Utshovসর্গ 66
66.1
অনেক শত সাহস্রীম্ বিষণ্ণাম্ হরি বাহিনীম্ ।
জাংববান্ সমুদীক্ষ্য এবম্ হনুমংতম্ অথ অব্রবীৎ ॥৪-৬৬-১॥
66.2
বীর বানর লোকস্য সর্ব শাস্ত্র বিদাম্ বর ।
তূষ্ণীম্ একাংতম্ আশ্রিত্য হনুমন্ কিম্ ন জল্পসি ॥৪-৬৬-২॥
66.3
হনুমন্ হরি রাজস্য সুগ্রীবস্য সমো হি অসি ।
রাম লক্ষ্মণয়োঃ চ অপি তেজসা চ বলেন চ ॥৪-৬৬-৩॥
66.4
অরিষ্টনেমিনঃ পুত্রো বৈনতেয়ো মহাবলঃ ।
গরুত্মান্ ইব বিখ্যাত উত্তমঃ সর্ব পক্ষিণাম্ ॥৪-৬৬-৪॥
66.5
বহুশো হি ময়া দৃষ্টঃ সাগরে স মহাবলঃ ।
ভুজগান্ উদ্ধরন্ পক্ষী মহাবেগো মহায়শাঃ ॥৪-৬৬-৫॥
66.6
পক্ষয়োঃ যৎ বলম্ তস্য তাবৎ ভুজ বলম্ তব ।
বিক্রমঃ চ অপি বেগঃ চ ন তে তেন অপহীয়তে ॥৪-৬৬-৬॥
66.7
বলম্ বুদ্ধিঃ চ তেজঃ চ সত্ত্বম্ চ হরি সত্তম ।
বিশিষ্টম্ সর্ব ভূতেষু কিম্ আত্মানম্ ন সজ্জসে ॥৪-৬৬-৭॥
66.8
অপ্সর অপ্সরসাম্ শ্রেষ্ঠা বিখ্যাতা পুংজিকস্থলা ।
অংজনা ইতি পরিখ্যাতা পত্নী কেসরিণো হরেঃ ॥৪-৬৬-৮॥
66.9
বিখ্যাতা ত্রিষু লোকেষু রূপেণা অপ্রতিমা ভুবি ।
অভিশাপাৎ অভূৎ তাত কপিত্বে কাম রূপিণী ॥৪-৬৬-৯॥
66.10
দুহিতা বানর ইন্দ্রস্য কুংজরস্য মহাত্মনঃ ।
মানুষম্ বিগ্রহম্ কৃত্বা রূপ যৌবন শালিনী ॥৪-৬৬-১০॥
66.11
বিচিত্র মাল্য আভরণা কদাচিৎ ক্ষৌম ধারিণী ।
অচরৎ পর্বতস্য অগ্রে প্রাবৃড্ অংবুদ সন্নিভে ॥৪-৬৬-১১॥
66.12
তস্যা বস্ত্রম্ বিশালাক্ষ্যাঃ পীতম্ রক্ত দশম্ শুভম্ ।
স্থিতায়াঃ পর্বতস্য অগ্রে মারুতো অপহরৎ শনৈঃ ॥৪-৬৬-১২॥
66.13
স দদর্শ ততঃ তস্যা বৃত্তৌ ঊরূ সুসংহতৌ ।
স্তনৌ চ পীনৌ সহিতৌ সুজাতম্ চারু চ আননম্ ॥৪-৬৬-১৩॥
66.14
তাম্ বলাৎ আয়ত শ্রোণীম্ তনু মধ্যাম্ যশস্বিনীম্ ।
দৃষ্ট্বা এব শুভ সর্বান্গীম্ পবনঃ কাম মোহিতঃ ॥৪-৬৬-১৪॥
66.15
স তাম্ ভুজাভ্যাম্ দীর্ঘাভ্যাম্ পর্যষ্বজত মারুতঃ ।
মন্মথ আবিষ্ট সর্বান্গো গত আত্মা তাম্ অনিন্দিতাম্ ॥৪-৬৬-১৫॥
66.16
সা তু তত্র এব সংভ্রাংতা সুবৃত্তা বাক্যম্ অব্রবীৎ ।
এক পত্নী ব্রতম্ ইদম্ কো নাশয়িতুম্ ইচ্ছতি ॥৪-৬৬-১৬॥
66.17
অংজনায়া বচঃ শ্রুত্বা মারুতঃ প্রত্যভাষত ।
ন ত্বাম্ হিংসামি সুশ্রোণি মা ভূৎ তে মনসোই ভয়ম্ ॥৪-৬৬-১৭॥
66.18
মনসা অস্মি গতো যৎ ত্বাম্ পরিষ্বজ্য যশস্বিনি ।
বীর্যবান্ বুদ্ধি সংপন্নঃ পুত্রঃ তব ভবিষ্যতি ॥৪-৬৬-১৮॥
66.19
মহাসাত্ত্বো মহাতেজ মহাবল পরাক্রমঃ ।
লংঘনে প্লবনে চৈব ভবিষ্যতি ময়া সমঃ ॥৪-৬৬-১৯॥
66.20
এবম্ উক্তা ততঃ তুষ্টা জননী তে মহাকপেঃ ।
গুহায়াম্ ত্বাম্ মহাবাহো প্রজজ্ঞে প্লবগর্ষভ ॥৪-৬৬-২০॥
66.21
অভ্যুত্থিতম্ ততঃ সূর্যম্ বালো দৃষ্ট্বা মহা বনে ।
ফলংচেতিজিঘৃক্ষুস্ত্বমুত্প্লুত্যাভ্যুত্পতোদিবম্ - যদ্বা -ফলম্ চ ইতি জিঘৃক্ষুঃ ত্বম্ উত্প্লুত্য অভিউত্পতো দিবম্ ॥৪-৬৬-২১॥
66.22
শতানি ত্রীণি গত্বা অথ যোজনানাম্ মহাকপে ।
তেজসা তস্য নির্ধূতো ন বিষাদম্ ততো গতঃ ॥৪-৬৬-২২॥
66.23
ত্বাম্ অপি উপগতম্ তূর্ণম্ অংতরীক্ষম্ মহাকপে ।
ক্ষিপ্তম্ ইন্দ্রেণ তে বজ্রম্ কোপ আবিষ্টেন তেজসা ॥৪-৬৬-২৩॥
66.24
তদা শৈলাগ্র শিখরে বামো হনুর্ অভজ্যত ।
ততো হি নাম ধেয়ম্ তে হনুমান্ ইতি কীর্তিতম্ ॥৪-৬৬-২৪॥
66.25
ততঃ ত্বাম্ নিহতম্ দৃষ্ট্বা বায়ুঃ গন্ধ বহঃ স্বয়ম্ ।
ত্রৈলোক্যম্ ভৃশ সংক্রুদ্ধো ন ববৌ বৈ প্রভংজনঃ ॥৪-৬৬-২৫॥
66.26
সংভ্রাংতাঃ চ সুরাঃ সর্বে ত্রৈলোক্যে ক্ষুভিতে সতি ।
প্রসাদয়ন্তি সংক্রুদ্ধম্ মারুতম্ ভুবনেশ্বরাঃ ॥৪-৬৬-২৬॥
66.27
প্রসাদিতে চ পবনে ব্রহ্মা তুভ্যম্ বরম্ দদৌ ।
অশস্ত্র বধ্যতাম্ তাত সমরে সত্য বিক্রম ॥৪-৬৬-২৭॥
66.28
বজ্রস্য চ নিপাতেন বিরুজম্ ত্বাম্ সমীক্ষ্য চ ।
সহস্র নেত্রঃ প্রীত আত্মা দদৌ তে বরম্ উত্তমম্ ॥৪-৬৬-২৮॥
66.29
স্বচ্ছংদতঃ চ মরণম্ তব স্যাৎ ইতি বৈ প্রভো ।
স ত্বম্ কেসরিণঃ পুত্রঃ ক্ষেত্রজো ভীম বিক্রমঃ ॥৪-৬৬-২৯॥
66.30
মারুতস্য ঔরসঃ পুত্রঃ তেজসা চ অপি তৎ সমঃ ।
ত্বম্ হি বায়ু সুতো বত্স প্লবনে চ অপি তৎ সমঃ ॥৪-৬৬-৩০॥
66.31
বয়ম্ অদ্য গত প্রাণা ভবান্ অস্মাসু সাংপ্রতম্ ।
দাক্ষ্য বিক্রম সংপন্নঃ কপি রাজ ইব অপরঃ ॥৪-৬৬-৩১॥
66.32
ত্রিবিক্রমে ময়া তাত স শৈল বন কাননা ।
ত্রিঃ সপ্ত কৃত্বঃ পৃথিবী পরিক্রান্তা প্রদক্ষিণম্ ॥৪-৬৬-৩২॥
66.33
তথা চ ওষধয়ো অস্মাভিঃ সংচিতা দেব শাসনাৎ ।
নির্মথ্যম্ অমৃতম্ যাভিঃ তদা তদানীম্ নো মহৎ বলম্ ॥৪-৬৬-৩৩॥
66.34
স ইদানীম্ অহম্ বৃদ্ধঃ পরিহীন পরাক্রমঃ ।
সাম্প্রতম্ কালম্ অস্মাকম্ ভবান্ সর্ব গুণ অন্বিতঃ ॥৪-৬৬-৩৪॥
66.35
তৎ বিজৃংভস্ব বিক্রাংতঃ প্লবতাম্ উত্তমো হি অসি ।
ত্বৎ বীর্যম্ দ্রষ্টু কামা ইয়ম্ সর্বা বানর বাহিনী ॥৪-৬৬-৩৫॥
66.36
উত্তিষ্ঠ হরি শার্দূল লংঘয়স্ব মহা অর্ণবম্ ।
পরা হি সর্ব ভূতানাম্ হনুমন্ যা গতিঃ তব ॥৪-৬৬-৩৬॥
66.37
বিষাণ্ণা হরয়ঃ সর্বে হনুমন্ কিম্ উপেক্ষসে ।
বিক্রমস্ব মহাবেগ বিষ্ণুঃ ত্রীন্ বিক্রমান্ ইব ॥৪-৬৬-৩৭॥
66.38
ততঃ কপীনাম্ ঋষভেণ চোদিতঃপ্রতীত বেগঃ পবন আত্মজঃ কপিঃ ।
প্রহর্ষয়ন্ তাম্ হরি বীর বাহিনীম্চকার রূপম্ মহৎ আত্মনঃ তদা ॥৪-৬৬-৩৮॥