সর্গ 60

60.1

ততঃ কৃত উদকম্ স্নাতম্ তম্ গৃধ্রম্ হরি যূথপাঃ ।
উপবিষ্টা গিরৌ রম্যে পরিবার্য সমন্ততঃ ॥৪-৬০-১॥

তম্ অংগদম্ উপাসীনম্ তৈঃ সর্বৈঃ হরিভিঃ বৃতম্ ।
জনিত প্রত্যয়ো হর্ষাৎ সংপাতিঃ পুনঃ অব্রবীৎ ॥৪-৬০-২॥

কৃত্বা নিঃশব্দম্ এক অগ্রাঃ শৃণ্বন্তু হরয়ো মম ।
তথ্যম্ সংকীর্তয়িষ্যামি যথা জানামি মৈথিলীম্ ॥৪-৬০-৩॥

অস্য বিন্ধ্যস্য শিখরে পতিতো অস্মি পুরা অনঘ ।
সূর্য তাপ পরীত অংগো নির্দগ্ধঃ সূর্য রশ্মিভিঃ ॥৪-৬০-৪॥

লব্ধ সংজ্ঞঃ তু ষড্ রাত্রাৎ বিবশো বিহ্বলন্ ইব ।
বীক্ষমাণো দিশঃ সর্বা ন অভিজানামি কিংচন ॥৪-৬০-৫॥

ততঃ তু সাগরান্ শৈলান্ নদীঃ সর্বাঃ সরাংসি চ ।
বনানি চ প্রদেশান্ চ সমীক্ষ্য মতিঃ আগতাম্ ॥৪-৬০-৬॥

হৃষ্ট পক্ষি গণ আকীর্ণঃ কন্দর উদর কূটবান্ ।
দক্ষিণস্য উদধেঃ তীরে বিন্ধ্যো অয়ম্ ইতি নিশ্চিতঃ ॥৪-৬০-৭॥

আসীৎ চ অত্র আশ্রমম্ পুণ্যম্ সুরৈঃ অপি সুপূজিতম্ ।
ঋষিঃ নিশাকরো নাম যস্মিন্ উগ্র তপা অভবৎ ॥৪-৬০-৮॥

অষ্টৌ বর্ষ সহস্রাণি তেন অস্মিন্ ঋষিণা গিরৌ ।
বসতো মম ধর্মজ্ঞো স্বর্ গতে তু নিশাকরে ॥৪-৬০-৯॥

অবতীর্য চ বিন্ধ্য অগ্রাৎ কৃচ্ছ্রেণ বিষমাৎ শনৈঃ ।
তীক্ষ্ণ দর্ভাম্ বসুমতীম্ দুঃখেন পুনর্ আগতঃ ॥৪-৬০-১০॥

তম্ ঋষিম্ দ্রষ্টু কামো অস্মি দুঃখেন অভ্যাগতো ভৃশম্ ।
জটায়ুষা ময়া চৈব বহুশো অভিগতো হি সঃ ॥৪-৬০-১১॥

তস্য আশ্রম পদাভ্যাশে ববুঃ বাতাঃ সুগন্ধিনঃ ।
বৃক্ষো ন অপুষ্পিতঃ কশ্চিৎ অফলো বা ন দৃশ্যতে ॥৪-৬০-১২॥

উপেত্য চ আশ্রমম্ পুণ্যম্ বৃক্ষ মূলম্ উপাশ্রিতঃ ।
দ্রষ্টু কামঃ প্রতীক্ষে চ ভগবংতম্ নিশাকরম্ ॥৪-৬০-১৩॥

অথ পশ্যমি দূরস্থম্ ঋষিম্ জ্বলিত তেজসম্ ।
কৃত অভিষেকম্ দুর্ধর্ষম্ উপাবৃত্তম্ উদন্ মুখম্ ॥৪-৬০-১৪॥

তম্ ঋক্ষাঃ সৃমরা ব্যাঘ্রাঃ সিংহা নানা সরীসৃপাঃ ।
পরিবার্য উপগচ্ছন্তি দাতারম্ প্রাণিনো যথা ॥৪-৬০-১৫॥

ততঃ প্রাপ্তম্ ঋষিম্ জ্ঞাত্বা তানি সত্ত্বানি বৈ যয়ুঃ ।
প্রবিষ্টে রাজনি যথা সর্বম্ স অমাত্যকম্ বলম্ ॥৪-৬০-১৬॥

ঋষিঃ তু দৃষ্ট্বা মাম্ তুষ্টঃ প্রবিষ্টঃ চ আশ্রমম্ পুনঃ ।
মুহূর্ত মাত্রান্ নির্গম্য ততঃ কার্যম্ অপৃচ্ছত ॥৪-৬০-১৭॥

সৌম্য বৈকল্যতাম্ দৃষ্ট্বা রোম্ণাম্ তে ন অবগম্যতে ।
অগ্নি দগ্ধৌ ইমৌ পক্ষৌ প্রাণাঃ চাপি শরীরকে ॥৪-৬০-১৮॥

গৃধ্রৌ দ্বৌ দৃষ্ট পূর্বৌ মে মাতরিশ্ব সমৌ জবে ।
গৃধ্রাণাম্ চৈব রাজানৌ ভ্রাতরৌ কাম রূপিণৌ ॥৪-৬০-১৯॥

জ্যেষ্ঠো অবিত স্ত্বম্ তু সংপাতে জটায়ুঃ অনুজঃ তব ।
মানুষম্ রূপম্ আস্থায় গৃহ্ণীতাম্ চরণৌ মম ॥৪-৬০-২০॥

কিম্ তে ব্যাধি সমুত্থানম্ পক্ষয়োঃ পতনম্ কথম্ ।
দণ্ডো বা অয়ম্ ধৃতঃ কেন সর্বম্ আখ্যাহি পৃচ্ছতঃ ॥৪-৬০-২১॥