সর্গ 57

57.1

শোকাৎ ভ্রষ্ট স্বরম্ অপি শ্রুত্বা তে হরি যূথপাঃ ।
শ্রদ্দধুঃ ন এব তৎ বাক্যম্ কর্মণা তস্য শন্কিতাঃ ॥৪-৫৭-১॥

তে প্রায়ম্ উপবিষ্টাঃ তু দৃষ্ট্বা গৃধ্রম্ প্লবংগমাঃ ।
চক্রুঃ বুদ্ধিম্ তদা রৌদ্রাম্ সর্বান্ নঃ ভক্ষয়িষ্যতি ॥৪-৫৭-২॥

সর্বথা প্রায়ম্ আসীনান্ যদি নঃ ভক্ষয়িষ্যতি ।
কৃত কৃত্যা ভবিষ্যামঃ ক্ষিপ্রম্ সিদ্ধিম্ ইতো গতাঃ ॥৪-৫৭-৩॥

এতাম্ বুদ্ধিম্ ততঃ চক্রুঃ সর্বে তে হরি যূথপাঃ ।
অবতার্য গিরেঃ শৃংগাৎ গৃধ্রম্ আহ অংগদঃ তদা ॥৪-৫৭-৪॥

বভূবুঃ ঋক্ষরজো নাম বানরেন্দ্রঃ প্রতাপবান্ ।
মম আর্যঃ পার্থিবঃ পক্ষিন্ ধার্মিকৌ তস্য চ আত্মজৌ ॥৪-৫৭-৫॥

সুগ্রীবঃ চৈব বলী চ পুত্রৌ ঘন বলৌ উভৌ ।
লোকে বিশ্রুত কর্মা অভূৎ রাজা বালী পিতা মম ॥৪-৫৭-৬॥

রাজা কৃত্স্নস্য জগতঃ ইক্ষ্বাকূণাম্ মহারথঃ ।
রামো দাশরথিঃ শ্রীমান্ প্রবিষ্টো দণ্ডকা বনম্ ॥৪-৫৭-৭॥

লক্ষ্মণেন সহ ভ্রাত্রা বৈদেহ্যা চ অপি ভার্যয়া ।
পিতুঃ নিদেশ নিরতো ধর্মম্ পন্থানম্ আশ্রিতঃ ॥৪-৫৭-৮॥

তস্য ভার্যা জনস্থানাৎ রাবণেন হৃতা বলাৎ ।
রামস্য চ পিতুঃ মিত্রম্ জটায়ুঃ নাম গৃধ্র রাট্ ॥৪-৫৭-৯॥

দদর্শ সীতাম্ বৈদেহীম্ হ্রিয়মাণাম্ বিহায়সা ।
রাবণম্ বিরথম্ কৃত্বা স্থাপয়িত্বা চ মৈথিলীম্ ।পরিশ্রান্তঃ চ বৃদ্ধঃ চ রাবণেন হতো রণে ॥৪-৫৭-১০॥

এবম্ গৃধ্রো হতঃ তেন রাবণেন বলীয়সা ।
সংস্কৃতঃ চ অপি রামেণ গতঃ চ গতিম্ উত্তমাম্ ॥৪-৫৭-১১॥

ততো মম পিতৃব্যেণ সুগ্রীবেণ মহাত্মনা ।
চকার রাঘবঃ সখ্যম্ সঃ অবধীৎ পিতরম্ মম ॥৪-৫৭-১২॥

মম পিত্রা বিরুদ্ধো হি সুগ্রীবঃ সচিবৈঃ সহ ।
নিহত্য বালিনম্ রামঃ ততঃ তম্ অভিষেচয়ৎ ॥৪-৫৭-১৩॥

স রাজ্যে স্থাপিতঃ তেন সুগ্রীবো বানরেশ্বরঃ ।
রাজা বানর মুখ্যানাম্ তেন প্রস্থাপিতা বয়ম্ ॥৪-৫৭-১৪॥

এবম্ রাম প্রয়ুক্তাঃ তু মার্গমাণাঃ ততঃ ততঃ ।
বৈদেহীম্ ন অধিগচ্ছামো রাত্রৌ সূর্য প্রভাম্ ইব ॥৪-৫৭-১৫॥

তে বয়ম্ দণ্দকারণ্যম্ বিচিত্য সুসমাহিতাঃ ।
অজ্ঞানাৎ তু প্রবিষ্টাঃ স্ম ধরণ্যা বিবৃতম্ বিলম্ ॥৪-৫৭-১৬॥

ময়স্য মায়া বিহিতম্ তৎ বিলম্ চ বিচিন্বতাম্ ।
ব্যতীতঃ তত্র নঃ মাসঃ যঃ রাজ্ঞা সময়ঃ কৃতঃ ॥৪-৫৭-১৭॥

তে বয়ম্ কপি রাজস্য সর্বে বচন কারিণঃ ।
কৃতাম্ সংস্থাম্ অতিক্রান্তা ভয়াৎ প্রায়ম্ উপাসিতাঃ ॥৪-৫৭-১৮॥

ক্রুদ্ধে তস্মিন্ তু কাকুত্স্থে সুগ্রীবে চ স লক্ষ্মণে ।
গতানাম্ অপি সর্বেষাম্ তত্র নঃ ন অস্তি জীবিতম্ ॥৪-৫৭-১৯॥