Utshovসর্গ 30
30.1
গুহাম্ প্রবিষ্টে সুগ্রীবে বিমুক্তে গগনে ঘনৈঃ ।
বর্ষ রাত্রে স্থিতো রামঃ কাম শোক অভিপীডিতঃ ॥৪-৩০-১॥
30.2
পাণ্ডুরম্ গগনম্ দৃষ্ট্বা বিমলম্ চন্দ্র মণ্ডলম্ ।
শারদীম্ রজনীম্ চৈব দৃষ্ট্বা জ্যোত্স্ন অনুলেপনাম্ ॥৪-৩০-২॥
30.3
কাম বৃত্তম্ চ সুগ্রীবম্ নষ্টাম্ চ জনক আত্মজাম্ ।
দৃষ্ট্বা কালম্ অতীতম্ চ মুমোহ পরম আতুরঃ ॥৪-৩০-৩॥
30.4
স তু সংজ্ঞাম্ উপাগম্য মুহূর্তাৎ মতিমান্ নৃপঃ ।
মনঃ স্থাম্ অপি বৈদেহীম্ চিংতয়ামাস রাঘবঃ ॥৪-৩০-৪॥
30.5
দৃষ্ট্বা চ বিমলম্ ব্যোম গত বিদ্যুৎ বলাহকম্ ।
সারস আরব সংঘুষ্টম্ বিললাপ আর্তয়া গিরা ॥৪-৩০-৫॥
30.6
আসীনঃ পর্বতস্য অগ্রে হেম ধাতু বিভূষিতে ।
শারদম্ গগনম্ দৃষ্ট্বা জগাম মনসা প্রিয়াম্ ॥৪-৩০-৬॥
30.7
সারস আরব সংনাদৈঃ সারস আরব নাদিনী ।
যা আশ্রমে রমতে বালা সা অদ্য মে রমতে কথম্ ॥৪-৩০-৭॥
30.8
পুষ্পিতাম্ চ আসনান্ দৃষ্ট্বা কাংচনান্ ইব নির্মলান্ ।
কথম্ সা রমতে বালা পশ্যংতী মাম্ অপশ্যতী ॥৪-৩০-৮॥
30.9
যা পুরা কলহংসানাম্ স্বরেণ কল ভাষিণী ।
বুধ্যতে চারু সর্বাংগী সা অদ্য মে রমতে কথম্ ॥৪-৩০-৯॥
30.10
নিঃস্বনম্ চক্রবাকানাম্ নিশম্য সহচারিণাম্ ।
পুণ্ডরীকবিশালাক্ষী কথম্ এষা ভবিষ্যতি ॥৪-৩০-১০॥
30.11
সরাংসি সরিতো বাপীঃ কাননানি বনানি চ ।
তাম্ বিনা মৃগশাবাক্ষীম্ চরন্ ন অদ্য সুখম্ লভে ॥৪-৩০-১১॥
30.12
অপি তাম্ মৎ বিয়োগাৎ চ সৌকুমার্যাৎ চ ভামিনীম্ ।
সুদূরম্ পীডয়েৎ কামঃ শরৎ গুণ নিরংতরঃ ॥৪-৩০-১২॥
30.13
এবম্ আদি নরশ্রেষ্ঠো বিললাপ নৃপাত্মজঃ ।
বিহংগ ইব সারংগঃ সলিলম্ ত্রিদশেশ্বরাৎ ॥৪-৩০-১৩॥
30.14
ততঃ চংচূর্য রম্যেষু ফলার্থী গিরি সানুষু ।
দদর্শ পর্যুপাবৃত্তো লক্ষ্মীবান্ লক্ষ্মণো অগ্রজম্ ॥৪-৩০-১৪॥
30.15
স চিন্তয়া দুস্সহয়া পরীতম্বিসংজ্ঞম্ একম্ বিজনে মনস্বী ।
ভ্রাতুর্ বিষাদাৎ ত্বরিতো অতি দীনঃসমীক্ষ্য সৌমিত্রিঃ উবাচ রামম্ ॥৪-৩০-১৫॥
30.16
কিম্ আর্য কামস্য বশম্ গতেনকিম্ আত্ম পৌরুষ্য পরাভবেন ।
অয়ম্ হ্রিয়া সংহ্রিয়তে সমাধিঃকিম্ অত্র যোগেন নিবর্তিতেন ॥৪-৩০-১৬॥
30.17
ক্রিয়াভিয়োগম্ মনসঃ প্রসাদম্সমাধি যোগ অনুগতম্ চ কালম্ ।
ন জানকী মানব বংশ নাথত্বয়া সনাথা সুলভা পরেণ ।ন চ অগ্নি চূডাম্ জ্বলিতাম্ উপেত্যন দহ্যতে বীর বরার্হ কশ্চিৎ ॥৪-৩০-১৭॥
30.18
সলক্ষণম্ লক্ষ্মণম্ অপ্রধৃষ্যম্স্বভাবজম্ বাক্যম্ উবাচ রামঃ ।
হিতম্ চ পথ্যম্ চ নয় প্রসক্তম্সসাম ধর্মার্থ সমাহিতম্ চ ॥৪-৩০-১৮॥
30.19
নিস্সংশয়ম্ কার্যম্ অবেক্ষিতব্যম্ক্রিয়া বিশেষো অপি অনুবর্তিতব্যঃ ।
ন তু প্রবৃদ্ধস্য দুরাসদস্যকুমার বীর্যস্য ফলম্ চ চিন্ত্যম্ ॥৪-৩০-১৯॥
30.20
অথ পদ্ম পলাশ অক্ষীম্ মৈথিলীম্ অনুচিন্তয়ন্ ।
উবাচ লক্ষ্মণম্ রামো মুখেন পরিশুষ্যতা ॥৪-৩০-২০॥
30.21
তর্পয়িত্বা সহস্রাক্ষঃ সলিলেন বসুংধরাম্ ।
নির্বর্তয়িত্বা সস্যানি কৃত কর্মা ব্যবস্থিতঃ ॥৪-৩০-২১॥
30.22
দীর্ঘ গংভীর নির্ঘোষাঃ শৈল দ্রুম পুরোগমাঃ ।
বিসৃজ্য সলিলম্ মেঘাঃ পরিশ্রাংতা নৃপ আত্মজ ॥৪-৩০-২২॥
30.23
নীল উত্পল দল শ্যামঃ শ্যামী কৃত্বা দিশো দশ ।
বিমদা ইব মাতংগাঃ শান্ত বেগাঃ পয়ো ধরাঃ ॥৪-৩০-২৩॥
30.24
জল গর্ভা মহা বেগাঃ কুটজ অর্জুন গংধিনঃ ।
চরিত্বা বিরতাঃ সৌম্য বৃষ্টি বাতাঃ সমুদ্যতাঃ ॥৪-৩০-২৪॥
30.25
ঘনানাম্ বারণানাম্ চ ময়ূরাণাম্ চ লক্ষ্মণ ।
নাদঃ প্রস্রবণানাম্ চ প্রশান্তঃ সহসা অনঘ ॥৪-৩০-২৫॥
30.26
অভিবৃষ্টা মহা মেঘৈঃ নির্মলাঃ চিত্র সানবঃ ।
অনুলিপ্তা ইব আভান্তি গিরয়ঃ চন্দ্র রশ্মিভিঃ ॥৪-৩০-২৬॥
30.27
শাখাসু সপ্ত চ্ছদ পাদপানাম্প্রভাসু তার অর্ক নিশা করাণাম্ ।
লীলাসু চৈব উত্তম বারণানাম্শ্রিয়ম্ বিভজ্য অদ্য শরৎ প্রবৃত্তা ॥৪-৩০-২৭॥
30.28
সংপ্রতি অনেক আশ্রয় চিত্র শোভালক্ষ্মীঃ শরৎ কাল গুণ উপপন্না ।
সূর্য অগ্র হস্ত প্রতিবোধিতেষুপদ্মাকরেষু অভ্যধিকম্ বিভাতি ॥৪-৩০-২৮॥
30.29
সপ্ত চ্ছদানাম্ কুসুমোপ গংধীষট্ পাদ বৃন্দৈঃ অনুগীয়মানঃ ।
মত্ত দ্বিপানাম্ পবন অনুসারীদর্পম্ বিনেষ্যন্ অধিকম্ বিভাতি ॥৪-৩০-২৯॥
30.30
অভ্যাগতৈঃ চারু বিশাল পক্ষৈঃসরঃ প্রিয়ৈঃ পদ্ম রজো অবকীর্ণৈঃ ।
মহা নদীনাম্ পুলিন উপয়াতৈঃক্রীডন্তি হংসাঃ সহ চক্রবাকৈঃ ॥৪-৩০-৩০॥
30.31
মদ প্রগল্ভেষু চ বারিণেষুগবাম্ সমূহেষু চ দর্পিতেষু ।
প্রসন্ন তোয়াসু চ নিম্ন গাসুবিভাতি লক্ষ্মীঃ বহুধা বিভক্তা ॥৪-৩০-৩১॥
30.32
নভঃ সমীক্ষ্যা অংবু ধরৈঃ বিমুক্তম্বিমুক্ত বর্হ আভরণা বনেষু ।
প্রিয়াসু অরক্তা বিনিবৃত্ত শোভাগত উত্সবা ধ্যান পরা ময়ূরাঃ ॥৪-৩০-৩২॥
30.33
মনোজ্ঞ গন্ধৈঃ প্রিয়কৈঃ অনল্পৈঃপুষ্প অতি ভার অবনত অগ্র শাখৈঃ ।
সুবর্ণ গৌরৈঃ নয়ন অভিরামৈঃউদ্যোতিতান্ ইব বন অন্তরাণি ॥৪-৩০-৩৩॥
30.34
প্রিয় অন্বিতানাম্ নলিনী প্রিয়াণাম্বন প্রিয়াণাম্ কুসুম উদ্ধতানাম্ ।
মদ উত্কটানাম্ মদ লালসানাম্গজ উত্তমানম্ গতয়ো অদ্য মন্দাঃ ॥৪-৩০-৩৪॥
30.35
ব্যক্তম্ নভঃ শস্ত্র বিধৌত বর্ণম্কৃশ প্রবাহানি নদী জলানি ।
কহ্লার শিতাঃ পবনাঃ প্রবান্তিতমো বিমুক্তাঃ চ দিশঃ প্রকাশাঃ ॥৪-৩০-৩৫॥
30.36
সূর্য আতপ ক্রামণ নষ্ট পংকাভূমিঃ চির উদ্ঘাটিত সাংদ্র রেণুঃ ।
অন্যোন্য বৈরেণ সমায়ুতানাম্উদ্যোগ কালো অদ্য নর অধিপানাম্ ॥৪-৩০-৩৬॥
30.37
শরৎ গুণ আপ্যায়িত রূপ শোভাঃপ্রহর্ষিত পাংশু সমুক্ষিত অংগাঃ ।
মদ উত্কটাঃ সংপ্রতি যুদ্ধ লুব্ধাবৃষা গবাম্ মধ্য গতা নদন্তি ॥৪-৩০-৩৭॥
30.38
স মন্মধ তীব্রতর অনুরাগাকুলান্বিতা মন্দ গতিঃ করেণুঃ ।
মদান্বিতম্ সংপরিবার্য যান্তম্বনেষু ভর্তারম্ অনুপ্রয়াতি ॥৪-৩০-৩৮॥
30.39
ত্যক্ত্বা বরাণি আত্ম বিভূষণানিবর্হাণি তীর উপগতা নদীনাম্ ।
নির্ভর্ত্স্যমানা ইব সার ওঘৈঃপ্রয়ান্তি দীনা বিমনা ময়ূরাঃ ॥৪-৩০-৩৯॥
30.40
বিত্রাস্য কারণ্ডব চক্রবাকান্ ।
মহা রবৈঃ ভিন্ন কটা গজেন্দ্রাঃ ।সরস্সু বদ্ধ অংবুজ ভূষণেষুবিক্ষোভ্য বিক্ষোভ্য জলম্ পিবন্তি ॥৪-৩০-৪০॥
30.41
ব্যপেত পংকজাসু স বালুকাসুপ্রসন্ন তোয়াসু স গো কুলাসু ।
স সারসা রাব বিনাদিতাসুনদিষু হংসা নিপতন্তি হৃষ্টাঃ ॥৪-৩০-৪১॥
30.42
নদী ঘন প্রস্রবণ উদকানাম্অতি প্রবৃদ্ধ অনিল বর্হিণানাম্ ।
প্লবংগমানাম্ চ গত উত্সবানাম্ধ্রুবম্ রবাঃ সংপ্রতি সংপ্রণষ্টাঃ ॥৪-৩০-৪২॥
30.43
অনেক বর্ণাঃ সুবিনষ্ট কায়াঃনব উদিতেষু অংবুধরেষু নষ্টাঃ ।
ক্ষুধ অর্দিতা ঘোর বিষা বিলেভ্যঃচির উষিতা বিপ্রসরন্তি সর্পাঃ ॥৪-৩০-৪৩॥
30.44
চংচৎ চন্দ্র কর স্পর্শ হর্ষ উন্মীলিত তারকা ।
অহো রাগবতী সংধ্যা জহাতি স্বয়ম্ অংবরম্ ॥৪-৩০-৪৪॥
30.45
রাত্রিঃ শশাংক উদিত সৌম্য বক্ত্রাতারা গণ উন্মীলিত চারু নেত্রা ।
জ্যোত্স্না অংশুক প্রাবরণা বিভাতিনারী ইব শুক্ল অংশুক সংবৃত অংগী ॥৪-৩০-৪৫॥
30.46
বিপক্ব শালি প্রসবানি ভুক্ত্বাপ্রহর্ষিতা সারস চারু পংক্তি ।
নভঃ সমাক্রামতি শীঘ্র বেগাবাত অবধূতা গ্রথিত ইব মালা ॥৪-৩০-৪৬॥
30.47
সুপ্ত এক হংসম্ কুমুদৈঃ উপেতম্মহা হ্রদস্থম্ সলিলম্ বিভাতি ।
ঘনৈঃ বিমুক্তম্ নিশি পূর্ণ চন্দ্রম্তারা গণ কীর্ণম্ ইব অংতরিক্ষম্ ॥৪-৩০-৪৭॥
30.48
প্রকীর্ণ হংসা অকুল মেখলানাম্প্রবুদ্ধ পদ্ম উত্পল মালিনীনাম্ ।
বাপীঃ উত্তমানাম্ অধিক অদ্য লক্ষ্মীঃবর অংগনাম্ ইব ভূষিতানাম্ ॥৪-৩০-৪৮॥
30.49
বেণু স্বর ব্যংজিত তূর্য মিশ্রঃপ্রত্যূষ কালে অনিল সংপ্রবৃত্তঃ ।
সংমূর্চ্ছিতো গহ্বর গো বৃষাণাম্অন্যোন্যম্ আপূরয়তি ইব শব্দঃ ॥৪-৩০-৪৯॥
30.50
নবৈঃ নদীনাম্ কুসুম প্রহাসৈঃব্যা ধূয়মানৈঃ মৃদু মারুতেন ।
ধৌত অমল ক্ষৌম পট প্রকাশৈঃকূলানি কাশৈঃ উপশোভিতানি ॥৪-৩০-৫০॥
30.51
বন প্রচণ্ডা মধু পান শৌণ্ডাঃপ্রিয় অন্বিতাঃ ষট্ চরণাঃ প্রহৃষ্টাঃ ।
বনেসু মত্তাঃ পবন অনু যাত্রাম্কুর্বন্তি পদ্ম আসন রেণু গৌরাঃ ॥৪-৩০-৫১॥
30.52
জলম্ প্রসন্নম্ কুসুম প্রহাসম্ক্রৌন্চ স্বনম্ শালি বনম্ বিপক্বম্ ।
মৃদুঃ চ বায়ুঃ বিমলঃ চ চন্দ্রঃশংসন্তি বর্ষ ব্যপনীত কালম্ ॥৪-৩০-৫২॥
30.53
মীন উপ সংদর্শিত মেখলানাম্নদী বধূনাম্ গতয়ো অদ্য মংদাঃ ।
কান্ত উপভুক্ত অলস গামিনীনাম্প্রভাত কালেষু ইব কামিনীনাম্ ॥৪-৩০-৫৩॥
30.54
স চক্রবাকানি স শৈবলানিকাশৈঃ দুকূলৈঃ ইব সংবৃতানি ।
স পত্র রেখাণি স রোচনানিবধূ মুখানি ইব নদী মুখানি ॥৪-৩০-৫৪॥
30.55
প্রফুল্ল বাণ আসন চিত্রিতেষুপ্রহৃষ্ট ষট্পদানি কূজিতেষু ।
গৃহীত চাপঃ উদ্যত দণ্ড চণ্ডঃপ্রচণ্ড চারো অদ্য বনেষু কামঃ ॥৪-৩০-৫৫॥
30.56
লোকম্ সুবৃষ্ট্যা পরিতোষয়িত্বনদীঃ তটাকানি চ পূরয়িত্বা ।
নিষ্পন্ন সস্যাম্ বসুধাম্ চ কৃত্বাত্যক্ত্বা নভঃ তোয় ধরাঃ প্রণষ্টাঃ ॥৪-৩০-৫৬॥
30.57
দর্শয়ন্তি শরন্ নদ্যঃ পুলিনানি শনৈঃ শনৈঃ ।
নব সংগম সব্রীডা জঘনানি ইব যোষিতঃ ॥৪-৩০-৫৭॥
30.58
প্রসন্ন সলিলাঃ সৌম্য কুররাভিঃ বিনাদিতাঃ ।
চক্রবাক গণ আকীর্ণা বিভাংতি সলিল আশয়াঃ ॥৪-৩০-৫৮॥
30.59
অন্যোন্য বদ্ধ বৈরাণাম্ জিগীষূণাম্ নৃপাত্মজ ।
উদ্যোগ সময়ঃ সৌম্য পার্থিবানাম্ উপস্থিতঃ ॥৪-৩০-৫৯॥
30.60
ইয়ম্ সা প্রথমা যাত্রা পার্থিবানাম্ নৃপাত্মজ ।
ন চ পশ্যামি সুগ্রীবম্ উদ্যোগম্ বা তথা বিধম্ ॥৪-৩০-৬০॥
30.61
অসনাঃ সপ্ত পর্ণাঃ চ কোবিদারাঃ চ পুষ্পিতাঃ ।
দৃশ্যন্তে বন্ধুজীবাঃ চ শ্যামাঃ চ গিরি সানুষু ॥৪-৩০-৬১॥
30.62
হংস সারস চক্রাহ্বৈঃ কুররৈঃ চ সমংততঃ ।
পুলিনানি অবকীর্ণানি নদীনাম্ পশ্য লক্ষ্মণ ॥৪-৩০-৬২॥
30.63
চত্বারো বার্ষিকা মাসা গতা বর্ষ শত উপমাঃ ।
মম শোক অভিতপ্তস্য তথা সীতাম্ অপশ্যতঃ ॥৪-৩০-৬৩॥
30.64
চক্রবাকী ইব ভর্তারম্ পৃষ্টতো অনুগতা বনম্ ।
বিষমম্ দণ্ডকারণ্যম্ উদ্যান বনম্ ইব চ অংগনা ॥৪-৩০-৬৪॥
30.65
প্রিয়া বিহীনে দুঃখ আর্তে হৃত রাজ্যে বিবাসিতে ।
কৃপাম্ ন কুরুতে রাজা সুগ্রীবো ময়ি লক্ষ্মণ ॥৪-৩০-৬৫॥
30.66
অনাথো হৃত রাজ্যো অয়ম্ রাবণেন চ ধর্ষিতঃ।
দীনো দূর গৃহঃ কামী মাম্ চৈব শরণম্ গতঃ ॥৪-৩০-৬৬॥
30.67
ইতি এতৈঃ কারণৈঃ সৌম্য সুগ্রীবস্য দুরাত্মনঃ ।
অহম্ বানর রাজস্য পরিভূতঃ পরংতপ ॥৪-৩০-৬৭॥
30.68
স কালম্ পরিসংখ্যায় সীতায়াঃ পরিমার্গণে ।
কৃতার্থঃ সময়ম্ কৃত্বা দুর্মতিঃ ন অববুধ্যতে ॥৪-৩০-৬৮॥
30.69
স কিষ্কিংধাম্ প্রবিশ্য ত্বম্ ব্রূহি বানর পুংগবম্ ।
মূর্খম্ গ্রাম্য সুখে সক্তম্ সুগ্রীবম্ বচনাৎ মম ॥৪-৩০-৬৯॥
30.70
অর্থিনাম্ উপপন্নানাম্ পূর্বম্ চ অপি উপকারিণাম্ ।
আশাম্ সম্শ্রুত্য যো হন্তি স লোকে পুরুষাধমঃ ॥৪-৩০-৭০॥
30.71
শুভম্ বা যদি বা পাপম্ যো হি বাক্যম্ উদীরিতম্ ।
সত্যেন পরিগৃহ্ণাতি স বীরঃ পুরুষোত্তমঃ ॥৪-৩০-৭১॥
30.72
কৃতার্থা হি অকৃতার্থানাম্ মিত্রাণাম্ ন ভবন্তি যে ।
তান্ মৃতান্ অপি ক্রব্যাদাঃ কৃতঘ্নান্ ন উপভুংজতে ॥৪-৩০-৭২॥
30.73
নূনম্ কাংচন পৃষ্ঠস্য বিকৃষ্টস্য ময়া রণে ।
দ্রষ্টুম্ ইচ্ছসি চাপস্য রূপম্ বিদ্যুৎ গণ উপমম্ ॥৪-৩০-৭৩॥
30.74
ঘোরম্ জ্যা তল নির্ঘোষম্ ক্রুদ্ধস্য মম সংয়ুগে ।
নির্ঘোষম্ ইব বজ্রস্য পুনঃ সংশ্রোতুম্ ইচ্ছসি ॥৪-৩০-৭৪॥
30.75
কামম্ এবম্ গতে অপি অস্য পরিজ্ঞাতে পরাক্রমে ।
ত্বৎ সহায়স্য মে বীর ন চিন্তা স্যাৎ নৃপাত্মজ ॥৪-৩০-৭৫॥
30.76
যদ্ অর্থম্ অয়ম্ আরংভঃ কৃতঃ পর পুরম্ জয় ।
সময়ম্ ন অভিজানাতি কৃতার্থঃ প্লবগেশ্বরঃ ॥৪-৩০-৭৬॥
30.77
বর্ষা সময় কালম্ তু প্রতিজ্ঞায় হরীশ্বরঃ ।
ব্যতীতান্ চতুরো মাসান্ বিহরন্ ন অববুধ্যতে ॥৪-৩০-৭৭॥
30.78
স অমাত্য পরিষৎ ক্রীডন্ পানম্ এব উপসেবতে ।
শোক দীনেষু ন অস্মাসু সুগ্রীবঃ কুরুতে দয়াম্ ॥৪-৩০-৭৮॥
30.79
উচ্যতাম্ গচ্ছ সুগ্রীবঃ ত্বয়া বীরঃ মহাবল ।
মম রোষস্য যৎ রূপম্ ব্রূয়াঃ চ এনম্ ইদম্ বচঃ ॥৪-৩০-৭৯॥
30.80
ন স সংকুচিতঃ পংথা যেন বালী হতো গতঃ ।
সময়ে তিষ্ঠ সুগ্রীব মা বালি পথম্ অন্বগাঃ ॥৪-৩০-৮০॥
30.81
এক এব রণে বালী শরেণ নিহতো ময়া ।
ত্বাম্ তু সত্যাৎ অতিক্রাংতম্ হনিষ্যামি স বান্ধবম্ ॥৪-৩০-৮১॥
30.82
তৎ এবম্ বিহিতে কার্যে যৎ হিতম্ পুরুষর্ষভ ।
তৎ তৎ ব্রূহি নরশ্রেষ্ঠ ত্বর কাল ব্যতিক্রমঃ ॥৪-৩০-৮২॥
30.83
কুরুষ্ব সত্যম্ মম বানরেশ্বরপ্রতিশ্রুতম্ ধর্মম্ অবেক্ষ্য শাশ্বতম্ ।
মা বালিনম্ প্রেত গতো যম ক্ষয়ম্ত্বম্ অদ্য পশ্যেঃ মম চোদিতঃ শরৈঃ ॥৪-৩০-৮৩॥
30.84
স পূর্বজম্ তীব্র বিবৃদ্ধ কোপম্লালপ্যমানম্ প্রসমীক্ষ্য দীনম্ ।
চকার তীব্রাম্ মতিম্ উগ্র তেজাহরীশ্বরে মানব বংশ বর্থনঃ ॥৪-৩০-৮৪॥