Utshovসর্গ 56
56.1
উপবিষ্টাঃ তু তে সর্বে যস্মিন্ প্রায়ম্ গিরি স্থলে ।
হরয়ো গৃধ্র রাজঃ চ তম্ দেশম্ উপচক্রমে ॥৪-৫৬-১॥
56.2
সাংপাতিঃ নাম নাম্না তু চির জীবী বিহংগমঃ ।
ভ্রাতা জটায়ুষঃ শ্রীমান্ প্রখ্যাত বল পৌরুষঃ ॥৪-৫৬-২॥
56.3
কংদরাৎ অভিনিষ্ক্রম্য স বিন্ধ্যস্য মহাগিরেঃ ।
উপবিষ্টান্ হরীন্ দৃষ্ট্বা হৃষ্টাত্মা গিরম্ অব্রবীৎ ॥৪-৫৬-৩॥
56.4
বিধিঃ কিল নরম্ লোকে বিধানেন অনুবর্ততে ।
যথা অয়ম্ বিহিতো ভক্ষ্যঃ চিরাৎ মহ্যম্ উপাগতঃ ॥৪-৫৬-৪॥
56.5
পরংপরাণাম্ ভক্ষিষ্যে বানরাণাম্ মৃতম্ মৃতম্ ।
উবাচ এতৎ বচঃ পক্ষী তান্ নিরীক্ষ্য প্লবংগমান্ ॥৪-৫৬-৫॥
56.6
তস্য তৎ বচনম্ শ্রুত্বা ভক্ষ লুব্ধস্য পক্ষিণঃ ।
অংগদঃ পরম্ আয়স্তো হনূমংতম্ অথ অব্রবীৎ ॥৪-৫৬-৬॥
56.7
পশ্য সীতা - গৃধ্রা - অপদেশেন সাক্ষাৎ বৈবস্বতো যমঃ ।
ইমম্ দেশম্ অনুপ্রাপ্তো বানরাণাম্ বিপত্তয়ে ॥৪-৫৬-৭॥
56.8
রামস্য ন কৃতম্ কার্যম্ ন কৃতম্ রাজ শাশনম্ ।
হরীণাম্ ইয়ম্ অজ্ঞাতা বিপত্তিঃ সহসা আগতা ॥৪-৫৬-৮॥
56.9
বৈদেহ্যাঃ প্রিয় কামেন কৃতম্ কর্ম জটায়ুষা ।
গৃধ্র রাজেন যৎ তত্র শ্রুতম্ বঃ তৎ অশেষতঃ ॥৪-৫৬-৯॥
56.10
তথা সর্বাণি ভূতানি তির্যক্ যোনি গতানি অপি ।
প্রিয়ম্ কুর্বন্তি রামস্য ত্যক্ত্বা প্রাণান্ যথা বয়ম্ ॥৪-৫৬-১০॥
56.11
অন্যোন্যম্ উপকুর্বন্তি স্নেহ কারুণ্য যন্ত্রিতাঃ ।
ততঃ তস্য উপকার অর্থম্ ত্যজত আত্মানম্ আত্মনা ॥৪-৫৬-১১॥
56.12
প্রিয়ম্ কৃত্বা হি রামস্য ধর্মজ্ঞেন জটায়ুষা ।
রাঘব অর্থে পরিশ্রান্তা বয়ম্ সংত্যক্ত জীবিতাঃ ॥৪-৫৬-১২॥
56.13
কাংতারাণি প্রপন্নাঃ স্ম ন চ পশ্যাম মৈথিলীম্ ।
স সুখী গৃধ্র রাজঃ তু রাবণেন হতো রণে ।মুক্তঃ চ সুগ্রীব ভয়াৎ গতঃ চ পরমাম্ গতিম্ ॥৪-৫৬-১৩॥
56.14
জটায়ুষো বিনাশেন রাজ্ঞো দশরথস্য চ ।
হরণেন চ বৈদেহ্যাঃ সংশয়ম্ হরয়ো গতাঃ ॥৪-৫৬-১৪॥
56.15
রাম লক্ষ্মণয়োঃ বাসাম্ অরণ্যে সহ সীতয়া ।
রাঘবস্য চ বাণেন বালিনঃ চ তথা বধঃ ॥৪-৫৬-১৫॥
56.16
রাম কোপাৎ অশেষাণাম্ রাক্ষসাম্ চ তথা বধম্ ।
কৈকেয্যা বর দানেন ইদম্ চ বিকৃতম্ কৃতম্ ॥৪-৫৬-১৬॥
56.17
তৎ অসুখম্ অনুকীর্তিতম্ বচোভুবি পতিতান্ চ নিরীক্ষ্য বানরান্ ।
ভৃশ চকিত মতিঃ মহামতিঃকৃপণম্ উদাহৃতবান্ স গৃধ্ররাজঃ ॥৪-৫৬-১৭॥
56.18
তৎ তু শ্রুত্বা তদা বাক্যম্ অংগদস্য মুখ উদ্গতম্ ।
অব্রবীৎ বচনম্ গৃধ্রঃ তীক্ষ্ণ তুণ্ডো মহাস্বনঃ ॥৪-৫৬-১৮॥
56.19
কো অয়ম্ গিরা ঘোষয়তি প্রাণৈঃ প্রিয়তরস্য মে ।
জটায়ুষো বধম্ ভ্রাতুঃ কংপয়ন্ ইব মে মনঃ ॥৪-৫৬-১৯॥
56.20
কথম্ আসীৎ জনস্থানে যুদ্ধম্ রাক্ষস গৃধ্রয়োঃ ।
নামধেয়ম্ ইদম্ ভ্রাতুঃ চিরস্য অদ্য ময়া শ্রুতম্ ॥৪-৫৬-২০॥
56.21
ইচ্ছেয়ম্ গিরি দুর্গাৎ চ ভবদ্ভিঃ অবতারিতুম্ ।
যবীয়সো গুণজ্ঞস্য শ্লাঘনীয়স্য বিক্রমৈঃ ॥৪-৫৬-২১॥
56.22
অতি দীর্ঘস্য কালস্য পরিতুষ্টো অস্মি কীর্তিতনাৎ ।
তৎ ইচ্ছেয়ম্ অহম্ শ্রোতুম্ বিনাশম্ বানর ঋষভাঃ ॥৪-৫৬-২২॥
56.23
ভ্রাতুঃ জটায়ুষঃ তস্য জনস্থান নিবাসিনঃ ।
তস্য এব চ মম ভ্রাতুঃ সখা দশরথঃ কথম্ ॥৪-৫৬-২৩॥
56.24
যস্য রামঃ প্রিয়ঃ পুত্রো জ্যেষ্ঠো গুরু জন প্রিয়ঃ ।
সূর্য অংশু দগ্ধ পক্ষত্বাৎ ন শক্নোমি বিসর্পিতুম্ ।ইচ্ছেয়ম্ পর্বতাৎ অস্মাৎ অবতর্তুম্ অরিন্দমাঃ ॥৪-৫৬-২৪॥