Utshovসর্গ 53
53.1
ধূম্রাক্ষং নিহতং শ্রুত্বা রাবণো রাক্ষসেশ্বরঃ ।
ক্রোধেন মহতা ঽ ঽবিষ্টো নিশ্বসন্নুরগো যথা ।। ৬.৫৩.১ ।।।।
53.2
দীর্ঘমুষ্ণং বিনিশ্বস্য ক্রোধেন কলুষীকৃতঃ ।
অব্রবীদ্রাক্ষসং শূরং বজ্রদংষ্ট্রং মহাবলম্ ।। ৬.৫৩.২ ।।।।
53.3
গচ্ছ ত্বং বীর নির্যাহি রাক্ষসৈঃ পরিবারিতঃ ।
জহি দাশরথিং রামং সুগ্রীবং বানরৈঃ সহ ।। ৬.৫৩.৩ ।।।।
53.4
তথেত্যুক্ত্বা দ্রুততরং মায়াবী রাক্ষসেশ্বরঃ ।
নির্জগাম বলৈ সার্ধং বহুভিঃ পরিবারিতঃ ।। ৬.৫৩.৪ ।।।।
53.5
নাগৈরশ্বৈঃ খরৈরুষ্ট্রৈঃ সংয়ুক্তঃ সুসামাহিতঃ ।
পতাকাধ্বজচিত্রৈশ্চ রথৈশ্চ সমলঙ্কৃতঃ ।। ৬.৫৩.৫ ।।।।
53.6
ততো বিচিত্রকেয়ূরমুকুটৈশ্চ বিভূষিতঃ ।
তনুত্রাণি চ সংরুদ্ধ্য সধনুর্নির্যয়ৌ দ্রুতম্ ।। ৬.৫৩.৬ ।।।।
53.7
পতাকালঙ্কৃতং দীপ্তং তপ্তকাঞ্চনভূষণম্ ।
রথং প্রদক্ষিণং কৃত্বা সমারোহচ্চমূপতিঃ ।। ৬.৫৩.৭ ।।।।
53.8
যষ্টিভিস্তোমরৈশ্চিত্রৈঃ শূলৈশ্চ মুসলৈরপি ।
ভিন্দিপালৈশ্চ পাশৈশ্চ শক্তিভিঃ পট্টিশৈরপি ।। ৬.৫৩.৮ ।।।।
53.9
খড্গৈশ্চক্রৈর্গদাভিশ্চ নিশিতৈশ্চ পরশ্বধৈঃ ।
পদাতয়শ্চ নির্যান্তি বিবিধাঃ শস্ত্রপাণয়ঃ ।বিচিত্রবাসসঃ সর্বে দীপ্তা রাক্ষসপুঙ্গবাঃ ।। ৬.৫৩.৯ ।।।।
53.10
গজা মদোত্কটাঃ শূরাশ্চলন্ত ইব পর্বতাঃ ।
তে যুদ্ধকুশলৈ রূঢাস্তোমরাঙ্কুশপাণিভিঃ ।। ৬.৫৩.১০ ।।।।
53.11
অন্যে লক্ষণসংয়ুক্তাঃ শূরারূঢা মহাবলাঃ ।
। ৬.৫৩.১১ ।।।।
53.12
তদ্রাক্ষসবলং ঘোরং বিপ্রস্থিতমশোভত ।
প্রাবৃট্কালে যথা মেঘা নর্দমানাঃ সবিদ্যুতঃ ।। ৬.৫৩.১২ ।।।।
53.13
নিস্সৃতা দক্ষিণদ্বারাদঙ্গদো যত্র যূথপঃ ।
তেষাং নিষ্ক্রমমাণানামশুভং সমজায়ত ।। ৬.৫৩.১৩ ।।।।
53.14
আকাশাদ্বিঘনাত্তীব্রা উল্কাশ্চাভ্যপতংস্তদা ।
বমন্ত্যঃ পাবকজ্বালাঃ শিবা ঘোরং ববাশিরে ।। ৬.৫৩.১৪ ।।।।
53.15
ব্যাহরন্তি মৃগা ঘোরা রক্ষসাং নিধনং তদা ।
সমাপতন্তো যোধাস্তু প্রাস্খলন্ ভয়মোহিতাঃ ।। ৬.৫৩.১৫ ।।।।
53.16
এতানৌত্পাতিকান্ দৃষ্ট্বা বজ্রদংষ্ট্রো মহাবলঃ ।
ধৈর্যমালম্ব্য তেজস্বী নির্জগাম রণোত্সুকঃ ।। ৬.৫৩.১৬ ।।।।
53.17
তাংস্তু নিষ্ক্রমতো দৃষ্ট্বা বানরা জিতকাশিনঃ ।
প্রণেদুঃ সুমহানাদান্ পূরয়ংশ্চ দিশো দশ ।। ৬.৫৩.১৭ ।।।।
53.18
ততঃ প্রবৃত্তং তুমুলং হরীণাং রাক্ষসৈঃ সহ ।
ঘোরাণাং ভীমরূপাণামন্যোন্যবধকাঙ্ক্ষিণাম্ ।। ৬.৫৩.১৮ ।।।।
53.19
নিষ্পতন্তো মহোত্সাহা ভিন্নদেহশিরোধরাঃ ।
রুধিরোক্ষিতসর্বাঙ্গা ন্যপতন্ জগতীতলে ।। ৬.৫৩.১৯ ।।।।
53.20
কেচিদন্যোন্যমাসাদ্য শূরাঃ পরিঘপাণয়ঃ ।
চিক্ষিপুর্বিবিধং শস্ত্রং সমরেষ্বনিবর্তিনঃ ।। ৬.৫৩.২০ ।।।।
53.21
দ্রুমাণাং চ শিলানাং চ শস্ত্রাণাং চাপি নিস্বনঃ ।
শ্রূয়তে সুমহাংস্তত্র ঘোরো হৃদয়ভেদনঃ ।। ৬.৫৩.২১ ।।।।
53.22
রথনেমিস্বনস্তত্র ধনুষশ্চাপি নিস্বনঃ ।
শঙ্খভেরীমৃদঙ্গানাং বভূব তুমুলঃ স্বনঃ ।। ৬.৫৩.২২ ।।।।
53.23
কেচিদস্ত্রাণি সংসৃজ্য বাহুয়ুদ্ধমকুর্বত ।
। ৬.৫৩.২৩ ।।।।
53.24
তলৈশ্চ চরণৈশ্চাপি মুষ্টিভিশ্চ দ্রুমৈরপি ।
জানুভিশ্চ হতাঃ কেচিদ্ভিন্নদেহাশ্চ রাক্ষসাঃ ।শিলাভিশ্চূর্ণিতাঃ কেচিদ্বানরৈর্যুদ্ধদুর্মদৈঃ ।। ৬.৫৩.২৪ ।।।।
53.25
বজ্রদংষ্ট্রো ভৃশং বাণৈ রণে বিত্রাসয়ন্ হরীন্ ।
চচার লোকসংহারে পাশহস্ত ইবান্তকঃ ।। ৬.৫৩.২৫ ।।।।
53.26
বলবন্তো ঽস্ত্রবিদুষো নানাপ্রহরণা রণে ।
জঘ্নুর্বানরসৈন্যানি রাক্ষসাঃ ক্রোধমূর্চ্ছিতাঃ ।। ৬.৫৩.২৬ ।।।।
53.27
নিঘ্নুতো রাক্ষসান্ দৃষ্ট্বা সর্বান্ বালিসুতো রণে ।
ক্রোধেন দ্বিগুণাবিষ্টঃ সংবর্তক ইবানলঃ ।। ৬.৫৩.২৭ ।।।।
53.28
তান্ রাক্ষসগণান্ সর্বান্ বৃক্ষমুদ্যম্য বীর্যবান্ ।
অঙ্গদঃ ক্রোধতাম্রাক্ষঃ সিংহঃ ক্ষুদ্রমৃগানিব ।চকার কদনং ঘোরং শক্রতুল্যপরাক্রমঃ ।। ৬.৫৩.২৮ ।।।।
53.29
অঙ্গদাভিহতাস্তত্র রাক্ষসা ভীমবিক্রমাঃ ।
বিভিন্নশিরসঃ পেতুর্বিকৃত্তা ইব পাদপাঃ ।। ৬.৫৩.২৯ ।।িব ।।।
53.30
রথৈরশ্বৈর্ধ্বজৈশ্চিত্রৈঃ শরীরৈর্হরিরক্ষসাম্ ।
রুধিরেণ চ সঞ্ছন্না ভূমির্ভয়করী তদা ।। ৬.৫৩.৩০ ।।।।
53.31
হারকেয়ূরবস্ত্রৈশ্চ শস্ত্রৈশ্চ সমলঙ্কৃতা ।
ভূমির্ভাতি রণে তত্র শারদীব যথা নিশা ।। ৬.৫৩.৩১ ।।।।
53.32
অঙ্গদস্য চ বেগেন তদ্রাক্ষসবলং মহৎ ।
প্রাকম্পত তদা তত্র পবনেনাম্বুদো যথা ।। ৬.৫৩.৩২ ।।