Utshovসর্গ 59
59.1
এতদাখ্যায় তত্সর্বং হনুমান্ মারুতাত্মজঃ ।
ভূয়ঃ সমুপচক্রাম বচনং বক্তুমুত্তরম্ ।। ৫.৫৯.১ ।।।।
59.2
সফলো রাঘবোদ্যোগঃ সুগ্রীবস্য চ সংভ্রমঃ ।
শীলমাসাদ্য সীতায়া মম চ প্রবণং মনঃ ।। ৫.৫৯.২ ।।।।
59.3
তপসা ধারয়েল্লোকান্ ক্রুদ্ধো বা নির্দহেদপি ।
সর্বথা ঽতিপ্রবৃদ্ধো ঽসৌ রাবণো রাক্ষসাধিপঃ ।তস্য তাং স্পৃশতো গাত্রং তপসা ন বিনাশিতম্ ।। ৫.৫৯.৩ ।।।।
59.4
ন তদগ্নিশিখা কুর্যাৎ সংস্পৃষ্টা পাণিনা সতী ।
জনকস্যাত্মজা কুর্যাদ্যৎ ক্রোধকলুষীকৃতা ।। ৫.৫৯.৪ ।।।।
59.5
জাম্ববত্প্রমুখান্ সর্বাননুজ্ঞাপ্য মহাহরীন্ ।
অস্মিন্নেবংগতে কার্যে ভবতাং চ নিবেদিতে ।। ৫.৫৯.৫ ।।।।
59.6
ন্যায্যং স্ম সহ বৈদেহ্যা দ্রষ্টুং তৌ পার্থিবাত্মজৌ ।
। ৫.৫৯.৬ ।।।।
59.7
অহমেকো ঽপি পর্যাপ্তঃ সরাক্ষসগণাং পুরীম্ ।
তাং লঙ্কাং তপসা হন্তুং রাবণং চ মহাবলম্ ।। ৫.৫৯.৭ ।।।।
59.8
কিং পুনঃ সহিতো বীরৈর্বলবদ্ভিঃ কৃতাত্মভিঃ ।
কৃতাস্ত্রৈঃ প্লবগৈঃ শূরৈর্ভবদ্ভির্বিজয়ৈষিভিঃ ।। ৫.৫৯.৮ ।।।।
59.9
অহং তু রাবণং যুদ্ধে সসৈন্যং সপুরস্সরম্ ।
সহপুত্রং বধিষ্যামি সহোদরয়ুতং যুধি ।। ৫.৫৯.৯ ।।।।
59.10
ব্রাহ্মমৈন্দ্রং চ রৌদ্রং চ বায়ব্যং বারুণং তথা ।
যদি শক্রজিতো ঽস্ত্রাণি দুর্নিরীক্ষাণি সংয়ুগে ।। ৫.৫৯.১০ ।।।।
59.11
তান্যহং বিধামিষ্যামি নিহনিষ্যামি রাক্ষসান্ ।
ভবতামভ্যনুজ্ঞাতো বিক্রমো মে রুণাদ্ধি তম্ ।। ৫.৫৯.১১ ।।।।
59.12
ময়া ঽতুলা বিসৃষ্টা হি শৈলবৃষ্টির্নিরন্তরা ।
দেবানপি রণে হন্যাৎ কিং পুনস্তান্নিশাচরান্ ।। ৫.৫৯.১২ ।।।।
59.13
সাগরো ঽপ্যতিয়াদ্বেলাং মন্দরঃ প্রচলেদপি ।
ন জাম্ববন্তং সমরে কম্পয়েদরিবাহিনী ।। ৫.৫৯.১৩ ।।।।
59.14
সর্বরাক্ষসসঙ্ঘানাং রাক্ষসা যে চ পূর্বকাঃ ।
অলমেকো বিনাশায় বীরো বালিসুতঃ কপিঃ ।। ৫.৫৯.১৪ ।।।।
59.15
পনসস্যোরুবেগেন নীলস্য চ মহাত্মনঃ ।
মন্দরো ঽপ্যবশীর্যেত কিং পুনর্যুধি রাক্ষসাঃ ।। ৫.৫৯.১৫ ।।।।
59.16
সদেবাসুরয়ক্ষেষু গন্ধর্বোরগপক্ষিষু ।
মৈন্দস্য প্রতিয়োদ্ধারং শংসত দ্বিবিদস্য বা ।। ৫.৫৯.১৬ ।।।।
59.17
অশ্বিপুত্রৌ মহাভাগাবেতৌ প্লবগসত্তমৌ ।
এতয়োঃ প্রতিয়োদ্ধারং ন পশ্যামি রণাজিরে ।। ৫.৫৯.১৭ ।।।।
59.18
পিতামহবরোত্সেকাৎ পরমং দর্পমাস্থিতৌ ।
অমৃতপ্রাশিনাবেতৌ সর্ববানরসত্তমৌ ।। ৫.৫৯.১৮ ।।।।
59.19
অশ্বিনোর্মাননার্থং হি সর্বলোকপিতামহঃ ।
সর্বাবধ্যত্বমতুলমনয়োর্দত্তবান্ পুরা ।। ৫.৫৯.১৯ ।।।।
59.20
করোত্সেকেন মুক্তৌ চ প্রমথ্য মহতীং চমূম্ ।
সুরাণামমৃতং বীরৌ পীতবন্তৌ প্লবঙ্গমৌ ।। ৫.৫৯.২০ ।।।।
59.21
এতাবেব হি সংক্রুদ্ধৌ সবাজিরথকুঞ্জরাম্ ।
লঙ্কাং নাশয়িতুং শক্তৌ সর্বে তিষ্ঠন্তু বানরাঃ ।। ৫.৫৯.২১ ।।।।
59.22
ময়ৈব নিহতা লঙ্কাং দগ্ধা ভস্মীকৃতা পুনঃ ।
রাজমার্গেষু সর্বত্র নাম বিশ্রাবিতং ময়া ।। ৫.৫৯.২২ ।।।।
59.23
জয়ত্যতিবলো রামো লক্ষ্মণশ্চ মহাবলঃ ।
রাজা জয়তি সুগ্রীবো রাঘবেণাভিপালিতঃ ।। ৫.৫৯.২৩ ।।।।
59.24
অহং কোসলরাজস্য দাসঃ পবনসম্ভবঃ ।
হনুমানিতি সর্বত্র নাম বিশ্রাবিতং ময়া ।। ৫.৫৯.২৪ ।।।।
59.25
অশোকবনিকামধ্যে রাবণস্য দুরাত্মনঃ ।
অধস্তাচ্ছিংশুপাবৃক্ষে সাধ্বী করুণমাস্থিতা ।। ৫.৫৯.২৫ ।।।।
59.26
রাক্ষসীভিঃ পরিবৃতা শোকসন্তাপকর্শিতা ।
মেঘলেখাপরিবৃতা চন্দ্রলেখেব নিষ্প্রভা ।অচিন্তয়ন্তী বৈদেহী রাবণং বলদর্পিতম্ ।। ৫.৫৯.২৬ ।।।।
59.27
পতিব্রতা চ সুশ্রোণী অবষ্টব্ধা চ জানকী ।
। ৫.৫৯.২৭ ।।
59.28
বৃতা চন্দ্রলেখেব নিষ্প্রভা ।
অনুরক্তা হি বৈদেহী রামং সর্বাত্মনা শুভা ।অনন্যচিত্তা রামে চ পৌলোমীব পুরন্দরে ।। ৫.৫৯.২৮ ।।।।
59.29
তদেকবাসঃ সংবীতা রজোধ্বস্তা তথৈব চ ।
শোকসন্তাপদীনাঙ্গী সীতা ভর্তৃহিতে রতা ।। ৫.৫৯.২৯ ।।।।
59.30
সা ময়া রাক্ষসীমধ্যে তর্জ্যমানা মুহুর্মুহুঃ ।
রাক্ষসীভির্বিরূপাভির্দৃষ্টা হি প্রমদাবনে ।। ৫.৫৯.৩০ ।।।।
59.31
একবেণীধরা দীনা ভর্তৃচিন্তাপরায়ণা ।
অধঃ শয্যা বিবর্ণাঙ্গী পদ্মিনীব হিমাগমে ।। ৫.৫৯.৩১ ।।।।
59.32
রাবণাদ্ বিনিবৃত্তার্থা মর্তব্যকৃতনিশ্চয়া ।
কথংচিন্মৃগশাবাক্ষী বিশ্বাসমুপপাদিতা ।। ৫.৫৯.৩২ ।।।।
59.33
ততঃ সম্ভাষিতা চৈব সর্বমর্থং চ দর্শিতা ।
রামসুগ্রীবসখ্যং চ শ্রুত্বা প্রীতিমুপাগতা ।। ৫.৫৯.৩৩ ।।।।
59.34
নিয়তঃ সমুদাচারো ভক্তির্ভর্তরি চোত্তমা ।
যন্ন হন্তি দশগ্রীবং স মহাত্মা কৃতাগসম্ ।নিমিত্তমাত্রং রামস্তু বধে তস্য ভবিষ্যতি ।। ৫.৫৯.৩৪ ।।।।
59.35
সা প্রকৃত্যৈব তন্বঙ্গী তদ্বিয়োগাচ্চ কর্শিতা ।
প্রতিপত্পাঠশীলস্য বিদ্যেব তনুতাং গতা ।। ৫.৫৯.৩৫ ।।।।
59.36
এবমাস্তে মহাভাগা সীতা শোকপরায়ণা ।
যদত্র প্রতিকর্তব্যং তত্সর্বমুপপদ্যতাম্ ।। ৫.৫৯.৩৬ ।।