Utshovসর্গ 31
31.1
স কামিনম্ দীনম্ অদীন সত্ত্বঃশোক অভিপন্নম্ সমুদীর্ণ কোপম্ ।
নরেন্দ্র সূনুর্ নরদেব পুত্রম্রামানুজঃ পূর্বজম্ ইতি উবাচ ॥৪-৩১-১॥
31.2
ন বানরঃ স্থাস্যতি সাধু বৃত্তেন মন্যতে কর্ম ফল অনুষংগান্ ।
ন ভোক্ষ্যতে বানর রাজ্য লক্ষ্মীম্তথা হি ন অভিক্রমতে অস্য বুদ্ধিঃ ॥৪-৩১-২॥
31.3
মতি ক্ষয়াৎ গ্রাম্য সুখেষু সক্তঃতব প্রসাদ অপ্রতিকার বুদ্ধিঃ ।
হতো অগ্রজম্ পশ্যতু বালিনম্ন রাজ্যম্ এবম্ বিগুণস্য দেয়ম্ ॥৪-৩১-৩॥
31.4
ন ধারয়ে কোপম্ উদীর্ণ বেগম্নিহন্মি সুগ্রীবম্ অসত্যম্ অদ্য ।
হরি প্রবীরৈঃ সহ বালি পুত্রোনরেন্দ্র পুত্র্যা বিচয়ম্ করোতু ॥৪-৩১-৪॥
31.5
তম্ আত্ত বাণ আসনম্ উত্পতংতম্নিবেদিত অর্থম্ রণ চণ্ড কোপম্ ।
উবচ রামঃ পর বীর হন্তাস্ব বেক্ষিতম্ স অনুনয়ম্ চ বাক্যম্ ॥৪-৩১-৫॥
31.6
ন হি বৈ ত্বৎ বিধো লোকে পাপম্ এবম্ সমাচরেৎ ।
কোপম্ আর্যেণ যো হন্তি স বীরঃ পুরুষোত্তমঃ ॥৪-৩১-৬॥
31.7
ন ইদম্ অত্র ত্বয়া গ্রাহ্যম্ সাধু বৃত্তেন লক্ষ্মণ ।
তাম্ প্রীতিম্ অনুবর্তস্ব পূর্ব বৃত্তম্ চ সংগতম্ ॥৪-৩১-৭॥
31.8
সাম উপহিতয়া বাচা রূক্ষাণি পরিবর্জয়ন্ ।
বক্তুম্ অর্হসি সুগ্রীবম্ ব্যতীতম্ কাল পর্যয়ে ॥৪-৩১-৮॥
31.9
সো অগ্রজেন অনুশিষ্ট অর্থো যথাবৎ পুরুষর্ষভঃ ।
প্রবিবেশ পুরীম্ বীরো লক্ষ্মণঃ পর বীর হা ॥৪-৩১-৯॥
31.10
ততঃ শুভ মতিঃ প্রাজ্ঞো ভ্রাতুঃ প্রিয়হিতেরতঃ ।
লক্ষ্মণঃ প্রতিসংরব্ধো জগাম ভবনম্ কপেঃ ॥৪-৩১-১০॥
31.11
শক্র বাণাসন প্রখ্যম্ ধনুঃ কালাংতক উপমঃ ।
প্রগৃহ্য গিরি শৃংগাভম্ মন্দরঃ সানুমান্ ইব ॥৪-৩১-১১॥
31.12
যথা উক্ত কারী বচনম্ উত্তরম্ চৈব স উত্তরম্ ।
বৃহস্পতি সমো বুদ্ধ্যা মত্ত্বা রামানুজঃ তদা ॥৪-৩১-১২॥
31.13
কাম ক্রোধ সমুত্থেন ভ্রাতুঃ কোপাগ্নিনা বৃতঃ ।
প্রভংজন ইব অপ্রীতঃ প্রয়য়ৌ লক্ষ্মণঃ তদা ॥৪-৩১-১৩॥
31.14
সাল তাল অশ্ব কর্ণাম্ চ তরসা পাতয়ন্ বলাৎ ।
পর্যস্যন্ গিরি কূটানি দ্রুমান্ অন্যাম্ চ বেগিতঃ ॥৪-৩১-১৪॥
31.15
শিলাঃ চ শকলী কুর্বন্ পদ্ভ্যাম্ গজ ইব আশু গঃ ।
দূরম্ এক পদম্ ত্যক্ত্বা যয়ৌ কার্যবশাৎ দ্রুতম্ ॥৪-৩১-১৫॥
31.16
তাম্ অপশ্যৎ বল আকীর্ণাম্ হরিরাজ মহাপুরীম্ ।
দুর্গাম্ ইক্ষ্বাকু শার্দূলঃ কিষ্কিংধাম্ গিরি সংকটে ॥৪-৩১-১৬॥
31.17
রোষাৎ প্রস্ফুরমাণ ওষ্ঠঃ সুগ্রীবম্ প্রতি লক্ষ্মণঃ ।
দদর্শ বানরান্ ভীমান্ কিষ্কিংধায়া বহিঃ চরান্ ॥৪-৩১-১৭॥
31.18
তম্ দৃষ্ট্বা বানরাঃ সর্বে লক্ষ্মণম্ পুরুষর্ষভম্শৈল শৃংগাণি শতশঃ প্রবৃদ্ধাম্ চ মহীরুহান্ ।
জগৃহুঃ কুংজর প্রখ্যা বানরাঃ পর্বত অংতরে ॥৪-৩১-১৮॥
31.19
তান্ গৃহীত প্রহরণান্ সর্বান্ দৃষ্ট্বা তু লক্ষ্মণঃ ।
বভূব দ্বিগুণম্ ক্রুদ্ধো বহু ইংধন ইব অনলঃ ॥৪-৩১-১৯॥
31.20
তম্ তে ভয়পরীত অংগাঃ খ্সুব্ধম্ দৃষ্ট্বা প্লবংগমাঃ ।
কাল মৃত্যু যুগাংতাঅভম্ শতশো বিদ্রুতা দিশঃ ॥৪-৩১-২০॥
31.21
ততঃ সুগ্রীব ভবনম্ প্রবিশ্য হরিপুংগবাঃ ।
ক্রোধম্ আগমনম্ চৈব লক্ষ্মণস্য ন্যবেদয়ন্ ॥৪-৩১-২১॥
31.22
তারয়া সহিতঃ কামী সক্তঃ কপিবৃষঃ তদা ।
ন তেষাম্ কপি বীরাণাম্ শুশ্রাব বচনম্ তদা ॥৪-৩১-২২॥
31.23
ততঃ সচিব সংদিষ্টা হরয়ো রোমহর্ষণাঃ ।
গিরি কুংজর মেঘ আভা নগর্যা নির্যয়ুঃ তদা ॥৪-৩১-২৩॥
31.24
নখ দংষ্ট্র আয়ুধা সর্বে বীরাঃ বিকৃত দর্শনাঃ ।
সর্বে শার্দূল দর্পাঃ চ সর্বে চ বিকৃত আননাঃ ॥৪-৩১-২৪॥
31.25
দশ নাগ বলাঃ কেচিৎ কেচিৎ দশ গুণোত্তরাঃ ।
কেচিৎ নাগ সহস্রস্য বভূবুঃ তুল্য বর্চসঃ ॥৪-৩১-২৫॥
31.26
ততঃ তৈঃ কপিভির্ ব্যাপ্তাম্ দ্রুম হস্তৈর্ মহাবলৈঃ ।
অপশ্যৎ লক্ষ্মণঃ ক্রুদ্ধঃ কিষ্কিংধাম্ তাম্ দুরাসদম্ ॥৪-৩১-২৬॥
31.27
ততঃ তে হরয়ঃ সর্বে প্রাকার পরিখ অংতরাৎ ।
নিষ্ক্রম্য উদগ্র সত্ত্বাঃ তু তস্থুর্ আবিষ্কৃতম্ তদা ॥৪-৩১-২৭॥
31.28
সুগ্রীবস্য প্রমাদম্ চ পূর্বজস্য অর্থম্ আত্মবান্ ।
দৃষ্ট্বা কোপ বশম্ বীরঃ পুনর্ এব জগাম সঃ ॥৪-৩১-২৮॥
31.29
স দীর্ঘ উষ্ণ মহা উচ্ছ্বাসঃ কোপ সংরক্ত লোচনঃ ।
বভূব নর শার্দূল স ধূম ইব পাবকঃ ॥৪-৩১-২৯॥
31.30
বাণ শল্য স্ফুরৎ জিহ্বঃ সায়ক আসন ভোগবান্ ।
স্ব তেজো বিষ সংঘাতঃ পংচ আস্য ইব পন্নগঃ ॥৪-৩১-৩০॥
31.31
তম্ দীপ্তম্ ইব কালাগ্নিম্ নাগেন্দ্রম্ ইব কোপিতম্ ।
সমাসাদ্য অংগদঃ ত্রাসাৎ বিষাদম্ অগমৎ পরম্ ॥৪-৩১-৩১॥
31.32
সো অংগদম্ রোষ তাম্রাক্ষঃ সংদিদেশ মহায়শাঃ ।
সুগ্রীবঃ কথ্যতাম্ বত্স মম আগমনম্ ইতি উত ॥৪-৩১-৩২॥
31.33
এষ রামানুজঃ প্রাপ্তঃ ত্বৎ সকাশম্ অরিন্দমঃ ।
ভ্রাতুর্ ব্যসন সংতপ্তো দ্বারি তিষ্ঠতি লক্ষ্মণঃ ॥৪-৩১-৩৩॥
31.34
তস্য বাক্যম্ যদি রুচিঃ ক্রিয়তাম্ সাধু বানরঃ ।
ইতি উক্ত্বা শীঘ্রম্ আগচ্ছ বত্স বাক্যম্ অরিন্দম ॥৪-৩১-৩৪॥
31.35
লক্ষ্মণস্য বচঃ শ্রুত্বা শোকাবিষ্টো অংগদো অব্রবীৎ ।
পিতুঃ সমীপম্ আগম্য সৌমিত্রিঃ অয়ম্ আগতঃ ॥৪-৩১-৩৫॥
31.36
অথ অংগদঃ তস্য সুতীব্র বাচাসংভ্রাংত ভাবঃ পরিদীন বক্ত্রঃ ।
নির্গত্য পূর্বম্ নৃপতেঃ তরস্বীততো রুমায়াঃ চরণৌ ববন্দে ॥৪-৩১-৩৬॥
31.37
সংগৃহ্য পাদৌ পিতুঃ উগ্রতেজাজগ্রাহ মাতুঃ পুনর্ এব পাদৌ ।
পাদৌ রুমায়াঃ চ নিপীডয়িত্বানিবেদয়ামাস ততঃ তৎ অর্থম্ ॥৪-৩১-৩৭॥
31.38
স নিদ্রা মদ সংবীতো বানরো ন বিবুদ্ধবান্ ।
বভূব মদ মত্তঃ চ মদনেন চ মোহিতঃ ॥৪-৩১-৩৮॥
31.39
ততঃ কিল কিলাম্ চক্রুঃ লক্ষ্মণম্ প্রেক্ষ্য বানরাঃ ।
প্রসাদয়ন্তঃ তম্ ক্রুদ্ধম্ ভয় মোহিত চেতসঃ ॥৪-৩১-৩৯॥
31.40
তে মহা ওঘ নিভম্ দৃষ্ট্বা বজ্র অশনি সম স্বনম্ ।
সিংহ নাদম্ সমম্ চক্রুর্ লক্ষ্মণস্য সমীপতঃ ॥৪-৩১-৪০॥
31.41
তেন শব্দেন মহতা প্রত্যবুধ্যত বানরঃ ।
মদ বিহ্বল তাম্রাক্ষো ব্যাকুল স্রগ্বি ভূষণঃ ॥৪-৩১-৪১॥
31.42
অথ অংগদ বচঃ শ্রুত্বা তেন এব চ সমাগতৌ ।
মংত্রিণো বানরেন্দ্রস্য সম্মত উদার দর্শিনৌ ॥৪-৩১-৪২॥
31.43
প্লক্ষঃ চ এব প্রভাবঃ চ মংত্রিণৌ অর্থ ধর্ময়োঃ ।
বক্তুম্ উচ্চাবচম্ প্রাপ্তম্ লক্ষ্মণম্ তৌ শশংসতুঃ ॥৪-৩১-৪৩॥
31.44
প্রসাদয়িত্বা সুগ্রীবম্ বচনৈঃ স অর্থ নিশ্চিতৈঃ ।
আসীনম্ পর্যুপাসীনৌ যথা শক্রম্ মরুত্পতিম্ ॥৪-৩১-৪৪॥
31.45
সত্য সংধৌ মহাভাগৌ ভ্রাতরৌ রাম লক্ষ্মণৌ ।
বয়স্য ভাবম্ সংপ্রাপ্তৌ রাজ্য অর্হৌ রাজ্য দায়িনৌ ॥৪-৩১-৪৫॥
31.46
তয়োঃ একো ধনুষ্পাণির্ দ্বারি তিষ্ঠতি লক্ষ্মণঃ ।
যস্য ভীতাঃ প্রবেপন্তে নাদান্ মুংচন্তি বানরাঃ ॥৪-৩১-৪৬॥
31.47
স এষ রাঘব ভ্রাতা লক্ষ্মণো বাক্য সারথিঃ ।
ব্যবসায় রথঃ প্রাপ্তঃ তস্য রামস্য শাসনাৎ ॥৪-৩১-৪৭॥
31.48
অয়ম্ চ তনয়ো রাজন্ তারায়া দয়িতো অংগদঃ ।
লক্ষ্মণেন সকাশম্ তে প্রেষিতঃ ত্বরয়া অনঘ ॥৪-৩১-৪৮॥
31.49
সঃ অয়ম্ রোষ পরীতাক্ষো দ্বারি তিষ্ঠতি বীর্যবান্ ।
বানরান্ বানরপতে চক্ষুসা নির্দহন ইব ॥৪-৩১-৪৯॥
31.50
তস্য মূর্ধ্না প্রণম্য ত্বম্ স পুত্র সহ বান্ধবঃ ।
গচ্ছ শীঘ্রম্ মহারাজ রোষো হি অদ্য উপশম্যতাম্ ॥৪-৩১-৫০॥
31.51
যথা আহ রামো ধর্মাত্মা তৎ কুরুষ্ব সমাহিতঃ ।
রাজন্ তিষ্ঠ স্ব সময়ে ভব সত্য প্রতিশ্রবঃ ॥৪-৩১-৫১॥