Utshovসর্গ 27
27.1
অভিষিক্তে তু সুগ্রীবে প্রবিষ্টে বানরে গুহাম্ ।
আজগাম সহ ভ্রাত্রা রামঃ প্রস্রবণম্ গিরিম্ ॥৪-২৭-১॥
27.2
শার্দূল মৃগ সংঘুষ্টম্ সিংহৈঃ ভীম রবৈঃ বৃতম্ ।
নানা গুল্ম লতা গূঢম্ বহু পাদপ সংকুলম্ ॥৪-২৭-২॥
27.3
ঋক্ষ বানর গোপুচ্ছৈঃ মার্জারৈঃ চ নিষেবিতম্ ।
মেঘ রাশি নিভম্ শৈলম্ নিত্যম্ শুচিকরম্ শিবম্ ॥৪-২৭-৩॥
27.4
তস্য শৈলস্য শিখরে মহতীম্ আয়তাম্ গুহাম্ ।
প্রত্যগৃহ্ণীত বাসার্থম্ রামঃ সৌমিত্রিণা সহ ॥৪-২৭-৪॥
27.5
কৃত্বা চ সময়ম্ রামঃ সুগ্রীবেণ সহ অনঘ ।
কাল যুক্তম্ মহদ্ বাক্যম্ উবাচ রঘুনন্দন ॥৪-২৭-৫॥
27.6
বিনীতম্ ভ্রাতরম্ ভ্রাতা লক্ষ্মণম্ লক্ষ্মি বর্ধনম্ ।
ইয়ম্ গিরি গুহা রম্যা বিশালা যুক্ত মারুতা ॥৪-২৭-৬॥
27.7
অস্যাম্ বস্ত্যাম সৌমিত্রে বর্ষ রাত্রম্ অরিংদম ।
গিরি শৃংগম্ ইদম্ রম্যম্ উত্তমম্ পার্থিবাত্মজ ॥৪-২৭-৭॥
27.8
শ্বেতাভিঃ কৃষ্ণ তাম্রাভিঃ শিলাভিঃ উপশোভিতম্ ।
নানা ধাতু সমাকীর্ণম্ নদী দর্দুর সংয়ুতম্ ॥৪-২৭-৮॥
27.9
বিবিধৈঃ বৃক্ষ ষণ্ডৈঃ চ চারু চিত্র লতা যুতম্ ।
নানা বিহগ সংঘুষ্টম্ ময়ূর বর নাদিতম্ ॥৪-২৭-৯॥
27.10
মালতী কুংদ গুল্মৈঃ চ সিংদুবারৈঃ শিরীষকৈঃ ।
কদংব অর্জুন সর্জৈঃ চ পুষ্পিতৈঃ উপশোভিতম্ ॥৪-২৭-১০॥
27.11
ইয়ম্ চ নলিনি রম্যা ফুল্ল পংকজ মণ্ডিতৈঃ ।
ন অতি দূরে গুহায়া নৌ ভবিষ্যতি নৃপাত্মজ ॥৪-২৭-১১॥
27.12
প্রাগ্ উদক্ প্রবণে দেশে গুহা সাধু ভবিষ্যতি ।
পশ্চাৎ চ এব উন্নতা সৌম্য নিবাতে অয়ম্ ভবিষ্যতি ॥৪-২৭-১২॥
27.13
গুহা দ্বারে চ সৌমিত্রে শিলা সম তলা শিবা ।
কৃষ্ণা চ এব আয়তা চৈব ভিন্ন অংজন চয় উপমমা ॥৪-২৭-১৩॥
27.14
গিরি শৃংগম্ ইদম্ তাত পশ্য চ উত্তরতঃ সুভম্ ।
ভিন্ন অংজন চয় আকারম্ অংভোধরম্ ইব উদিতম্ ॥৪-২৭-১৪॥
27.15
দক্ষিণস্যাম্ অপি দিশ স্থিতম্ শ্বেতম্ ইব অংবরম্ ।
কৈলাস শিখর প্রখ্যম্ নানা ধাতু বিরাজিতম্ ॥৪-২৭-১৫॥
27.16
প্রাচীন বাহিনীম্ চৈব নদীম্ ভৃশম্ অকর্দমম্ ।
গুহায়াঃ পরতঃ পশ্য ত্রিকূটে জহ্নবীম্ ইব ॥৪-২৭-১৬॥
27.17
চন্দনৈঃ তিলকৈঃ সালৈঃ তমালৈঃ অতিমুক্তকৈঃ ।
পদ্মকৈঃ সরলৈঃ চৈব অশোকৈঃ চৈব শোভিতম্ ॥৪-২৭-১৭॥
27.18
বানীরৈঃ তিমিদৈঃ চৈব বকুলৈঃ কেতকৈঃ অপি ।
হিন্তালৈঃ তিনিশৈঃ নীপৈঃ বেতসৈঃ কৃতমালকৈঃ ॥৪-২৭-১৮॥
27.19
তীরজৈঃ শোভিতা ভাতি নানা রূপৈঃ ততঃ ততঃ ।
বসন আভরণ উপেত প্রমদ এব অভ্যলংকৃতা ॥৪-২৭-১৯॥
27.20
শতশঃ পক্ষি সন্ঘৈঃ চ নানা নাদ বিনাদিতা ।
একৈকম্ অনুরক্তৈঃ চ চক্রবাকৈঃ অলংকৃতা ॥৪-২৭-২০॥
27.21
পুলিনৈঃ অতি রম্যৈঃ চ হংস সারস সেবিতা ।
প্রহসংতী ইব ভাতি এষা নারী রত্ন বিভূষিতা ॥৪-২৭-২১॥
27.22
ক্বচিৎ নীলোত্পলৈঃ চ্ছন্ন ভাতি রক্তোত্পলৈঃ ক্বচিৎ ।
ক্বচিৎ ভাতি শুক্লৈঃ চ দিব্যৈঃ কুমুদ কুড্মলৈঃ ॥৪-২৭-২২॥
27.23
পারিপ্লব শতৈঃ জুষ্টা বর্হি ক্রৌন্চ বিনাদিতা ।
রমণিয়া নদী সৌম্য মুনি সংঘ নিষেবিতা ॥৪-২৭-২৩॥
27.24
পশ্য চংদন বৃক্ষাণাম্ পংক্তী সুরুচিরা ইব ।
ককুভানম্ চ দৃশ্যন্তে মনসা ইব উদিতাঃ সমম্ ॥৪-২৭-২৪॥
27.25
অহো সুরমণীয়ো অয়ম্ দেশঃ শত্রু নিষূদন ।
দৃঢম্ রংস্যাব সৌমিত্রে সাধু অত্র নিবসাবহে ॥৪-২৭-২৫॥
27.26
ইতঃ চ ন অতি দূরে সা কিষ্কিংধা চিত্র কাননা ।
সুগ্রীবস্য পুরী রম্যা ভবিষ্যতি নৃপাত্মজ ॥৪-২৭-২৬॥
27.27
গীত বাদিত্র নির্ঘোষঃ শ্রূয়তে জয়তাম্ বর ।
নদতাম্ বানরাণাম্ চ মৃদংগ আডংবরৈঃ সহ ॥৪-২৭-২৭॥
27.28
লব্ধ্বা ভার্যাম্ কপিবরঃ প্রাপ্য রাজ্যম্ সুহৃৎ বৃতঃ ।
ধ্রুবম্ নংদতি সুগ্রীবঃ সংপ্রাপ্য মহতীম্ শ্রিয়ম্ ॥৪-২৭-২৮॥
27.29
ইতি উক্ত্বা ন্যবসৎ তত্র রাঘবঃ সহ লক্ষ্মণঃ ।
বহু দৃশ্য দরী কুংজে তস্মিন্ প্রস্রবণে গিরৌ ॥৪-২৭-২৯॥
27.30
সুসুখে হি বহু দ্রব্যে তস্মিন্ হি ধরণী ধরে ।
বসতঃ তস্য রামস্য রতিঃ অল্পা অপি ন অভবৎ ॥৪-২৭-৩০॥
27.31
হৃতাম্ হি ভার্যাম্ স্মরতঃ প্রাণেভ্যো অপি গরীয়সীম্ ।
উদয় অভ্যুদিতম্ দৃষ্ট্বা শশাংকম্ চ বিশেষতঃ ॥৪-২৭-৩১॥
27.32
আবিবেশ ন তম্ নিদ্রা নিশাসু শয়নম্ গতম্ ।
তৎ সমুত্থেন শোকেন বাষ্প উপহত চেতসম্ ॥৪-২৭-৩২॥
27.33
তম্ শোচমানম্ কাকুত্স্থম্ নিত্যম্ শোক পরায়ণম্ ।
তুল্য দুঃখো অব্রবীদ্ ভ্রাতা লক্ষ্মণো অনুনয়ম্ বচঃ ॥৪-২৭-৩৩॥
27.34
অলম্ বীর ব্যথাম্ গত্বা ন ত্বম্ শোচিতুম্ অর্হসি ।
শোচতো হি অবসীদন্তি সর্ব অর্থা বিদিতম্ হি তে ॥৪-২৭-৩৪॥
27.35
ভবান্ ক্রিয়া পরো লোকে ভবান্ দেব পরায়ণঃ ।
আস্তিকো ধর্ম শীলঃ চ ব্যবসায়ী চ রাঘব ॥৪-২৭-৩৫॥
27.36
ন হি অব্যবসিতঃ শত্রুম্ রাক্ষসম্ তম্ বিশেষতঃ ।
সমর্থঃ ত্বম্ রণে হন্তুম্ বিক্রমৈঃ জিহ্ম কারিণম্ ॥৪-২৭-৩৬॥
27.37
সমুন্মূলয় শোকম্ ত্বম্ ব্যবসায়ম্ স্থিরী কুরু ।
ততঃ সপরিবারম্ তম্ রাক্ষসম্ হন্তুম্ অর্হসি ॥৪-২৭-৩৭॥
27.38
পৃথিবীম্ অপি কাকুত্স্থ সসাগর বন অচলাম্ ।
পরিবর্তয়িতুম্ শক্তঃ কিম্ পুনঃ তম্ হি রাবণম্ ॥৪-২৭-৩৮॥
27.39
শরৎ কালম্ প্রতীক্ষস্ব প্রাবৃট্ কালো অয়ম্ আগতঃ ।
ততঃ স রাষ্ট্রম্ স গণাম্ রাবণম্ তম্ বধিষ্যসি ॥৪-২৭-৩৯॥
27.40
অহম্ তু খলু তে বীর্যম্ প্রসুপ্তম্ প্রতিবোধয়ে ।
দীপ্তৈঃ আহুতিভিঃ কালে ভস্ম চন্নম্ ইব অনলম্ ॥৪-২৭-৪০॥
27.41
লক্ষ্মণস্য হি তদ্ বাক্যম্ প্রতিপূজ্য হিতম্ শুভম্ ।
রাঘবঃ সুহৃদম্ স্নিগ্ধম্ ইদম্ বচনম্ অব্রবীৎ ॥৪-২৭-৪১॥
27.42
বাচ্যম্ যদ্ অনুরক্তেন স্নিগ্ধেন চ হিতেন চ ।
সত্য বিক্রম যুক্তেন তদ্ উক্তম্ লক্ষ্মণ ত্বয়া ॥৪-২৭-৪২॥
27.43
এষ শোকঃ পরিত্যক্তঃ সর্ব কার্য অবসাদকঃ ।
বিক্রমেষু অপ্রতিহতম্ তেজঃ প্রোত্সাহয়ামি অহম্ ॥৪-২৭-৪৩॥
27.44
শরৎ কালম্ প্রতীক্ষিষ্যে স্থিতো অস্মি বচনে তব ।
সুগ্রীবস্য নদীনাম্ চ প্রসাদম্ অনুপালয়ন্ ॥৪-২৭-৪৪॥
27.45
উপকারেণ বিরঃ তু প্রতিকারেণ যুজ্যতে ।
অকৃতজ্ঞো অপ্রতিকৃতো হন্তি সত্ববতাম্ মনঃ ॥৪-২৭-৪৫॥
27.46
তৎ এব যুক্তম্ প্রণিধায় লক্ষ্মণঃকৃত অংজলি তৎ প্রতিপূজয় ভাষিতম্ ।
উবাচ রামম্ স্বভিরাম দর্শনম্প্রদর্শয়ন্ দর্শনম্ আত্মনঃ শুভম্ ॥৪-২৭-৪৬॥
27.47
যথোক্তম্ এতৎ তব সর্বম্ ঈপ্সিতম্নরেন্দ্র কর্তা ন চিরাৎ তু বানর ।
শরৎ প্রতীক্ষঃ ক্ষমতাম্ ইমম্ ভবান্জল প্রপাতম্ রিপু নিগ্রহে ধৃতঃ ॥৪-২৭-৪৭॥
27.48
নিয়ম্য কোপম্ প্রতিপাল্যতাম্ শরত্ক্ষমস্ব মাসাম্ চতুরো ময়া সহ ।
বস অচলে অস্মিন্ মৃগ রাজ সেবিতেসংবর্তয়ন্ শত্রু বধে সমর্থঃ ॥৪-২৭-৪৮॥