সর্গ 55

55.1

শ্রুত্বা হনুমতো বাক্যম্ প্রশ্রিতম্ ধর্ম সংহিতম্ ।
স্বামি সত্কার সংয়ুক্তম্ অংগদো বাক্যম্ অব্রবীৎ ॥৪-৫৫-১॥

স্থৈর্যমাত্মমনঃশৌচমানৃশংস্যমথাঅর্জবম্ - যদ্ব -স্থৈর্যম্ আত্ম মনঃ শৌচম্ আনৃশংস্যম্ অথ আর্জবম্ ।
বিক্রমঃ চৈব ধৈর্যম্ চ সুগ্রীবে ন উপপদ্যতে ॥৪-৫৫-২॥

ভ্রাতুঃ জ্যেষ্ঠস্য যো ভার্যাম্ জীবিতো মহিষীম্ প্রিয়াম্ ।
ধর্মেণ মাতরম্ যঃ তু স্বীকরোতি জুগুপ্সিতঃ ॥৪-৫৫-৩॥

কথম্ স ধর্মম্ জানীতে যেন ভ্রাত্রা দুরাত্মনা ।
যুদ্ধায় অভিনিয়ুক্তেন বিলস্য পিহিতম্ মুখম্ ॥৪-৫৫-৪॥

সত্যাৎ পাণি গৃহীতঃ চ কৃত কর্মা মহায়শাঃ ।
বিস্মৃতো রাঘবো যেন স কস্য সুকৃতম্ স্মরেৎ ॥৪-৫৫-৫॥

লক্ষ্মণস্য ভয়েন ইহ ন অধর্ম ভয় ভীরুণা ।
আদিষ্টা মার্গিতুম্ সীতাম্ ধর্মঃ তস্মিন্ কথম্ ভবেৎ ॥৪-৫৫-৬॥

তস্মিন্ পাপে কৃতঘ্নে তু স্মৃতি ভিন্নে চল আত্মনি ।
আর্যঃ কো বিশ্বসেৎ জাতু তৎ কুলীনো বিশেষতঃ ॥৪-৫৫-৭॥

রাজ্যে পুত্রঃ প্রতিষ্ঠাপ্যঃ স গুণো নির্গুণো অপি বা ।
কথম্ শত্রু কুলীনম্ মাম্ সুগ্রীবো জীবয়িষ্যতি ॥৪-৫৫-৮॥

ভিন্ন মন্ত্রো অপরাদ্ধঃ চ হীন শক্তিঃ কথম্ হি অহম্ ।
কিষ্কিন্ধাম্ প্রাপ্য জীবেয়ম্ অনাথ ইব দুর্বলঃ ॥৪-৫৫-৯॥

উপাংশু দণ্ডেন হি মাম্ বংধনেন উপপাদয়েৎ ।
শঠঃ ক্রূরো নৃশংসঃ চ সুগ্রীবো রাজ্য কারণাৎ ॥৪-৫৫-১০॥

বংধনাৎ চ অবসাদাৎ মে শ্রেয়ঃ প্রায়োপবেশনম্ ।
অনুজানংতু মাম্ সর্বে গৃহম্ গচ্ছংতু বানরাঃ ॥৪-৫৫-১১॥

অহম্ বঃ প্রতিজানামি ন গমিষ্যামি অহম্ পুরীম্ ।
ইহ এব প্রায়ম্ আসিষ্যে শ্রেয়ো মরণম্ এব মে ॥৪-৫৫-১২॥

অভিবাদন পূর্বম্ তু রাজা কুশলম্ এব চ ।
অভিবাদন পূর্বম্ তু রাঘবৌ বলশালিনৌ ॥৪-৫৫-১৩॥

বাচ্যঃ তাতঃ যবীয়ান্ মে সুগ্রীবো বানর ঈশ্বরঃ ।
আরোগ্য পূর্বম্ কুশলম্ বাচ্যা মাতা রুমা চ মে ॥৪-৫৫-১৪॥

মাতরম্ চৈব মে তারাম্ আশ্বাসয়িতুম্ অর্হথ ।
প্রকৃত্যা প্রিয় পুত্রা সা সানুক্রোশা তপস্বিনী ॥৪-৫৫-১৫॥

বিনষ্টম্ মাম্ ইহ শ্রুত্বা ব্যক্তম্ হাস্যতি জীবিতম্ ।
এতাবৎ উক্ত্বা বচনম্ বৃদ্ধান্ তান্ অভিবাদ্য চ ॥৪-৫৫-১৬॥

বিবেশ অংগদো ভূমৌ রুদন্ দর্ভেষু দুর্মনাঃ ।
তস্য সংবিশতঃ তত্র রুদন্তো বানর ঋষভাঃ ॥৪-৫৫-১৭॥

নয়নেভ্যঃ প্রমুমুচুঃ উষ্ণম্ বৈ বারি দুঃখিতাঃ ।
সুগ্রীবম্ চৈব নিন্দন্তঃ প্রশংসন্তঃ চ বালিনম্ ॥৪-৫৫-১৮॥

পরিবার্য অংগদম্ সর্বে ব্যবস্যন্ প্রায়ম্ আসিতুম্ ।
তৎ বাক্যম্ বালি পুত্রস্য বিজ্ঞায় প্লবগ ঋষভাঃ ॥৪-৫৫-১৯॥

উপস্পৃশ্য উদকম্ সর্বে প্রাক্ মুখাঃ সমুপাবিশন্ ।
দক্ষিণ অগ্রেষু দর্ভেষু উদক্ তীরম্ সমাশ্রিতাঃ ॥৪-৫৫-২০॥

মুমূর্ষবও হরিশ্রেষ্টা এতৎ ক্ষমম্ ইতি স্ম হ ।
রামস্য বন বাসম্ চ ক্ষয়ম্ দশরথস্য চ ॥৪-৫৫-২১॥

জনস্থান বধম্ চৈব বধম্ চৈব জটায়ুষঃ ।
হরণম্ চৈব বৈদেহ্যা বালিনঃ চ বধম্ তথা ।রাম কোপম্ চ বদতাম্ হরীণাম্ ভয়ম্ আগতঃ ॥৪-৫৫-২২॥

স সংবিশদ্ভিঃ বহুভিঃ মহীধরোমহাঅদ্রি কূট প্রমিতৈঃ প্লবংগমৈঃ ।
বভূব সন্নাদিত নির্দর অন্তরোভৃশম্ নদদ্ভিঃ জলদৈঃ ইব অংবরম্ ॥৪-৫৫-২৩॥