Utshovসর্গ 52
52.1
অথ তান্ অব্রবীৎ সর্বান্ বিশ্রাংতান্ হরি যূথপান্ ।
ইদম্ বচনম্ একাগ্রা তাপসী ধর্ম চারিণী ॥৪-৫২-১॥
52.2
বানরা যদি বঃ খেদঃ প্রনষ্টঃ ফল ভক্ষণাৎ ।
যদি চ এতৎ ময়া শ্রাব্যম্ শ্রোতুম্ ইচ্ছামি কথতাম্ ॥৪-৫২-২॥
52.3
তস্যাঃ তৎ বচনম্ শ্রুত্বা হনুমান্ মারুত আত্মজঃ ।
আর্জবেন যথা তত্ত্বম্ আখ্যাতুম্ উপচক্রমে ॥৪-৫২-৩॥
52.4
রাজা সর্বস্য লোকস্য মহেন্দ্র বরুণ উপমঃ ।
রামো দাশরথিঃ শ্রীমান্ প্রবিষ্টো দণ্ডকা বনম্ ॥৪-৫২-৪॥
52.5
লক্ষ্মণেন সহ ভ্রাত্রা বৈদেহ্যা চ অপি ভার্যয়া ।
তস্য ভার্যা জনস্থানাৎ রাবণেন হৃতা বলাৎ ॥৪-৫২-৫॥
52.6
বীরঃ তস্য সখা রাজ্ঞঃ সুগ্রীবো নাম বানরঃ ।
রাজা বানর মুখ্যানাম্ যেন প্রস্থাপিতা বয়ম্ ॥৪-৫২-৬॥
52.7
অগস্ত্য চরিতাম্ আশাম্ দক্ষিণাম্ যম রক্ষিতাম্ ।
সহৈভির্বানরৈমুখ্যৈরঙ্গদপ্রমুখৈর্বয়ম্ - যদ্বা -সহ এভিঃ বানরৈঃ মুখ্যৈঃ অংগদ প্রমুখৈঃ বয়ম্ ॥৪-৫২-৭॥
52.8
রাবণম্ সহিতাঃ সর্বে রাক্ষসম্ কাম রূপিণম্ ।
সীতয়া সহ বৈদেহ্যা মার্গধ্বম্ ইতি চোদিতাঃ ॥৪-৫২-৮॥
52.9
বিচিত্য তু বয়ম্ সর্বে সমগ্রম্ - সমুদ্রম্ - দক্ষিণাম্ দিশম্ ।
বয়ম্ বুভুক্ষিতাঃ সর্বে বৃক্ষ মূলম্ উপাশ্রিতাঃ ॥৪-৫২-৯॥
52.10
বিবর্ণ বদনাঃ সর্বে সর্বে ধ্যান পরায়ণাঃ ।
ন অধিগচ্ছামহে পারম্ মগ্নাঃ চিন্তা মহাঅর্ণবে ॥৪-৫২-১০॥
52.11
চারয়ন্তঃ ততঃ চক্ষুঃ দৃষ্টবন্তো মহদ্ বিলম্ ।
লতা পাদপ সংছন্নম্ তিমিরেণ সমাবৃতম্ ॥৪-৫২-১১॥
52.12
অস্মাৎ হংসা জল ক্লিন্নাঃ পক্ষৈঃ সলিল রেণুভিঃ ।
কুররাঃ সারসাঃ চৈব নিষ্পতন্তি পতত্রিণঃ ॥৪-৫২-১২॥
52.13
সাধু অত্র প্রবিশাম ইতি ময়া তু উক্তাঃ প্লবংগমাঃ ।
তেষাম্ অপি হি সর্বেষাম্ অনুমানম্ উপাগতম্ ॥৪-৫২-১৩॥
52.14
অস্মিন্ নিপতিতাঃ সর্বে অপি অথ কার্য ত্বরান্বিতাঃ ।
ততো গাঢম্ নিপতিতা গৃহ্য হস্তৌ পরস্পরম্ ॥৪-৫২-১৪॥
52.15
ইদম্ প্রবিষ্টাঃ সহসা বিলম্ তিমির সংবৃতম্ ।
এতৎ নঃ কার্যম্ এতেন কৃত্যেন বয়ম্ আগতাঃ ॥৪-৫২-১৫॥
52.16
ত্বাম্ চ এব উপগতাঃ সর্বে পরিদ্যূনা বুভুক্ষিতাঃ ।
আতিথ্য ধর্ম দত্তানি মূলানি চ ফলানি চ ॥৪-৫২-১৬॥
52.17
অস্মাভিঃ উপভুক্তানি বুভুক্ষা পরিপীডিতৈঃ ।
যৎ ত্বয়া রক্ষিতাঃ সর্বে ম্রিয়মাণা বুভুক্ষয়া ॥৪-৫২-১৭॥
52.18
ব্রূহি প্রত্যুপকার অর্থম্ কিম্ তে কুর্বন্তু বানরাঃ ।
এবম্ উক্তা তু সর্বজ্ঞা বানরৈঃ তৈঃ স্বয়ংপ্রভা ॥৪-৫২-১৮॥
52.19
প্রত্যুবাচ ততঃ সর্বান্ ইদম্ বানর যূথপান্ ।
সর্বেষাম্ পরিতুষ্টা অস্মি বানরাণাম্ তরস্বিনাম্ ॥৪-৫২-১৯॥
52.20
চরংত্যা মম ধর্মেণ ন কার্যম্ ইহ কেনচিৎ ।
এবম্ উক্তঃ শুভম্ বাক্যম্ তাপস্যা ধর্ম সংহিতম্ ॥৪-৫২-২০॥
52.21
উবাচ হনুমান্ বাক্যম্ তাম্ অনিন্দিত লোচনাম্ ।
শরণম্ ত্বাম্ প্রপন্নাঃ স্মঃ সর্বে বৈ ধর্মচারিণিম্ ॥৪-৫২-২১॥
52.22
যঃ কৃতঃ সময়ো অস্মাকম্ সুগ্রীবেণ মহাত্মনা ।
স তু কালো ব্যতিক্রান্তো বিলে চ পরিবর্ততাম্ ॥৪-৫২-২২॥
52.23
সা ত্বম্ অস্মাৎ বিলাৎ অস্মান্ উত্তারয়িতুম্ অর্হসি ।
তস্মাৎ সুগ্রীব বচনাৎ অতিক্রান্তান্ গত আয়ুষঃ ॥৪-৫২-২৩॥
52.24
ত্রাতুম্ অর্হসি নঃ সর্বান্ সুগ্রীব ভয় শন্কিতান্ ।
মহৎ চ কার্যম্ অস্মাভিঃ কর্তব্যম্ ধর্মচারিণি ॥৪-৫২-২৪॥
52.25
তৎ চ অপি ন কৃতম্ কার্যম্ অস্মাভিঃ ইহ বাসিভিঃ ।
এবম্ উক্তা হনুমতা তাপসী বাক্যম্ অব্রবীৎ ॥৪-৫২-২৫॥
52.26
জীবতা দুষ্করম্ মন্যে প্রবিষ্টেন নিবর্তিতুম্ ।
তপসঃ সুপ্রভাবেন নিয়ম উপার্জিতেন চ ॥৪-৫২-২৬॥
52.27
সর্বান্ এব বিলাৎ অস্মাৎ তারয়িষ্যামি বানরান্ ।
নিমীলয়ত চক্ষূন্ষি সর্বে বানর পুংগবাঃ ॥৪-৫২-২৭॥
52.28
ন হি নিষ্ক্রমিতুম্ শক্যম্ অনিমীলিত লোচনৈঃ ।
ততো নিমীলিতাঃ সর্বে সুকুমার অংগুলৈঃ করৈঃ ॥৪-৫২-২৮॥
52.29
সহসা পিদধুঃ দৃষ্টিম্ হৃষ্টা গমন কান্ক্ষিণঃ ।
বানরাঃ তু মহাত্মানো হস্ত রুদ্ধ মুখাঃ তদা ॥৪-৫২-২৯॥
52.30
নিমেষ অন্তর মাত্রেণ বিলাৎ উত্তারিতাঃ তথা ।
উবাচ সর্বান্ তান্ তত্র তাপসী ধর্ম চারিণী ॥৪-৫২-৩০॥
52.31
নিঃসৃতান্ বিষমাৎ তস্মাৎ সমাশ্বাস্য ইদম্ অব্রবীৎ ।
এষ বিন্ধ্যো গিরিঃ শ্রীমান্ নানা দ্রুম লতা আয়ুতঃ ॥৪-৫২-৩১॥
52.32
এষ প্রসবণঃ শৈলঃ সাগরো অয়ম্ মহা উদধিঃ ।
স্বস্তি বো অস্তু গমিষ্যামি ভবনম্ বানরর্ষভাঃ ।ইতি উক্ত্বা তৎ বিলম্ শ্রীমৎ প্রবিবেশ স্বয়ম্প্রভা ॥৪-৫২-৩২॥