সর্গ 54

54.1

তথা ব্রুবতি তারে তু তারা অধিপতি বর্চসি ।
অথ মেনে হৃতম্ রাজ্যম্ হনুমান্ অংগদেন তৎ ॥৪-৫৪-১॥

বুদ্ধ্যা হি অষ্ট অংগয়া যুক্তম্ চতুর্ বল সমন্বিতম্ ।
চতুর্ দশ গুণম্ মেনে হনুমান্ বালিনঃ সুতম্ ॥৪-৫৪-২॥

আপূর্যমাণম্ শশ্বৎ চ তেজো বল পরাক্রমৈঃ ।
শশিনম্ শুক্ল পক্ষ আদৌ বর্ধমানম্ ইব শ্রিয়া ॥৪-৫৪-৩॥

বৃহস্পতি সমম্ বুদ্ধ্যা বিক্রমে সদৃশম্ পিতুঃ ।
শুশ্রূষমাণম্ তারস্য শুক্রস্য ইব পুরংদরম্ ॥৪-৫৪-৪॥

ভর্তুঃ অর্থে পরিশ্রান্তম্ সর্ব শাস্ত্র বিশারদঃ ।
অভিসংধাতুম্ আরেভে হনুমান্ অংগদম্ ততঃ ॥৪-৫৪-৫॥

স চতুর্ণাম্ উপায়ানাম্ তৃতীয়ম্ উপবর্ণয়ন্ ।
ভেদয়ামাস তান্ সর্বান্ বানরান্ বাক্য সংপদা ॥৪-৫৪-৬॥

তেষু সর্বেষু ভিন্নেষু ততো অভীষয় অংগদম্ ।
ভীষণৈঃ বিবিধৈঃ বাক্যৈঃ কোপ উপায় সমন্বিতৈঃ ॥৪-৫৪-৭॥

ত্বম্ সমর্থ তরঃ পিত্রা যুদ্ধে তারেয় বৈ ধ্রুবম্ ।
দৃঢম্ ধারয়িতুম্ শক্তঃ কপি রাজ্যম্ যথা পিতা ॥৪-৫৪-৮॥

নিত্যম্ অস্থির চিত্তা হি কপয়ো হরি পুংগব ।
ন আজ্ঞাপ্যম্ বিষহিষ্যন্তি পুত্র দারান্ বিনা ত্বয়া ॥৪-৫৪-৯॥

ত্বাম্ ন এতে হি অনুয়ুংজেয়ুঃ প্রত্যক্ষম্ প্রবদামি তে ।
যথা অয়ম্ জাংববান্ নীলঃ সুহোত্রঃ চ মহাকপিঃ ॥৪-৫৪-১০॥

ন হি অহম্ তে ইমে সর্বে সাম দান আদিভিঃ গুণৈঃ ।
দণ্ডেন ন ত্বয়া শক্যাঃ সুগ্রীবাৎ অপকর্ষিতুম্ ॥৪-৫৪-১১॥

বিগৃহ্য আসনম্ অপি আহুঃ দুর্বলেন বলীয়সা ।
আত্ম রক্ষা করঃ তস্মাৎ ন বিগৃহ্ণীত দুর্বলঃ ॥৪-৫৪-১২॥

যাম্ চ ইমাম্ মন্যসে ধাত্রীম্ এতৎ বিলম্ ইতি শ্রুতম্ ।
এতৎ লক্ষ্মণ বাণানাম্ ঈষৎ কার্যম্ বিদারণে ॥৪-৫৪-১৩॥

স্বল্পম্ হি কৃতম্ ইন্দ্রেণ ক্ষিপতা হি অশনিম্ পুরা ।
লক্ষ্মণো নিশিতৈঃ বাণৈঃ ভিন্দ্যাৎ পত্র পুটম্ যথা ॥৪-৫৪-১৪॥

লক্ষ্মণস্য চ নারাচা বহবঃ সন্তি তৎ বিধাঃ ।
বজ্র অশনি সম স্পর্শা গিরীণাম্ অপি দারকাঃ ॥৪-৫৪-১৫॥

অবস্থানে যদা এব ত্বম্ আসিষ্যসি পরংতপ ।
তদা এব হরয়ঃ সর্বে ত্যক্ষ্যন্তি কৃত নিশ্চয়াঃ ॥৪-৫৪-১৬॥

স্মরংতঃ পুত্র দারাণাম্ নিত্য উদ্বিগ্না বুভুক্ষিতাঃ ।
খেদিতা দুঃখ শয্যাভিঃ ত্বাম্ করিষ্যন্তি পৃষ্ঠতঃ ॥৪-৫৪-১৭॥

স ত্বম্ হীনঃ সুহৃদ্ভিঃ চ হিত কামৈঃ চ বংধুভিঃ ।
তৃণাৎ অপি ভৃশ উদ্বিগ্নঃ স্পংদমানাৎ ভবিষ্যসি ॥৪-৫৪-১৮॥

অতি উগ্র বেগা নিশিতা ঘোরা লক্ষ্মণ সায়কাঃ ।
অপবৃত্তম্ জিঘাংসন্তো মহাবেগা দুরাসদাঃ ॥৪-৫৪-১৯॥

অস্মাভিঃ তু গতম্ সার্ধম্ বিনীতবৎ উপস্থিতম্ ।
আনুপূর্ব্যাৎ তু সুগ্রীবো রাজ্যে ত্বাম্ স্থাপয়িষ্যতি ॥৪-৫৪-২০॥

ধর্ম রাজঃ পিতৃব্যঃ তে প্রীতি কামো দৃঢ ব্রতঃ ।
শুচিঃ সত্য প্রতিজ্ঞঃ চ স ত্বাম্ জাতু ন নাশয়েৎ ॥৪-৫৪-২১॥

প্রিয় কামঃ চ তে মাতুঃ তৎ অর্থম্ চ অস্য জীবিতম্ ।
তস্য অপত্যম্ চ ন অস্তি অন্যৎ তস্মাৎ অংগদ গম্যতাম্ ॥৪-৫৪-২২॥