সর্গ 61

61.1

ততঃ তৎ দারুণম্ কর্ম দুষ্করম্ সাহসাৎ কৃতম্ ।
আচচক্ষে মুনেঃ সর্বম্ সূর্য অনুগমনম্ তথা ॥৪-৬১-১॥

ভগবন্ ব্রণ যুক্তত্বাৎ লজ্জয়া চ অকুল ইন্দ্রিয়ঃ ।
পরিশ্রান্তো ন শক্নোমি বচনম্ পরিভাষিতুম্ ॥৪-৬১-২॥

অহম্ চৈব জটায়ুঃ চ সংঘর্ষাৎ দর্প মোহিতৌ ।
আকাশম্ পতিতৌ দূরাৎ জিজ্ঞাসন্তৌ পরাক্রমম্ ॥৪-৬১-৩॥

কৈলাস শিখরে বদ্ধ্বা মুনীনাম্ অগ্রতঃ পণম্ ।
রবিঃ স্যাৎ অনুয়াতব্যো যাবৎ অস্তম্ মহাগিরিম্ ॥৪-৬১-৪॥

অপি আবাম্ যুগপৎ প্রাপ্তৌ অপশ্যাব মহী তলে ।
রথ চক্র প্রমাণানি নগরাণি পৃথক্ পৃথক্ ॥৪-৬১-৫॥

ক্বচিৎ বাদিত্র ঘোষঃ চ ক্বচিৎ ভূষণ নিঃস্বনঃ ।
গায়ন্তীঃ স্ম অংগনা বহ্বীঃ পশ্যাবো রক্ত বাসসঃ ॥৪-৬১-৬॥

তূর্ণম্ উত্পত্য চ আকাশম্ আদিত্য পথম্ আস্থিতৌ ।
আবাম্ আলোকয়াবঃ তৎ বনম্ শাদ্বল সংস্থিতম্ ॥৪-৬১-৭॥

উপলৈঃ ইব সংছন্না দৃশ্যতে ভূঃ শিল উচ্চয়ৈঃ ।
আপগাভিঃ চ সংবীতা সূত্রৈঃ ইব বসুংধরা ॥৪-৬১-৮॥

হিমবান্ চৈব বিন্ধ্যঃ চ মেরুঃ চ সুমহান্ গিরিঃ ।
ভূ তলে সংপ্রকাশন্তে নাগা ইব জল আশয়ে ॥৪-৬১-৯॥

তীব্রঃ স্বেদঃ চ খেদঃ চ ভয়ম্ চ আসীৎ তদা অবয়োঃ ।
সমাবিশত মোহঃ চ ততো মূর্চ্ছা চ দারুণা ॥৪-৬১-১০॥

ন চ দিক্ জ্ঞায়তে যাম্যা ন আগ্নেয়ী ন চ বারুণী ।
যুগ অন্তে নিয়তো লোকো হতো দগ্ধ ইব অগ্নিনা ॥৪-৬১-১১॥

মনঃ চ মে হতম্ ভূয়ঃ চক্ষুঃ প্রাপ্য তু সংশ্রয়ম্ ।
যত্নেন মহতা হি অস্মিন্ মনঃ সংধায় চক্ষুষী ॥৪-৬১-১২॥

যত্নেন মহতা ভূয়ো ভাস্করঃ প্রতিলোকিতঃ ।
তুল্যঃ পৃথ্বী প্রমাণেন ভাস্করঃ প্রতিভাতি নৌ ॥৪-৬১-১৩॥

জটায়ুঃ মাম্ অনাপৃচ্ছ্য নিপপাত মহীম্ ততঃ ।
তম্ দৃষ্ট্বা তূর্ণম্ আকাশাৎ আত্মানম্ মুক্তবান্ অহম্ ॥৪-৬১-১৪॥

পক্ষভ্যাম্ চ ময়া গুপ্তো জটায়ুঃ ন প্রদহ্যত ।
প্রমাদাৎ তত্র নির্দগ্ধঃ পতন্ বায়ু পথাৎ অহম্ ॥৪-৬১-১৫॥

আশন্কে তম্ নিপতিতম্ জনস্থানে জটায়ুষম্ ।
অহম্ তু পতিতো বিন্ধ্যে দগ্ধ পক্ষো জডী কৃতঃ ॥৪-৬১-১৬॥

রাজ্যাৎ হীনো ভ্রাত্রা চ পক্ষাভ্যাম্ বিক্রমেণ চ ।
সর্বথা মর্তুম্ এব ইচ্ছন্ পতিষ্যে শিখরাৎ গিরেঃ ॥৪-৬১-১৭॥