Utshovসর্গ 67
67.1
তম্ দৃষ্ট্বা জৃংভমাণম্ তে ক্রমিতুম্ শত যোজনম্ ।
বেগেন আপূর্যমাণম্ চ সহসা বানরোত্তমম্ ॥৪-৬৭-১॥
67.2
সহসা শোকম্ উত্সৃজ্য প্রহর্ষেণ সমন্বিতাঃ ।
বিনেদুঃ তুষ্টুবুঃ চ অপি হনূমন্তম্ মহাবলম্ ॥৪-৬৭-২॥
67.3
প্রহৃষ্টা বিস্মিতাঃ চ অপি তে বীক্ষন্তে সমংততঃ ।
ত্রিবিক্রম কৃত উত্সাহম্ নারায়ণম্ ইব প্রজাঃ ॥৪-৬৭-৩॥
67.4
সংস্তূয়মানো হনুমান্ ব্যবর্ধত মহাবলঃ ।
সমাবিদ্ধ্য চ লাংগূলম্ হর্ষাৎ বলম্ উপেয়িবান্ ॥৪-৬৭-৪॥
67.5
তস্য সংস্তূয়মানস্য সর্বৈঃ বনর পুংগবৈঃ ।
তেজসা আপূর্যমাণস্য রূপম্ আসীৎ অনুত্তমম্ ॥৪-৬৭-৫॥
67.6
যথা বিজৃংভতে সিংহো বিবৃতে গিরি গহ্বরে ।
মারুতস্য ঔরসঃ পুত্রঃ তথা সংপ্রতি জৃংভতে ॥৪-৬৭-৬॥
67.7
অশোভত মুখম্ তস্য জৃংভমাণস্য ধীমতঃ ।
অংবরীষ উপমম্ দীপ্তম্ বিধূম ইব পাবকঃ ॥৪-৬৭-৭॥
67.8
হরীণাম্ উত্থিতো মধ্যাৎ সংপ্রহৃষ্ট তনূ রুহঃ ।
অভিবাদ্য হরীন্ বৃদ্ধান্ হনুমান্ ইদম্ অব্রবীৎ ॥৪-৬৭-৮॥
67.9
অরুজন্ পর্বত অগ্রাণি হুতাশন সখো অনিলঃ ।
বলবান্ অপ্রমেয়ঃ চ বায়ুঃ আকাশ গোচরঃ ॥৪-৬৭-৯॥
67.10
তস্য অহম্ শীঘ্র বেগস্য শীঘ্র গস্য মহাত্মনঃ ।
মারুতস্য ঔরসঃ পুত্রঃ প্লবনে চ অস্মি তৎ সমঃ ॥৪-৬৭-১০॥
67.11
উত্সহেয়ম্ হি বিস্তীর্ণম্ আলিখংতম্ ইব অংবরম্ ।
মেরুম্ গিরিম্ অসংগেন পরিগংতুম্ সহস্রশঃ ॥৪-৬৭-১১॥
67.12
বাহু বেগ প্রণুন্নেন সাগরেণ অহম্ উত্সহে ।
সমাপ্লাবয়িতুম্ লোকম্ স পর্বত নদী হ্রদম্ ॥৪-৬৭-১২॥
67.13
মম ঊরু জন্ঘা বেগেন ভবিষ্যতি সমুত্থিতঃ ।
সমুত্থিত মহা গ্রাহঃ সমুদ্রো বরুণ আলয়ঃ ॥৪-৬৭-১৩॥
67.14
পন্নগ অশনম্ আকাশে পতন্তম্ পক্ষি সেবিতম্ ।
বৈনতেয়ম্ অহম্ শক্তঃ পরিগংতুম্ সহস্রশঃ ॥৪-৬৭-১৪॥
67.15
উদয়াৎ প্রস্থিতম্ বা অপি জ্বলংতম্ রশ্মি মালিনম্ ।
অন্ অস্তমিতম্ আদিত্যম্ অভিগংতুম্ সমুত্সহে ॥৪-৬৭-১৫॥
67.16
ততো ভূমিম্ অসংস্পৃষ্ট্বা পুনঃ আগন্তুম্ উত্সহে ।
প্রবেগেন এব মহতা ভীমেন প্লবগর্ষভাঃ ॥৪-৬৭-১৬॥
67.17
উত্সহেয়ম্ অতিক্রাংতুম্ সর্বান্ আকাশ গোচরান্ ।
সাগরম্ শোষয়িষ্যামি দারয়িষ্যামি মেদিনীম্ ॥৪-৬৭-১৭॥
67.18
পর্বতান্ চূর্ণষ্যামি প্লবমানঃ প্লবংগমাঃ ।
হরিষ্যামি ঊরু বেগেন প্লবমানো মহাঅর্ণবম্ ॥৪-৬৭-১৮॥
67.19
লতানাম্ বিবিধাম্ পুষ্পম্ পাদপানাম্ চ সর্বশঃ ।
অনুয়াস্যতি মাম্ অদ্য প্লবমানম্ বিহায়সা ॥৪-৬৭-১৯॥
67.20
ভবিষ্যতি হি মে পন্থাঃ স্বাতেঃ পন্থা ইব অংবরে ।
চরন্তম্ ঘোরম্ আকাশম্ উত্পতিষ্যন্তম্ এব চ ॥৪-৬৭-২০॥
67.21
দ্রক্ষ্যন্তি নিপতন্তম্ চ সর্ব ভূতানি বানরাঃ ।
মহা মেরু প্রতীকাশম্ মাম্ দ্রক্ষ্যধ্বম্ প্লবংগমাঃ ॥৪-৬৭-২১॥
67.22
দিবম্ আবৃত্য গচ্ছন্তম্ গ্রসমানম্ ইব অংবরম্ ।
বিধমিষ্যামি জীমূতান্ কংপয়িষ্যামি পর্বতান্ ।সাগরম্ শোষয়িষ্যামি প্লবমানঃ সমাহিতঃ ॥৪-৬৭-২২॥
67.23
বৈনতেয়স্য বা শক্তিঃ মম বা মারুতস্য বা ।
ঋতে সুপর্ণ রাজানম্ মারুতম্ বা মহাবলম্ ।ন তৎ ভূতম্ প্রপশ্যামি যৎ মাম্ প্লুতম্ অনুব্রজেৎ ॥৪-৬৭-২৩॥
67.24
নিমেষ অন্তর মাত্রেণ নিরালংবনম্ অংবরম্ ।
সহসা নিপতিষ্যামি ঘনাৎ বিদ্যুৎ ইব উত্থিতা ॥৪-৬৭-২৪॥
67.25
ভবিষ্যতি হি মে রূপম্ প্লবমানস্য সাগরম্ ।
বিষ্ণোঃ প্রক্রমমাণস্য তদা ত্রীন্ বিক্রমান্ ইব ॥৪-৬৭-২৫॥
67.26
বুদ্ধ্যা চ অহম্ প্রপশ্যামি মনঃ চেষ্টা চ মে তথা ।
অহম্ দ্রক্ষ্যামি বৈদেহীম্ প্রমোদধ্বম্ প্লবংগমাঃ ॥৪-৬৭-২৬॥
67.27
মারুতস্য সমো বেগে গরুডস্য সমো জবে ।
অয়ুতম্ যোজনানাম্ তু গমিষ্যামি ইতি মে মতিঃ ॥৪-৬৭-২৭॥
67.28
বাসবস্য স বজ্রস্য ব্রহ্মণো বা স্বয়ংভুবঃ ।
বিক্রম্য সহসা হস্তাৎ অমৃতম্ তৎ ইহ আনয়ে ॥৪-৬৭-২৮॥
67.29
লংকাম্ বা অপি সমুত্ক্ষিপ্য গচ্ছেয়ম্ ইতি মে মতিঃ ।
তম্ এবম্ বানর শ্রেষ্ঠম্ গর্জন্তম্ অমিত প্রভম্ ॥৪-৬৭-২৯॥
67.30
প্রহৃষ্টা হরয়ঃ তত্র সমুদৈক্ষন্ত বিস্মিতাঃ ।
তৎ চ অস্য বচনম্ শ্রুত্বা জ্ঞাতীনাম্ শোক নাশনম্ ॥৪-৬৭-৩০॥
67.31
উবাচ পরিসংহৃষ্টো জাংববান্ প্লবগেশ্বরঃ ।
বীর কেসরিণঃ পুত্র বেগবন্ মারুত আত্মজ ॥৪-৬৭-৩১॥
67.32
জ্ঞাতীনাম্ বিপুলঃ শোকঃ ত্বয়া তাত প্রণাশিতঃ ।
তব কল্যাণ রুচয়ঃ কপি মুখ্যাঃ সমাগতাঃ ॥৪-৬৭-৩২॥
67.33
মংগলম্ কার্য সিদ্ধি অর্থম্ করিষ্যন্তি সমাহিতাঃ ।
ঋষীণাম্ চ প্রসাদেন কপি বৃদ্ধ মতেন চ ॥৪-৬৭-৩৩॥
67.34
গুরূণাম্ চ প্রসাদেন প্লবস্ব ত্বম্ মহাঅর্ণবম্ ।
স্থাস্যামঃ চ এক পাদেন যাবৎ আগমনম্ তব ॥৪-৬৭-৩৪॥
67.35
ত্বৎ গতানি চ সর্বেষাম্ জীবিতানি বন ওকসাম্ ।
ততঃ চ হরি শার্দূলঃ তান্ উবাচ বন ওকসঃ ॥৪-৬৭-৩৫॥
67.36
কো অপি লোকে ন মে বেগম্ প্লবনে ধারয়িষ্যতি ।
এতানি হি নগস্য অস্য শিলা সংকট শালিনঃ ॥৪-৬৭-৩৬॥
67.37
শিখরাণি মহেন্দ্রস্য স্থিরাণি চ মহান্তি চ ।
যেষু বেগম্ গমিষ্যামি মহেন্দ্র শিখরেষু অহম্ ॥৪-৬৭-৩৭॥
67.38
নানা দ্রুম বিকীর্ণেষু ধাতু নিষ্পন্দ শোভিষু ।
এতানি মম বেগম্ হি শিখরাণি মহান্তি চ ॥৪-৬৭-৩৮॥
67.39
প্লবতো ধারয়িষ্যন্তি যোজনানাম্ ইতঃ শতম্ ।
ততঃ তু মারুত প্রখ্যঃ স হরিঃ মারুত আত্মজঃ ।আরুরোহ নগ শ্রেষ্ঠম্ মহ্ন্দ্রম্ অরিংঅর্দমঃ ॥৪-৬৭-৩৯॥
67.40
বৃতম্ নানা বিধৈঃ পুষ্পৈঃ মৃগ সেবিত শাদ্বলম্ ।
লতা কুসুম সংবাধম্ নিত্য পুষ্প ফল দ্রুমম্ ॥৪-৬৭-৪০॥
67.41
সিংহ শার্দূল চরিতম্ মত্ত মাতংগ সেবিতম্ ।
মত্ত দ্বিজ গণ উদ্ ধুষ্টম্ সলিল উত্পীড সংকুলম্ ॥৪-৬৭-৪১॥
67.42
মহদ্ভিঃ উচ্ছ্রিতম্ শৃন্গৈঃ মহেন্দ্রম্ স মহাবলঃ ।
বিচচার হরিশ্রেষ্ঠো মহেন্দ্র সাম বিক্রমঃ ॥৪-৬৭-৪২॥
67.43
বাহুভ্যাম্ পীডিতঃ তেন মহাশৈলো মহাত্মনা ।
ররাস সিংহ অভিহতো মহান্ মত্ত ইব দ্বিপঃ ॥৪-৬৭-৪৩॥
67.44
মুমোচ সলিল উত্পীডান্ বিপ্রকীর্ণ শিলোউচ্চয়ঃ ।
বিত্রস্ত মৃগ মাতংগঃ প্রকংপিত মহা দ্রুমঃ ॥৪-৬৭-৪৪॥
67.45
নানাগংধর্বমিথুনৈর্পানসংসর্গকর্কশৈঃ ।
উত্পতদ্ভির্বিহংগৈশ্চবিদ্যাধরগণৈরপি - যদ্বা -নানা গন্ধর্ব মিথুনৈঃ পান সংসর্গ কর্কশৈঃ ।উৎ পতদ্ভিঃ বিহংগৈঃ চ বিদ্যাধর গণৈঃ অপি ॥৪-৬৭-৪৫॥
67.46
ত্যজ্যমান মহা সানুঃ সংনিলীন মহা উরগঃ ।
শৈল শৃন্গ শিলা উত্পাতঃ তদা অভূৎ স মহা গিরিঃ ॥৪-৬৭-৪৬॥
67.47
নিঃশ্বসদ্ভিস্তদাতৈতুভুজগৈরর্ধনিঃসৃতৈঃ ।
সপতাকৈবাভাতিসতদাধরণীধরঃ।যদ্বা -নিঃশ্বসদ্ভিঃ তদা তৈঃ তু ভুজগৈঃ অর্ধ নিঃসৃতৈঃ ।স পতাক ইব আভাতি স তদা ধরণী ধরঃ ॥৪-৬৭-৪৭॥
67.48
ঋষিভিত্রাসসংভ্রান্তৈস্ত্যজ্যমানশ্শিলোচ্চয়ঃ - যদ্বা -ঋষিভিঃ ত্রাস সংভ্রাংতৈঃ ত্যজ্যমানঃ শিলা উচ্চয়ঃ ।
সীদন্ মহতি কাংতারে সার্থ হীন ইব অধ্ব গঃ ॥৪-৬৭-৪৮॥
67.49
স বেগবান্ বেগ সমাহিত আত্মাহরি প্রবীরঃ পর বীর হন্তা ।
মনঃ সমাধায় মহাঅনুভাবোজগাম লংকাম্ মনসা মনস্বী ॥৪-৬৭-৪৯॥