Utshovসর্গ 53
53.1
ততঃ তে দদৃশুঃ ঘোরম্ সাগরম্ বরুণ আলয়ম্ ।
অপারম্ অভিগর্জন্তম্ ঘোরৈঃ ঊর্মিভিঃ আকুলম্ ॥৪-৫৩-১॥
53.2
ময়স্য মায়া বিহিতম্ গিরি দুর্গম্ বিচিন্বতাম্ ।
তেষাম্ মাসো ব্যতিক্রান্তো যো রাজ্ঞা সময়ঃ কৃতঃ ॥৪-৫৩-২॥
53.3
বিন্ধ্যস্য তু গিরেঃ পাদে সংপ্রপুষ্পিত পাদপে ।
উপবিশ্য মহাত্মানঃ চিন্তাম্ আপেদিরে তদা ॥৪-৫৩-৩॥
53.4
ততঃ পুষ্পাতিভারাগ্রাঁল্ল্তাশতসমাবৃতান্ -যদ্বা -ততঃ পুষ্প অতিভার অগ্রান্ লতা শত সমাবৃতান্ ।
দ্রুমান্ বাসন্তিকান্ দৃষ্ট্বা বভূবুঃ ভয় শন্কিতাঃ ॥৪-৫৩-৪॥
53.5
তে বসংতম্ অনুপ্রাপ্তম্ প্রতিবেদ্য পরস্পরম্ ।
নষ্ট সংদেশ কাল অর্থা নিপেতুর্ ধরণী তলে ॥৪-৫৩-৫॥
53.6
ততঃ তান্ কপি বৃদ্ধান্ চ শিষ্টান্ চৈব বনৌকসঃ ।
বাচা মধুরয়া অভাষ্য যথাবৎ অনুমান্য চ ॥৪-৫৩-৬॥
53.7
স তু সিংহ ঋষভ স্কংধঃ পীন আয়ত ভুজঃ কপিঃ ।
যুবরাজো মহাপ্রাজ্ঞ অংগদো বাক্যম্ অব্রবীৎ ॥৪-৫৩-৭॥
53.8
শাসনাৎ কপি রাজস্য বয়ম্ সর্বে বিনির্গতাঃ ।
মাসঃ পূর্ণো বিলস্থানাম্ হরয়ঃ কিম্ ন বুধ্যতে ॥৪-৫৩-৮॥
53.9
বয়ম্ আশ্বয়ুজে মাসি কাল সংখ্যা ব্যবস্থিতাঃ ।
প্রস্থিতাঃ সো অপি চ অতীতঃ কিম্ অতঃ কার্যম্ উত্তরম্ ॥৪-৫৩-৯॥
53.10
ভবন্ত প্রত্যয়ম্ প্রাপ্তা নীতি মার্গ বিশারদাঃ ।
হিতেষু অভিরতা ভর্ত্তুঃ নিসৃষ্টাঃ সর্ব কর্মসু ॥৪-৫৩-১০॥
53.11
কর্মসু অপ্রতিমাঃ সর্বে দিক্ষু বিশ্রুত পৌরুষাঃ ।
মাম্ পুরস্কৃত্য নির্যাতাঃ পিন্গাক্ষ প্রতিচোদিতাঃ ॥৪-৫৩-১১॥
53.12
ইদানীম্ অকৃত অর্থানাম্ মর্তব্যম্ ন অত্র সংশয়ঃ ।
হরি রাজস্য সংদেশম্ অকৃত্বা কঃ সুখী ভবেৎ ॥৪-৫৩-১২॥
53.13
আস্মিন্ অতীতে কালে তু সুগ্রীবেণ কৃতে স্বয়ম্ ।
প্রায়োপবেশনম্ যুক্তম্ সর্বেষাম্ চ বন ওকসাম্ ॥৪-৫৩-১৩॥
53.14
তীক্ষ্ণঃ প্রকৃত্যা সুগ্রীবঃ স্বামি ভাবে ব্যবস্থিতঃ ।
ন ক্ষমিষ্যতি নঃ সর্বান্ অপরাধ কৃতো গতান্ ॥৪-৫৩-১৪॥
53.15
অপ্রবৃত্তৌ চ সীতায়াঃ পাপম্ এব করিষ্যতি ।
তস্মাৎ ক্ষমম্ ইহ অদ্য এব গংতুম্ প্রায়োপবিশনম্ ॥৪-৫৩-১৫॥
53.16
ত্যক্ত্বা পুত্রন্ চ দারান্ চ ধনানি চ গৃহাণি চ ।
ধ্রুবম্ নঃ হিংসতে রাজা সর্বান্ প্রতিগতান্ ইতঃ ॥৪-৫৩-১৬॥
53.17
বধেন অপ্রতিরূপেণ শ্রেয়ান্ মৃত্যুঃ ইহ এব নঃ ।
ন চ অহম্ যৌবরাজ্যেন সুগ্রীবেণ অভিষেচিতঃ ॥৪-৫৩-১৭॥
53.18
নরেন্দ্রেণ অভিষিক্তো অস্মি রামেণ অক্লিষ্ট কর্মণা ।
স পূর্বম্ বদ্ধ বৈরো মাম্ রাজা দৃষ্ট্বা ব্যতিক্রমম্ ॥৪-৫৩-১৮॥
53.19
ঘাতয়িষ্যতি দণ্ডেন তীক্ষ্ণেন কৃত নিশ্চয়ঃ ।
কিম্ মে সুহৃদ্ভিঃ ব্যসনম্ পশ্যদ্ভিঃ জীবিতাংতরে ।ইহ এব প্রায়ম্ আসিষ্যে পুণ্যে সাগর রোধসি ॥৪-৫৩-১৯॥
53.20
এতৎ শ্রুত্বা কুমারেণ যুব রাজেন ভাষিতম্ ।
সর্বে তে বানর শ্রেষ্ঠাঃ করুণম্ বাক্যম্ অব্রুবন্ ॥৪-৫৩-২০॥
53.21
তীক্ষ্ণঃ প্রকৃত্যা সুগ্রীবঃ প্রিয়া রক্তঃ চ রাঘবঃ ।
সমীক্ষ্য অকৃত কার্যান্ তু তস্মিন্ চ সময়ে গতে ॥৪-৫৩-২১॥
53.22
অদৃষ্টায়াম্ চ বৈদেহ্যাম্ দৃষ্ট্বা চৈব সমাগতান্ ।
রাঘব প্রিয় কামায় ঘাতয়িষ্যতি অসংশয়ম্ ॥৪-৫৩-২২॥
53.23
ন ক্ষমম্ চ অপরাদ্ধানাম্ গমনম্ স্বামি পার্শ্বতঃ ।
প্রধানবূতাঃ চ বয়ম্ সুগ্রীবস্য সমাগতাঃ ॥৪-৫৩-২৩॥
53.24
ইহ এব সীতাম্ অন্বীক্ষ্য প্রবৃত্তিম্ উপলভ্য বা ।
নঃ চেৎ গচ্ছাম তম্ বীরম্ গমিষ্যামো যম ক্ষয়ম্ ॥৪-৫৩-২৪॥
53.25
প্লবংগমানাম্ তু ভয় অর্দিতানাম্শ্রুত্বা বচঃ তার ইদম্ বভাষে ।
অলম্ বিষাদেন বিলম্ প্রবিশ্যবসাম সর্বে যদি রোচতে বঃ ॥৪-৫৩-২৫॥
53.26
ইদম্ হি মায়া বিহিতম্ সুদুর্গমম্প্রভূত বৃক্ষ উদক ভোজ্য পেয়ম্ ।
ইহ অস্তি নঃ ন এব ভয়ম্ পুরংদরাত্ন রাঘবাৎ বানর রাজতো অপি বা ॥৪-৫৩-২৬॥
53.27
শ্রুত্বা অংগদস্য অপি বচো অনুকূলম্ঊচুঃ চ সর্বে হরয়ঃ প্রতীতাঃ ।
যথা ন হন্যেম তথা বিধানম্অসক্তম্ অদ্য এব বিধীয়তাম্ নঃ ॥৪-৫৩-২৭॥