Utshovসর্গ 29
29.1
সমীক্ষ্য বিমলম্ ব্যোম গত বিদ্যুৎ বলাহকম্ ।
সারসা আকুল সংঘুষ্টম্ রম্য জ্যোত্স্না অনুলেপনম্ ॥৪-২৯-১॥
29.2
সমৃদ্ধ অর্থম্ চ সুগ্রীবম্ মন্দ ধর্মার্থ সংগ্রহম্ ।
অত্যর্থম্ চ অসতাম্ মার্গম্ একাংত গত মানসম্ ॥৪-২৯-২॥
29.3
নিবৃত্ত কার্যম্ সিদ্ধার্থম্ প্রমদ অভিরতম্ সদা ।
প্রাপ্তবন্তম্ অভিপ্রেতান্ সর্বান্ এব মনোরথান্ ॥৪-২৯-৩॥
29.4
স্বাম্ চ পাত্নীম্ অভিপ্রেতাম্ তারাম্ চ অপি সমীপ্সিতাম্ ।
বিহরংতম্ অহো রাত্রম্ কৃতার্থম্ বিগত জ্বরম্ ॥৪-২৯-৪॥
29.5
ক্রীডন্তম্ ইব দেবেশম্ গন্ধর্ব অপ্সরসাম্ গণৈঃ ।
মংত্রিষু ন্যস্ত কার্যম্ চ মংত্রিণাম্ অনবেক্ষকম্ ॥৪-২৯-৫॥
29.6
উচ্ছিন্ন রাজ্য সংদেহম্ কাম বৃত্তম্ ইব স্থিতম্ ।
নিশ্চিত অর্থো অর্থ তত্ত্বজ্ঞঃ কাল ধর্ম বিশেষ বিৎ ॥৪-২৯-৬॥
29.7
প্রসাদ্য বাক্যৈঃ মধুরৈঃ হেতুমদ্ভিঃ মনো রমৈঃ ।
বাক্যবিৎ বাক্য তত্ত্বজ্ঞম্ হরীশম্ মারুতাত্মজঃ ॥৪-২৯-৭॥
29.8
হিতম্ তথ্যম্ চ পথ্যম্ চ সাম ধর্ম অর্থ নীতিমৎ ।
প্রণয় প্রীতি সংয়ুক্তম্ বিশ্বাস কৃত নিশ্চয়ম্ ॥৪-২৯-৮॥
29.9
হরীশ্বরম্ উপাগম্য হনুমান্ বাক্যম্ অব্রবীৎ ।
রাজ্যম্ প্রাপ্তম্ যশঃ চৈব কৌলী শ্রীঃ অভিবর্থিতা ॥৪-২৯-৯॥
29.10
মিত্রাণাম্ সংগ্রহঃ শেষঃ তৎ ভবান্ কর্তুম্ অর্হতি ।
যো হি মিত্রেষু কালজ্ঞঃ সততম্ সাধু বর্ততে ॥৪-২৯-১০॥
29.11
তস্য রাজ্যম্ চ কীর্তিঃ চ প্রতাপঃ চ অপি বর্ধতে ।
যস্য কোশঃ চ দণ্ডঃ চ মিত্রাণি আত্মা চ ভূমিপ ।সমানি এতানি সর্বাণি স রাজ্যম্ মহৎ অশ্নুতে ॥৪-২৯-১১॥
29.12
তৎ ভবান্ বৃত্ত সংপন্নঃ স্থিতঃ পথি নিরত্যয়ে ।
মিত্রার্থম্ অভিনীতার্থম্ যথাবৎ কর্তুম্ অর্হতি ॥৪-২৯-১২॥
29.13
সংত্যজ্য সর্ব কর্মাণি মিত্রার্থম্ যো ন বর্ততে ।
সংভ্রমাৎ হি কৃত উত্সাহঃ সঃ অনর্থেন অবরুধ্যতে ॥৪-২৯-১৩॥
29.14
যো হি কাল ব্যতীতেষু মিত্র কার্যেষু বর্ততে ।
স কৃত্বা মহতো অপি অর্থান্ ন মিত্রার্থেন যুজ্যতে ॥৪-২৯-১৪॥
29.15
তৎ ইদম্ মিত্রকার্যম্ নঃ কাল অতীতম্ অরিংদম ।
ক্রিয়তাম্ রাঘবস্য এতৎ বৈদেহ্যাঃ পরিমার্গণম্ ॥৪-২৯-১৫॥
29.16
ন চ কালম্ অতীতম্ তে নিবেদয়তি কালবিৎ ।
ত্বরমাণো অপি স প্রাজ্ঞঃ তব রাজন্ বশানুগঃ ॥৪-২৯-১৬॥
29.17
কুলস্য হেতুঃ স্ফীতস্য দীর্ঘ বন্ধুঃ চ রাঘবঃ ।
অপ্রমেয় প্রভাবঃ চ স্বয়ম্ চ অপ্রতিমো গুণৈঃ ॥৪-২৯-১৭॥
29.18
তস্য ত্বম্ কুরু বৈ কার্যম্ পূর্বম্ তেন কৃতম্ তব ।
হরীশ্বর হরি শ্রেষ্ঠান্ আজ্ঞাপয়িতুম্ অর্হসি ॥৪-২৯-১৮॥
29.19
ন হি তাবৎ ভবেৎ কালো ব্যতীতঃ চোদনাৎ ঋতে ।
চোদিতস্য হি কার্যস্য ভবেৎ কাল ব্যতিক্রমঃ ॥৪-২৯-১৯॥
29.20
অকর্তুর্ অপি কার্যস্য ভবান্ কর্তা হরীশ্বর ।
কিম্ পুনঃ প্রতিকর্তুঃ তে রাজ্যেন চ বধেন চ ॥৪-২৯-২০॥
29.21
শক্তিমান্ অতিবিক্রান্তো বানর ঋষ্ক গণ ঈশ্বর ।
কর্তুম্ দাশরথেঃ প্রীতিম্ আজ্ঞায়াম্ কিম্ নু সজ্জসে ॥৪-২৯-২১॥
29.22
কামম্ খলু শরৈঃ শক্তঃ সুর অসুর মহা উরগান্ ।
বশে দাশরথিঃ কর্তুম্ ত্বৎ প্রতিজ্ঞাম্ অবেক্ষতে ॥৪-২৯-২২॥
29.23
প্রাণ ত্যাগ অবিশংকেন কৃতম্ তেন মহৎ প্রিয়ম্ ।
তস্য মার্গাম বৈদেহীম্ পৃথিব্যাম্ অপি চ অংবরে ॥৪-২৯-২৩॥
29.24
ন দেবা ন চ গংধর্বা ন অসুরা ন মরুৎ গণাঃ ।
ন চ যক্ষা ভয়ম্ তস্য কুর্যুঃ কিম্ ইব রাক্ষসাঃ ॥৪-২৯-২৪॥
29.25
তৎ এবম্ শক্তি যুক্তস্য পূর্বম্ প্রিয় কৃতঃ তথা ।
রামস্য অর্হসি পিংগেশ কর্তুম্ সর্ব আত্মনা প্রিয়ম্ ॥৪-২৯-২৫॥
29.26
ন অধস্তাৎ অবনৌ ন অপ্সু গতিঃ ন উপরি চ অম্বরে ।
কস্যচিৎ সজ্জতে অস্মাকম্ কপীশ্বর তব আজ্ঞয়া ॥৪-২৯-২৬॥
29.27
তৎ আজ্ঞাপয় কঃ কিম্ তে কুতো বা অপি ব্যবস্যতু ।
হরয়ো হি অপ্রধৃষ্যাঃ তে সন্তি কোটি অগ্রতো অনঘ ॥৪-২৯-২৭॥
29.28
তস্য তদ্ বচনম্ শ্রুত্বা কালে সাধু নিরূপিতম্ ।
সুগ্রীবঃ সত্ত্ব সংপন্নঃ চকার মতিম্ উত্তমাম্ ॥৪-২৯-২৮॥
29.29
সংদিদেশ অতি মতি মান্ নীলম্ নিত্য কৃত উদ্যমম্ ।
দিক্ষু সর্বাসু সর্বেষাম্ সৈন্যানাম্ উপসংগ্রহে ॥৪-২৯-২৯॥
29.30
যথা সেনা সমগ্রা মে যূথপালাঃ চ সর্বশঃ ।
সমাগচ্ছন্তি অসংগেন সেনাগ্রাণি তথা কুরু ॥৪-২৯-৩০॥
29.31
যে তু অংতপালাঃ প্লবগাঃ শীঘ্রগা ব্যবসায়িনঃ ।
সমানয়ংতু তে শীঘ্রম্ ত্বরিতাঃ শাসনাৎ মম ।স্বয়ম্ চ অনংতরম্ সৈন্যম্ ভবান্ এব অনুপশ্যতু ॥৪-২৯-৩১॥
29.32
ত্রি পংচ রাত্রাৎ ঊর্ধ্বম্ যঃ প্রাপ্নুয়াৎ ইহ বানরঃ ।
তস্য প্রাণ অন্তিকো দণ্ডো ন অত্র কার্যা বিচারণা ॥৪-২৯-৩২॥
29.33
হরীন্ চ বৃদ্ধান্ উপয়াতু স অংগদোভবান্ মম আজ্ঞাম্ অধিকৃত্য নিশ্চিতম্ ।
ইতি ব্যবস্থাম্ হরি পুংগব ঈশ্বরোবিধায় বেশ্ম প্রবিবেশ বীর্যবান্ ॥৪-২৯-৩৩॥