UtshovSarga 28
28.1
स तदा वालिनम् हत्वा सुग्रीवम् अभिषिच्य च ।
वसन् माल्यवतः पृष्टे रामो लक्ष्मणम् अब्रवीत् ॥४-२८-१॥
Sa tada valinam hatva sugrivam abhishichya cha
Vasan malyavatah prishte ramo lakshmanam abravit
28.2
अयम् स कालः संप्राप्तः समयो अद्य जल आगमः ।
संपश्य त्वम् नभो मेघैः संवृतम् गिरि संनिभैः ॥४-२८-२॥
Ayam sa kalah sampraptah samayo adya jala agamah
Sampashya tvam nabho meghaih sanvritam giri sannibhaih
28.3
नव मास धृतम् गर्भम् भास्करस्य गभस्तिभिः ।
पीत्वा रसम् समुद्राणाम् द्यौः प्रसूते रसायनम् ॥४-२८-३॥
Nava masa dhritam garbham bhaskarasya gabhastibhih
Pitva rasam samudranam dyauh prasute rasayanam
28.4
शक्यम् अंबरम् आरुह्य मेघ सोपान पंक्तिभिः ।
कुटज अर्जुन मालाभिः अलंकर्तुम् दिवाकरम् ॥४-२८-४॥
Shakyam ambaram aruhya megha sopana panktibhih
Kutaja arjuna malabhih alankartum divakaram
28.5
संध्या राग उत्थितैः ताम्रैः अंतेषु अधिक पाण्डुरैः ।
स्निग्धैः अभ्र पट च्छेदैः बद्ध व्रणम् इव अंबरम् ॥४-२८-५॥
Sandhya raga utthitaih tamraih anteshu adhika panduraih
Snigdhaih abhra pata chchhedaih baddha vranam iva ambaram
28.6
मन्द मारुत निःश्वासम् संध्या चंदन रंजितम् ।
आपाण्डु जलदम् भाति काम आतुरम् इव अंबरम् ॥४-२८-६॥
Manda maruta nihshvasam sandhya chandana ranjitam
Apandu jaladam bhati kama aturam iva ambaram
28.7
एषा घर्म परिक्लिष्टा नव वारि परिप्लुता ।
सीता इव शोक संतप्ता मही बाष्पम् विमुंचति ॥४-२८-७॥
Esha gharma pariklishta nava vari paripluta
Sita iva shoka santapta mahi bashpam vimunchati
28.8
मेघ उदर विनिर्मुक्ताः कर्पूर दल शीतलाः ।
शक्यम् अंजलिभिः पातुम् वाताः केतकि गन्धिनः ॥४-२८-८॥
Megha udara vinirmuktah karpura dala shitalah
Shakyam anjalibhih patum vatah ketaki gandhinah
28.9
एष फुल्ल अर्जुनः शैलः केतकैः अधिवासितः ।
सुग्रीव इव शान्त अरिः धाराभिः अभिषिच्यते ॥४-२८-९॥
Esha phulla arjunah shailah ketakaih adhivasitah
Sugriva iva shanta arih dharabhih abhishichyate
28.10
मेघ कृष्ण अजिन धरा धारा यज्ञ उपवीतिनः ।
मारुत आपूरित गुहाः प्राधीता इव पर्वताः ॥४-२८-१०॥
Megha krishna ajina dhara dhara yagya upavitinah
Maruta apurita guhah pradhita iva parvatah
28.11
कशाभिः इव हैमीभिः विद्युद्भिः इव ताडितम् ।
अन्तः स्तनित निर्घोषम् सवेदनम् इव अंबरम् ॥४-२८-११॥
Kashabhih iva haimibhih vidyudbhih iva taditam
Antah stanita nirghosham savedanam iva ambaram
28.12
नील मेघ आश्रिता विद्युत् स्फुरंती प्रतिभाति मे ।
स्फुरंती रावणस्य अंके वैदेही इव तपस्विनी ॥४-२८-१२॥
Nila megha ashrita vidyut sphuranti pratibhati me
Sphuranti ravanasya anke vaidehi iva tapasvini
28.13
इमाः ता मन्मथवताम् हिताः प्रतिहता दिशः ।
अनुलिप्ता इव घनैः नष्ट ग्रह निशा कराः ॥४-२८-१३॥
Imah ta manmathavatam hitah pratihata dishah
Anulipta iva ghanaih nashta graha nisha karah
28.14
क्वचित् बाष्प अभिसंरुद्धान् वर्ष आगम समुत्सुकान् ।
कुटजान् पश्य सौमित्रे पुष्टितान् गिरि सानुषु ।मम शोक अभिभूतस्य काम सम्दीपनान् स्थितान् ॥४-२८-१४॥
Kvachit bashpa abhisanruddhan varsha agama samutsukan
Kutajan pashya saumitre pushtitan giri sanushu, mama shoka abhibhutasya kama samdipanan sthitan
28.15
रजः प्रशांतम् स हिमो अद्य वायुःनिदाघ दोष प्रसराः प्रशांताः ।
स्थिता हि यात्रा वसुधा अधिपानाम्प्रवासिनो यांति नराः स्व देशान् ॥४-२८-१५॥
Rajah prashantam sa himo adya vayuhnidagha dosha prasarah prashantah
Sthita hi yatra vasudha adhipanampravasino yanti narah sva deshan
28.16
संप्रस्थिता मानस वास लुब्धाःप्रिय अन्विताः संप्रति चक्रवाकः ।
अभीक्ष्ण वर्ष उदक विक्षतेषुयानानि मार्गेषु न संपतन्ति ॥४-२८-१६॥
Samprasthita manasa vasa lubdhahpriya anvitah samprati chakravakah
Abhikshna varsha udaka vikshateshuyanani margeshu na sampatanti
28.17
क्वचित् प्रकाशम् क्वचिद् अप्रकाशम्नभः प्रकीर्णा अंबु धरम् विभाति ।
क्वचित् क्वचित् पर्वत संनिरुद्धम्रूपम् यथा शान्त महार्णवस्य ॥४-२८-१७॥
Kvachit prakasham kvachid aprakashamnabhah prakirna ambu dharam vibhati
Kvachit kvachit parvata sanniruddhamrupam yatha shanta maharnavasya
28.18
व्यामिश्रितम् सर्ज कदंब पुष्पैःनवम् जलम् पर्वत धातु ताम्रम् ।
मयूर केकाभिः अनुप्रयातम्शैल अपगाः शीघ्रतरम् वहन्ति ॥४-२८-१८॥
Vyamishritam sarja kadamba pushpaihnavam jalam parvata dhatu tamram
Mayura kekabhih anuprayatamshaila apagah shighrataram vahanti
28.19
रस आकुलम् षट्पद संनिकाशम्प्रभुज्यते जंबु फलम् प्रकामम् ।
अनेक वर्णम् पवन अवधूतम्भूमौ पतति आम्र फलम् विपक्वम् ॥४-२८-१९॥
Rasa akulam shatpada sannikashamprabhujyate jambu phalam prakamam
Aneka varnam pavana avadhutambhumau patati amra phalam vipakvam
28.20
विद्युत् पताकाः स बलाक मालाःशैलेन्द्र कूट आकृति संनिकाशाः ।
गर्जन्ति मेघाः समुदीर्ण नादामत्त गजेन्द्रा इव संयुगस्थाः ॥४-२८-२०॥
Vidyut patakah sa balaka malahshailendra kuta akriti sannikashah
Garjanti meghah samudirna nadamatta gajendra iva sanyugasthah
28.21
वर्ष उदक आअप्यायित शाद्वलानिप्रवृत्त नृत्त उत्सव बर्हिणानि ।
वनानि निर्वृष्ट बलाहकानिपश्य अपराह्णेषु अधिकम् विभान्ति ॥४-२८-२१॥
Varsha udaka aapyayita shadvalanipravritta nritta utsava barhinani
Vanani nirvrishta balahakanipashya aparahneshu adhikam vibhanti
28.22
सम् उद् वहन्तः सलिल अति भारम्बलाकिनो वारि धरा नदन्तः ।
महत्सु शृंगेषु मही धराणाम्विश्रम्य विश्रम्य पुनः प्रयान्ति ॥४-२८-२२॥
Sam ud vahantah salila ati bharambalakino vari dhara nadantah
Mahatsu shringeshu mahi dharanamvishramya vishramya punah prayanti
28.23
मेघ अभिकामा परिसंपतन्तीसम्मोदिता भाति बलाक पंक्तिः ।
वात अवधूता वर पौण्डरीकीलंब इव माला रुचिर अंबरस्य ॥४-२८-२३॥
Megha abhikama parisampatantisammodita bhati balaka panktih
Vata avadhuta vara paundarikilamba iva mala ruchira ambarasya
28.24
बाल इन्द्रगोप्ता अंतर चित्रितेनविभाति भूमिः नव शाद्वलेन ।
गात्र अनुपृक्तेन शुक प्रभेणनारी इव लाक्ष उक्षित कंबलेन ॥४-२८-२४॥
Bala indragopta antara chitritenavibhati bhumih nava shadvalena
Gatra anupriktena shuka prabhenanari iva laksha ukshita kambalena
28.25
निद्रा शनैः केशवम् अभ्युपैतिद्रुतम् नदी सागरम् अभ्युपैति ।
हृष्टा बलाका घनम् अभ्युपैतिकान्ता स कामा प्रियम् अभ्युपैति ॥४-२८-२५॥
Nidra shanaih keshavam abhyupaitidrutam nadi sagaram abhyupaiti
Hrishta balaka ghanam abhyupaitikanta sa kama priyam abhyupaiti
28.26
जाता वनान्ताः शिखि सुप्रनृत्ताजाताः कदंबाः स कदंब शाखाः ।
जाता वृषा गोषु समान कामाजाता मही सस्य वन अभिरामा ॥४-२८-२६॥
Jata vanantah shikhi supranrittajatah kadambah sa kadamba shakhah
Jata vrisha goshu samana kamajata mahi sasya vana abhirama
28.27
वहन्ति वर्षन्ति नदन्ति भान्तिध्यायन्ति नृत्यन्ति समाश्वसन्ति ।
नद्यो घना मत्त गजा वन अन्ताःप्रिया विहीनाः शिखिनः प्लवंगाः ॥४-२८-२७॥
Vahanti varshanti nadanti bhantidhyayanti nrityanti samashvasanti
Nadyo ghana matta gaja vana antahpriya vihinah shikhinah plavangah
28.28
प्रहर्षिताः केतक पुष्प गन्धम्आघ्राय मत्ता वन निर्झरेषु ।
प्रपात शब्द आकुलिता गजेन्द्राःसार्धम् मयूरैः स मदा नदन्ति ॥४-२८-२८॥
Praharshitah ketaka pushpa gandhamaghraya matta vana nirjhareshu
Prapata shabda akulita gajendrahsardham mayuraih sa mada nadanti
28.29
धारा निपातैः अभिहन्यमानाःकदंब शाखासु विलंबमानाः ।
क्षण अर्जितम् पुष्प रस अवगाढम्शनैर् मदम् षट् चरणाः त्यजन्ति ॥४-२८-२९॥
Dhara nipataih abhihanyamanahkadamba shakhasu vilambamanah
Kshana arjitam pushpa rasa avagadhamshanair madam shat charanah tyajanti
28.30
अंगार चूर्ण उत्कर संनिकाशैःफलैः सुपर्याप्त रसैः समृद्धैः ।
जंबू द्रुमाणाम् प्रविभान्ति शाखानिपीयमाना इव षट्पद ओघैः ॥४-२८-३०॥
Angara churna utkara sannikashaihphalaih suparyapta rasaih samriddhaih
Jambu drumanam pravibhanti shakhanipiyamana iva shatpada oghaih
28.31
तडित् पताकाभिः अलंकृतानाम्उदीर्ण गंभीर महा रवाणाम् ।
विभान्ति रूपाणि बलाहकानाम्रण उत्सुकानाम् इव वारणानाम् ॥४-२८-३१॥
Tadit patakabhih alankritanamudirna gambhira maha ravanam
Vibhanti rupani balahakanamrana utsukanam iva varananam
28.32
मार्ग अनुगः शैल वन अनुसारीसंप्रस्थितो मेघ रवम् निशम्य ।
युद्ध अभिकामः प्रतिनाद शन्कीमत्तो गजेन्द्रः प्रतिसंनिवृत्तः ॥४-२८-३२॥
Marga anugah shaila vana anusarisamprasthito megha ravam nishamya
Yuddha abhikamah pratinada shankimatto gajendrah pratisannivrittah
28.33
क्वचित् प्रगीता इव षट्पद ओघैःक्वचित् प्रवृत्ता इव नील कण्ठैः ।
क्वचित् प्रमत्ता इव वारण इन्द्रैःविभाति अनेक आश्रयिणो वनान्ता ॥४-२८-३३॥
Kvachit pragita iva shatpada oghaihkvachit pravritta iva nila kanthaih
Kvachit pramatta iva varana indraihvibhati aneka ashrayino vananta
28.34
कदंब सर्जा अर्जुन कंदल आढ्यावनान्त भूमि मधु वारि पूर्णा ।
मयूर मत्ता अभिरुत प्रवृत्तैःअपान भूमि प्रतिमा विभाति ॥४-२८-३४॥
Kadamba sarja arjuna kandala adhyavananta bhumi madhu vari purna
Mayura matta abhiruta pravrittaihapana bhumi pratima vibhati
28.35
मुक्ता समाभम् सलिलम् पतत् वैसुनिर्मलम् पत्र पुटेषु लग्नम् ।
हृष्टा विवर्ण च्छदना विहंगाःसुरेन्द्र दत्तम् तृषिताः पिबन्ति ॥४-२८-३५॥
Mukta samabham salilam patat vaisunirmalam patra puteshu lagnam
Hrishta vivarna chchhadana vihangahsurendra dattam trishitah pibanti
28.36
षत्पद तंत्री मधुर अभिधानम्प्लवंगम् उदीरित कण्ठ तालम् ।
आविष्कृतम् मेघ मृदंग नादैःवनेषु संगीतम् इव प्रवृत्तम् ॥४-२८-३६॥
Shatpada tantri madhura abhidhanamplavangam udirita kantha talam
Avishkritam megha mridanga nadaihvaneshu sangitam iva pravrittam
28.37
क्वचित् प्रनृत्तैः क्वचित् उन् नदद्भिःक्वचित् च वृक्ष अग्र निषण्ण कायैः ।
व्यालंब बर्ह आभरणैः मयूरैःवनेषु संगितम् इव प्रवृत्तम् ॥४-२८-३७॥
Kvachit pranrittaih kvachit un nadadbhihkvachit cha vriksha agra nishanna kayaih
Vyalamba barha abharanaih mayuraihvaneshu sangitam iva pravrittam
28.38
स्वनैः घनानाम् प्लवगाः प्रबुद्धाविहाय निद्राम् चिर संनिरुद्धाम् ।
अनेक रूपा आकृति वर्ण नादानव अंबु धारा अभिहता नदन्ति ॥४-२८-३८॥
Svanaih ghananam plavagah prabuddhavihaya nidram chira sanniruddham
Aneka rupa akriti varna nadanava ambu dhara abhihata nadanti
28.39
नद्यः समुद्वाहित चक्रवाकातटानि शीर्णानि अपवाहयित्वा ।
दृप्ता नव प्राभृत पूर्ण भोगाद्रुतम् स्व भर्तारम् उपोप यान्ति ॥४-२८-३९॥
Nadyah samudvahita chakravakatatani shirnani apavahayitva
Dripta nava prabhrita purna bhogadrutam sva bhartaram upopa yanti
28.40
नीलेषु नीला नव वारि पूर्णामेघेषु मेघाः प्रविभान्ति सक्ताः ।
दवाग्नि दग्धेषु दवाग्नि दग्धाःशैलेषु शैला इव बद्ध मूलाः ॥४-२८-४०॥
Nileshu nila nava vari purnamegheshu meghah pravibhanti saktah
Davagni dagdheshu davagni dagdhahshaileshu shaila iva baddha mulah
28.41
प्रमत्त संनाददित बर्हिणानिस शक्रगोप अकुल शाद्वलानि ।
चरन्ति नीप अर्जुन वासितानिगजाः सुरम्याणि वन अन्तराणि ॥४-२८-४१॥
Pramatta sannadadita barhinanisa shakragopa akula shadvalani
Charanti nipa arjuna vasitanigajah suramyani vana antarani
28.42
नव अंबु धार आहत केसराणिद्रुतम् परित्यज्य सरोरुहाणि ।
कदंब पुष्पाणि स केसराणिनवानि हृष्टा भ्रमराः पिबन्ति ॥४-२८-४२॥
Nava ambu dhara ahata kesaranidrutam parityajya saroruhani
Kadamba pushpani sa kesaraninavani hrishta bhramarah pibanti
28.43
मत्ता गजेन्द्रा मुदिता गवेन्द्रावनेषु विक्रांततरा मृगेन्द्राः ।
रम्या नगेन्द्रा निभृता नरेन्द्राःप्रक्रीडितो वारि धरैः सुरेन्द्रः ॥४-२८-४३॥
Matta gajendra mudita gavendravaneshu vikrantatara mrigendrah
Ramya nagendra nibhrita narendrahprakridito vari dharaih surendrah
28.44
मेघाः समुद् भूत समुद्र नादामहाजल ओघैः गगन अवलंबाः ।
नदीः तटाकानि सरांसि वापिःमहीम् च कृत्स्नाम् अपवाहयन्ति ॥४-२८-४४॥
Meghah samud bhuta samudra nadamahajala oghaih gagana avalambah
Nadih tatakani saransi vapihmahim cha kritsnam apavahayanti
28.45
वर्ष प्रवेगा विपुला पतन्तिप्रवान्ति वाताः समुदीर्ण वेगाः ।
प्रनष्ट कूलाः प्रवहन्ति शीघ्रम्नद्यो जलम् विप्रतिपन्न मार्गाः ॥४-२८-४५॥
Varsha pravega vipula patantipravanti vatah samudirna vegah
Pranashta kulah pravahanti shighramnadyo jalam vipratipanna margah
28.46
नरैः नरेन्द्रा इव पर्वतेन्द्राःसुरेन्द्र नीतैः पवन उपनीतैः ।
घन अंबु कुम्भैः अभिषिच्यमानारूपम् श्रियम् स्वाम् इव दर्शयन्ति ॥४-२८-४६॥
Naraih narendra iva parvatendrahsurendra nitaih pavana upanitaih
Ghana ambu kumbhaih abhishichyamanarupam shriyam svam iva darshayanti
28.47
घन उपगूढम् गगनम् न तारान भास्करो दर्शनम् अभ्युपैति ।
नवैः जल ओघैः धरणी वितृप्तातमो विलिप्ता न दिशः प्रकाशाः ॥४-२८-४७॥
Ghana upagudham gaganam na tarana bhaskaro darshanam abhyupaiti
Navaih jala oghaih dharani vitriptatamo vilipta na dishah prakashah
28.48
महान्ति कूटानि मही धराणाम्धारा विधौतानि अधिकम् विभान्ति ।
महा प्रमाणैः विपुलैः प्रपातैःमुक्त कलापैः इव लंबमानैः ॥४-२८-४८॥
Mahanti kutani mahi dharanamdhara vidhautani adhikam vibhanti
Maha pramanaih vipulaih prapataihmukta kalapaih iva lambamanaih
28.49
शैलोपल प्रस्खलमान वेगाःशैलोत्तमानाम् विपुलाः प्रपाताः ।
गुहासु संनादित बर्हिणासुहारा विकीर्यन्त इव अवभान्ति ॥४-२८-४९॥
Shailopala praskhalamana vegahshailottamanam vipulah prapatah
Guhasu sannadita barhinasuhara vikiryanta iva avabhanti
28.50
शीघ्र प्रवेगा विपुलाः प्रपातानिर्धौत शृंग उपतला गिरीणाम् ।
मुक्ता कलाप प्रतिमाः पतन्तोमहा गुह उस्त्संग तलैः ध्रियन्ते ॥४-२८-५०॥
Shighra pravega vipulah prapatanirdhauta shringa upatala girinam
Mukta kalapa pratimah patantomaha guha ustsanga talaih dhriyante
28.51
सुरताम् अर्द विच्छिन्नाः स्वर्ग स्त्री हार मौक्तिकाः ।
पतन्ति च अतुलाः दिक्षु तोय धाराः समन्ततः ॥४-२८-५१॥
Suratam arda vichchhinnah svarga stri hara mauktikah
Patanti cha atulah dikshu toya dharah samantatah
28.52
विलीयमानैः विहगैः निमीलद्भिः च पंकजैः ।
विकसन्त्या च मालत्या गतो अस्तम् ज्ञायते रविः ॥४-२८-५२॥
Viliyamanaih vihagaih nimiladbhih cha pankajaih
Vikasantya cha malatya gato astam gyayate ravih
28.53
वृत्ता यात्रा नरेन्द्राणाम् सेना पथि एव वर्तते ।
वैराणि चैव मार्गाः च सलिलेन समीकृताः ॥४-२८-५३॥
Vritta yatra narendranam sena pathi eva vartate
Vairani chaiva margah cha salilena samikritah
28.54
मासि प्रौष्ठपदे ब्रह्म ब्राह्मणानाम् विवक्षताम् ।
अयम् अध्याय समयः सामगानाम् उपस्थितः ॥४-२८-५४॥
Masi praushthapade brahma brahmananam vivakshatam
Ayam adhyaya samayah samaganam upasthitah
28.55
निवृत्त कर्म आयतनो नूनम् संचित संचयः ।
आषाढीम् अभ्युपगतो भरतः कोसल अधिपः ॥४-२८-५५॥
Nivritta karma ayatano nunam sanchita sanchayah
Ashadhim abhyupagato bharatah kosala adhipah
28.56
नूनम् आपूर्यमाणायाः सरय्वा वधते रयः ।
माम् समीक्ष्य समायान्तम् अयोध्याया इव स्वनः ॥४-२८-५६॥
Nunam apuryamanayah sarayva vadhate rayah
Mam samikshya samayantam ayodhyaya iva svanah
28.57
इमाः स्फीत गुणा वर्षाः सुग्रीवः सुखम् अश्नुते ।
विजित अरिः स दारः च राज्ये महति च स्थितः ॥४-२८-५७॥
Imah sphita guna varshah sugrivah sukham ashnute
Vijita arih sa darah cha rajye mahati cha sthitah
28.58
अहम् तु हृत दारः च राज्यात् च महतः च्युतः ।
नदी कूलम् इव क्लिन्नम् अवसीदामि लक्ष्मण ॥४-२८-५८॥
Aham tu hrita darah cha rajyat cha mahatah chyutah
Nadi kulam iva klinnam avasidami lakshmana
28.59
शोकः च मम विस्तीर्णो वर्षाः च भृश दुर्गमाः ।
रावणः च महान् शत्रुः अपारम् प्रतिभाति मे ॥४-२८-५९॥
Shokah cha mama vistirno varshah cha bhrisha durgamah
Ravanah cha mahan shatruh aparam pratibhati me
28.60
अयात्राम् चैव दृष्ट्वा इमाम् मार्गाम् च भृश दुर्गमान् ।
प्रणते चैव सुग्रीवे न मया किंचित् ईरितम् ॥४-२८-६०॥
Ayatram chaiva drishtva imam margam cha bhrisha durgaman
Pranate chaiva sugrive na maya kinchit iritam
28.61
अपि च अति परिक्लिष्टम् चिरात् दारैः समागतम् ।
आत्म कार्य गरीयस्त्वात् वक्तुम् न इच्छामि वानरम् ॥४-२८-६१॥
Api cha ati pariklishtam chirat daraih samagatam
Atma karya gariyastvat vaktum na ichchhami vanaram
28.62
स्वयम् एव हि विश्रम्य ज्ञात्वा कालम् उपागतम् ।
उपकारम् च सुग्रीवो वेत्स्यते न अत्र संशयः ॥४-२८-६२॥
Svayam eva hi vishramya gyatva kalam upagatam
Upakaram cha sugrivo vetsyate na atra sanshayah
28.63
तस्मात् काल प्रतीक्षो अहम् स्थितो अस्मि शुभ लक्षण ।
सुग्रीवस्य नदीनाम् च प्रसादम् अभिकांक्षयन् ॥४-२८-६३॥
Tasmat kala pratiksho aham sthito asmi shubha lakshana
Sugrivasya nadinam cha prasadam abhikankshayan
28.64
उपकारेण वीरो हि प्रतिकारेण युज्यते ।
अकृतज्ञो अप्रतिकृतो हन्ति सत्त्ववताम् मनः ॥४-२८-६४॥
Upakarena viro hi pratikarena yujyate
Akritagyo apratikrito hanti sattvavatam manah
28.65
अथ एवम् उक्तः प्रणिधाय लक्ष्मणःकृत अंजलिः तत् प्रतिपूज्य भाषितम् ।
उवाच रामम् स्वभिराम दर्शनम्प्रदर्शयन् दर्शनम् आत्मनः शुभम् ॥४-२८-६५॥
Atha evam uktah pranidhaya lakshmanahkrita anjalih tat pratipujya bhashitam
Uvacha ramam svabhirama darshanampradarshayan darshanam atmanah shubham
28.66
यत् उक्तम् एतत् तव सर्वम् ईप्सितम्नर इन्द्र कर्ता नचिरा हरि ईश्वरः ।
शरत् प्रतीक्षः क्षमताम् इमम् भवान्जल प्रपातम् रिपु निग्रहे धृतः ॥४-२८-६६॥
Yat uktam etat tava sarvam ipsitamnara indra karta nachira hari ishvarah
Sharat pratikshah kshamatam imam bhavanjala prapatam ripu nigrahe dhritah