Utshovসর্গ 54
54.1
বলস্য চ নিঘাতেন অঙ্গদস্য জয়েন চ ।
রাক্ষসঃ ক্রোধমাবিষ্টো বজ্রদংষ্ট্রো মহাবলঃ ।। ৬.৫৪.১ ।।।।
54.2
স বিস্ফার্য ধনুর্ঘোরং শক্রাশনিসমস্বনম্ ।
বানরাণামনীকানি প্রাকিরচ্ছরবৃষ্টিভিঃ ।। ৬.৫৪.২ ।।।।
54.3
রাক্ষসাশ্চাপি মুখ্যাস্তে রথেষু সমবস্থিতাঃ ।
নানাপ্রহরণাঃ শূরাঃ প্রায়ুদ্ধ্যন্ত তদা রণে ।। ৬.৫৪.৩ ।।।।
54.4
বানরাণাং তু শূরা যে সর্বে তে প্লবগর্ষভাঃ ।
আয়ুদ্ধ্যন্ত শিলাহস্তাঃ সমবেতাঃ সমন্ততঃ ।। ৬.৫৪.৪ ।।।।
54.5
তত্রায়ুধসহস্রাণি তস্মিন্নায়োধনে ভৃশম্ ।
রাক্ষসাঃ কপিমুখ্যেষু পাতয়াঞ্চক্রিরে তদা ।। ৬.৫৪.৫ ।।।।
54.6
বানরাশ্চাপি রক্ষস্সু গিরীন্ বৃক্ষান্ মহাশিলাঃ ।
প্রবীরাঃ পাতয়ামাসুর্মত্তবারণসন্নিভাঃ ।। ৬.৫৪.৬ ।।।।
54.7
শূরাণাং যুদ্ধ্যমানানাং সমরেষ্বনিবর্তিনাম্ ।
তদ্রাক্ষসগণানাং চ সুয়ুদ্ধং সমবর্তত ।। ৬.৫৪.৭ ।।।।
54.8
প্রভিন্নশিরসঃ কেচিদ্ভিন্নৈঃ পাদৈশ্চ বাহুভিঃ ।
শস্ত্রৈরর্পিতদেহাস্তু রুধিরেণ সমুক্ষিতাঃ ।। ৬.৫৪.৮ ।।।।
54.9
হরয়ো রাক্ষসাশ্চৈব শেরতে গাং সমাশ্রিতাঃ ।
কঙ্কগৃধ্রবলৈরাঢ্যা গোমায়ুগণসঙ্কুলাঃ ।। ৬.৫৪.৯ ।।।।
54.10
কবন্ধানি সমুত্পেতুর্ভীরুণাং ভীষণানি বৈ ।
। ৬.৫৪.১০ ।।।।
54.11
ভুজপাণিশিরশ্ছিন্নাশ্ছিন্নকায়াশ্চ ভূতলে ।
বানরা রাক্ষসাশ্চাপি নিপেতুস্তত্র বৈ রণে ।। ৬.৫৪.১১ ।।।।
54.12
ততো বানরসৈন্যেন হন্যমানং নিশাচরম্ ।
প্রাভজ্যত বলং সর্বং বজ্রদংষ্ট্রস্য পশ্যতঃ ।। ৬.৫৪.১২ ।।।।
54.13
রাক্ষসান্ ভয়বিত্রস্তান্ হন্যমানান্ প্লবঙ্গমৈঃ ।
দৃষ্ট্বা স রোষতাম্রাক্ষো বজ্রদংষ্ট্রঃ প্রতাপবান্ ।। ৬.৫৪.১৩ ।।।।
54.14
প্রবিবেশ ধনুষ্পাণিস্ত্রাসয়ন্ হরিবাহিনীম্ ।
শরৈর্বিদারয়ামাস কঙ্কপত্রৈরজিহ্মগৈঃ ।। ৬.৫৪.১৪ ।।।।
54.15
বিভেদ বানরাংস্তত্র সপ্তাষ্টৌ নব পঞ্চ চ ।
বিব্যাধ পরমক্রুদ্ধো বজ্রদংষ্ট্রঃ প্রতাপবান্ ।। ৬.৫৪.১৫ ।।।।
54.16
ত্রস্তাঃ সর্বে হরিগণাঃ শরৈঃ সঙ্কৃত্তকন্ধরাঃ ।
অঙ্গদং সম্প্রধাবন্তি প্রজাপতিমিব প্রজাঃ ।। ৬.৫৪.১৬ ।।।।
54.17
ততো হরিগণান্ ভগ্নান্ দৃষ্ট্বা বালিসুতস্তদা ।
ক্রোধেন বজ্রদংষ্ট্রং তমুদীক্ষন্তমুদৈক্ষত ।। ৬.৫৪.১৭ ।।।।
54.18
বজ্রদংষ্ট্রো ঽঙ্গদশ্চোভৌ সঙ্গতৌ হরিরাক্ষসৌ ।
চেরতুঃ পরমক্রুদ্ধৌ হরিমত্তগজাবিব ।। ৬.৫৪.১৮ ।।।।
54.19
ততঃ শরসহস্রেণ বালিপুত্রং মহাবলঃ ।
জঘান মর্মদেশেষু মাতঙ্গমিব তোমরৈঃ ।। ৬.৫৪.১৯ ।।।।
54.20
রুধিরোক্ষিতসর্বাঙ্গো বালিসূনুর্মহাবলঃ ।
চিক্ষেপ বজ্রদংষ্ট্রায় বৃক্ষং ভীমপরাক্রমঃ ।। ৬.৫৪.২০ ।।।।
54.21
দৃষ্ট্বা ঽ ঽপতন্তং তং বৃক্ষমসম্ভ্রান্তশ্চ রাক্ষসঃ ।
চিচ্ছেদ বহুধা সো ঽপি নিকৃত্তঃ পতিতো ভুবি ।। ৬.৫৪.২১ ।।।।
54.22
তং দৃষ্ট্বা বজ্রদংষ্ট্রস্য বিক্রমং প্লবগর্ষভঃ ।
প্রগৃহ্য বিপুলং শৈলং চিক্ষেপ চ ননাদ চ ।। ৬.৫৪.২২ ।।।।
54.23
সমাপতন্তং তং দৃষ্ট্বা রথাদাপ্লুত্য বীর্যবান্ ।
গদাপাণিরসম্ভ্রান্তঃ পৃথিব্যাং সমতিষ্ঠত ।। ৬.৫৪.২৩ ।।।।
54.24
সা ঽঙ্গদেন গদা ঽ ঽক্ষিপ্তা গত্বা তু রণমূর্ধনি ।
। ৬.৫৪.২৪ ।।।।
54.25
সচক্রকূবরং সাশ্বং প্রমমাথ রথং তদা ।
। ৬.৫৪.২৫ ।।।।
54.26
ততো ঽন্যং গিরিমাক্ষিপ্য বিপুলং দ্রুমভূষিতম্ ।
বজ্রদংষ্ট্রস্য শিরসি পাতয়ামাস সো ঽঙ্গদঃ ।। ৬.৫৪.২৬ ।।।।
54.27
অভবচ্ছোণিতোদ্গারী বজ্রদংষ্ট্রঃ স মূর্চ্ছিতঃ ।
মুহূর্তমভবন্মূঢো গদামালিঙ্গ্য নিঃশ্বসন্ ।। ৬.৫৪.২৭ ।।।।
54.28
স লব্ধসঞ্জ্ঞো গদয়া বালিপুত্রমবস্থিতম্ ।
জঘান পরমক্রুদ্ধো বক্ষোদেশে নিশাচরঃ ।গদাং ত্যক্ত্বা ততস্তত্র মুষ্টিয়ুদ্ধমবর্তত ।। ৬.৫৪.২৮ ।।।।
54.29
অন্যোন্যং জঘ্নতুস্তত্র তাবুভৌ হরিরাক্ষসৌ ।
রুধিরোদ্গারিণো তৌ তু প্রহরৈর্জনিতশ্রমৌ ।বভূবতুঃ সুবিক্রান্তাবঙ্গারকবুধাবিব ।। ৬.৫৪.২৯ ।।।।
54.30
ততঃ পরমতেজস্বী অঙ্গদঃ কপিকুঞ্জরঃ ।
উত্পাট্য বৃক্ষং স্থিতবান্ বহুপুষ্পফলাঞ্চিতম্ ।। ৬.৫৪.৩০ ।।।।
54.31
জগ্রাহ চার্ষভং চর্ম খড্গং চ বিপুলং শুভম্ ।
কিঙ্কিণীজালসঞ্ছন্নং চর্মণা চ পরিষ্কৃতম্ ।। ৬.৫৪.৩১ ।।।।
54.32
বিচিত্রাংশ্চেরতুর্মার্গান্ রুষিতৌ কপিরাক্ষসৌ ।
জঘ্নতুশ্চ তদা ঽন্যোন্যং নির্দয়ং জয়কাঙ্ক্ষিণৌ ।। ৬.৫৪.৩২ ।।।।
54.33
ব্রণৈঃ সাস্ত্রৈরশোভেতাং পুষ্পিতাবিব কিংশুকৌ ।
যুদ্ধ্যমানৌ পরিশ্রান্তৌ জানুভ্যামবনীং গতৌ ।। ৬.৫৪.৩৩ ।।।।
54.34
নিমেষান্তরমাত্রেণ অঙ্গদঃ কপিকুঞ্জরঃ ।
উদতিষ্ঠত দীপ্তাক্ষো দণ্ডাহত ইবোরগঃ ।। ৬.৫৪.৩৪ ।।।।
54.35
নির্মলেন সুধৌতেন খড্গেনাস্য মহচ্ছিরঃ ।
জঘান বজ্রদংষ্ট্রস্য বালিসূনুর্মহাবলঃ ।। ৬.৫৪.৩৫ ।।।।
54.36
রুধিরোক্ষিতগাত্রস্য বভূব পতিতং দ্বিধা ।
সরোষপরিবৃত্তাক্ষং শুভং খড্গহতং শিরঃ ।। ৬.৫৪.৩৬ ।।।।
54.37
বজ্রদংষ্ট্রং হতং দৃষ্ট্বা রাক্ষসা ভয়মোহিতাঃ ।
ত্রস্তাঃ প্রত্যপতন্ লঙ্কাং বধ্যমানাঃ প্লবঙ্গমৈ ।বিষণ্ণবদনা দীনা হ্রিয়া কিঞ্চিদবাঙ্মুখাঃ ।। ৬.৫৪.৩৭ ।।।।
54.38
নিহত্য তং বজ্রধরপ্রভাবঃ স বালিসূনুঃ কপিসৈন্যমধ্যে ।
জগাম হর্ষং মহিতো মহাবলঃ সহস্রনেত্রস্ত্রিদশৈরিবাবৃতঃ ।। ৬.৫৪.৩৮ ।।