Utshovসর্গ 26
26.1
ততঃ শোক অভিসংতপ্তম্ সুগ্রীবম্ ক্লিন্ন বাসনম্ ।
শাখা মৃগ মহামাত্রাঃ পরিবার্য উপতস্থিরে ॥৪-২৬-১॥
26.2
অভিগম্য মহাবাহুম্ রামম্ অক্লিষ্ট কারিণম্ ।
স্থিতাঃ প্রাংজলয়ঃ সর্বে পিতামহম্ ইব ঋষয়ঃ ॥৪-২৬-২॥
26.3
ততঃ কাংচন শৈল আভঃ তরুণ অর্ক নিভ আননঃ ।
অব্রবীৎ প্রাংজলির্ বাক্যম্ হনুমান্ মারুত আত্মজঃ ॥৪-২৬-৩॥
26.4
ভবৎ প্রসাদাৎ কাকুত্স্থ পিতৃ পৈতামহম্ মহৎ ।
বানরাণাম্ সুদংষ্ট্রাণাম্ সংপন্ন বলশালিনাম্ ॥৪-২৬-৪॥
26.5
মহাত্মানাম্ সুদুষ্প্রাপম্ প্রাপ্তম্ রাজ্যম্ ইদম্ প্রভো ।
ভবতা সমনুজ্ঞাতঃ প্রবিশ্য নগরম্ শুভম্ ॥৪-২৬-৫॥
26.6
সংবিধাস্যতি কার্যাণি সর্বাণি সসুহৃৎ গণঃ।
স্নাতো অয়ম্ বিবিধৈর্ গন্ধৈর্ ঔষধৈঃ চ যথা বিধি ॥৪-২৬-৬॥
26.7
অর্চয়িষ্যতি মাল্যৈঃ চ রত্নৈঃ চ ত্বাম্ বিশেষতঃ ।
ইমাম্ গিরি গুহাম্ রম্যাম্ অভিগন্তুম্ ত্বম্ অর্হসি ॥৪-২৬-৭॥
26.8
কুরুষ্ব স্বামি সংবন্ধম্ বানরান্ সংপ্রহর্ষয়ন্ ।
এবম্ উক্তো হনুমতা রাঘবঃ পর বীরহা ॥৪-২৬-৮॥
26.9
প্রত্যুবাচ হনূমন্তম্ বুদ্ধিমান্ বাক্য কোবিদঃ ।
চতুর্দশ সমাঃ সৌম্য গ্রামম্ বা যদি বা পুরম্ ॥৪-২৬-৯॥
26.10
ন প্রবেক্ষ্যামি হনুমন্ পিতুর্ নির্দেশ পালকঃ ।
সুসমৃদ্ধাম্ গুহাম্ দিব্যাম্ সুগ্রীবো বানরর্ষভঃ ॥৪-২৬-১০॥
26.11
প্রবিষ্টো বিধিবৎ বীরঃ ক্ষিপ্রম্ রাজ্যে অভিষিচ্যতাম্ ।
এবম্ উক্ত্বা হনূমন্তম্ রামঃ সুগ্রীবম্ অব্রবীৎ ॥৪-২৬-১১॥
26.12
বৃত্তজ্ঞো বৃত্ত সংপন্নম্ উদার বল বিক্রমম্ ।
ইমম্ অপি অংগদম্ বীরম্ যৌবরাজ্যে অভিষেচয় ॥৪-২৬-১২॥
26.13
জ্যেষ্ঠস্য হি সুতো জ্যেষ্ঠঃ সদৃশো বিক্রমেণ চ ।
অংগদো অয়ম্ অদীনাত্মা যৌবরাজ্যস্য ভাজনম্ ॥৪-২৬-১৩॥
26.14
পূর্বো অয়ম্ বার্ষিকো মাসঃ শ্রাবণঃ সলিল আগমঃ ।
প্রবৃত্তাঃ সৌম্য চত্বারো মাসা বার্ষিক সংজ্ঞিতাঃ ॥৪-২৬-১৪॥
26.15
ন অয়ম্ উদ্যোগ সময়ঃ প্রবিশ ত্বম্ পুরীম্ শুভাম্ ।
অস্মিন্ বত্স্যামি অহম্ সৌম্য পর্বতে সহ লক্ষ্মণঃ ॥৪-২৬-১৫॥
26.16
ইয়ম্ গিরি গুহা রম্যা বিশালা যুক্ত মারুতা ।
প্রভূত সলিলা সৌম্য প্রভূত কমল উত্পলা ॥৪-২৬-১৬॥
26.17
কার্তিকে সমনুপ্রাপ্তে ত্বম্ রাবণ বধে যত ।
এষ নঃ সময়ঃ সৌম্য প্রবিশ ত্বম্ স্বম্ আলয়ম্ ॥৪-২৬-১৭॥
26.18
অভিষিংচস্ব রাজ্যে চ সুহৃদঃ সংপ্রহর্ষয় ।
ইতি রাম অভ্যনুজ্ঞাতঃ সুগ্রীবো বানরর্ষভঃ ॥৪-২৬-১৮॥
26.19
প্রবিবেশ পুরীম্ রম্যাম্ কিষ্কিংধাম্ বালি পালিতাম্ ।
তম্ বানর সহস্রাণি প্রবিষ্টম্ বানর ঈশ্বরম্ ॥৪-২৬-১৯॥
26.20
অভিবার্য প্রহৃষ্টানি সর্বতঃ প্লবগেশ্বরম্ ।
ততঃ প্রকৃতয়ঃ সর্বা দৃষ্ট্বা হরি গণ ঈশ্বরম্ ॥৪-২৬-২০॥
26.21
প্রণম্য মূর্ধ্না পতিতা বসুধায়াম্ সমাহিতাঃ ।
সুগ্রীবঃ প্রকৃতীঃ সর্বাঃ সংভাষ্য উত্থাপ্য বীর্যবান্ ॥৪-২৬-২১॥
26.22
ভ্রাতুর্ অংতঃ পুরম্ সৌম্যম্ প্রবিবেশ মহাবলঃ ।
প্রবিষ্টম্ ভীম বিক্রাংতম্ সুগ্রীবম্ বানরর্ষভম্ ॥৪-২৬-২২॥
26.23
অভ্যষিংচংত সুহৃদঃ সহস্রাক্ষম্ ইব অমরাঃ ।
তস্য পাণ্ডুরম্ আজহ্রুঃ ছত্রম্ হেম পরিষ্কৃতম্ ॥৪-২৬-২৩॥
26.24
শুক্লে চ বাল ব্যজনে হেম দণ্ডে যশস্করে ।
তথা সর্বাণি রত্নানি সর্ব বীজ ঔষধানি চ ॥৪-২৬-২৪॥
26.25
স ক্ষীরাণাম্ চ বৃক্ষাণাম্ প্ররোহান্ কুসুমানি চ ।
শুক্লানি চৈব বস্ত্রাণি শ্বেতম্ চৈব অনুলেপনম্ ॥৪-২৬-২৫॥
26.26
সুগংধীনি চ মাল্যানি স্থলজানি অংবুজানি চ ।
চন্দনানি চ দিব্যানি গন্ধাম্ চ বিবিধান্ বহূন্ ॥৪-২৬-২৬॥
26.27
অক্ষতম্ জাত রূপম্ চ প্রিয়ংগু মধু সর্পিষী ।
দধি চর্ম চ বৈয়াঘ্রম্ পরার্ধ্যে চ অপি উপানহৌ ॥৪-২৬-২৭॥
26.28
সমালংভনম্ আদায় গোরোচনম্ মনঃ শিলাম্ ।
আজগ্মুঃ তত্র মুদিতা বরাঃ কন্যাঃ চ ষোডশ ॥৪-২৬-২৮॥
26.29
ততঃ তে বানর শ্রেষ্ঠম্ অভিষেক্তুম্ যথা বিধি ।
রত্নৈর্ বস্ত্রৈঃ চ ভক্ষ্যৈঃ চ তোষয়িত্বা দ্বিজর্ষভান্ ॥৪-২৬-২৯॥
26.30
ততঃ কুশ পরিস্তীর্ণম্ সমিদ্ধম্ জাত বেদসম্ ।
মংত্র পূতেন হবিষা হুত্বা মংত্রবিদো জনাঃ ॥৪-২৬-৩০॥
26.31
ততো হেম প্রতিষ্ঠানে বর আস্তরণ সংবৃতে ।
প্রাসাদ শিখরে রম্যে চিত্র মাল্য উপশোভিতে ॥৪-২৬-৩১॥
26.32
প্রাঙ্মুখম্ বিধিবৎ মংত্রৈঃ স্থাপয়িত্বা বর আসনে ।
নদী নদেভ্যঃ সংহৃত্য তীর্থেভ্যঃ চ সমংততঃ ॥৪-২৬-৩২॥
26.33
আহৃত্য চ সমুদ্রেভ্যঃ সর্বেভ্যো বানরর্ষভাঃ ।
অপঃ কনক কুংভেষু নিধায় বিমলম্ জলম্ ॥৪-২৬-৩৩॥
26.34
শুভৈঃ বৃষভ শৃন্গৈঃ চ কলশৈঃ চ এব কাংচনৈঃ ।
শাস্ত্র দৃষ্টেন বিধিনা মহর্ষি বিহিতেন চ ॥৪-২৬-৩৪॥
26.35
গজো গবাক্ষো গবয়ঃ শরভো গংধমাদনঃ ।
মৈন্দঃ চ দ্বিবিদঃ চৈব হনূমান্ জাংববান্ তথা ॥৪-২৬-৩৫॥
26.36
অভ্যষিংচংত সুগ্রীবম্ প্রসন্নেন সুগংধিনা ।
সলিলেন সহস্রাক্ষম্ বসবো বাসবম্ যথা ॥৪-২৬-৩৬॥
26.37
অভিষিক্তে তু সুগ্রীবে সর্বে বানর পুংগবাঃ ।
প্রচুক্রুশুর্ মহাত্মানো হৃষ্টাঃ শত সহস্রশঃ ॥৪-২৬-৩৭॥
26.38
রামস্য তু বচঃ কুর্বন্ সুগ্রীবো হরি পুংগবঃ ।
অংগদম্ সংপরিষ্বজ্য যৌবরাজ্যে অভিষেচয়ৎ ॥৪-২৬-৩৮॥
26.39
অংগদে চ অভিষিক্তে তু সানুক্রোশাঃ প্লবংগমাঃ ।
সাধু সাধু ইতি সুগ্রীবম্ মহাত্মানো হি অপূজয়ন্ ॥৪-২৬-৩৯॥
26.40
রামম্ চ এব মহাত্মানম্ লক্ষ্মণম্ চ পুনঃ পুনঃ ।
প্রীতাঃ চ তুষ্টুবুঃ সর্বে তাদৃশে তত্র বর্তিনি ॥৪-২৬-৪০॥
26.41
হৃষ্ট পুষ্ট জন আকীর্ণা পতাকা ধ্বজ শোভিতা ।
বভূব নগরী রম্যা ক্ষিকিংধা গিরি গহ্বরে ॥৪-২৬-৪১॥
26.42
নিবেদ্য রামায় তদা মহাত্মনেমহা অভিষেকম্ কপি বাহনী পতিঃ ।
রুমাম্ চ ভার্যাম্ উপলভ্য বীর্যবান্অবাপ রাজ্যম্ ত্রিদশ অধিপো যথা ॥৪-২৬-৪২॥