Utshovসর্গ 59
59.1
ততঃ তৎ অমৃত আস্বাদম্ গৃধ্র রাজেন ভাষিতম্ ।
নিশম্য মুদিতো হৃষ্টাঃ তে বচঃ প্লবগর্ষভাঃ ॥৪-৫৯-১॥
59.2
জাংববান্ বানর শ্রেষ্ঠঃ সহ সর্বৈঃ প্লবংগমৈঃ ।
ভূ তলাৎ সহসা উত্থায় গৃধ্র রাজানম্ অব্রবীৎ ॥৪-৫৯-২॥
59.3
ক্ব সীতা কেন বা দৃষ্টা কো বা হরতি মৈথিলীম্ ।
তৎ আখ্যাতু ভবান্ সর্বম্ গতিঃ ভব বন ওকসাম্ ॥৪-৫৯-৩॥
59.4
কো দাশরথি বাণানাম্ বজ্র বেগ নিপাতিনাম্ ।
স্বয়ম্ লক্ষ্মণম্ মুক্তানাম্ ন চিংতয়তি বিক্রমম্ ॥৪-৫৯-৪॥
59.5
স হরীন্ প্রতি সংয়ুক্তান্ সীতা শ্রুতি সমাহিতান্ ।
পুনঃ আশ্বাসয়ন্ প্রীত ইদম্ বচনম্ অব্রবীৎ ॥৪-৫৯-৫॥
59.6
শ্রূয়তাম্ ইহ বৈদেহ্যা যথা মে হরণম্ শ্রুতম্ ।
যেন চ অপি মম আখ্যাতম্ যত্র চ আয়ত লোচনা ॥৪-৫৯-৬॥
59.7
অহম্ অস্মিন্ গিরৌ দুর্গে বহু যোজনম্ আয়তে ।
চিরাৎ নিপতিতো বৃদ্ধঃ ক্ষীণ প্রাণ পরাক্রমঃ ॥৪-৫৯-৭॥
59.8
তম্ মাম্ এবম্ গতম্ পুত্রঃ সুপার্শ্বো নাম নামতঃ ।
আহারেণ যথা কালম্ বিভর্তি পততাম্ বরঃ ॥৪-৫৯-৮॥
59.9
তীক্ষ্ণ কামাঃ তু গংধর্বাঃ তীক্ষ্ণ কোপা ভুজংগমাঃ ।
মৃগাণাম্ তু ভয়ম্ তীক্ষ্ণম্ ততঃ তীক্ষ্ণ ক্ষুধা বয়ম্ ॥৪-৫৯-৯॥
59.10
স কদাচিৎ ক্ষুধা আর্তস্য মম আহার কান্ক্ষিণঃ ।
গত সূর্যো অহনি প্রাপ্তো মম পুত্রো হি অনামিষঃ ॥৪-৫৯-১০॥
59.11
স ময়া আহার সংরোধাৎ পীডিতঃ প্রীতি বর্ধনঃ ।
অনুমান্য যথা তত্ত্বম্ ইদম্ বচনম্ অব্রবীৎ ॥৪-৫৯-১১॥
59.12
অহম্ তাত যথা কালম্ আমিষ অর্থী খম্ আপ্লুতঃ ।
মহেন্দ্রস্য গিরেঃ দ্বারম্ আবৃত্য চ সুসমাশ্রিতঃ ॥৪-৫৯-১২॥
59.13
তত্র সত্ত্ব সহস্রাণাম্ সাগর অন্তর চারিণাম্ ।
পংথানম্ একো অধ্যবসম্ সংনিরোদ্ধুম্ অবাঙ্ মুখঃ ॥৪-৫৯-১৩॥
59.14
তত্র কশ্চিৎ ময়া দৃষ্টঃ সূর্য উদয় সম প্রভাম্ ।
স্ত্রিয়ম্ আদায় গচ্ছন্ বৈ ভিন্ন অংজন চয় উপমঃ ॥৪-৫৯-১৪॥
59.15
সো অহম্ অভ্যবহার অর্থম্ তৌ দৃষ্ট্বা কৃত নিশ্চয়ঃ ।
তেন সাম্না বিনীতেন পন্থানম্ অনুয়াচিতঃ ॥৪-৫৯-১৫॥
59.16
ন হি সাম উপপন্নানাম্ প্রহর্তা বিদ্যতে ভুবি ।
নীচেষু অপি জনঃ কশ্চিৎ কিম্ অঙ্গ বত মৎ বিধঃ ॥৪-৫৯-১৬॥
59.17
স যাতঃ তেজসা ব্যোম সংক্ষিপন্ ইব বেগতঃ ।
অথ অহম্ খে চরৈঃ ভূতৈঃ অভিগম্য সভাজিতঃ ॥৪-৫৯-১৭॥
59.18
দিষ্ট্যা জীবতি সীত ইতি হি অব্রুবন্ মাম্ মহর্ষয়ঃ ।
কথংচিৎ স কলত্রঃ অসৌ গতঃ তে স্বস্তি অসংশয়ম্ ॥৪-৫৯-১৮॥
59.19
এবম্ উক্তঃ ততো অহম্ তৈঃ সিদ্ধৈঃ পরম শোভনৈঃ ।
স চ মে রাবণো রাজা রক্ষসাম্ প্রতিবেদিতঃ ॥৪-৫৯-১৯॥
59.20
পশ্যন্ দাশরথেঃ ভার্যাম্ রামস্য জনক আত্মজাম্ ।
ভ্রষ্ট আভরণ কৌশেয়াম্ শোক বেগ পরাজিতাম্ ॥৪-৫৯-২০॥
59.21
রাম লক্ষ্মণয়োঃ নাম ক্রোশন্তীম্ মুক্ত মূর্ধজাম্ ।
এষ কাল অত্যয়ঃ তাত ইতি বাক্যবিদাম্ বরঃ ॥৪-৫৯-২১॥
59.22
এতৎ অর্থম্ সমগ্রম্ মে সুপার্শ্বঃ প্রত্যবেদয়ৎ ।
তৎ শ্রুত্বা অপি হি মে বুদ্ধিঃ ন আসীৎ কাচিৎ পরাক্রমে ॥৪-৫৯-২২॥
59.23
অপক্ষো হি কথম্ পক্ষী কর্ম কিংচিৎ সমারভেৎ ।
যৎ তু শক্যম্ ময়া কর্তুম্ বাক্ বুদ্ধি গুণ বর্তিনা ॥৪-৫৯-২৩॥
59.24
শ্রূয়তাম্ তত্র বক্ষ্যামি ভবতাম্ পৌরুষ আশ্রয়ম্ ।
বাক্ মতিভ্যাম্ হি সার্বেষাম্ করিষ্যামি প্রিয়ম্ হি বঃ ॥৪-৫৯-২৪॥
59.25
যৎ হি দাশরথেঃ কার্যম্ মম তৎ ন অত্র সংশয়ঃ ।
তৎ ভবন্তো মতি শ্রেষ্ঠা বলবন্তো মনস্বিনঃ ॥৪-৫৯-২৫॥
59.26
প্রহিতাঃ কপি রাজেন দেবৈঃ অপি দুরাসদাঃ ।
রাম লক্ষ্মণ বাণাঃ চ নিশিতাঃ কংক পত্রিণঃ ॥৪-৫৯-২৬॥
59.27
ত্রয়াণাম্ অপি লোকানাম্ পর্যাপ্তাঃ ত্রাণ নিগ্রহে ।
কামম্ খলু দশগ্রীবঃ তেজো বল সমন্বিতঃ ।ভবতাম্ তু সমর্থানাম্ ন কিংচিৎ অপি দুষ্করম্ ॥৪-৫৯-২৭॥
59.28
তৎ অলম্ কাল সংগেন ক্রিয়তাম্ বুদ্ধি নিশ্চয়ঃ ।
ন হি কর্মসু সজ্জন্তে বুদ্ধিমন্তো ভবৎ বিধাঃ ॥৪-৫৯-২৮॥