Utshovসর্গ 58
58.1
ততস্তস্য গিরেঃ শৃঙ্গে মহেন্দ্রস্য মহাবলাঃ ।
হনুমত্প্রমুখাঃ প্রীতিং হরয়ো জগ্মুরুত্তমাম্ ।। ৫.৫৮.১ ।।।।
58.2
তং ততঃ প্রীতিসংহৃষ্টঃ প্রীতিমন্তং মহাকপিম্ ।
জাম্ববান্ কার্যবৃত্তান্তমষ্টচ্ছদনিলাত্মজম্ ।। ৫.৫৮.২ ।।।।
58.3
কথং দৃষ্টা ত্বয়া দেবী কথং বা তত্র বর্ততে ।
তস্যাং বা স কথংবৃত্তঃ ক্রূরকর্মা দশাননঃ ।। ৫.৫৮.৩ ।।।।
58.4
তত্ত্বতঃ সর্বমেতন্নঃ প্রবূহি ত্বং মহাকপে ।
শ্রুতার্থাশ্চিন্তয়িষ্যামো ভূয়ঃ কার্যবিনিশ্চয়ম্ ।। ৫.৫৮.৪ ।।।।
58.5
যশ্চার্থস্তত্র বক্তব্যো গতৈরস্মাভিরাত্মবান্ ।
রক্ষিতব্যং চ যত্তত্র তদ্ভবান্ ব্যাকরোতু নঃ ।। ৫.৫৮.৫ ।।।।
58.6
স নিয়ুক্তস্ততস্তেন সংপ্রহৃষ্টতনূরুহঃ ।
প্রণম্য শিরসা দেব্যৈ সীতায়ৈ প্রত্যভাষত ।। ৫.৫৮.৬ ।।।।
58.7
প্রত্যক্ষমেব ভবতাং মহেন্দ্রাগ্রাৎ খমাপ্লুতঃ ।
উদধের্দক্ষিণং পারং কাংক্ষমাণঃ সমাহিতঃ ।। ৫.৫৮.৭ ।।।।
58.8
গচ্ছতশ্চ হি মে ঘোরং বিঘ্নরূপমিবাভবৎ ।
কাঞ্চনং শিখরং দিব্যং পশ্যামি সুমনোহরম্ ।। ৫.৫৮.৮।।।।
58.9
স্থিতং পন্থানমাবৃত্য মেনে বিঘ্নং চ তং নগম্ ।
। ৫.৫৮.৯ ।।।।
58.10
উপসঙ্গম্য তং দিব্যং কাঞ্চনং নগসত্তমম্ ।
কৃতা মে মনসা বুদ্ধির্ভেত্তব্যো ঽয়ং ময়েতি চ ।। ৫.৫৮.১০ ।।।।
58.11
প্রহতং চ ময়া তস্য লাংগূলেন মহাগিরেঃ ।
শিখরং সূর্যসঙ্কাশং ব্যশীর্যত সহস্রধা ।। ৫.৫৮.১১ ।।১১৭ ।।।।
58.12
ব্যবসায়ং চ তং বুদ্ধ্বা স হোবাচ মহাগিরিঃ ।
পুত্রেতি মধুরাং বাণীং মনঃ প্রহ্লাদয়ন্নিব ।। ৫.৫৮.১২ ।।।।
58.13
পিতৃব্যং চাপি মাং বিদ্ধি সখায়ং মাতরিশ্বনঃ ।
মৈনাকমিতি বিখ্যাতং নিবসন্তং মহোদধৌ ।। ৫.৫৮.১৩ ।।।।
58.14
পক্ষবন্তঃ পুরা পুত্র বভূবুঃ পর্বতোত্তমাঃ ।
ছন্দতঃ পৃথিবীং চেরুর্বাধমানাঃ সমন্ততঃ ।। ৫.৫৮.১৪ ।।।।
58.15
শ্রুত্বা নগানাং চরিতং মহেন্দ্রঃ পাকশাসনঃ ।
চিচ্ছেদ ভগবান্ পক্ষান্ বজ্রেণৈষাং সহস্রশঃ ।। ৫.৫৮.১৫ ।।।।
58.16
অহং তু মোক্ষিতস্তস্মাত্তব পিত্রা মহাত্মনা ।
মারুতেন তদা বত্স প্রক্ষিপ্তো ঽস্মি মহার্ণবে ।। ৫.৫৮.১৬ ।।।।
58.17
রামস্য চ ময়া সাহ্যে বর্তিতব্যমরিন্দম ।
রামো ধর্মভৃতাং শ্রেষ্ঠো মহেন্দ্রসমবিক্রমঃ ।। ৫.৫৮.১৭ ।।।।
58.18
এতচ্ছ্রুত্বা বচস্তস্য মৈনাকস্য মহাত্মনঃ ।
কার্যমাবেদ্য তু গিরেরুদ্যতং চ মনো মম ।। ৫.৫৮.১৮ ।।।।
58.19
তেন চাহমনুজ্ঞাতো মৈনাকেন মহাত্মনা ।
স চাপ্যন্তর্হিতঃ শৈলো মানুষেণ বপুষ্মতা ।শরীরেণ মহাশৈলঃ শৈলেন চ মহোদধৌ ।। ৫.৫৮.১৯ ।।।।
58.20
উত্তমং জবমাস্থায় শেষং পন্থানমাস্থিতঃ ।
ততো ঽহং সুচিরং কালং বেগেনাভ্যগমং পথি ।। ৫.৫৮.২০ ।।।।
58.21
ততঃ পশ্যাম্যহং দেবীং সুরসাং নাগমাতরম্ ।
সমুদ্রমধ্যে সা দেবী বচনং মামভাষত ।। ৫.৫৮.২১ ।।।।
58.22
মম ভক্ষঃ প্রদিষ্টস্ত্বমমরৈর্হরিসত্তম ।
অতস্ত্বাং ভক্ষয়িষ্যামি বিহিতস্ত্বং চিরস্য মে ।। ৫.৫৮.২২ ।।।।
58.23
এবমুক্তঃ সুরসয়া প্রাঞ্জলিঃ প্রণতঃ স্থিতঃ ।
বিবর্ণবদনো ভূত্বা বাক্যং চেদমুদীরয়ম্ ।। ৫.৫৮.২৩ ।।।।
58.24
রামো দাশরথিঃ শ্রীমান্ প্রবিষ্টো দণ্ডকাবনম্ ।
লক্ষ্মণেন সহ ভ্রাত্রা সীতয়া চ পরন্তপঃ ।। ৫.৫৮.২৪ ।।।।
58.25
তস্য সীতা হৃতা ভার্যা রাবণেন দুরাত্মনা ।
তস্যাঃ সকাশং দূতো ঽহং গমিষ্যে রামশাসনাৎ ।। ৫.৫৮.২৫ ।।।।
58.26
কর্তুমর্হসি রামস্য সাহায্যং বিষয়ে সতী ।
অথবা মৈথিলীং দৃষ্ট্বা রামং চাক্লিষ্টকারিণম্ ।। ৫.৫৮.২৬ ।।।।
58.27
আগমিষ্যামি তে বক্ত্রং সত্যং প্রতিশ্রৃণোমি তে ।
। ৫.৫৮.২৭ ।।।।
58.28
এবমুক্তা ময়া সা তু সুরসা কামরূপিণী ।
অব্রবীন্নাতিবর্তেত কশ্চিদেষ বরো মম ।। ৫.৫৮.২৮ ।।।।
58.29
এবমুক্তঃ সুরসয়া দশয়োজনমায়তঃ ।
ততো ঽর্ধগুণবিস্তারো বভূবাহং ক্ষণেন তু ।মত্প্রমাণানুরূপং চ ব্যাদিতং তু মুখং তয়া ।। ৫.৫৮.২৯ ।।।।
58.30
তদ্দৃষ্ট্বা ব্যাদিতং চাস্যং হ্রস্বং হ্যকরবং বপুঃ ।
তস্মিন্ মুহূর্তে চ পুনর্বভূবাঙ্গুষ্ঠমাত্রকঃ ।। ৫.৫৮.৩০ ।।।।
58.31
অভিপত্যাশু তদ্বক্রং নির্গতো ঽহং ততঃ ক্ষণাৎ ।
অব্রবীৎ সুরসা দেবী স্বেন রূপেণ মাং পুনঃ ।। ৫.৫৮.৩১ ।।।।
58.32
অর্থসিদ্ধ্যৈ হরিশ্রেষ্ঠ গচ্ছ সৌম্য যথাসুখম্ ।
সমানয় চ বৈদেহীং রাঘবেণ মহাত্মনা ।সুখী ভব মহাবাহো প্রীতা ঽস্মি তব বানর ।। ৫.৫৮.৩২ ।।।।
58.33
ততো ঽহং সাধু সাধ্বীতি সর্বভূতৈঃ প্রশংসিতঃ ।
। ৫.৫৮.৩৩ ।।
58.34
বৈদেহীং রাঘবেণ মহাত্মনা ।
ততো ঽন্তরিক্ষং বিপুলং প্লুতো ঽহং গরুডো যথা ।ছায়া মে নিগৃহীতা চ ন চ পশ্যামি কিংচন ।। ৫.৫৮.৩৪ ।।।।
58.35
সো ঽহং বিগতবেগস্তু দিশো দশ বিলোকয়ন্ ।
ন কিংচিত্তত্র পশ্যামি যেন মে ঽপহৃতা গতিঃ ।। ৫.৫৮.৩৫ ।।।।
58.36
ততো মে বুদ্ধিরুত্পন্না কিং নাম গগনে মম ।
ঈদৃশো বিঘ্ন উত্পন্নো রূপং যত্র ন দৃশ্যতে ।। ৫.৫৮.৩৬ ।।।।
58.37
অধোভাগে ন মে দৃষ্টিঃ শোচতা পাতিতা ময়া ।
ততো ঽদ্রাক্ষমহং ভীমাং রাক্ষসীং সলিলেশয়াম্ ।। ৫.৫৮.৩৭ ।।।।
58.38
প্রহস্য চ মহানাদমুক্তো ঽহং ভীময়া তয়া ।
অবস্থিতমসম্ভ্রান্তমিদং বাক্যমশোভনম্ ।। ৫.৫৮.৩৮ ।।।।
58.39
ক্বাসি যন্তা মহাকায় ক্ষুধিতায়া মমেপ্সিতঃ ।
ভক্ষঃ প্রীণয় মে দেহং চিরমাহারবর্জিতম্ ।। ৫.৫৮.৩৯ ।।।।
58.40
বাঢমিত্যেব তাং বাণীং প্রত্যগৃহ্ণামহং ততঃ ।
আস্য প্রমাণাদধিকং তস্যাঃ কায়মপূরয়ম্ ।তস্যাশ্চাস্যং মহদ্ভীমং বর্ধতে মম ভক্ষণে ।। ৫.৫৮.৪০ ।।।।
58.41
ন চ মাং সাধু বুবুধে মম বা নিকৃতং কৃতম্ ।
। ৫.৫৮.৪১ ।।।।
58.42
ততো ঽহং বিপুলং রূপং সংক্ষিপ্য নিমিষান্তরাৎ ।
তস্যা হৃদয়মাদায় প্রপতামি নভঃস্থলম্ ।। ৫.৫৮.৪২ ।।।।
58.43
সা বিসৃষ্টভুজা ভীমা পপাত লবণাম্ভসি ।
ময়া পর্বতসঙ্কাশা নিকৃত্তহৃদয়া সতী ।। ৫.৫৮.৪৩ ।।।।
58.44
শ্রৃণোমি খগতানাং চ সিদ্ধানাং চারণৈঃ সহ ।
রাক্ষসী সিংহিকা ভীমা ক্ষিপ্রং হনুমতা হতা ।। ৫.৫৮.৪৪ ।।।।
58.45
তাং হত্বা পুনরেবাহং কৃত্যমাত্যয়িকং স্মরন্ ।
গত্বা চাহং মহাধ্বানং পশ্যামি নগমণ্ডিতম্ ।। ৫.৫৮.৪৫ ।।।।
58.46
দক্ষিণং তীরমুদধের্লঙ্কা যত্র চ সা পুরী ।
অস্তং দিনকরে যাতে রক্ষসাং নিলয়ং পুরম্ ।প্রবিষ্টো ঽহমবিজ্ঞাতো রক্ষোভি র্ভীমবিক্রমৈঃ ।। ৫.৫৮.৪৬ ।।।।
58.47
তত্র প্রবিশতশ্চাপি কল্পান্তঘনসন্নিভা ।
অট্টহাসং বিমুঞ্চন্তী নারী কাপ্যুত্থিতা পুরঃ ।। ৫.৫৮.৪৭ ।।।।
58.48
জিঘাংসন্তীং ততস্তাং তু জ্বলদগ্নিশিরোরুহাম্ ।
সব্যমুষ্টিপ্রহারেণ পরাজিত্য সুভৈরবাম্ ।। ৫.৫৮.৪৮ ।।।।
58.49
প্রদোষকালে প্রবিশং ভীতয়া ঽহং তয়োদিতঃ ।
অহং লঙ্কাপুরী বীর নির্জিতা বিক্রমেণ তে ।। ৫.৫৮.৪৯ ।।।।
58.50
যস্মাত্তস্মাদ্বিজেতাসি সর্ব রক্ষাংস্যশেষতঃ ।
। ৫.৫৮.৫০ ।।।।
58.51
তত্রাহং সর্বরাত্রং তু বিচিন্বন্ জনকাত্মজাম্ ।
রাবণান্তঃপুরগতো ন চাপশ্যং সুমধ্যমাম্ ।। ৫.৫৮.৫১ ।।।।
58.52
ততঃ সীতামপশ্যংস্তু রাবণস্য নিবেশনে ।
শোকসাগরমাসাদ্য ন পারমুপলক্ষয়ে ।। ৫.৫৮.৫২ ।।।।
58.53
শোচতা চ ময়া দৃষ্টং প্রাকারেণ সমাবৃতম্ ।
কাঞ্চনেন বিকৃষ্টেন গৃহোপবনমুত্তমম্ ।। ৫.৫৮.৫৩ ।।।।
58.54
স প্রাকারমবপ্লুত্য পশ্যামি বহুপাদপম্ ।
। ৫.৫৮.৫৪ ।।।।
58.55
অশোকবনিকামধ্যে শিংশুপাপাদপো মহান্ ।
তমারুহ্য চ পশ্যামি কাঞ্চনং কদলীবনম্ ।। ৫.৫৮.৫৫ ।।।।
58.56
অদূরে শিংশুপাবৃক্ষাৎ পশ্যামি বরবর্ণিনীম্ ।
শ্যামাং কমলপত্রাক্ষীমুপবাসকৃশাননাম্ ।। ৫.৫৮.৫৬ ।।।।
58.57
তদেকবাসঃসংবীতাং রজোধ্বস্তশিরোরুহাম্ ।
শোকসন্তাপদীনাঙ্গীং সীতাং ভর্তৃহিতে স্থিতাম্ ।। ৫.৫৮.৫৭ ।।।।
58.58
রাক্ষসীভির্বিরূপাভিঃ ক্রূরাভিরভিসংবৃতাম্ ।
মাংসশোণিতভক্ষাভির্ব্যাঘ্রীভির্হরিণীমিব ।। ৫.৫৮.৫৮ ।।।।
58.59
সাময়া রাক্ষসীমধ্যে তর্জ্যমানা মুহুর্মুহুঃ ।
একবেণীধরা দীনা ভর্তৃচিন্তাপরায়ণা ।। ৫.৫৮.৫৯ ।।।।
58.60
ভূমিশয্যা বিবর্ণাঙ্গী পঝিনীব হিমাগমে ।
রাবণাদ্বিনিবৃত্তার্থা মর্তব্যকৃতনিশ্চয়া ।কথংচিন্মৃগশাবাক্ষী তূর্ণমাসাদিতা ময়া ।। ৫.৫৮.৬০ ।।।।
58.61
তাং দৃষ্ট্বা তাদৃশীং নারীং রামপত্নীং যশস্বিনীম্ ।
তত্রৈব শিংশুপাবৃক্ষে পশ্যন্নহমবস্থিতঃ ।। ৫.৫৮.৬১ ।।।।
58.62
ততো হলহলাশব্দং কাঞ্চীনূপুরমিশ্রিতম্ ।
শৃণোম্যধিকগম্ভীরং রাবণস্য নিবেশনে ।। ৫.৫৮.৬২ ।।।।
58.63
ততো ঽহং পরমোদ্বিগ্নঃ স্বং রূপং প্রতিসংহরন্ ।
অহং তু শিংশুপাবৃক্ষে পক্ষীব গহনে স্থিতঃ ।। ৫.৫৮.৬৩ ।।।।
58.64
ততো রাবণদারাশ্চ রাবণশ্চ মহাবলঃ ।
তং দেশং সমনুপ্রাপ্ত যত্র সীতা ঽভবৎ স্থিতা ।। ৫.৫৮.৬৪ ।।।।
58.65
তদ্ দৃষ্ট্বা ঽথ বরারোহা সীতা রক্ষোমহাবলম্ ।
সঙ্কুচ্যোরূ স্তনৌ পীনৌ বাহুভ্যাং পরিরভ্য চ ।। ৫.৫৮.৬৫ ।।।।
58.66
বিত্রস্তাং পরমোদ্বিগ্নাং বীক্ষমাণাং ততস্ততঃ ।
ত্রাণং কিংচিদপশ্যন্তীং বেপমানাং তপস্বিনীম্ ।। ৫.৫৮.৬৬ ।।।।
58.67
তামুবাচ দশগ্রীবঃ সীতাং পরমদুঃখিতাম্ ।
অবাক্ছিরাঃ প্রপতিতো বহুমন্যস্ব মামিতি ।। ৫.৫৮.৬৭ ।।।।
58.68
যদি চেত্ত্বং তু দর্পান্মাং নাভিনন্দসি গর্বিতে ।
দ্বৌ মাসাবন্তরং সীতে পাস্যামি রুধিরং তব ।। ৫.৫৮.৬৮ ।।।।
58.69
এতচ্ছ্রুত্বা বচস্তস্য রাবণস্য দুরাত্মনঃ ।
উবাচ পরমক্রুদ্ধা সীতা বচনমুত্তমম্ ।। ৫.৫৮.৬৯ ।।।।
58.70
রাক্ষসাধম রামস্য ভার্যমমিততেজসঃ ।
ইক্ষ্বাকুকুলনাথস্য স্নুষাং দশরথস্য চ ।অবাচ্যং বদতো জিহ্বা কথং ন পতিতা তব ।। ৫.৫৮.৭০ ।।।।
58.71
কিংচিদ্বীর্যং তবানার্য যো মাং ভর্তুরসন্নিধৌ ।
অপহৃত্যাগতঃ পাপ তেনাদৃষ্টো মহাত্মনা ।। ৫.৫৮.৭১ ।।।।
58.72
ন ত্বং রামস্য সদৃশো দাস্যে ঽপ্যস্য ন যুজ্যসে ।
যজ্ঞীয়ঃ সত্যবাদী চ রণশ্লাঘী চ রাঘবঃ ।। ৫.৫৮.৭২ ।।।।
58.73
জানক্যা পরুষং বাক্যমেবমুক্তো দশাননঃ ।
জজ্বাল সহসা কোপচ্চিতাস্থ ইব পাবকঃ ।। ৫.৫৮.৭৩ ।।।।
58.74
বিবর্ত্য নয়নে ক্রূরে মুষ্টিমুদ্যম্য দক্ষিণম্ ।
মৈথিলীং হন্তুমারব্ধঃ স্ত্রীভির্হা হা কৃতং তদা ।। ৫.৫৮.৭৪ ।।।।
58.75
স্ত্রীণাং মধ্যাৎ সমুত্পত্য তস্য ভার্যা দুরাত্মনঃ ।
বরা মণ্ডোদরী নাম তয়া স প্রতিষেধিতঃ ।। ৫.৫৮.৭৫ ।।।।
58.76
উক্তশ্চ মধুরাং বাণীং তয়া স মদানার্দিতঃ ।
সীতয়া তব কিং কার্যং মহেন্দ্রসমবিক্রম ।। ৫.৫৮.৭৬ ।।।।
58.77
দেবগন্দর্বকান্যাভির্যক্ষকন্যাভিরেব চ ।
সার্ধং প্রভো রমস্বেহ সীতয়া কিং করিষ্যসি ।। ৫.৫৮.৭৭ ।।।।
58.78
ততস্তাভিঃ সমেতাভির্নারীভিঃ স মহাবলঃ ।
প্রসাদ্য সহসা নীতো ভবনং স্বং নিশাচরঃ ।। ৫.৫৮.৭৮ ।।।।
58.79
যাতে তস্মিন্ দশগ্রীবে রাক্ষস্যো বিকৃতাননাঃ ।
সীতাং নির্ভর্ত্সয়ামাসুর্বাক্যৈঃ ক্রূরৈঃ সুদারুণৈঃ ।। ৫.৫৮.৭৯ ।।।।
58.80
তৃণবদ্ভাষিতং তাসাং গণয়ামাস জানকী ।
গর্জিতং চ তদা তাসাং সীতাং প্রাপ্য নিরর্থকম্ ।। ৫.৫৮.৮০ ।।।।
58.81
বৃথাগর্জিতনিশ্চেষ্টা রাক্ষস্যঃ পিশিতাশনাঃ ।
রাবণায় শশংসুস্তাঃ সীতাধ্যবসিতং মহৎ ।। ৫.৫৮.৮১ ।।।।
58.82
ততস্তাঃ সহিতাঃ সর্বা বিহতাশা নিরুদ্যমাঃ ।
পরিক্ষিপ্য সমন্তাত্তাং নিদ্রাবশমুপাগতাঃ ।। ৫.৫৮.৮২ ।।।।
58.83
তাসু চৈব প্রসুপ্তাসু সীতা ভর্তৃহিতে রতা ।
বিলপ্য করুণং দীনা প্রশুশোচ সুদুঃখিতা ।। ৫.৫৮.৮৩ ।।।।
58.84
তাসাং মধ্যাৎ সমুত্থায় ত্রিজটা বাক্যমব্রবীৎ ।
আত্মানং খাদত ক্ষিপ্রং ন সীতা বিনশিষ্যতি ।। ৫.৫৮.৮৪ ।।।।
58.85
জনকস্যাত্মজা সাধ্বী স্নুষা দশরথস্য চ ।
স্বপ্নো হ্যদ্য ময়া দৃষ্টো দারুণো রোমহর্ষণঃ ।। ৫.৫৮.৮৫ ।।।।
58.86
রক্ষসাং চ বিনাশায় ভর্তুরস্যা জয়ায় চ ।
। ৫.৫৮.৮৬ ।।।।
58.87
অলমস্মাৎ পরিত্রাতুং রাঘবাদ্রাক্ষসীগণম্ ।
অভিয়াচাম বৈদেহীমেতদ্ধি মম রোচতে ।। ৫.৫৮.৮৭ ।।।।
58.88
যস্যা হ্যেবংবিধঃ স্বপ্নো দুঃখিতায়াঃ প্রদৃশ্যতে ।
সা দুঃখৈর্বিবিধৈর্মুক্তা সুখমাপ্নোত্যনুত্তমম্ ।। ৫.৫৮.৮৮ ।।।।
58.89
প্রণিপাতপ্রসন্না হি মৈথিলী জনকাত্মজা ।
। ৫.৫৮.৮৯ ।।।।
58.90
ততঃ সা হ্রীমতী বালা ভর্তুর্বিজয়হর্ষিতা ।
অবোচদ্যদি তত্তথ্যং ভবেয়ং শরণং হি বঃ ।। ৫.৫৮.৯০ ।।।।
58.91
তাং চাহং তাদৃশীং দৃষ্ট্বা সীতায়া দারুণাং দশাম্ ।
চিন্তয়ামাস বিক্রান্তো ন চ মে নির্বৃতং মনঃ ।। ৫.৫৮.৯১ ।।।।
58.92
সম্ভাষণাথ চ ময়া জানক্যাশ্চিন্তিতো বিধিঃ ।
ইক্ষ্বাকূণাং হি বশস্তু ততো মম পুরস্কৃতঃ ।। ৫.৫৮.৯২ ।।।।
58.93
শ্রুত্বা তু গদিতাং বাচং রাজর্ষিগণপূজিতাম্ ।
প্রত্যভাষত মাং দেবী বাষ্পৈঃ পিহিতলোচনা ।। ৫.৫৮.৯৩ ।।।।
58.94
কস্ত্বং কেন কথং চেহ প্রাপ্তো বানরপুঙ্গব ।
কা চ রামেণ তে প্রীতিস্তন্মে শংসিতুমর্হসি ।। ৫.৫৮.৯৪ ।।।।
58.95
তস্যাস্তদ্বচনং শ্রুত্বা হ্যহমপ্যব্রবং বচঃ ।
দেবি রামস্য ভর্তুস্তে সহায়ো ভীমবিক্রমঃ ।সুগ্রীবো নাম বিক্রান্তো বানরেন্দ্রো মহাবলঃ ।। ৫.৫৮.৯৫ ।।।।
58.96
তস্য মাং বিদ্ধি ভৃত্যং ত্বং হনুমন্তমিহাগতম্ ।
ভর্ত্রা ঽহং প্রেষিতস্তুভ্যং রামেণাক্লিষ্টকর্মণা ।। ৫.৫৮.৯৬ ।।।।
58.97
ইদং চ পুরুষব্যাঘ্রঃ শ্রীমান্ দাশরথিঃ স্বয়ম্ ।
অঙ্গুলীয়মভিজ্ঞানমদাত্তুভ্যং যশস্বিনি ।। ৫.৫৮.৯৭ ।।।।
58.98
তদিচ্ছামি ত্বয়া ঽ ঽজ্ঞপ্তং দেবি কিং করবাণ্যহম্ ।
রামলক্ষ্মণয়োঃ পার্শ্বং নয়ামি ত্বাং কিমুত্তরম্ ।। ৫.৫৮.৯৮ ।।।।
58.99
এতচ্ছ্রুত্বা বিদিত্বা চ সীতা জনকনন্দিনী ।
আহ রাবণমুত্সাদ্য রাঘবো মাং নয়ত্বিতি ।। ৫.৫৮.৯৯ ।।।।
58.100
প্রণম্য শিরসা দেবীমহমার্যামনিন্দিতাম্ ।
রাঘবস্য মনোহ্লাদমভিজ্ঞানময়াচিষম্ ।। ৫.৫৮.১০০ ।।।।
58.101
অথ মামব্রবীৎ সীতা গৃহ্যতাময়মুত্তমঃ ।
মণির্যেন মহাবাহূ রামস্ত্বাং বহুমন্যতে ।। ৫.৫৮.১০১ ।।।।
58.102
ইত্যক্ত্বা তু বরারোহা মণিপ্রবরমদ্ভুতম্ ।
প্রায়চ্ছৎ পরমোদ্বিগ্না বাচা মাং সংদিদেশ হ ।। ৫.৫৮.১০২ ।।।।
58.103
ততস্তস্যৈ প্রণম্যাহং রাজপুত্র্যৈঃ সমাহিতঃ ।
প্রদক্ষিণং পরিক্রামমিহাভ্যুদ্গতমানসঃ ।। ৫.৫৮.১০৩ ।।।।
58.104
উত্তরং পুনরেবেদং নিশ্চিত্য মনসা তয়া ।
হনুমন্ মম বৃত্তান্তং বক্তুমর্হসি রাঘবে ।। ৫.৫৮.১০৪ ।।।।
58.105
যথা শ্রুত্বৈব নচিরাত্তাবুভৌ রামলক্ষ্মণৌ ।
সুগ্রীবসহিতৌ বীরাবুপেয়াতাং তথা কুরু ।। ৫.৫৮.১০৫ ।।।।
58.106
যদ্যন্যথা ভবেদেতদ্দ্বৌ মাসৌ জীবিতং মম ।
ন মাং দ্রক্ষ্যতি কাকুত্স্থো ম্রিয়ে সা ঽহমনাথবৎ ।। ৫.৫৮.১০৬ ।।।।
58.107
তচ্ছ্রুত্বা করুণং বাক্যং ক্রোধো মামভ্যবর্তত ।
উত্তরং চ ময়া দৃষ্টং কার্যশেষমনন্তরম্ ।। ৫.৫৮.১০৭ ।।।।
58.108
ততো ঽবর্ধত মে কায়স্তদা পর্বতসন্নিভঃ ।
যুদ্ধকাঙ্ক্ষী বনং তচ্চ বিনাশয়িতুমারভে ।। ৫.৫৮.১০৮ ।।।।
58.109
তদ্ভগ্নং বনষণ্ডং তু ভ্রান্তত্রস্তমৃগদ্বিজম্ ।
প্রতিবুদ্ধা নিরীক্ষন্তে রাক্ষস্যো বিকৃতাননাঃ ।। ৫.৫৮.১০৯ ।।।।
58.110
মাং চ দৃষ্ট্বা বনে তস্মিন্ সমাগম্য ততস্ততঃ ।
তাঃ সমভ্যাগতাঃ ক্ষিপ্রং রাবণায়াচচক্ষিরে ।। ৫.৫৮.১১০ ।।।।
58.111
রাজন্ বনমিদং দুর্গং তব ভগ্নং দুরাত্মনা ।
বানরেণ হ্যবিজ্ঞায় তব বীর্যং মহাবল ।। ৫.৫৮.১১১ ।।।।
58.112
দুর্বুদ্ধেস্তস্য রাজেন্দ্র তব বিপ্রিয়কারিণঃ ।
বধমাজ্ঞাপয় ক্ষিপ্রং যথা ঽসৌ বিলয়ং ব্রজেৎ ।। ৫.৫৮.১১২ ।।।।
58.113
তচ্ছ্রুত্বা রাক্ষসেন্দ্রেণ বিসৃষ্টা ভৃশদুর্জয়াঃ ।
রাক্ষসাঃ কিঙ্করা নাম রাবণস্য মনোনুগাঃ ।। ৫.৫৮.১১৩ ।।।।
58.114
তেষামশীতিসাহস্রং শূলমুদ্গরপাণিনাম্ ।
ময়া তস্মিন্ বনোদ্দেশে পরিঘেণ নিষূদিতম্ ।। ৫.৫৮.১১৪ ।।।।
58.115
তেষাং তু হতশেষা যে তে গত্বা লঘুবিক্রমাঃ ।
নিহতং চ মহত্সৈন্যং রাবণায়াচচক্ষিরে ।। ৫.৫৮.১১৫ ।।।।
58.116
ততো মে বুদ্ধিরুত্পন্না চৈত্যপ্রাসাদমাক্রমম্ ।
তত্রস্থান্ রাক্ষসান্ হত্বা শতং স্তম্ভেন বৈ পুনঃ ।ললামভূতো লঙ্কায়াঃ স বৈ বিধ্বংসিতো ময়া ।। ৫.৫৮.১১৬ ।।।।
58.117
ততঃ প্রহস্তস্য সুতং জম্বুমালিনমাদিশৎ ।
রাক্ষসৈর্বহুভিঃ সার্ধং ঘোররূপৈর্ভয়ানকৈঃ ।। ৫.৫৮.১১৭ ।।।।
58.118
তমহং বলসম্পন্নং রাক্ষসং রণকোবিদম্ ।
পরিঘেণাতিঘোরেণ সূদয়ামি সহানুগম্ ।। ৫.৫৮.১১৮ ।।৫.৫৮.১১৭ ।।।।
58.119
তচ্ছ্রুত্বা রাক্ষসেন্দ্রস্তু মন্ত্রিপুত্রান্ মহাবলান্ ।
। ৫.৫৮.১১৯ ।।ম্ ।। ৫.৫৮.১১৮ ।।৫.৫৮.১১৭ ।।।।
58.120
পদাতিবলসম্পন্নান্ প্রেষয়ামাস রাবণঃ ।
পরিঘেণৈব তান্ সর্বান্নয়ামি যমসাদনম্ ।। ৫.৫৮.১২০ ।।১১৭ ।।।।
58.121
মন্ত্রিপুত্রান্ হতাঞ্ছ্রুত্বা সমরে লঘুবিক্রমান্ ।
পঞ্চ সেনাগ্রগাঞ্ছূরান্ প্রেষয়মাস রাবণঃ ।। ৫.৫৮.১২১ ।।।।
58.122
তানহং সহসৈন্যান্ বৈ সর্বানেবাভ্যসূদয়ম্ ।
ততঃ পুনর্দশগ্রীবঃ পুত্রমক্ষং মহাবলম্ ।। ৫.৫৮.১২২ ।।।।
58.123
বহুভী রাক্ষসৈঃ সার্ধং প্রেষয়ামাস রাবণঃ ।
তং তু মন্দোদরীপুত্রং কুমারং রণপণ্ডিতম্ ।। ৫.৫৮.১২৩ ।।।।
58.124
সহসা খং সমুত্ক্রান্তং পাদয়োশ্চ গৃহীতবান্ ।
চর্মাসিনং শতগুণং ভ্রাময়িত্বা ব্যপেষয়ম্ ।তমক্ষমাগতং ভগ্নং নিশম্য স দশাননঃ ।। ৫.৫৮.১২৪ ।।।।
58.125
তত ইন্দ্রজিতং নাম দ্বিতীয়ং রাবণঃ সুতম্ ।
ব্যাদিদেশ সুসংক্রুদ্ধো বলিনং যুদ্ধদুর্মদম্ ।। ৫.৫৮.১২৫ ।।।।
58.126
তচ্চাপ্যহং বলং সর্বং তং চ রাক্ষসপুঙ্গবম্ ।
নষ্টৌজসং রণে কৃত্বা পরং হর্ষমুপাগমম্ ।। ৫.৫৮.১২৬ ।।।।
58.127
মহতাপি মহাবাহুঃ প্রত্যয়েন মহাবলঃ ।
প্রেষিতো রাবণেনৈব সহ বীরৈর্মদোত্কটৈঃ ।। ৫.৫৮.১২৭ ।।।।
58.128
সো ঽবিষহ্যং হি মাং বুদ্ধ্বা স্ববলং চাবমর্দিতম্ ।
ব্রাহ্মেণাস্ত্রেণ স তু মাং প্রাবধ্নাচ্চাতিবেগিতঃ ।। ৫.৫৮.১২৮ ।।।।
58.129
রজ্জুভিশ্চাভিবধ্নন্তি ততো মাং তত্র রাক্ষসাঃ ।
রাবণস্য সমীপং চ গৃহীত্বা মামুপানয়ন্ ।। ৫.৫৮.১২৯ ।।।।
58.130
দৃষ্ট্বা সম্ভাষিতশ্চাহং রাবণেন দুরাত্মনা ।
পৃষ্টশ্চ লঙ্কাগমনং রাক্ষসানাং চ তং বধম্ ।। ৫.৫৮.১৩০ ।।।।
58.131
তত্সর্বং চ ময়া তত্র সীতার্থমিতি জল্পিতম্ ।
। ৫.৫৮.১৩১ ।।।।
58.132
অস্যাহং দর্শনাকাংক্ষী প্রাপ্তস্ত্বদ্ভবনং বিভো ।
মারুতস্যৌরসঃ পুত্রো বানরো হনুমানহম্ ।। ৫.৫৮.১৩২ ।।।।
58.133
রামদূতং চ মাং বিদ্ধি সুগ্রীবসচিবং কপিম্ ।
সো ঽহং দূত্যেন রামস্য ত্বত্সকাশমিহাগতঃ ।। ৫.৫৮.১৩৩ ।।।।
58.134
সুগ্রীবশ্চ মহাতেজাঃ স ত্বাং কুশলমব্রবীৎ ।
ধর্মার্থকামসহিতং হিতং পথ্যমুবাচ চ ।। ৫.৫৮.১৩৪ ।।।।
58.135
বসতো ঋশ্যমূকে মে পর্বতে বিপুলদ্রুমে ।
রাঘবো রণবিক্রান্তো মিত্রত্বং সমুপাগতঃ ।। ৫.৫৮.১৩৫ ।।।।
58.136
তেন মে কথিতং রাজ্ঞা ভার্যা মে রক্ষসা হৃতা ।
তত্র সাহায্যমস্মাকং কার্যং সর্বাত্মনা ত্বয়া ।। ৫.৫৮.১৩৬ ।।।।
58.137
ময়া চ কথিতং তস্মৈ বালিনশ্চ বধং প্রতি ।
তত্র সাহায্যহেতোর্মে সময়ং কর্তুমর্হসি ।। ৫.৫৮.১৩৭ ।।।।
58.138
বালিনা হৃতরাজ্যেন সুগ্রীবেণ মহাপ্রভুঃ ।
চক্রে ঽগ্নিসাক্ষিকং সখ্যং রাঘবঃ সহলক্ষ্মণঃ ।। ৫.৫৮.১৩৮ ।।।।
58.139
তেন বালিনমুত্পাট্য শরেণৈকেন সংয়ুগে ।
বানরাণাং মহারাজঃ কৃতঃ স প্লবতা প্রভুঃ ।। ৫.৫৮.১৩৯ ।।।।
58.140
তস্য সাহায্যমস্মাভিঃ কার্যং সর্বাত্মনা ত্বিহ ।
তেন প্রস্থাপিতস্তুভ্যং সমীপমিহ ধর্মতঃ ।ক্ষিপ্রমানীয়তাং সীতা দীয়তাং রাঘবায় চ ।। ৫.৫৮.১৪০ ।।।।
58.141
যাবন্ন হরয়ো বীরা বিধমন্তি বলং তব ।
। ৫.৫৮.১৪১ ।।
58.142
তেন প্রস্থাপিতস্তুভ্যং সমীপমিহ ধর্মতঃ ।
বানরাণাং প্রভাবো হি ন কেন বিদিতঃ পুরা ।দেবতানাং সকাশং চ যে গচ্ছন্তি নিমন্ত্রিতাঃ ।। ৫.৫৮.১৪২ ।।।।
58.143
ইতি বানররাজস্ত্বামাহেত্যভিহিতো ময়া ।
মামৈক্ষত ততঃ ক্রুদ্ধশ্চক্ষুষা প্রদহন্নিব ।। ৫.৫৮.১৪৩ ।।।।
58.144
তেন বধ্যো ঽহমাজ্ঞপ্তো রক্ষসা রৌদ্রকর্মণা ।
মত্প্রভাবমবিজ্ঞায় রাবণেন দুরাত্মনা ।। ৫.৫৮.১৪৪ ।।।।
58.145
ততো বিভীষণো নাম তস্য ভ্রাতা মহামতিঃ ।
তেন রাক্ষসরাজো ঽসৌ যাচিতো মম কারণাৎ ।। ৫.৫৮.১৪৫ ।।।।
58.146
নৈবং রাক্ষসশার্দূল ত্যজ্যতামেষ নিশ্চয়ঃ ।
রাজশাস্ত্রব্যপেতো হি মার্গঃ সংসেব্যতে ত্বয়া ।। ৫.৫৮.১৪৬ ।।।।
58.147
দূতবধ্যা ন দৃষ্টা হি রাজশাস্ত্রেষু রাক্ষস ।
দূতেন বেদিতব্যং চ যথার্থং হিতবাদিনা ।। ৫.৫৮.১৪৭ ।।।।
58.148
সুমহত্যপরাধে ঽপি দূতস্যাতুলবিক্রম ।
বিরূপকরণং দৃষ্টং ন বধো ঽস্তীতি শাস্ত্রতঃ ।। ৫.৫৮.১৪৮ ।।।।
58.149
বিভীষণেনৈবমুক্তো রাবণঃ সংদিদেশ তান্ ।
রাক্ষসানেতদেবাস্য লাঙ্গূলং দহ্যতামিতি ।। ৫.৫৮.১৪৯ ।।।।
58.150
ততস্তস্য বচঃ শ্রুত্বা পুচ্ছং সমন্ততঃ ।
বেষ্টিতং শণবল্কৈশ্চ জীর্ণৈঃ কার্পাসজৈঃ পটৈঃ ।। ৫.৫৮.১৫০ ।।।।
58.151
রাক্ষসাঃ সিদ্ধসন্নাহাস্ততস্তে চণ্ডবিক্রমাঃ ।
তদা ঽদহ্যন্ত মে পুচ্ছং নিঘ্নন্তঃ কাষ্ঠমুষ্টিভিঃ ।বদ্ধস্য বহুভিঃ পাশৈর্যন্ত্রিতস্য চ রাক্ষসৈঃ ।। ৫.৫৮.১৫১ ।।।।
58.152
ততস্তে রাক্ষসাঃ শূরা বদ্ধং মামগ্নিসংবৃতম্ ।
অঘোষয়ন্ রাজমার্গে নগরদ্বারমাগতাঃ ।। ৫.৫৮.১৫২ ।।ঃ ।ততো ঽহং সুমহদ্রূপং সংক্ষিপ্য পুনরাত্মনঃ ।। ৫.৫৮.১৫৩ ।।
58.153
রাজমার্গে নগরদ্বারমাগতাঃ ।
। ৫.৫৮.১৫২ ।।
58.154
ঃ ।
বিমোচয়িত্বা তং বন্ধং প্রকৃতিস্থঃ স্থিতঃ পুনঃ ।আয়সং পরিঘং গৃহ্য তানি রক্ষাংস্যসূদয়ম্ ।ততস্তন্নগরদ্বারং বেগেনাপ্লুতবানহম্ ।। ৫.৫৮.১৫৪ ।।।।
58.155
পুচ্ছেন চ প্রদীপ্তেন তাং পুরীং সাট্টগোপুরাম্ ।
দহাম্যহমসম্ভ্রান্তো যুগান্তাগ্নিরিব প্রজাঃ ।। ৫.৫৮.১৫৫ ।।।।
58.156
বিনষ্টা জানকী ব্যক্তং ন হ্যদগ্ধঃ প্রদৃশ্যতে ।
লঙ্কায়াং কশ্চিদুদ্দেশঃ সর্বা ভস্মীকৃতা পুরী ।। ৫.৫৮.১৫৬ ।।।।
58.157
দহতা চ ময়া লঙ্কাং দগ্ধা সীতা ন সংশয়ঃ ।
রামস্য হি মহৎ কার্যং ময়েদং বিতথীকৃতম্ ।। ৫.৫৮.১৫৭ ।।।।
58.158
ইতি শোকসমাবিষ্টশ্চিন্তামহমুপাগতঃ ।
। ৫.৫৮.১৫৮ ।।।।
58.159
অথাহং বাচমশ্রৌষং চারণানাং শুভাক্ষরাম্ ।
জানকী ন চ দগ্ধেতি বিস্ময়োদন্তভাষিতাম্ ।। ৫.৫৮.১৫৯ ।।।।
58.160
ততো মে বুদ্ধিরুত্পন্না শ্রুত্বা তামদ্ভুতাং গিরম্ ।
অদগ্দ্ধা জানকীত্যেবং নিমিত্তৈশ্চোপলক্ষিতা ।। ৫.৫৮.১৬০ ।।।।
58.161
দীপ্যমানে তু লাঙ্গূলে ন মাং দহতি পাবকঃ ।
হৃদয়ং চ প্রহৃষ্টং মে বাতাঃ সুরভিগন্ধিনঃ ।। ৫.৫৮.১৬১ ।।।।
58.162
তৈর্নিমিত্তৈশ্চ দৃষ্টার্থৈঃ কারণৈশ্চ মহাগুণৈঃ ।
ঋষিবাক্যৈশ্চ সিদ্ধার্থৈরভবং হৃষ্টমানসঃ ।। ৫.৫৮.১৬২ ।।।।
58.163
পুনর্দৃষ্ট্বা চ বৈদেহীং বিসৃষ্টশ্চ তয়া পুনঃ ।
। ৫.৫৮.১৬৩ ।।।।
58.164
ততঃ পর্বতমাসাদ্য তত্রারিষ্টমহং পুনঃ ।
প্রতিপ্লবনমারেভে যুষ্মদ্দর্শনকাঙ্ক্ষয়া ।। ৫.৫৮.১৬৪ ।।।।
58.165
ততঃ পবনচন্দ্রার্কসিদ্ধগন্ধর্বসেবিতম্ ।
পন্থানমহমাক্রম্য ভবতো দৃষ্টবানিহ ।। ৫.৫৮.১৬৫ ।।।।
58.166
রাঘবস্য প্রভাবেন ভবতাং চৈব তেজসা ।
সুগ্রীবস্য চ কার্যার্থং ময়া সর্বমনুষ্টিতম্ ।। ৫.৫৮.১৬৬ ।।।।
58.167
এতত্সর্বং ময়া তত্র যথাবদুপপাদিতম্ ।
অত্র যন্ন কৃতং শেষং তত্সর্বং ক্রিয়তামিতি ।। ৫.৫৮.১৬৭ ।।