Utshovসর্গ 62
62.1
এবম্ উক্ত্বা মুনিশ্রেষ্ঠম্ অরুদম্ ভৃশ দুঃখিতঃ ।
অথ ধ্যাত্বা মুহূর্তম্ তু ভগবান্ ইদম্ অব্রবীৎ ॥৪-৬২-১॥
62.2
পক্ষৌ চ তে প্রপক্ষৌ চ পুনঃ অন্যৌ ভবিষ্যতঃ ।
চক্ষুষী চৈব প্রাণাঃ চ বিক্রমঃ চ বলম্ চ তে ॥৪-৬২-২॥
62.3
পুরাণে সুমহৎ কার্যম্ ভবিষ্যম্ হি ময়া শ্রুতম্ ।
দৃষ্টম্ মে তপসা চৈব শ্রুত্বা চ বিদিতম্ মম ॥৪-৬২-৩॥
62.4
রাজা দশরথো নাম কশ্চিৎ ইক্ষ্বাকু বর্ধনঃ ।
তস্য পুত্রো মহাতেজা রামো নাম ভবিষ্যতি ॥৪-৬২-৪॥
62.5
অরণ্যম্ চ সহ ভ্রাত্রা লক্ষ্মণেন গমিষ্যতি ।
তস্মিন্ অর্থে নিয়ুক্তঃ সন্ পিত্রা সত্য পরাক্রমঃ ॥৪-৬২-৫॥
62.6
নৈর্ঋতো রাবণো নাম তস্য ভার্যাম্ হরিষ্যতি ।
রাক্ষসেন্দ্রো জনস্থানাৎ অবধ্যঃ সুর দানবৈঃ ॥৪-৬২-৬॥
62.7
সা চ কামৈঃ প্রলোভ্যন্তী ভক্ষ্যৈঃ ভোজ্যৈঃ চ মৈথিলী ।
ন ভোক্ষ্যতি মহাভাগা দুঃখ মগ্না যশস্বিনী ॥৪-৬২-৭॥
62.8
পরমান্নম্ চ বৈদেহ্যা জ্ঞাত্বা দাস্যতি বাসবঃ ।
যৎ অন্নম্ অমৃত প্রখ্যম্ সুরাণাম্ অপি দুর্লভম্ ॥৪-৬২-৮॥
62.9
তৎ অন্নম্ মৈথিলী প্রাপ্য বিজ্ঞায় ইন্দ্রাৎ ইদম্ তু ইতি ।
অগ্রম্ উদ্ধৃত্য রামায় ভূ তলে নির্বপিষ্যতি ॥৪-৬২-৯॥
62.10
যদি জীবতি মে ভর্তা লক্ষ্মণো বা অপি দেবরঃ ।
দেবত্বম্ গতয়োঃ বা অপি তয়োঃ অন্নম্ ইদম্ তু ইতি ॥৪-৬২-১০॥
62.11
এষ্যন্তি প্রেষিতাঃ তত্র রাম দূতাঃ প্লবংগমাঃ ।
আখ্যেয়া রাম মহিষী ত্বয়া তেভ্যো বিহংগম ॥৪-৬২-১১॥
62.12
সর্বথা তু ন গংতব্যম্ ঈদৃশঃ ক্ব গমিষ্যসি ।
দেশ কালৌ প্রতীক্ষস্ব পক্ষৌ ত্বম্ প্রতিপত্স্যসে ॥৪-৬২-১২॥
62.13
উত্সহেয়ম্ অহম্ কর্তুম্ অদ্য এব ত্বাম্ স পক্ষকম্ ।
ইহ স্থঃ ত্বম্ তু লোকানাম্ হিতম্ কার্যম্ করিষ্যসি ॥৪-৬২-১৩॥
62.14
ত্বয়া অপি খলু তৎ কার্যম্ তয়োঃ চ নৃপ পুত্রয়োঃ ।
ব্রাহ্মণানাম্ গুরূণাম্ চ মুনীনাম্ বাসবস্য চ ॥৪-৬২-১৪॥
62.15
ইচ্ছামি অহম্ অপি দ্রষ্টুম্ ভ্রাতরৌ রাম লক্ষ্মণৌ ।
ন ইচ্ছে চিরম্ ধারয়িতুম্ প্রাণান্ ত্যক্ষ্যে কলেবরম্ ।মহর্ষি তু তৎ অব্রবীৎ ইদম্ দৃষ্ট তত্ত্ব অর্থ দর্শিনঃ ॥৪-৬২-১৫॥