ষৈস্তলৈর্মুদ্গরমুষ্টিভিশ্চ ।
সুখপ্রসুপ্তং ভুবি কুম্ভকর্ণং রক্ষাংস্যুদগ্রাণি তদা নিজঘ্নুঃ ।। ৬.৬০.৪০ ।।।।
60.41
তস্য নিঃশ্বাসবাতেন কুম্ভকর্ণস্য রক্ষসঃ ।
রাক্ষসা বলবন্তো ঽপি স্থাতুং নাশক্নুবন্ পুরঃ ।। ৬.৬০.৪১ ।।।।
60.42
ততঃ পরিহিতা গাঢং রাক্ষসা ভীমবিক্রমাঃ ।
। ৬.৬০.৪২ ।।।।
60.43
মৃদঙ্গপণবান্ ভেরীঃ শঙ্খকুম্ভগণাংস্তদা ।
দশরাক্ষসসাহস্রা যুগপৎ পর্যবাদয়ন্ ।। ৬.৬০.৪৩ ।।।।
60.44
নীলাঞ্জনচয়াকারাস্তে তু তং প্রত্যবোধয়ন্ ।
অভিঘ্নন্তো নদন্তশ্চ নৈব সংবিবিদে তু সঃ ।। ৬.৬০.৪৪ ।।।।
60.45
যদা চৈনং ন শেকুস্তে প্রতিবোধয়িতুং তদা ।
ততো গুরুতরং যত্নং দারুণং সমুপাক্রমন্ ।। ৬.৬০.৪৫ ।।।।
60.46
অশ্বানুষ্ট্রান্ খরান্নাগান্ জঘ্নুর্দণ্ডকশাঙ্কুশৈঃ ।
ভেরীশঙ্খমৃদঙ্গাংশ্চ সর্বপ্রাণৈরবাদয়ন্ ।। ৬.৬০.৪৬ ।।।।
60.47
নিজঘ্নুশ্চাস্য গাত্রাণি মহাকাষ্ঠকটঙ্করৈঃ ।
মুদ্গরৈর্মুসলৈশ্চৈব সর্বপ্রাণসমুদ্যতৈঃ ।। ৬.৬০.৪৭ ।।।।
60.48
তেন শব্দেন মহতা লঙ্কা সমভিপূরিতা ।
সপর্বতবনা সর্বা সো ঽপি নৈব প্রবুধ্যতে ।। ৬.৬০.৪৮ ।।।।
60.49
ততঃ সহস্রং ভেরীণাং যুগপৎ সমহন্যত ।
মৃষ্টকাঞ্চনকোণানামাসক্তানাং সমন্ততঃ ।। ৬.৬০.৪৯ ।।।।
60.50
এবমপ্যতিনিদ্রস্তু যদা নৈব প্রবুধ্যতে ।
শাপস্য বশমাপন্নস্ততঃ ক্রুদ্ধা নিশাচরাঃ ।মহাক্রোধসমাবিষ্টাঃ সর্বে ভীমপরাক্রমাঃ ।। ৬.৬০.৫০ ।।।।
60.51
তদ্রক্ষো বোধয়িষ্যন্তশ্চক্রুরন্যে পরাক্রমম্ ।
। ৬.৬০.৫১ ।।।।
60.52
স্ততঃ ক্রুদ্ধা নিশাচরাঃ ।
অন্যে ভেরীঃ সমাজঘ্নুরন্যে চক্রুর্মহাস্বনম্ ।কেশানন্যে প্রলুলুপুঃ কর্ণাবন্যে দশন্তি চ ।। ৬.৬০.৫২ ।।।।
60.53
উদকুম্ভশতান্যন্যে সমসিঞ্চন্ত কর্ণয়োঃ ।
ন কুম্ভকর্ণঃ পস্পন্দে মহানিদ্রাবশং গতঃ ।। ৬.৬০.৫৩ ।।।।
60.54
অন্যে চ বলিনস্তস্য কূটমুদ্গরপাণয়ঃ ।
মূর্ধ্নি বক্ষসি গাত্রেষু পাতয়ন্ কূটমুদ্গরান্ ।। ৬.৬০.৫৪ ।।।।
60.55
রজ্জুবন্ধনবদ্ধাভিঃ শতঘ্নীভিশ্চ সর্বতঃ ।
বধ্যমানো মহাকায়ো ন প্রাবুধ্যত রাক্ষসঃ ।। ৬.৬০.৫৫ ।।।।
60.56
বারণানাং সহস্রং তু শরীরে ঽস্য প্রধাবিতম্ ।
কুম্ভকর্ণস্ততো বুদ্ধঃ স্পর্শং পরমবুধ্যত ।। ৬.৬০.৫৬ ।।।।
60.57
স পাত্যমানৈর্গিরিশৃঙ্গবৃক্ষৈরচিন্তয়ংস্তান্ বিপুলান্ প্রহারান্ ।
নিদ্রাক্ষয়াৎ ক্ষুদ্ভয়পীডিতশ্চ বিজৃম্ভমাণঃ সহসোত্পপাত ।। ৬.৬০.৫৭ ।।।।
60.58
স নাগভোগাচলশৃঙ্গকল্পৌ বিক্ষিপ্য বাহূ গিরিশৃঙ্গসারৌ ।
বিবৃত্য বক্ত্রং বডবামুখাভং নিশাচরো ঽসৌ বিকৃতং জজৃম্ভে ।। ৬.৬০.৫৮ ।।।।
60.59
তস্য জাজৃম্ভমাণস্য বক্ত্রং পাতালসন্নিভম্ ।
দদৃশে মেরুশৃঙ্গাগ্রে দিবাকর ইবোদিতঃ ।। ৬.৬০.৫৯ ।।।।
60.60
স জৃম্ভমাণো ঽতিবলঃ প্রতিবুদ্ধো নিশাচরঃ ।
নিঃশ্বাসশ্চাস্য সঞ্জজ্ঞে পর্বতাদিব মারুতঃ ।। ৬.৬০.৬০ ।।।।
60.61
রূপমুত্তিষ্ঠতস্তস্য কুম্ভকর্ণস্য তদ্বভৌ ।
তপান্তে সবলাকস্য মেঘস্যেব বিবর্ষতঃ ।। ৬.৬০.৬১ ।।।।
60.62
তস্য দীপ্তাগ্নিসদৃশে বিদ্যুত্সদৃশবর্চসী ।
দদৃশাতে মহানেত্রে দীপ্তাবিব মহাগ্রহৌ ।। ৬.৬০.৬২ ।।।।
60.63
ততস্ত্বদর্শয়ন্ সর্বান্ ভক্ষ্যাংশ্চ বিবিধান্ বহূন্ ।
বরাহান্ মহিষাংশ্চৈব স বভক্ষ মহাবলঃ ।। ৬.৬০.৬৩ ।।।।
60.64
অদন্ বুভুক্ষিতো মাংসং শোণিতং তৃষিতঃ পিবন্ ।
মেদঃকুম্ভাংশ্চ মদ্যং চ পপৌ শক্ররিপুস্তদা ।। ৬.৬০.৬৪ ।।।।
60.65
ততস্তৃপ্ত ইতি জ্ঞাত্বা সমুত্পেতুর্নিশাচরাঃ ।
শিরোভিশ্চ প্রণম্যৈনং সর্বতঃ পর্যবারয়ন্ ।। ৬.৬০.৬৫ ।।।।
60.66
নিদ্রাবিশ ঽদনেত্রস্তু কলুষীকৃতলোচনঃ ।
চারয়ন্ সর্বতো দৃষ্টিং তান্ দদর্শ নিশাচরান্ ।। ৬.৬০.৬৬ ।।।।
60.67
স সর্বান্ সান্ত্বয়ামাস নৈর্ঋতান্নৈর্ঋতর্ষভঃ ।
বোধনাদ্ বিস্মিতশ্চাপি রাক্ষসানিদমব্রবীৎ ।। ৬.৬০.৬৭ ।।।।
60.68
কিমর্থমহমাদৃত্য ভবদ্ভিঃ প্রতিবোধিতঃ ।
কচ্চিৎ সুকুশলং রাজ্ঞো ভয়বানেষ বা ন কিম্ ।। ৬.৬০.৬৮ ।।।।
60.69
অথবা ধ্রুবমন্যেভ্যো ভয়ং পরমুপস্থিতম্ ।
যদর্থমেবং ত্বরিতৈর্ভবদ্ভিঃ প্রতিবোধিতঃ ।। ৬.৬০.৬৯ ।।।।
60.70
অদ্য রাক্ষসরাজস্য ভয়মুত্পাটয়াম্যহম্ ।
পাতয়িষ্যে মহেন্দ্রং বা শাতয়িষ্যে তথা ঽনলম্ ।। ৬.৬০.৭০ ।।।।
60.71
ন হ্যল্পকারণে সুপ্তং বোধয়িষ্যতি মাং গুরুঃ ।
তদাখ্যাতার্থতত্ত্বেন মত্প্রবোধনকারণম্ ।। ৬.৬০.৭১ ।।।।
60.72
এবং ব্রুবাণং সংরব্ধং কুম্ভকর্ণং মহাবলম্ ।
যূপাক্ষঃ সচিবো রাজ্ঞঃ কৃতাঞ্জলিরুবাচ হ ।। ৬.৬০.৭২ ।।।।
60.73
ন নো দৈবকৃতং কিঞ্চিদ্ভয়মস্তি কদাচন ।
মানুষান্নো ভয়ং রাজংস্তুমুলং সম্প্রবাধতে ।। ৬.৬০.৭৩ ।।।।
60.74
ন দৈত্যদানবেভ্যো বা ভয়মস্তি হি তাদৃশম্ ।
যাদৃশং মানুষং রাজন্ ভয়মস্মানুপস্থিতম্ ।। ৬.৬০.৭৪ ।।।।
60.75
বানরৈঃ পর্বতাকারৈর্লঙ্কেয়ং পরিবারিতা ।
সীতাহরণসন্তপ্তাদ্রামান্নস্তুমুলং ভয়ম্ ।। ৬.৬০.৭৫ ।।।।
60.76
একেন বানরেণেয়ং পূর্বং দগ্ধা মহাপুরী ।
কুমারো নিহতশ্চাক্ষঃ সানুয়াত্রঃ সকুঞ্জরঃ ।। ৬.৬০.৭৬ ।।।।
60.77
স্বয়ং রক্ষোধিপশ্চাপি পৌলস্ত্যো দেবকণ্টকঃ ।
মৃতেতি সংয়ুগে মুক্তো রামেণাদিত্যতেজসা ।। ৬.৬০.৭৭ ।।।।
60.78
যন্ন দৈবৈঃ কৃতো রাজা নাপি দৈত্যৈর্ন দানবৈঃ ।
কৃতঃ স ইহ রামেণ বিমুক্তঃ প্রাণসংশয়াৎ ।। ৬.৬০.৭৮ ।।।।
60.79
স যূপাক্ষবচঃ শ্রুত্বা ভ্রাতুর্যুধি পরাজয়ম্ ।
কুম্ভকর্ণো বিবৃত্তাক্ষো যূপাক্ষমিদমব্রবীৎ ।। ৬.৬০.৭৯ ।।।।
60.80
সর্বমদ্যৈব যূপাক্ষ হরিসৈন্যং সলক্ষ্মণম্ ।
রাঘবং চ রণে হত্বা পশ্চাদ্দ্রক্ষ্যামি রাবণম্ ।। ৬.৬০.৮০ ।।।।
60.81
রাক্ষসাংস্তর্পয়িষ্যামি হরীণাং মাংসশোণিতৈঃ ।
রামলক্ষ্মণয়োশ্চাপি স্বয়ং পাস্যামি শোণিতম্ ।। ৬.৬০.৮১ ।।।।
60.82
তত্তস্য বাক্যং ব্রুবতো নিশম্য সগর্বিতং রোষবিবৃদ্ধদোষম্ ।
মহোদরো নৈর্ঋতয়োধমুখ্যঃ কৃতাঞ্জলির্বাক্যমিদং বভাষে ।। ৬.৬০.৮২ ।।।।
60.83
রাবণস্য বচঃ শ্রুত্বা গুণদোষৌ বিমৃশ্য চ ।
পশ্চাদপি মহাবাহো শত্রূন্ যুধি বিজেষ্যসি ।। ৬.৬০.৮৩ ।।।।
60.84
মহোদরবচঃ শ্রুত্বা রাক্ষসৈঃ পরিবারিতঃ ।
কুম্ভকর্ণো মহাতেজাঃ সম্প্রতস্থে মহাবলঃ ।। ৬.৬০.৮৪ ।।।।
60.85
তং সমুত্থাপ্য ভীমাক্ষং ভীমরূপপরাক্রমম্ ।
রাক্ষসাস্ত্বরিতা জগ্মুর্দশগ্রীবনিবেশনম্ ।। ৬.৬০.৮৫ ।।।।
60.86
ততো গত্বা দশগ্রীবমাসীনং পরমাসনে ।
ঊচুর্বদ্ধাঞ্জলিপুটাঃ সর্বে এব নিশাচরাঃ ।। ৬.৬০.৮৬ ।।।।
60.87
প্রবুদ্ধঃ কুম্ভকর্ণো ঽয়ং ভ্রাতা তে রাক্ষসর্ষভ ।
কথং তত্রৈব নির্যাতু দ্রক্ষ্যস্যেনমিহাগতম্ ।। ৬.৬০.৮৭ ।।।।
60.88
রাবণস্ত্বব্রবীদ্ধৃষ্টো রাক্ষসাংস্তানুপস্থিতান্ ।
দ্রষ্টুমেনমিহেচ্ছামি যথান্যায়ং চ পূজ্যতাম্ ।। ৬.৬০.৮৮ ।।।।
60.89
তথেত্যুক্ত্বা তু তে সর্বে পুনরাগম্য রাক্ষসাঃ ।
কুম্ভকর্ণমিদং বাক্যমূচূ রাবণচোদিতাঃ ।। ৬.৬০.৮৯ ।।।।
60.90
দ্রষ্টুং ত্বাং কাঙ্ক্ষতে রাজা সর্বরাক্ষসপুঙ্গবঃ ।
গমনে ক্রিয়তাং বুদ্ধির্ভ্রাতরং সম্প্রহর্ষয় ।। ৬.৬০.৯০ ।।।।
60.91
কুম্ভকর্ণস্তু দুর্ধর্ষো ভ্রাতুরাজ্ঞায় শাসনম্ ।
তথেত্যুক্ত্বা মহাবাহুঃ শয়নাদুত্পপাত হ ।। ৬.৬০.৯১ ।।।।
60.92
প্রক্ষাল্য বদনং হৃষ্টঃ স্নাতঃ পরমভূষিতঃ ।
পিপাসুস্ত্বরয়ামাস পানং বলসমীরণম্ ।। ৬.৬০.৯২ ।।।।
60.93
ততস্তে ত্বরিতাস্তস্য রাক্ষসা রাবণাজ্ঞয়া ।
মদ্যকুম্ভাংশ্চ বিবিধান্ ক্ষিপ্রমেবোপহারয়ন্ ।। ৬.৬০.৯৩ ।।।।
60.94
পীত্বা ঘটসহস্রে দ্বে গমনায়োপচক্রমে ।
ঈষত্সমুত্কটো মত্তস্তেজোবলসমন্বিতঃ ।কুম্ভকর্ণো বভৌ হৃষ্টঃ কালান্তকয়মোপমঃ ।। ৬.৬০.৯৪ ।।।।
60.95
ভ্রাতুঃ স ভবনং গচ্ছন্ রক্ষোগণসমন্বিতঃ ।
কুম্ভকর্ণঃ পদন্যাসৈরকম্পয়ত মেদিনীম্ ।। ৬.৬০.৯৫ ।।।।
60.96
স রাজমার্গং বপুষা প্রকাশয়ন্ সহস্ররশ্মির্ধরণীমিবাংশুভিঃ ।
জগাম তত্রাঞ্জলিমালয়া বৃতঃ শতক্রতুর্গেহমিব স্বয়ম্ভুবঃ ।। ৬.৬০.৯৬ ।।।।
60.97
তং রাজমার্গস্থমমিত্রঘাতিনং বনৌকসস্তে সহসা বহিঃ স্থিতাঃ ।
দৃষ্ট্বা ঽপ্রমেয়ং গিরিশৃঙ্গকল্পং বিতত্রসুস্তে হরিয়ূথপালাঃ ।। ৬.৬০.৯৭ ।।।।
60.98
কেচিচ্ছরণ্যং শরণং স্ম রামং ব্রজন্তি কেচিদ্ব্যথিতাঃ পতন্তি ।
কেচিদ্দিশঃ স্ম ব্যথিতাঃ প্রয়ান্তি কেচিদ্ভয়ার্তা ভুবি শেরতে স্ম ।। ৬.৬০.৯৮ ।।।।
60.99
তমদ্রিশৃঙ্গপ্রতিমং কিরীটিনং স্পৃশন্তমাদিত্যমিবাত্মতেজসা ।
বনৌকসঃ প্রেক্ষ্য বিবৃদ্ধমদ্ভুতং ভয়ার্দিতা দুদ্রুবিরে ততস্ততঃ ।। ৬.৬০.৯৯ ।।