সর্গ 64

64.1

আখ্যাতা গৃধ্র রাজেন সমুত্প্লুত্য প্লবংগমাঃ ।
সংগতাঃ প্রীতি সংয়ুক্তা বিনেদুঃ সিংহ বিক্রমাঃ ॥৪-৬৪-১॥

সংপাতেঃ বচনম্ শ্রুত্বা হরয়ো রাবণ ক্ষয়ম্ ।
হৃষ্টাঃ সাগরম্ আজগ্মুঃ সীতা দর্শন কান্ক্ষিণঃ ॥৪-৬৪-২॥

অভিক্রম্য তু তম্ দেশম্ দদৃশুর্ ভীম বিক্রমাঃ ।
কৃত্স্নম্ লোকস্য মহতঃ প্রতিবিংবম্ ইব স্থিতম্ ॥৪-৬৪-৩॥

দক্ষিণস্য সমুদ্রস্য সমাসাদ্য উত্তরাম্ দিশম্ ।
সংনিবেশম্ ততঃ চক্রুঃ সহিতা বানর উত্তমাঃ ॥৪-৬৪-৪॥

প্রসুপ্তম্ ইব চ অন্যত্র ক্রীডন্তম্ ইব চ অন্যতঃ ।
ক্বচিৎ পর্বত মাত্রৈঃ চ জল রাশিভিঃ আবৃতম্ ॥৪-৬৪-৫॥

সংকুলম্ দানব ইন্দ্রৈঃ চ পাতাল তল বাসিভিঃ ।
রোম হর্ষ করম্ দৃষ্ট্বা বিষেদুঃ কপিকুংজরাঃ ॥৪-৬৪-৬॥

আকাশম্ ইব দুষ্পারম্ সাগরম্ প্রেক্ষ্য বানরাঃ ।
বিষেদুঃ সহিতা সর্বে কথম্ কার্যম্ ইতি ব্রুবন্ ॥৪-৬৪-৭॥

বিষণ্ণাম্ বাহিনীম্ দৃষ্ট্বা সাগরস্য নিরীক্ষণাৎ ।
আশ্বাসয়ামাস হরীন্ ভয় আর্তান্ হরি সত্তমঃ ॥৪-৬৪-৮॥

ন বিষাদে মনঃ কার্যম্ বিষাদো দোষবত্তরঃ ।
বিষাদো হন্তি পুরুষম্ বালম্ ক্রুদ্ধ ইব উরগঃ ॥৪-৬৪-৯॥

যো বিষাদো প্রসহতে বিক্রমে সমুপস্থিতে ।
তেজসা তস্য হীনস্য পুরুষ অর্থো ন সিদ্ধ্যতি ॥৪-৬৪-১০॥

তস্যাম্ রাত্র্যাম্ ব্যতীতায়াম্ অংগদো বানরৈঃ সহ ।
হরি বৃদ্ধৈঃ সমাগম্য পুনর্ মংত্রম্ অমংত্রয়ৎ ॥৪-৬৪-১১॥

সা বানরাণাম্ ধ্বজিনী পরিবার্য অংগদম্ বভৌ ।
বাসবম্ পরিবার্য ইব মরুতাম্ বাহিনী স্থিতা ॥৪-৬৪-১২॥

কো অন্যঃ তাম্ বানরীম্ সেনাম্ শক্তঃ স্তংভয়িতুম্ ভবেৎ ।
অন্যত্র বালি তনয়াৎ অন্যত্র চ হনূমতঃ ॥৪-৬৪-১৩॥

ততঃ তান্ হরি বৃদ্ধান্ চ তৎ চ সৈন্যম্ অরিন্দমঃ ।
অনুমান্য অংগদঃ শ্রীমান্ বাক্যম্ অর্থবৎ অব্রবীৎ ॥৪-৬৪-১৪॥

ক ইদানীম্ মহাতেজা লংঘয়িষ্যতি সাগরম্ ।
কঃ করিষ্যতি সুগ্রীবম্ সত্য সন্ধম্ অরিন্দমম্ ॥৪-৬৪-১৫॥

কো বীরো যোজন শতম্ লংঘয়েত প্লবংগমাঃ ।
ইমান্ চ যূথপান্ সর্বান্ মোচয়েৎ কো মহাভয়াৎ ॥৪-৬৪-১৬॥

কস্য প্রসাদাৎ দারান্ চ পুত্রান্ চৈব গৃহাণি চ ।
ইতো নিবৃত্তাঃ পশ্যেম সিদ্ধ অর্থাঃ সুখিনো বয়ম্ ॥৪-৬৪-১৭॥

কস্য প্রসাদাৎ রামম্ চ লক্ষ্মণম্ চ মহাবলম্ ।
অভিগচ্ছেম সংহৃষ্টাঃ সুগ্রীবম্ চ মহাবলম্ ॥৪-৬৪-১৮॥

যদি কশ্চিৎ সমর্থো বঃ সাগর প্লবনে হরিঃ ।
স দদাতু ইহ নঃ শীঘ্রম্ পুণ্যাম্ অভয় দক্ষিণাম্ ॥৪-৬৪-১৯॥

অংগদস্য বচঃ শ্রুত্বা ন কশ্চিৎ কিংচিৎ অব্রবীৎ ।
স্তিমিতা ইব অভবৎ সর্বা সা তত্র হরি বাহিনী ॥৪-৬৪-২০॥

পুনর্ এব অংগদঃ প্রাহ তান্ হরীন্ হরি সত্তমঃ ।
সর্বে বলবতাম্ শ্রেষ্ঠা ভবন্তো দৃঢ বিক্রমাঃ ।ব্যপদেশ্য কুলে জাতাঃ পূজিতাঃ চ অপি অভীক্ষ্ণশঃ ॥৪-৬৪-২১॥

ন হি বো গমনে সংগঃ কদাচিৎ অপি কস্যচিৎ ভবেৎ ।
ব্রুবধ্বম্ যস্য যা শক্তিঃ প্লবনে প্লবগর্ষভাঃ ॥৪-৬৪-২২॥