Utshovসর্গ 28
28.1
স তদা বালিনম্ হত্বা সুগ্রীবম্ অভিষিচ্য চ ।
বসন্ মাল্যবতঃ পৃষ্টে রামো লক্ষ্মণম্ অব্রবীৎ ॥৪-২৮-১॥
28.2
অয়ম্ স কালঃ সংপ্রাপ্তঃ সময়ো অদ্য জল আগমঃ ।
সংপশ্য ত্বম্ নভো মেঘৈঃ সংবৃতম্ গিরি সংনিভৈঃ ॥৪-২৮-২॥
28.3
নব মাস ধৃতম্ গর্ভম্ ভাস্করস্য গভস্তিভিঃ ।
পীত্বা রসম্ সমুদ্রাণাম্ দ্যৌঃ প্রসূতে রসায়নম্ ॥৪-২৮-৩॥
28.4
শক্যম্ অংবরম্ আরুহ্য মেঘ সোপান পংক্তিভিঃ ।
কুটজ অর্জুন মালাভিঃ অলংকর্তুম্ দিবাকরম্ ॥৪-২৮-৪॥
28.5
সংধ্যা রাগ উত্থিতৈঃ তাম্রৈঃ অংতেষু অধিক পাণ্ডুরৈঃ ।
স্নিগ্ধৈঃ অভ্র পট চ্ছেদৈঃ বদ্ধ ব্রণম্ ইব অংবরম্ ॥৪-২৮-৫॥
28.6
মন্দ মারুত নিঃশ্বাসম্ সংধ্যা চংদন রংজিতম্ ।
আপাণ্ডু জলদম্ ভাতি কাম আতুরম্ ইব অংবরম্ ॥৪-২৮-৬॥
28.7
এষা ঘর্ম পরিক্লিষ্টা নব বারি পরিপ্লুতা ।
সীতা ইব শোক সংতপ্তা মহী বাষ্পম্ বিমুংচতি ॥৪-২৮-৭॥
28.8
মেঘ উদর বিনির্মুক্তাঃ কর্পূর দল শীতলাঃ ।
শক্যম্ অংজলিভিঃ পাতুম্ বাতাঃ কেতকি গন্ধিনঃ ॥৪-২৮-৮॥
28.9
এষ ফুল্ল অর্জুনঃ শৈলঃ কেতকৈঃ অধিবাসিতঃ ।
সুগ্রীব ইব শান্ত অরিঃ ধারাভিঃ অভিষিচ্যতে ॥৪-২৮-৯॥
28.10
মেঘ কৃষ্ণ অজিন ধরা ধারা যজ্ঞ উপবীতিনঃ ।
মারুত আপূরিত গুহাঃ প্রাধীতা ইব পর্বতাঃ ॥৪-২৮-১০॥
28.11
কশাভিঃ ইব হৈমীভিঃ বিদ্যুদ্ভিঃ ইব তাডিতম্ ।
অন্তঃ স্তনিত নির্ঘোষম্ সবেদনম্ ইব অংবরম্ ॥৪-২৮-১১॥
28.12
নীল মেঘ আশ্রিতা বিদ্যুৎ স্ফুরংতী প্রতিভাতি মে ।
স্ফুরংতী রাবণস্য অংকে বৈদেহী ইব তপস্বিনী ॥৪-২৮-১২॥
28.13
ইমাঃ তা মন্মথবতাম্ হিতাঃ প্রতিহতা দিশঃ ।
অনুলিপ্তা ইব ঘনৈঃ নষ্ট গ্রহ নিশা করাঃ ॥৪-২৮-১৩॥
28.14
ক্বচিৎ বাষ্প অভিসংরুদ্ধান্ বর্ষ আগম সমুত্সুকান্ ।
কুটজান্ পশ্য সৌমিত্রে পুষ্টিতান্ গিরি সানুষু ।মম শোক অভিভূতস্য কাম সম্দীপনান্ স্থিতান্ ॥৪-২৮-১৪॥
28.15
রজঃ প্রশাংতম্ স হিমো অদ্য বায়ুঃনিদাঘ দোষ প্রসরাঃ প্রশাংতাঃ ।
স্থিতা হি যাত্রা বসুধা অধিপানাম্প্রবাসিনো যাংতি নরাঃ স্ব দেশান্ ॥৪-২৮-১৫॥
28.16
সংপ্রস্থিতা মানস বাস লুব্ধাঃপ্রিয় অন্বিতাঃ সংপ্রতি চক্রবাকঃ ।
অভীক্ষ্ণ বর্ষ উদক বিক্ষতেষুয়ানানি মার্গেষু ন সংপতন্তি ॥৪-২৮-১৬॥
28.17
ক্বচিৎ প্রকাশম্ ক্বচিদ্ অপ্রকাশম্নভঃ প্রকীর্ণা অংবু ধরম্ বিভাতি ।
ক্বচিৎ ক্বচিৎ পর্বত সংনিরুদ্ধম্রূপম্ যথা শান্ত মহার্ণবস্য ॥৪-২৮-১৭॥
28.18
ব্যামিশ্রিতম্ সর্জ কদংব পুষ্পৈঃনবম্ জলম্ পর্বত ধাতু তাম্রম্ ।
ময়ূর কেকাভিঃ অনুপ্রয়াতম্শৈল অপগাঃ শীঘ্রতরম্ বহন্তি ॥৪-২৮-১৮॥
28.19
রস আকুলম্ ষট্পদ সংনিকাশম্প্রভুজ্যতে জংবু ফলম্ প্রকামম্ ।
অনেক বর্ণম্ পবন অবধূতম্ভূমৌ পততি আম্র ফলম্ বিপক্বম্ ॥৪-২৮-১৯॥
28.20
বিদ্যুৎ পতাকাঃ স বলাক মালাঃশৈলেন্দ্র কূট আকৃতি সংনিকাশাঃ ।
গর্জন্তি মেঘাঃ সমুদীর্ণ নাদামত্ত গজেন্দ্রা ইব সংয়ুগস্থাঃ ॥৪-২৮-২০॥
28.21
বর্ষ উদক আঅপ্যায়িত শাদ্বলানিপ্রবৃত্ত নৃত্ত উত্সব বর্হিণানি ।
বনানি নির্বৃষ্ট বলাহকানিপশ্য অপরাহ্ণেষু অধিকম্ বিভান্তি ॥৪-২৮-২১॥
28.22
সম্ উদ্ বহন্তঃ সলিল অতি ভারম্বলাকিনো বারি ধরা নদন্তঃ ।
মহত্সু শৃংগেষু মহী ধরাণাম্বিশ্রম্য বিশ্রম্য পুনঃ প্রয়ান্তি ॥৪-২৮-২২॥
28.23
মেঘ অভিকামা পরিসংপতন্তীসম্মোদিতা ভাতি বলাক পংক্তিঃ ।
বাত অবধূতা বর পৌণ্ডরীকীলংব ইব মালা রুচির অংবরস্য ॥৪-২৮-২৩॥
28.24
বাল ইন্দ্রগোপ্তা অংতর চিত্রিতেনবিভাতি ভূমিঃ নব শাদ্বলেন ।
গাত্র অনুপৃক্তেন শুক প্রভেণনারী ইব লাক্ষ উক্ষিত কংবলেন ॥৪-২৮-২৪॥
28.25
নিদ্রা শনৈঃ কেশবম্ অভ্যুপৈতিদ্রুতম্ নদী সাগরম্ অভ্যুপৈতি ।
হৃষ্টা বলাকা ঘনম্ অভ্যুপৈতিকান্তা স কামা প্রিয়ম্ অভ্যুপৈতি ॥৪-২৮-২৫॥
28.26
জাতা বনান্তাঃ শিখি সুপ্রনৃত্তাজাতাঃ কদংবাঃ স কদংব শাখাঃ ।
জাতা বৃষা গোষু সমান কামাজাতা মহী সস্য বন অভিরামা ॥৪-২৮-২৬॥
28.27
বহন্তি বর্ষন্তি নদন্তি ভান্তিধ্যায়ন্তি নৃত্যন্তি সমাশ্বসন্তি ।
নদ্যো ঘনা মত্ত গজা বন অন্তাঃপ্রিয়া বিহীনাঃ শিখিনঃ প্লবংগাঃ ॥৪-২৮-২৭॥
28.28
প্রহর্ষিতাঃ কেতক পুষ্প গন্ধম্আঘ্রায় মত্তা বন নির্ঝরেষু ।
প্রপাত শব্দ আকুলিতা গজেন্দ্রাঃসার্ধম্ ময়ূরৈঃ স মদা নদন্তি ॥৪-২৮-২৮॥
28.29
ধারা নিপাতৈঃ অভিহন্যমানাঃকদংব শাখাসু বিলংবমানাঃ ।
ক্ষণ অর্জিতম্ পুষ্প রস অবগাঢম্শনৈর্ মদম্ ষট্ চরণাঃ ত্যজন্তি ॥৪-২৮-২৯॥
28.30
অংগার চূর্ণ উত্কর সংনিকাশৈঃফলৈঃ সুপর্যাপ্ত রসৈঃ সমৃদ্ধৈঃ ।
জংবূ দ্রুমাণাম্ প্রবিভান্তি শাখানিপীয়মানা ইব ষট্পদ ওঘৈঃ ॥৪-২৮-৩০॥
28.31
তডিৎ পতাকাভিঃ অলংকৃতানাম্উদীর্ণ গংভীর মহা রবাণাম্ ।
বিভান্তি রূপাণি বলাহকানাম্রণ উত্সুকানাম্ ইব বারণানাম্ ॥৪-২৮-৩১॥
28.32
মার্গ অনুগঃ শৈল বন অনুসারীসংপ্রস্থিতো মেঘ রবম্ নিশম্য ।
যুদ্ধ অভিকামঃ প্রতিনাদ শন্কীমত্তো গজেন্দ্রঃ প্রতিসংনিবৃত্তঃ ॥৪-২৮-৩২॥
28.33
ক্বচিৎ প্রগীতা ইব ষট্পদ ওঘৈঃক্বচিৎ প্রবৃত্তা ইব নীল কণ্ঠৈঃ ।
ক্বচিৎ প্রমত্তা ইব বারণ ইন্দ্রৈঃবিভাতি অনেক আশ্রয়িণো বনান্তা ॥৪-২৮-৩৩॥
28.34
কদংব সর্জা অর্জুন কংদল আঢ্যাবনান্ত ভূমি মধু বারি পূর্ণা ।
ময়ূর মত্তা অভিরুত প্রবৃত্তৈঃঅপান ভূমি প্রতিমা বিভাতি ॥৪-২৮-৩৪॥
28.35
মুক্তা সমাভম্ সলিলম্ পতৎ বৈসুনির্মলম্ পত্র পুটেষু লগ্নম্ ।
হৃষ্টা বিবর্ণ চ্ছদনা বিহংগাঃসুরেন্দ্র দত্তম্ তৃষিতাঃ পিবন্তি ॥৪-২৮-৩৫॥
28.36
ষত্পদ তংত্রী মধুর অভিধানম্প্লবংগম্ উদীরিত কণ্ঠ তালম্ ।
আবিষ্কৃতম্ মেঘ মৃদংগ নাদৈঃবনেষু সংগীতম্ ইব প্রবৃত্তম্ ॥৪-২৮-৩৬॥
28.37
ক্বচিৎ প্রনৃত্তৈঃ ক্বচিৎ উন্ নদদ্ভিঃক্বচিৎ চ বৃক্ষ অগ্র নিষণ্ণ কায়ৈঃ ।
ব্যালংব বর্হ আভরণৈঃ ময়ূরৈঃবনেষু সংগিতম্ ইব প্রবৃত্তম্ ॥৪-২৮-৩৭॥
28.38
স্বনৈঃ ঘনানাম্ প্লবগাঃ প্রবুদ্ধাবিহায় নিদ্রাম্ চির সংনিরুদ্ধাম্ ।
অনেক রূপা আকৃতি বর্ণ নাদানব অংবু ধারা অভিহতা নদন্তি ॥৪-২৮-৩৮॥
28.39
নদ্যঃ সমুদ্বাহিত চক্রবাকাতটানি শীর্ণানি অপবাহয়িত্বা ।
দৃপ্তা নব প্রাভৃত পূর্ণ ভোগাদ্রুতম্ স্ব ভর্তারম্ উপোপ যান্তি ॥৪-২৮-৩৯॥
28.40
নীলেষু নীলা নব বারি পূর্ণামেঘেষু মেঘাঃ প্রবিভান্তি সক্তাঃ ।
দবাগ্নি দগ্ধেষু দবাগ্নি দগ্ধাঃশৈলেষু শৈলা ইব বদ্ধ মূলাঃ ॥৪-২৮-৪০॥
28.41
প্রমত্ত সংনাদদিত বর্হিণানিস শক্রগোপ অকুল শাদ্বলানি ।
চরন্তি নীপ অর্জুন বাসিতানিগজাঃ সুরম্যাণি বন অন্তরাণি ॥৪-২৮-৪১॥
28.42
নব অংবু ধার আহত কেসরাণিদ্রুতম্ পরিত্যজ্য সরোরুহাণি ।
কদংব পুষ্পাণি স কেসরাণিনবানি হৃষ্টা ভ্রমরাঃ পিবন্তি ॥৪-২৮-৪২॥
28.43
মত্তা গজেন্দ্রা মুদিতা গবেন্দ্রাবনেষু বিক্রাংততরা মৃগেন্দ্রাঃ ।
রম্যা নগেন্দ্রা নিভৃতা নরেন্দ্রাঃপ্রক্রীডিতো বারি ধরৈঃ সুরেন্দ্রঃ ॥৪-২৮-৪৩॥
28.44
মেঘাঃ সমুদ্ ভূত সমুদ্র নাদামহাজল ওঘৈঃ গগন অবলংবাঃ ।
নদীঃ তটাকানি সরাংসি বাপিঃমহীম্ চ কৃত্স্নাম্ অপবাহয়ন্তি ॥৪-২৮-৪৪॥
28.45
বর্ষ প্রবেগা বিপুলা পতন্তিপ্রবান্তি বাতাঃ সমুদীর্ণ বেগাঃ ।
প্রনষ্ট কূলাঃ প্রবহন্তি শীঘ্রম্নদ্যো জলম্ বিপ্রতিপন্ন মার্গাঃ ॥৪-২৮-৪৫॥
28.46
নরৈঃ নরেন্দ্রা ইব পর্বতেন্দ্রাঃসুরেন্দ্র নীতৈঃ পবন উপনীতৈঃ ।
ঘন অংবু কুম্ভৈঃ অভিষিচ্যমানারূপম্ শ্রিয়ম্ স্বাম্ ইব দর্শয়ন্তি ॥৪-২৮-৪৬॥
28.47
ঘন উপগূঢম্ গগনম্ ন তারান ভাস্করো দর্শনম্ অভ্যুপৈতি ।
নবৈঃ জল ওঘৈঃ ধরণী বিতৃপ্তাতমো বিলিপ্তা ন দিশঃ প্রকাশাঃ ॥৪-২৮-৪৭॥
28.48
মহান্তি কূটানি মহী ধরাণাম্ধারা বিধৌতানি অধিকম্ বিভান্তি ।
মহা প্রমাণৈঃ বিপুলৈঃ প্রপাতৈঃমুক্ত কলাপৈঃ ইব লংবমানৈঃ ॥৪-২৮-৪৮॥
28.49
শৈলোপল প্রস্খলমান বেগাঃশৈলোত্তমানাম্ বিপুলাঃ প্রপাতাঃ ।
গুহাসু সংনাদিত বর্হিণাসুহারা বিকীর্যন্ত ইব অবভান্তি ॥৪-২৮-৪৯॥
28.50
শীঘ্র প্রবেগা বিপুলাঃ প্রপাতানির্ধৌত শৃংগ উপতলা গিরীণাম্ ।
মুক্তা কলাপ প্রতিমাঃ পতন্তোমহা গুহ উস্ত্সংগ তলৈঃ ধ্রিয়ন্তে ॥৪-২৮-৫০॥
28.51
সুরতাম্ অর্দ বিচ্ছিন্নাঃ স্বর্গ স্ত্রী হার মৌক্তিকাঃ ।
পতন্তি চ অতুলাঃ দিক্ষু তোয় ধারাঃ সমন্ততঃ ॥৪-২৮-৫১॥
28.52
বিলীয়মানৈঃ বিহগৈঃ নিমীলদ্ভিঃ চ পংকজৈঃ ।
বিকসন্ত্যা চ মালত্যা গতো অস্তম্ জ্ঞায়তে রবিঃ ॥৪-২৮-৫২॥
28.53
বৃত্তা যাত্রা নরেন্দ্রাণাম্ সেনা পথি এব বর্ততে ।
বৈরাণি চৈব মার্গাঃ চ সলিলেন সমীকৃতাঃ ॥৪-২৮-৫৩॥
28.54
মাসি প্রৌষ্ঠপদে ব্রহ্ম ব্রাহ্মণানাম্ বিবক্ষতাম্ ।
অয়ম্ অধ্যায় সময়ঃ সামগানাম্ উপস্থিতঃ ॥৪-২৮-৫৪॥
28.55
নিবৃত্ত কর্ম আয়তনো নূনম্ সংচিত সংচয়ঃ ।
আষাঢীম্ অভ্যুপগতো ভরতঃ কোসল অধিপঃ ॥৪-২৮-৫৫॥
28.56
নূনম্ আপূর্যমাণায়াঃ সরয্বা বধতে রয়ঃ ।
মাম্ সমীক্ষ্য সমায়ান্তম্ অয়োধ্যায়া ইব স্বনঃ ॥৪-২৮-৫৬॥
28.57
ইমাঃ স্ফীত গুণা বর্ষাঃ সুগ্রীবঃ সুখম্ অশ্নুতে ।
বিজিত অরিঃ স দারঃ চ রাজ্যে মহতি চ স্থিতঃ ॥৪-২৮-৫৭॥
28.58
অহম্ তু হৃত দারঃ চ রাজ্যাৎ চ মহতঃ চ্যুতঃ ।
নদী কূলম্ ইব ক্লিন্নম্ অবসীদামি লক্ষ্মণ ॥৪-২৮-৫৮॥
28.59
শোকঃ চ মম বিস্তীর্ণো বর্ষাঃ চ ভৃশ দুর্গমাঃ ।
রাবণঃ চ মহান্ শত্রুঃ অপারম্ প্রতিভাতি মে ॥৪-২৮-৫৯॥
28.60
অয়াত্রাম্ চৈব দৃষ্ট্বা ইমাম্ মার্গাম্ চ ভৃশ দুর্গমান্ ।
প্রণতে চৈব সুগ্রীবে ন ময়া কিংচিৎ ঈরিতম্ ॥৪-২৮-৬০॥
28.61
অপি চ অতি পরিক্লিষ্টম্ চিরাৎ দারৈঃ সমাগতম্ ।
আত্ম কার্য গরীয়স্ত্বাৎ বক্তুম্ ন ইচ্ছামি বানরম্ ॥৪-২৮-৬১॥
28.62
স্বয়ম্ এব হি বিশ্রম্য জ্ঞাত্বা কালম্ উপাগতম্ ।
উপকারম্ চ সুগ্রীবো বেত্স্যতে ন অত্র সংশয়ঃ ॥৪-২৮-৬২॥
28.63
তস্মাৎ কাল প্রতীক্ষো অহম্ স্থিতো অস্মি শুভ লক্ষণ ।
সুগ্রীবস্য নদীনাম্ চ প্রসাদম্ অভিকাংক্ষয়ন্ ॥৪-২৮-৬৩॥
28.64
উপকারেণ বীরো হি প্রতিকারেণ যুজ্যতে ।
অকৃতজ্ঞো অপ্রতিকৃতো হন্তি সত্ত্ববতাম্ মনঃ ॥৪-২৮-৬৪॥
28.65
অথ এবম্ উক্তঃ প্রণিধায় লক্ষ্মণঃকৃত অংজলিঃ তৎ প্রতিপূজ্য ভাষিতম্ ।
উবাচ রামম্ স্বভিরাম দর্শনম্প্রদর্শয়ন্ দর্শনম্ আত্মনঃ শুভম্ ॥৪-২৮-৬৫॥
28.66
যৎ উক্তম্ এতৎ তব সর্বম্ ঈপ্সিতম্নর ইন্দ্র কর্তা নচিরা হরি ঈশ্বরঃ ।
শরৎ প্রতীক্ষঃ ক্ষমতাম্ ইমম্ ভবান্জল প্রপাতম্ রিপু নিগ্রহে ধৃতঃ ॥৪-২৮-৬৬॥