Utshovসর্গ 58
58.1
ইতি উক্তঃ করুণম্ বাক্যম্ বানরৈঃ ত্যক্ত জীবিতৈঃ ।
স বাষ্পো বানরান্ গৃধ্রঃ প্রত্যুবাচ মহাস্বনঃ ॥৪-৫৮-১॥
58.2
যবীয়ান্ মম স ভ্রাতা জটায়ুঃ নাম বানরাঃ ।
যম্ আখ্যাত হতম্ যুদ্ধে রাবণেন বলীয়সা ॥৪-৫৮-২॥
58.3
বৃদ্ধ ভাবাৎ অপক্ষত্বাৎ শৃণ্বন্ তৎ অপি মর্ষয়ে ।
ন হি মে শক্তিঃ অদ্য অস্তি ভ্রাতুঃ বৈর বিমোক্ষণে ॥৪-৫৮-৩॥
58.4
পুরা বৃত্র বধে বৃত্তে স চ অহম্ চ জয় এষিণৌ ।
আদিত্যম্ উপয়াতৌ স্বো জ্বলংতম্ রশ্মি মালিনম্ ॥৪-৫৮-৪॥
58.5
আবৃত্য আকাশ মার্গেণ জবেন স্বর্ গতৌ ভৃশম্ ।
মধ্যম্ প্রাপ্তে চ সূর্যে চ জটায়ুঃ অবসীদতি ॥৪-৫৮-৫॥
58.6
তম্ অহম্ ভ্রাতরম্ দৃষ্ট্বা সূর্য রশ্মিভিঃ অর্দিতম্ ।
পক্ষাভ্যম্ ছাদয়ামাস স্নেহাৎ পরম বিহ্বলম্ ॥৪-৫৮-৬॥
58.7
নির্দগ্ধ পত্রঃ পতিতো বিন্ধ্যে অহম্ বানরর্ষভাঃ ।
অহম্ অস্মিন্ বসন্ ভ্রাতুঃ প্রবৃত্তিম্ ন উপলক্ষয়ে ॥৪-৫৮-৭॥
58.8
জটায়ুষঃ তু এবম্ উক্তো ভ্রাত্রা সম্পাতিনা তদা ।
যুব রাজো মহাপ্রাজ্ঞঃ প্রত্যুবাচ অংগদঃ তদা ॥৪-৫৮-৮॥
58.9
জটায়ুষো যদি ভ্রাতা শ্রুতম্ তে গদিতম্ ময়া ।
আখ্যাহি যদি জানাসি নিলয়ম্ তস্য রক্ষসঃ ॥৪-৫৮-৯॥
58.10
অদীর্ঘ দর্শিনম্ তম্ বা রাবণম্ রাক্ষসাধিপম্ ।
অন্তিকে যদি বা দূরে যদি জানাসি শংস নঃ ॥৪-৫৮-১০॥
58.11
ততো অব্রবীৎ মহাতেজা ভ্রাতা জ্যেষ্ঠো জটায়ুষঃ ।
আত্ম অনুরূপম্ বচনম্ বানরান্ সংপ্রহর্ষয়ন্ ॥৪-৫৮-১১॥
58.12
নির্দগ্ধ পক্ষো গৃধ্রো অহম্ গত বীর্যঃ প্লবম্ গমাঃ ।
বাঙ্ মাত্রেণ তু রামস্য করিষ্যে সাহ্যম্ উত্তমম্ ॥৪-৫৮-১২॥
58.13
জানামি বারুণান্ লোকান্ বিষ্ণোঃ ত্রৈবিক্রমান্ অপি ।
দেব অসুর বিমর্দাম্ চ হি অমৃতস্য চ মংথনম্ ॥৪-৫৮-১৩॥
58.14
রামস্য যৎ ইদম্ কার্যম্ কর্তব্যম্ প্রথমম্ ময়া ।
জরয়া চ হতম্ তেজঃ প্রাণাঃ চ শিথিলা মম ॥৪-৫৮-১৪॥
58.15
তরুণী রূপ সংপন্না সর্ব আভরণ ভূষিতা ।
হ্রিয়মাণা ময়া দৃষ্টা রাবণেন দুরাত্মনা ॥৪-৫৮-১৫॥
58.16
ক্রোশন্তী রাম রাম ইতি লক্ষ্মণ ইতি চ ভামিনী ।
ভূষণানি অপবিধ্যন্তী গাত্রাণি চ বিধুন্বতী ॥৪-৫৮-১৬॥
58.17
সূর্য প্রভা ইব শৈল অগ্রে তস্যাঃ কৌশেয়ম্ উত্তমম্ ।
অসিতে রাক্ষসে ভাতি যথা বা তডিৎ অংবুদে ॥৪-৫৮-১৭॥
58.18
তাম্ তু সীতাম্ অহম্ মন্যে রামস্য পরিকীর্তনাৎ ।
শ্রূয়তাম্ মে কথয়তো নিলয়ম্ তস্য রক্ষসঃ ॥৪-৫৮-১৮॥
58.19
পুত্রো বিশ্রবসঃ সাক্ষাৎ ভ্রাতা বৈশ্রবণস্য চ ।
অধ্যাস্তে নগরীম্ লংকাম্ রাবণো নাম রাক্ষসঃ ॥৪-৫৮-১৯॥
58.20
ইতো দ্বীপে সমুদ্রস্য সংপূর্ণে শত যোজনে ।
তস্মিন্ লংকা পুরী রম্যা নির্মিতা বিশ্বকর্মণা ॥৪-৫৮-২০॥
58.21
জাংবূনদময়ৈঃ দ্বারৈঃ চিত্রৈঃ কাংচন বেদিকৈঃ ।
প্রাসাদৈঃ হেম বর্ণৈঃ চ মহদ্ভিঃ সুসমাকৃতা ॥৪-৫৮-২১॥
58.22
প্রাকারেণ অর্ক বর্ণেন মহতা চ সমন্বিতা ।
তস্যাম্ বসতি বৈদেহী দীনা কৌশেয় বাসিনী ॥৪-৫৮-২২॥
58.23
রাবণ অন্তঃপুরে রুদ্ধা রাক্ষসীভিঃ সুরক্ষিতা ।
জনকস্য আত্মজাম্ রাজ্ঞঃ তস্যাম্ দ্রক্ষ্যথ মৈথিলীম্ ॥৪-৫৮-২৩॥
58.24
লংকায়াম্ অথ গুপ্তায়াম্ সাগরেণ সমংততঃ ।
সংপ্রাপ্য সাগরস্য অংতম্ সংপূর্ণম্ শত যোজনম্ ॥৪-৫৮-২৪॥
58.25
আসাদ্য দক্ষিণম্ তীরম্ ততো দ্রক্ষ্যথ রাবণম্ ।
তত্র এব ত্বরিতাঃ ক্ষিপ্রম্ বিক্রমধ্বম্ প্লবংগমাঃ ॥৪-৫৮-২৫॥
58.26
জ্ঞানেন খলু পশ্যামি দৃষ্ট্বা প্রত্যাগমিষ্যথ ।
আদ্যঃ পংথাঃ কুলিংগানাম্ যে চ অন্যে ধান্য জীবিনঃ ॥৪-৫৮-২৬॥
58.27
দ্বিতীয়ো বলি ভোজানাম্ যে চ বৃক্ষ ফল অশিনঃ ।
ভাসাঃ তৃতীয়ম্ গচ্ছন্তি ক্রৌন্চাঃ চ কুররৈঃ সহ ॥৪-৫৮-২৭॥
58.28
শ্যেনাঃ চতুর্থম্ গচ্ছন্তি গৃধ্রা গচ্ছন্তি পংচমম্ ।
বল বীর্য উপপন্নানাম্ রূপ যৌবন শালিনাম্ ॥৪-৫৮-২৮॥
58.29
ষষ্ঠঃ তু পন্থা হংসানাম্ বৈনতেয় গতিঃ পরা ।
বৈনতেয়াৎ চ নঃ জন্ম সর্বেষাম্ বানরর্ষভাঃ ॥৪-৫৮-২৯॥
58.30
গর্হিতম্ তু কৃতম্ কর্ম যেন স্ম পিশিত অশনাঃ ।
প্রতিকার্যম্ চ মে তস্য বৈরম্ ভ্রাতৃ কৃতম্ ভবেৎ ॥৪-৫৮-৩০॥
58.31
ইহ স্থঃ অহম্ প্রপশ্যামি রাবণম্ জানকীম্ তথা ।
অস্মাকম্ অপি সৌপর্ণম্ দিব্যম্ চক্ষুর্ বলম্ তথা ॥৪-৫৮-৩১॥
58.32
তস্মাৎ আহার বীর্যেণ নিসর্গেণ চ বানরাঃ ।
আয়োজন শতাৎ সাগ্রাৎ বয়ম্ পশ্যাম নিত্যশঃ ॥৪-৫৮-৩২॥
58.33
অস্মাকম্ বিহিতা বৃত্তিঃ নিসার্গেণ চ দূরতঃ ।
বিহিতা পাদ মূলে তু বৃত্তিঃ চরণ যোধিনাম্ ॥৪-৫৮-৩৩॥
58.34
উপায়ো দৃশ্যতাম্ কশ্চিৎ লংঘনে লবণ অংভসঃ ।
অভিগম্য তু বৈদেহীম্ সমৃদ্ধ অর্থা গমিষ্যথ ॥৪-৫৮-৩৪॥
58.35
সমুদ্রম্ নেতুম্ ইচ্ছামি ভবদ্ভিঃ বরুণ আলয়ম্ ।
প্রদাস্যামি উদকম্ ভ্রাতুঃ স্বর্ গতস্য মহাত্মনঃ ॥৪-৫৮-৩৫॥
58.36
ততো নীত্বা তু তম্ দেশম্ তীরে নদ নদী পতেঃ ।
নির্দগ্ধ পক্ষম্ সংপাতিম্ বানরাঃ সুমহৌওজসঃ ॥৪-৫৮-৩৬॥
58.37
তম্ পুনঃ প্রত্যানয়িত্বা বৈ তম্ দেশম্ পতগ ঈশ্বরম্ ।
বভূবুঃ বানরা হৃষ্টাঃ প্রবৃত্তিম্ উপলভ্য তে ॥৪-৫৮-৩৭॥