Utshovসর্গ 33
33.1
অথ প্রতিসংআদিষ্টো লক্ষ্মণঃ পরবীরহা ।
প্রবিবেশ গুহাম্ রম্যাম্ কিষ্কিংধাম্ রাম শাসনাৎ ॥৪-৩৩-১॥
33.2
দ্বারস্থা হরয়ঃ তত্র মহাকায়া মহাবলাঃ ।
বভূবুঃ লক্ষ্মণম্ দৃষ্ট্বা সর্বে প্রাংজলয়ঃ স্থিতাঃ ॥৪-৩৩-২॥
33.3
নিঃশ্বসন্তম্ তু তম্ দৃষ্ট্বা ক্রুদ্ধম্ দশরথ আত্মজম্ ।
বভূবুঃ হরয়ঃ ত্রস্তা ন চ এনম্ পর্যবারয়ন্ ॥৪-৩৩-৩॥
33.4
স তম্ রত্নময়ীম্ দিব্যাম্ শ্রীমান্ পুষ্পিত কাননাম্ ।
রম্যাম্ রত্ন সমাকীর্ণাম্ দদর্শ মহতীম্ গুহাম্ ॥৪-৩৩-৪॥
33.5
হর্ম্য প্রাসাদ সংবাধাম্ নানা রত্নোপশোভিতাম্ ।
সর্ব কাম ফলৈঃ বৃক্ষৈঃ পুষ্পিতৈঃ উপশোভিতাম্ ॥৪-৩৩-৫॥
33.6
দেব গংধর্ব পুত্রৈঃ চ বানরৈঃ কাম রূপিভিঃ ।
দিব্য মাল্য অম্বর ধারৈঃ শোভিতাম্ প্রিয় দর্শনৈঃ ॥৪-৩৩-৬॥
33.7
চন্দন অগরু পদ্মানাম্ গন্ধৈঃ সুরভি গন্ধিতাম্ ।
মৈরেয়াণাম্ মধূনাম্ চ সম্মোদিত মহা পথাম্ ॥৪-৩৩-৭॥
33.8
বিংধ্য মেরু গিরি প্রখ্যৈঃ প্রাসাদৈঃ ন এক ভূমিভিঃ ।
দদর্শ গিরি নদ্যঃ চ বিমলাঃ তত্র রাঘবঃ ॥৪-৩৩-৮॥
33.9
অংগদস্য গৃহম্ রম্যম্ মৈন্দস্য দ্বিবিদস্য চ ।
গবয়স্য গবাক্ষস্য গজস্য শরভস্য চ ॥৪-৩৩-৯॥
33.10
বিদ্যুন্মালেঃ চ সংপাতেঃ সূর্যাক্ষস্য হনূমতঃ ।
বীরবাহোঃ সুবাহোঃ চ নলস্য চ মহাত্মনঃ ॥৪-৩৩-১০॥
33.11
কুমুদস্য সুষেণস্য তার জাম্ববতোঃ তথা ।
দধিবক্ত্রস্য নীলস্য সুপাটল সুনেত্রয়োঃ ॥৪-৩৩-১১॥
33.12
এতেষাম্ কপি মুখ্যানাম্ রাজ মার্গে মহাত্মনাম্ ।
দদর্শ গৃহ মুখ্যানি মহাসারাণি লক্ষ্মণঃ ॥৪-৩৩-১২॥
33.13
পাণ্ডুর অভ্র প্রকাশানি গন্ধ মাল্য যুতানি চ ।
প্রভূত ধন ধান্যানি স্ত্রী রত্নৈঃ শোভিতানি চ ॥৪-৩৩-১৩॥
33.14
পাণ্ডুরেণ তু শৈলেন পরিক্ষিপ্তম্ দুরাসদম্ ।
বানরেন্দ্র গৃহম্ রম্যম্ মহেন্দ্র সদন উপমম্ ॥৪-৩৩-১৪॥
33.15
শুল্কৈঃ প্রাসাদ শিখরৈঃ কৈলাস শিখর উপমৈঃ ।
সর্ব কাম ফলৈঃ বৃক্ষৈঃ পুষ্পিতৈঃ উপশোভিতম্ ॥৪-৩৩-১৫॥
33.16
মহেন্দ্র দত্তৈঃ শ্রীমদ্ভিঃ নীল জীমূত সংনিভৈঃ ।
দিব্য পুষ্প ফলৈঃ বৃক্ষৈঃ শীত চ্ছায়ৈঃ মনোরমৈঃ ॥৪-৩৩-১৬॥
33.17
হরিভিঃ সংবৃত দ্বারম্ বলিভিঃ শস্ত্র পাণিভিঃ ।
দিব্য মাল্য আবৃতম্ শুভ্রম্ তপ্ত কাংচন তোরণম্ ॥৪-৩৩-১৭॥
33.18
সুগ্রীবস্য গৃহম্ রম্যম্ প্রবিবেশ মহাবলঃ ।
অবার্যমাণঃ সৌমিত্রিঃ মহাঅভ্রম্ ইব ভাস্করঃ ॥৪-৩৩-১৮॥
33.19
স সপ্ত কক্ষ্যা ধর্মাত্মা যান আসন সমাবৃতাঃ ।
প্রবিশ্য সুমহৎ গুপ্তম্ দদর্শ অংতঃপুরম্ মহৎ ॥৪-৩৩-১৯॥
33.20
হৈম রাজত পর্যন্কৈঃ বহুভিঃ চ বর আসনৈঃ ।
মহা অর্হ আস্তরণ উপেতৈঃ তত্র তত্র সমাবৃতম্ ॥৪-৩৩-২০॥
33.21
প্রবিশন্ এব সততম্ শুশ্রাব মধুর স্বনম্ ।
তংত্রী গীত সমাকীর্ণম্ সম তাল পদাক্ষরম্ ॥৪-৩৩-২১॥
33.22
বহ্বীঃ চ বিবিধ আকারা রূপ যৌবন গর্বিতাঃ ।
স্ত্রিয়ঃ সুগ্রীব ভবনে দদর্শ স মহাবলঃ ॥৪-৩৩-২২॥
33.23
দৃষ্ট্বা অভিজন সংপন্নাঃ তত্র মাল্য কৃত স্রজঃ ।
বর মাল্য কৃত ব্যগ্রা ভূষণ উত্তম ভূষিতাঃ ॥৪-৩৩-২৩॥
33.24
ন অতৃপ্তান্ ন অতি চ ব্যগ্রান্ ন অনুদাত্ত পরিচ্ছদান্ ।
সুগ্রীব অনুচরান্ চ অপি লক্ষয়ামাস লক্ষ্মণঃ ॥৪-৩৩-২৪॥
33.25
কূজিতম্ নূপুরাণাম্ চ কংচনীম্ নিঃস্বনম্ তথা ।
স নিশম্য ততঃ শ্রীমান্ সৌমিত্রিঃ লজ্জিতো অভবৎ ॥৪-৩৩-২৫॥
33.26
রোষ বেগ প্রকুপিতঃ শ্রুত্বা চ আভরণ স্বনম্ ।
চকার জ্যা স্বনম্ বীরো দিশঃ শব্দেন পূরয়ন্ ॥৪-৩৩-২৬॥
33.27
চারিত্রেণ মহাবাহুঃ অপকৃষ্টঃ স লক্ষ্মনঃ ।
তস্থৌ একাংতম্ আশ্রিত্য রাম শোক সমন্বিতঃ ॥৪-৩৩-২৭॥
33.28
তেন চাপ স্বনেন অথ সুগ্রীবঃ প্লবগাধিপঃ ।
বিজ্ঞায় আগমনম্ ত্রস্তঃ স চচাল বর আসনাৎ ॥৪-৩৩-২৮॥
33.29
অংগদেন যথা মহ্যম্ পুরস্তাৎ প্রতিবেদিতম্ ।
সুব্যক্তম্ এষ সংপ্রপ্তঃ সৌমিত্রিঃ ভ্রাতৃ বত্সলঃ ॥৪-৩৩-২৯॥
33.30
অংগদেন সমাখ্যতো জ্যা স্বনেন চ বানরঃ ।
বুবুধে লক্ষ্মণম্ প্রাপ্তম্ মুখম্ চ অস্য ব্যশুষ্যত ॥৪-৩৩-৩০॥
33.31
ততঃ তারাম্ হরি শ্রেষ্ঠঃ সুগ্রীবঃ প্রিয় দর্শনাম্ ।
উবাচ হিতম্ অব্যগ্র ত্রাস সংভ্রাংত মানসঃ ॥৪-৩৩-৩১॥
33.32
কিম্ নু রুট্ কারণম্ সুভ্রু প্রকৃত্যা মৃদু মানসঃ ।
স রোষ ইব সংপ্রাপ্তো যেন অয়ম্ রাঘবানুজঃ ॥৪-৩৩-৩২॥
33.33
কিম্ পশ্যসি কুমারস্য রোষ স্থানম্ অনিন্দিতে ।
ন খলু অকারণে কোপম্ আহরেৎ নরপুংগবঃ ॥৪-৩৩-৩৩॥
33.34
যদি অস্য কৃতম্ অস্মাভিঃ বুধ্যসে কিংচিৎ অপ্রিয়ম্ ।
তৎ বুধ্যা সংপ্রধার্য আশু ক্ষিপ্রম্ এব অভিধীয়তাম্ ॥৪-৩৩-৩৪॥
33.35
অথবা স্বয়ম্ এব এনম্ দ্রষ্টুম্ অর্হসি ভামিনী ।
বচনৈঃ স্বাংত্ব যুক্তৈঃ চ প্রসাদয়িতুম্ অর্হসি ॥৪-৩৩-৩৫॥
33.36
ত্বৎ দর্শনে বিশুদ্ধ আত্মা ন স কোপম্ করিষ্যতি ।
ন হি স্ত্রীষু মহাত্মানঃ ক্বচিৎ কুর্বন্তি দারুণম্ ॥৪-৩৩-৩৬॥
33.37
ত্বয়া স্বাংত্বৈঃ উপক্রাংতম্ প্রসন্ন ইন্দ্রিয় মানসম্ ।
ততঃ কমলপত্রাক্ষম্ দ্রক্ষ্যাঅমি অহম্ অরিংদমম্ ॥৪-৩৩-৩৭॥
33.38
সা প্রস্খলংতী মদ বিহ্বল অক্ষীপ্রলংব কাংচী গুণ হেম সূত্রা ।
সলক্ষণা লক্ষ্মণ সংনিধানম্জগাম তারা নমিত অংগ যষ্টিঃ ॥৪-৩৩-৩৮॥
33.39
স তাম্ সমীক্ষ্য এব হরি ঈশ পত্নীম্তস্থৌ উদাসীনতয়া মহাত্মা ।
অবাঙ্মুখো আভূৎ মনুজেন্দ্র পুত্রঃস্ত্রী সন্নিকর্ষাৎ বিনিবৃত্ত কোপম্ ॥৪-৩৩-৩৯॥
33.40
সা পান যোগাৎ চ নিবৃত্ত লজ্জাদৃষ্টি প্রসাদাৎ চ নরেন্দ্র সূনোঃ ।
উবাচ তারা প্রণয় প্রগল্ভম্বাক্যম্ মহার্থম্ পরিসাংত্ব রূপম্ ॥৪-৩৩-৪০॥
33.41
কিম্ কোপ মূলম্ মনুজেন্দ্র পুত্রকঃ তে ন সন্তিষ্ঠতি বাক্ নিদেশে ।
কঃ শুষ্ক বৃক্ষম্ বনম্ আপতন্তম্দবাগ্নিম্ আসীদতি নির্বিশংকঃ ॥৪-৩৩-৪১॥
33.42
স তস্য বচনম্ শ্রুত্বা সাংত্ব পূর্বম্ অশংকিতঃ ।
ভূয়ঃ প্রণয় দৃষ্টার্থম্ লক্ষ্মণো বাক্যম্ অব্রবীৎ ॥৪-৩৩-৪২॥
33.43
কিম্ অয়ম্ কাম বৃত্তঃ তে লুপ্ত ধর্মার্থ সংগ্রহঃ ।
ভর্তা ভর্তৃ হিতে যুক্তে ন চ এবম্ অববুধ্যসে ॥৪-৩৩-৪৩॥
33.44
ন চিংতয়তি রাজ্যার্থম্ সঃ অস্মান্ শোক পরায়ণান্ ।
স অমাত্য পরিষৎ তারে কামম্ এব উপসেবতে ॥৪-৩৩-৪৪॥
33.45
স মাসান্ চতুর কৃত্বা প্রমাণম্ প্লবগেশ্বরঃ ।
ব্যতীতান্ তান্ মদ উদগ্রো বিহরন্ ন অববুধ্যতে ॥৪-৩৩-৪৫॥
33.46
ন হি ধর্মার্থ সিদ্ধ্যর্থম্ পানম্ এবম্ প্রশস্যতে ।
পানাৎ অর্থস্য কামঃ চ ধর্মঃ চ পরিহীয়তে ॥৪-৩৩-৪৬॥
33.47
ধর্ম লোপো মহান্ তাবৎ কৃতে হি অপ্রতি কুর্বতঃ ।
অর্থ লোপঃ চ মিত্রস্য নাশে গুণবতো মহান্ ॥৪-৩৩-৪৭॥
33.48
মিত্রম্ হি অর্থ গুণ শ্রেষ্ঠম্ সত্য ধর্ম পরায়ণম্ ।
তৎ দ্বয়ম্ তু পরিত্যক্তম্ ন তু ধর্মে ব্যবস্থিতম্ ॥৪-৩৩-৪৮॥
33.49
তৎ এবম্ প্রস্তুতে কার্যে কার্যম্ অস্মাভিঃ উত্তরম্ ।
যৎ কার্যম্ কার্য তত্ত্বজ্ঞে ত্বম্ উদাহর্তুম্ অর্হসি ॥৪-৩৩-৪৯॥
33.50
সা তস্য ধর্মার্থ সমাধি যুক্তম্নিশম্য বাক্যম্ মধুর স্বভাবম্ ।
তারা গতার্থে মনুজেন্দ্র কার্যেবিশ্বাস যুক্তম্ তম্ উবাচ ভূয়ঃ ॥৪-৩৩-৫০॥
33.51
ন কোপ কালঃ ক্ষিতিপাল পুত্রন চ অপি কোপঃ স্ব জনে বিধেয়ঃ ।
ত্বৎ অর্থ কামস্য জনস্য তস্যপ্রমাদম্ অপি অর্হসি বীর সোঢুম্ ॥৪-৩৩-৫১॥
33.52
কোপম্ কথম্ নাম গুণ প্রকৃষ্টঃকুমার কুর্যাৎ অপকৃষ্ট সত্ত্বে ।
কঃ ত্বৎ বিধঃ কোপ বশম্ হি গচ্ছেসত্ত্ব অবরুদ্ধঃ তপসঃ প্রসূতিঃ ॥৪-৩৩-৫২॥
33.53
জানামি কোপম্ হরি বীর বন্ধোঃজানামি কার্যস্য চ কাল সংগম্ ।
জানামি কার্যম্ ত্বয়ি যৎ কৃতম্ নঃতৎ চ অপি জানামি যৎ অত্র কার্যম্ ॥৪-৩৩-৫৩॥
33.54
তৎ চ অপি জানামি যথা অবিষহ্যম্বলম্ নরশ্রেষ্ঠ শরীরজস্য ।
জানামি যস্মিন্ চ জনে অববদ্ধম্কামেন সুগ্রীবম্ অস্তকম্ অদ্য ॥৪-৩৩-৫৪॥
33.55
ন কাম তংত্রে তব বুদ্ধিঃ অস্তিত্বম্ বৈ যথা মন্যু বশম্ প্রপন্নঃ ।
ন দেশ কালৌ হি ন চ অর্থ ধর্মৌঅবেক্ষতে কাম রতিঃ মনুষ্যঃ ॥৪-৩৩-৫৫॥
33.56
তম্ কাম বৃত্তম্ মম সন্নিকৃষ্টম্কাম অভিয়োগাৎ চ বিমুক্ত লজ্জম্ ।
ক্ষমস্ব তাবৎ পর বীর হন্তঃতব ভ্রাতর্ম বানর বংশ নাথম্ ॥৪-৩৩-৫৬॥
33.57
মহর্ষয়ো ধর্ম তপোভিরামাঃকামা অনুকামাঃ প্রতি বদ্ধ মোহাঃ ।
অয়ম্ প্রকৃত্যা চপলঃ কপিঃ তুকথম্ ন সজ্জেত সুখেষু রাজা ॥৪-৩৩-৫৭॥
33.58
ইতি এবম্ উক্ত্বা বচনম্ মহার্থম্সা বানরী লক্ষ্মণম্ অপ্রমেয়ম্ ।
পুনঃ স খেদম্ মদ বিহ্বলাক্ষীভর্তুর্ হিতম্ বাক্যম্ ইদম্ বভাষে ॥৪-৩৩-৫৮॥
33.59
উদ্যোগঃ তু চির আজ্ঞপ্তঃ সুগ্রীবেণ নরোত্তম ।
কাম্স্য অপি বিধেয়েন তব অর্থ প্রতি সাধনে ॥৪-৩৩-৫৯॥
33.60
আগতা হি মহা বীর্যা হরয়ঃ কাম রূপিণঃ ।
কোটি শত সহস্রাণি নানা নগ নিবাসিনঃ ॥৪-৩৩-৬০॥
33.61
তৎ আগচ্ছ মহাবাহো চারিত্রম্ রক্ষিতম্ ত্বয়া ।
অচ্ছলম্ মিত্র ভাবেন সতাম্ দরা অবলোকনম্ ॥৪-৩৩-৬১॥
33.62
তারায়া চ অভ্যনুজ্ঞাত ত্বরয়া চা অপি চোদিতঃ ।
প্রবিবেশ মহাবাহুঃ অভ্যংতরম্ অরিন্দমঃ ॥৪-৩৩-৬২॥
33.63
ততঃ সুগ্রীবম্ আসীনম্ কাংচনে পরম আসনে ।
মহাঅর্হ আস্তরণোপেতে দদর্শ আদিত্য সংনিভম্ ॥৪-৩৩-৬৩॥
33.64
দিব্য আভরণ চিত্রাংগম্ দিব্য রূপম্ যশস্বিনম্ ।
দিব্য মাল্যাংবর ধরম্ মহেন্দ্রম্ ইব দুর্জয়ম্ ॥৪-৩৩-৬৪॥
33.65
দিব্য আভরণ মাল্যাভিঃ প্রমদাভিঃ সমাবৃতম্ ।
সংরব্ধতর রক্তাক্ষো বভূব অংতক সংনিভঃ ॥৪-৩৩-৬৫॥
33.66
রুমাম্ তু বীরঃ পরিরভ্য গাঢম্বর আসনস্থো বর হেম বর্ণঃ ।
দদর্শ সৌমিত্রিম্ অদীন সত্ত্বম্বিশাল নেত্রঃ স বিশাল নেত্রম্ ॥৪-৩৩-৬৬॥