Utshovসর্গ 32
32.1
অংগদস্য বচঃ শ্রুত্বা সুগ্রীবঃ সচিবৈঃ সহ ।
লক্ষ্মণম্ কুপিতম্ শ্রুত্বা মুমোচ আসনম্ আত্মবান্ ॥৪-৩২-১॥
32.2
স চ তান্ অব্রবীৎ বাক্যম্ নিশ্চিত্য গুরু লাঘবম্ ।
মংত্রজ্ঞান্ মংত্র কুশলো মংত্রেষু পরিনিষ্ঠিতঃ ॥৪-৩২-২॥
32.3
ন মে দুর্ ব্যাহৃতম্ কিংচিৎ ন অপি মে দুর্ অনুষ্ঠিতম্ ।
লক্ষ্মণো রাঘব ভ্রাতা ক্রুদ্ধঃ কিম্ ইতি চিংতয়ে ॥৪-৩২-৩॥
32.4
অসুহৃদ্ভিঃ মম অমিত্রৈঃ নিত্যম্ অন্তর দর্শিভিঃ ।
মম দোষান্ অসংভূতান্ শ্রাবিতো রাঘবানুজঃ ॥৪-৩২-৪॥
32.5
অত্র তাবৎ যথা বুদ্ধি সর্বৈঃ এব যথা বিধি ।
ভাবস্য নিশ্চয়ঃ তাবৎ বিজ্ঞেয়ো নিপুণম্ শনৈঃ ॥৪-৩২-৫॥
32.6
ন খলু অস্তি মম ত্রাসো লক্ষ্মণান্ ন অপি রাঘবাৎ ।
মিত্রম্ তু অস্থান কুপিতম্ জনয়তি এব সংভ্রমম্ ॥৪-৩২-৬॥
32.7
সর্বথা সুকরম্ মিত্রম্ দুষ্করম্ প্রতিপালনম্ ।
অনিত্যত্বাৎ তু চিত্তানাম্ প্রীতিঃ অল্পে অপি ভিদ্যতে ॥৪-৩২-৭॥
32.8
অতো নিমিত্তম্ ত্রস্তো অহম্ রামেণ তু মহাত্মনা ।
যন্ মম উপকৃতম্ শক্যম্ প্রতিকর্তুম্ ন তন্ ময়া ॥৪-৩২-৮॥
32.9
সুগ্রীবেণ এবম্ উক্তে তু হনুমান্ হরি পুংগবঃ ।
উবাচ স্বেন তর্কেণ মধ্যে বানর মংত্রিণাম্ ॥৪-৩২-৯॥
32.10
সর্বথা ন এতদ্ আশ্চর্যম্ যৎ ত্বম্ হরিগণেশ্বর ।
ন বিস্মরসি সুস্নিগ্ধম্ উপকারম্ কৃতম্ শুভম্ ॥৪-৩২-১০॥
32.11
রাঘবেণ তু বীরেণ ভয়ম্ উত্সৃজ্য দূরতঃ ।
ত্বৎ প্রিয় অর্থম্ হতো বালী শক্র তুল্য পরাক্রমঃ ॥৪-৩২-১১॥
32.12
সর্বথা প্রণয়াৎ ক্রুদ্ধো রাঘবো ন অত্র সংশয়ঃ ।
ভ্রাতরম্ সংপ্রহিতবান্ লক্ষ্মণম্ লক্ষ্মি বর্ধনম্ ॥৪-৩২-১২॥
32.13
ত্বম্ প্রমত্তো ন জানীষে কালম্ কলবিদাম্ বর ।
ফুল্ল সপ্ত চ্ছদ শ্যামা প্রবৃত্তা তু শরৎ শিবা ॥৪-৩২-১৩॥
32.14
নির্মল গ্রহ নক্ষত্রা দ্যৌঃ প্রনষ্ট বলাহকা ।
প্রসন্নাঃ চ দিশঃ সর্বাঃ সরিতঃ চ সরাংসি চ ॥৪-৩২-১৪॥
32.15
প্রাপ্তম্ উদ্যোগ কালম্ তু ন অবৈষি হরিপুংগব ।
ত্বম্ প্রমত্ত ইতি ব্যক্তম্ লক্ষ্মণো অয়ম্ ইহ আগতঃ ॥৪-৩২-১৫॥
32.16
আর্তস্য হৃত দারস্য পরুষম্ পুরুষ অন্তরাৎ ।
বচনম্ মর্ষণীয়ম্ তে রাঘবস্য মহাত্মনঃ ॥৪-৩২-১৬॥
32.17
কৃত অপরাধস্য হি তে ন অন্যৎ পশ্যামি অহম্ ক্ষমম্ ।
অংতরেণ অংজলিম্ বদ্ধ্বা লক্ষ্মণস্য প্রসাদনাৎ ॥৪-৩২-১৭॥
32.18
নিয়ুক্তৈঃ মংত্রিভিঃ বাচ্যো অবশ্যম্ পার্থিবো হিতম্ ।
ইত এব ভয়ম্ ত্যক্ত্বা ব্রবীমি অবধৃতম্ বচঃ ॥৪-৩২-১৮॥
32.19
অভিক্রুদ্ধঃ সমর্থো হি চাপম্ উদ্যম্য রাঘবঃ ।
স দেব অসুর গংধর্বম্ বশে স্থাপয়িতুম্ জগৎ ॥৪-৩২-১৯॥
32.20
ন স ক্ষমঃ কোপয়িতুম্ যঃ প্রসাদ্য পুনর্ ভবেৎ ।
পূর্ব উপকারম্ স্মরতা কৃতজ্ঞেন বিশেষতঃ ॥৪-৩২-২০॥
32.21
তস্য মূর্ধ্না প্রণম্য ত্বম্ স পুত্রঃ স সুহৃৎ জনঃ ।
রাজন্ তিষ্ঠ স্ব সময়ে ভর্তুঃ ভার্যা ইব তৎ বশে ॥৪-৩২-২১॥
32.22
ন রাম রামানুজ শাসনম্ ত্বয়াকপীন্দ্র যুক্তম্ মনসা অপি অপোহিতুম্ ।
মনো হি তে জ্ঞাস্যতি মানুষম্ বলম্স রাঘবস্য অস্য সুরেন্দ্র বর্চসঃ ॥৪-৩২-২২॥