Utshovসর্গ 52
52.1
ধূম্রাক্ষং প্রেক্ষ্য নির্যান্তং রাক্ষসং ভীমবিক্রমম্ ।
বিনেদুর্বানরাঃ সর্বে প্রহৃষ্টা যুদ্ধকাঙ্ক্ষিণঃ ।। ৬.৫২.১ ।।।।
52.2
তেষাং সুতুমুলং যুদ্ধং সঞ্জজ্ঞে হরিরক্ষসাম্ ।
অন্যোন্যং পাদপৈর্ঘোরং নিঘ্নতাং শূলমুদ্গরৈঃ ।। ৬.৫২.২ ।।।।
52.3
ঘোরৈশ্চ পরিঘৈশ্চিত্রৈস্ত্রিশূলৈশ্চাপি সংহতৈঃ ।
রাক্ষসৈর্বানরা ঘোরৈর্বিনিকৃত্তাঃ সমন্ততঃ ।। ৬.৫২.৩ ।।।।
52.4
বানরৈ রাক্ষসাশ্চাপি দ্রুমৈর্ভূমৌ সমীকৃতাঃ ।
রাক্ষসাশ্চাপি সঙ্ক্রুদ্ধা বানরান্নিশিতৈঃ শরৈঃ ।বিব্যধুর্ঘোরসঙ্কাশৈঃ কঙ্কপত্রৈরজিহ্মগৈঃ ।। ৬.৫২.৪ ।।।।
52.5
তে গদাভিশ্চ ভীমাভিঃ পট্টিশৈঃ কূটমুদ্গরৈঃ ।
। ৬.৫২.৫ ।।শ্চাপি সঙ্ক্রুদ্ধা বানরান্নিশিতৈঃ শরৈঃ ।।।
52.6
বিদার্যমাণা রক্ষোভির্বানরাস্তে মহাবলাঃ ।
অমর্ষাজ্জনিতোদ্ধর্ষাশ্চক্রুঃ কর্মাণ্যভীতবৎ ।। ৬.৫২.৬ ।।।।
52.7
শরনির্ভিন্নগাত্রাস্তে শূলনির্ভিন্নদেহিনঃ ।
জগৃহুস্তে দ্রুমাংস্তত্র শিলাশ্চ হরিয়ূথপাঃ ।। ৬.৫২.৭ ।।।।
52.8
তে ভীমবেগা হরয়ো নর্দমানাস্ততস্ততঃ ।
মমন্থূ রাক্ষসান্ ভীমান্নামানি চ বভাষিরে ।। ৬.৫২.৮ ।।।।
52.9
তদ্বভূবাদ্ভুতং ঘোরং যুদ্ধং বানররক্ষসাম্ ।
শিলাভির্বিবিধাভিশ্চ বহুভিশ্চৈব পাদপৈঃ ।। ৬.৫২.৯ ।।।।
52.10
রাক্ষসা মথিতাঃ কেচিদ্বানরৈর্জিতকাশিভিঃ ।
ববমূ রুধিরং কেচিন্মুখৈ রুধিরভোজনাঃ ।। ৬.৫২.১০ ।।।।
52.11
পার্শ্বেষু দারিতাঃ কেচিৎ কেচিদ্রাশীকৃতা দ্রুমৈঃ ।
শিলাভিশ্চূর্ণিতাঃ কেচিৎ কেচিদ্দন্তৈর্বিদারিতাঃ ।। ৬.৫২.১১ ।।।।
52.12
ধ্বজৈর্বিমথিতৈর্ভগ্নৈঃ খরৈশ্চ বিনিপাতিতৈঃ ।
রথৈর্বিধ্বংসিতৈশ্চাপি পতিতৈ রজনীচরৈঃ ।। ৬.৫২.১২ ।।।।
52.13
গজেন্দ্রৈঃ পর্বতাকারৈঃ পর্বতাগ্রৈর্বনৌকসাম্ ।
মথিতৈর্বাজিভিঃ কীর্ণং সারোহৈর্বসুধাতলম্ ।। ৬.৫২.১৩ ।।।।
52.14
বানরৈর্ভীমবিক্রান্তৈরাপ্লুত্যাপ্লুত্য বেগিতৈঃ ।
রাক্ষসাঃ করজৈস্তীক্ষ্ণৈর্মুখেষু বিনিকর্তিতাঃ ।। ৬.৫২.১৪ ।।।।
52.15
বিবর্ণবদনা ভূয়ো বিপ্রকীর্ণশিরোরুহাঃ ।
মূঢাঃ শোণিতগন্ধেন নিপেতুর্ধরণীতলে ।। ৬.৫২.১৫ ।।।।
52.16
অন্যে পরমসঙ্ক্রুদ্ধা রাক্ষসা ভীমনিস্বনাঃ ।
তলৈরেবাভিধাবন্তি বজ্রস্পর্শসমৈর্হরীন্ ।। ৬.৫২.১৬ ।।।।
52.17
বানরৈরাপতন্তস্তে বেগিতা বেগবত্তরৈঃ ।
মুষ্টিভিশ্চরণৈর্দন্তৈঃ পাদপৈশ্চাবপোথিতাঃ ।বানরৈর্হন্যমানাস্তে রাক্ষসা বিপ্রদুদ্রুবুঃ ।। ৬.৫২.১৭ ।।।।
52.18
সৈন্যং তু বিদ্রুতং দৃষ্ট্বা ধূম্রাক্ষো রাক্ষসর্ষভঃ ।
ক্রোধেন কদনং চক্রে বানরাণাং যুয়ুত্সতাম্ ।। ৬.৫২.১৮ ।।।।
52.19
প্রাসৈঃ প্রমথিতাঃ কেচিদ্বানরাঃ শোণিতস্রবাঃ ।
মুদ্গরৈরাহতাঃ কেচিৎ পতিতা ধরণীতলে ।। ৬.৫২.১৯ ।।।।
52.20
পরিঘৈর্মথিতাঃ কেচিদ্ভিন্দিপালৈর্বিদারিতাঃ ।
পট্টিশৈরাহতাঃ কেচিদ্বিহ্বলন্তো গতাসবঃ ।। ৬.৫২.২০ ।।।।
52.21
কেচিদ্বিনিহতাঃ শূলৈ রুধিরার্দ্রা বনৌকসঃ ।
কেচিদ্বিদ্রাবিতা নষ্টাঃ সবলৈ রাক্ষসৈর্যুধি ।। ৬.৫২.২১ ।।।।
52.22
বিভিন্নহৃদয়াঃ কেচিদেকপার্শ্বেন দারিতাঃ ।
বিদারিতা স্ত্রিশূলৈশ্চ কেচিদান্ত্রৈর্বিনিঃসৃতাঃ ।। ৬.৫২.২২ ।।।।
52.23
তত্সুভীমং মহায়ুদ্ধং হরিরাক্ষসসঙ্কুলম্ ।
প্রবভৌ শব্দবহুলং শিলাপাদপসঙ্কুলম্ ।। ৬.৫২.২৩ ।।।।
52.24
ধনুর্জ্যাতন্ত্রিমধুরং হিক্কাতালসমন্বিতম্ ।
মন্দস্তনিতসঙ্গীতং যুদ্ধগান্ধর্বমাবভৌ ।। ৬.৫২.২৪ ।।।।
52.25
ধূম্রাক্ষস্তু ধনুষ্পাণির্বানরান্ রণমূর্ধনি ।
হসন্ বিদ্রাবয়ামাস দিশস্তু শরবৃষ্টিভিঃ ।। ৬.৫২.২৫ ।।।।
52.26
ধূম্রাক্ষেণার্দিতং সৈন্যং ব্যথিতং দৃশ্য মারুতিঃ ।
অভ্যবর্তত সঙ্ক্রুদ্ধঃ প্রগৃহ্য বিপুলাং শিলাম্ ।। ৬.৫২.২৬ ।।।।
52.27
ক্রোধাদ্দ্বিগুণতাম্রাক্ষঃ পিতৃতুল্যপরাক্রমঃ ।
শিলাং তাং পাতয়ামাস ধূম্রাক্ষস্য রথং প্রতি ।। ৬.৫২.২৭ ।।।।
52.28
আপতন্তীং শিলাং দৃষ্ট্বা গদামুদ্যম্য সম্ভ্রমাৎ ।
রথাদাপ্লুত্য বেগেন বসুধায়াং ব্যতিষ্ঠত ।। ৬.৫২.২৮ ।।।।
52.29
সা প্রমথ্য রথং তস্য নিপপাত শিলা ভুবি ।
সচক্রকূবরং সাশ্বং সধ্বজং সশরাসনম্ ।। ৬.৫২.২৯ ।।।।
52.30
স ভঙ্ক্ত্বা তু রথং তস্য হনুমান্ মারুতাত্মজঃ ।
রক্ষসাং কদনং চক্রে সস্কন্ধবিটপৈর্দ্রুমৈঃ ।। ৬.৫২.৩০ ।।।।
52.31
বিভিন্নশিরসো ভূত্বা রাক্ষসাঃ শোণিতোক্ষিতাঃ ।
দ্রুমৈঃ প্রব্যথিতাশ্চান্যে নিপেতুর্ধরণীতলে ।। ৬.৫২.৩১ ।।।।
52.32
বিদ্রাব্য রাসক্ষং সৈন্যং হনুমান্ মারুতাত্মজঃ ।
গিরেঃ শিখরমাদায় ধূম্রাক্ষমভিদুদ্রুবে ।। ৬.৫২.৩২ ।।।।
52.33
তমাপতন্তং ধূম্রাক্ষো গদামুদ্যম্য বীর্যবান্ ।
বিনর্দমানঃ সহসা হনুমন্তমভিদ্রবৎ ।। ৬.৫২.৩৩ ।।।।
52.34
ততঃ ক্রুদ্ধস্তু বেগেন গদাং তাং বহুকণ্টকাম্ ।
পাতয়ামাস ধূম্রাক্ষো মস্তকে তু হনূমতঃ ।। ৬.৫২.৩৪ ।।।।
52.35
তাডিতঃ স তয়া তত্র গদয়া ভীমরূপয়া ।
। ৬.৫২.৩৫ ।।।।
52.36
স কপির্মারুতবলস্তং প্রহারমচিন্তয়ন্ ।
ধূম্রাক্ষস্য শিরোমধ্যে গিরিশৃঙ্গমপাতয়ৎ ।। ৬.৫২.৩৬ ।।।।
52.37
স বিহ্বলিতসর্বাঙ্গো গিরিশৃঙ্গেণ তাডিতঃ ।
পপাত সহসা ভূমৌ বিকীর্ণ ইব পর্বতঃ ।। ৬.৫২.৩৭ ।।।।
52.38
ধূম্রাক্ষং নিহতং দৃষ্টবা হতশেষা নিশাচরাঃ ।
ত্রস্তাঃ প্রবিবিশুর্লঙ্কাং বধ্যমানাঃ প্লবঙ্গমৈঃ ।। ৬.৫২.৩৮ ।।।।
52.39
স তু পবনসুতো নিহত্য শত্রুং ক্ষতজবহাঃ সরিতশ্চ সন্নিকীর্য ।
রিপুবধজনিতশ্রমো মহাত্মা মুদমগমৎ কপিভিশ্চ পূজ্যমানঃ ।। ৬.৫২.৩৯ ।।