সর্গ 63

63.1

এতৈঃ অন্যৈঃ চ বহুভিঃ বাক্যৈঃ বাক্য বিশারদঃ ।
মাম্ প্রশস্য অভ্যনুজ্ঞাপ্য প্রবিষ্টঃ স স্বম্ আলয়ম্ ॥৪-৬৩-১॥

কংদরাৎ তু বিসর্পিত্বা পর্বতস্য শনৈঃ শনৈঃ ।
অহম্ বিংধ্যম্ সমারুহ্য ভবতঃ প্রতিপালয়ে ॥৪-৬৩-২॥

অদ্য তু এতস্য কালস্য সাগ্রম্ বর্ষ শতম্ গতম্ ।
দেশ কাল প্রতীক্ষো অস্মি হৃদি কৃত্বা মুনেঃ বচঃ ॥৪-৬৩-৩॥

মহাপ্রস্থানম্ আসাদ্য স্বর্ গতে তু নিশাকরে ।
মাম্ নির্দহতি সংতাপো বিতর্কৈঃ বহুভিঃ বৃতম্ ॥৪-৬৩-৪॥

উদিতাম্ মরণে বুদ্ধিম্ মুনি বাক্যৈঃ নিবর্তয়ে ।
বুদ্ধিঃ যা তেন মে দত্তা প্রাণানাম্ রক্ষণে মম ॥৪-৬৩-৫॥

সা মে অপনয়তে দুঃখম্ দীপ্তা ইব অগ্নি শিখা তমঃ ।
বুধ্যতা চ ময়া বীর্যম্ রাবণস্য দুরাত্মনঃ ॥৪-৬৩-৬॥

পুত্রঃ সংতর্জিতো বাগ্ভিঃ ন ত্রাতা মৈথিলী কথম্ ।
তস্যা বিলপিতম্ শ্রুত্বা তৌ চ সীতা বিয়োজিতৌ ॥৪-৬৩-৭॥

ন মে দশরথ স্নেহাৎ পুত্রেণ উত্পাদিতম্ প্রিয়ম্ ।
তস্য তু এবম্ ব্রুবাণস্য সংহতৈঃ বানরৈঃ সহ ॥৪-৬৩-৮॥

উত্পেততুঃ তদা পক্ষৌ সমক্ষম্ বন চারিণাম্ ।
স দৃষ্ট্বা স্বাম্ তনুম্ পক্ষৈঃ উদ্গতৈঃ অরুণ চ্ছদৈঃ ॥৪-৬৩-৯॥

প্রহর্ষম্ অতুলম্ লেভে বানরান্ চ ইদম্ অব্রবীৎ ।
নিশাকরস্য রাজর্ষেঃ প্রভাবাৎ অমিত ওজসঃ ॥৪-৬৩-১০॥

আদিত্য রশ্মি নির্দগ্ধৌ পক্ষৌ পুনঃ উপস্থিতৌ ।
যৌবনে বর্তমানস্য মম আসীৎ যঃ পরাক্রমঃ ॥৪-৬৩-১১॥

তম্ এব অদ্য অবগচ্ছামি বলম্ পৌরুষম্ এব চ ।
সর্বথা ক্রিয়তাম্ যত্নঃ সীতাম্ অধিগমিষ্যথ ॥৪-৬৩-১২॥

পক্ষ লাভো মম অয়ম্ বঃ সিদ্ধি প্রত্যয় কারকঃ ।
ইতি উক্ত্বা তান্ হরীন্ সর্বান্ সংপাতিঃ পতগোত্তম ॥৪-৬৩-১৩॥

উত্পপাত গিরেঃ শৃংগাৎ জিজ্ঞাসুঃ খ গমো গতিম্ ।
তস্য তৎ বচনম্ শ্রুত্বা প্রতিসংহৃষ্ট মানসাঃ ।বভূবুঃ হরি শার্দূলা বিক্রম অভ্যুদয় উন্মুখাঃ ॥৪-৬৩-১৪॥

অথ পবন সমান বিক্রমাঃপ্লবগ বরাঃ প্রতিলব্ধ পৌরুষাঃ ।
অভিজিৎ অভিমুখাম্ দিশম্ যয়ুঃজনক সুতা পরিমার্গণ উন্মুখাঃ ॥৪-৬৩-১৫॥