Utshovসর্গ 25
25.1
স সুগ্রীবম্ চ তারাম্ চ স অংগদাম্ সহ লক্ষ্মণঃ ।
সমান শোকঃ কাকুত্স্থঃ সাংত্বয়ন্ ইদম্ অব্রবীৎ ॥৪-২৫-১॥
25.2
ন শোক পরিতাপেন শ্রেয়সা যুজ্যতে মৃতঃ ।
যদ্ অত্র অনংতরম্ কার্যম্ তৎ সমাধাতুম্ অর্হথ ॥৪-২৫-২॥
25.3
লোক বৃত্তম্ অনুষ্ঠেয়ম্ কৃতম্ বো বাষ্প মোক্ষণম্ ।
ন কালাদ্ উত্তরম্ কিংচিৎ কর্ম শক্যম্ উপাসিতুম্ ॥৪-২৫-৩॥
25.4
নিয়তিঃ কারণম্ লোকে নিয়তিঃ কর্ম সাধনম্ ।
নিয়তিঃ সর্ব ভূতানাম্ নিয়োগেষু ইহ কারণম্ ॥৪-২৫-৪॥
25.5
ন কর্তা কস্যচিৎ কশ্চিৎ নিয়োগে চ অপি ন ঈশ্বরঃ ।
স্বভাবে বর্ততে লোকঃ তস্য কালঃ পরায়ণম্ ॥৪-২৫-৫॥
25.6
ন কালঃ কালম্ অত্যেতি ন কালঃ পরিহীয়তে ।
স্বভাবম্ চ সমাসাদ্য ন কশ্চিৎ অতিবর্ততে ॥৪-২৫-৬॥
25.7
ন কালস্য অস্তি বংধুত্বম্ ন হেতুর্ ন পরাক্রমঃ ।
ন মিত্র জ্ঞাতি সংবন্ধঃ কারণম্ ন আত্মনো বশঃ ॥৪-২৫-৭॥
25.8
কিম্ তু কাল পরীণামো দ্রষ্টব্যঃ সাধু পশ্যতা ।
ধর্মঃ চ অর্থঃ চ কামঃ চ কালক্রম সমাহিতাঃ ॥৪-২৫-৮॥
25.9
ইতঃ স্বাম্ প্রকৃতিম্ বালী গতঃ প্রাপ্তঃ ক্রিয়া ফলম্ ।
সাম দান অর্থ সংয়োগৈঃ পবিত্রম্ প্লবগ ঈশ্বর ॥৪-২৫-৯॥
25.10
স্ব ধর্মস্য চ সংয়োগাৎ জিতঃ তেন মহাত্মনা ।
স্বর্গঃ পরিগৃহীতঃ চ প্রাণান্ অপরিরক্ষতা ॥৪-২৫-১০॥
25.11
এষা বৈ নিয়তিঃ শ্রেষ্ঠা যাম্ গতো হরি যূথপঃ ।
তৎ অলম্ পরিতাপেন প্রাপ্ত কালম্ উপাস্যতাম্ ॥৪-২৫-১১॥
25.12
বচন অন্তে তু রামস্য লক্ষ্মণঃ পর বীর হা ।
অবদৎ প্রশ্রিতম্ বাক্যম্ সুগ্রীবম্ গত চেতসম্ ॥৪-২৫-১২॥
25.13
কুরু ত্বম্ অস্য সুগ্রীব প্রেত কার্যম্ অনংতরম্ ।
তারা অংগদাভ্যাম্ সহিতো বালিনো দহনম্ প্রতি ॥৪-২৫-১৩॥
25.14
সমাজ্ঞাপয় কাষ্ঠানি শুষ্কাণি চ বহূনি চ ।
চন্দনানি চ দিব্যানি বালি সংস্কার কারণাৎ ॥৪-২৫-১৪॥
25.15
সমাশ্বাসয় দীনম্ ত্বম্ অংগদম্ দীন চেতসম্ ।
মা ভূঃ বালিশ বুদ্ধিঃ ত্বম্ ত্বৎ অধীনম্ ইদম্ পুরম্ ॥৪-২৫-১৫॥
25.16
অংগদঃ তু আনয়েৎ মাল্যম্ বস্ত্রাণি বিবিধানি চ ।
ঘৃতম্ তৈলম্ অথো গন্ধান্ যৎ চ অত্র সমনংতরম্ ॥৪-২৫-১৬॥
25.17
ত্বম্ তার শিবিকাম্ শীঘ্রম্ আদায় আগচ্ছ সংভ্রমাৎ ।
ত্বরা গুণবতী যুক্তা হি অস্মিন্ কালে বিশেষতঃ ॥৪-২৫-১৭॥
25.18
সজ্জী ভবন্তু প্লবগাঃ শিবিক বাহন উচিতাঃ ।
সমর্থা বলিনঃ চৈব নির্হরিষ্যন্তি বালিনম্ ॥৪-২৫-১৮॥
25.19
এবম্ উক্ত্বা তু সুগ্রীবম্ সুমিত্র আনন্দ বর্ধনঃ ।
তস্থৌ ভ্রাতৃ সমীপস্থো লক্ষ্মণঃ পর বীরহা ॥৪-২৫-১৯॥
25.20
লক্ষ্মণস্য বচঃ শ্রুত্বা তারঃ সংভ্রান্ত মানসঃ ।
প্রবিবেশ গুহাম্ শীঘ্রম্ শিবিকা আসক্ত মানসঃ ॥৪-২৫-২০॥
25.21
আদায় শিবিকাম্ তারঃ স তু পর্যাপয়ৎ পুনঃ ।
বানরৈঃ উহ্যমানাম্ তাম্ শূরৈঃ উদ্বহন উচিতৈঃ ॥৪-২৫-২১॥
25.22
দিব্যাম্ ভদ্র আসন যুতাম্ শিবিকাম্ স্যংদন উপমম্ ।
পক্ষি কর্মভিঃ আচিত্রাম্ দ্রুম কর্ম বিভূষিতাম্ ॥৪-২৫-২২॥
25.23
অচিতাম্ চিত্র পত্তীভিঃ সুনিবিষ্টাম্ সমংততঃ ।
বিমানম্ ইব সিদ্ধানাম্ জাল বাত আয়ান আয়ুতাম্ ॥৪-২৫-২৩॥
25.24
সুনিয়ুক্তানাম্ বিশালাম্ চ সুকৃতাম্ শিল্পিভিঃ কৃতাৎ ।
দারু পর্বতকোপেতাম্ চারু কর্ম পরিষ্কৃতাম্ ॥৪-২৫-২৪॥
25.25
বর আভরণ হারৈঃ চ চিত্র মাল্য উপশোভিতাম্ ।
গুহাগহন সংচ্ছন্নাম্ রক্ত চন্দন ভূষিতাম্ ॥৪-২৫-২৫॥
25.26
পুষ্প ওঘৈঃ সমভিচ্ছন্নাম্ পদ্ম মালাভিঃ এব চ ।
তরুণ আদিত্য বর্ণাভিঃ ভ্রাজমানভিঃ আবৃতাম্ ॥৪-২৫-২৬॥
25.27
ঈদৃশী শিবিকাম্ দৃষ্ট্বা রমো লক্ষ্মণম্ অব্রবীৎ ।
ক্ষিপ্রম্ বিনীয়তাম্ বলী প্রেত কার্যম্ বিধীয়তাম্ ॥৪-২৫-২৭॥
25.28
ততো বালিনম্ উদ্যম্য সুগ্রীবঃ শিবিকাম্ তদা ।
আরোপয়ত বিক্রোশন্ অংগদেন সহ এব তু ॥৪-২৫-২৮॥
25.29
আরোপ্য শিবিকাম্ চৈব বালিনম্ গত জীবিতম্ ।
অলংকারৈঃ চ বিবিধৈঃ মাল্যৈঃ বস্ত্রৈঃ চ ভূষিতম্ ॥৪-২৫-২৯॥
25.30
আজ্ঞাপয়ৎ তদা রাজা সুগ্রীবঃ প্লবগ ঈশ্বরঃ ।
ঔর্ধ্ব দেহিকম্ আর্যস্য ক্রিয়তাম্ অনুরূপতঃ ॥৪-২৫-৩০॥
25.31
বিশ্রাণয়ন্তো রত্নানি বিবিধানি বহূনি চ ।
অগ্রতঃ প্লবগা যান্তু শিবিকা তদ্ অনংতরম্ ॥৪-২৫-৩১॥
25.32
রাজ্ঞাম্ ঋদ্ধি বিশেষা হি দৃশ্যন্তে ভুবি যাদৃশাঃ ।
তাদৃশৈঃ ইহ কুর্বন্তু বানরা ভ্রতৃউ সৎ ক্রিয়াম্ ॥৪-২৫-৩২॥
25.33
তাদৃশম্ বালিনঃ ক্ষিপ্রম্ প্রাকুর্বন্ ঔর্ধ্বদৈহিকম্ ।
অংগদম্ পরিরভ্য আশু তার প্রভৃতয়ঃ তথা ॥৪-২৫-৩৩॥
25.34
ক্রোশন্তঃ প্রয়য়ুঃ সর্বে বানরা হত বান্ধবাঃ ।
ততঃ প্রণিহিতাঃ সর্বা বানর্যো অস্য বশানুগাঃ ॥৪-২৫-৩৪॥
25.35
চুক্রুশুঃ বীর বীর ইতি ভূয়ঃ ক্রোশন্তী তাঃ প্রিয়ম্ ।
তারা প্রভৃতয়ঃ সর্বা বানর্যো হত বান্ধব ॥৪-২৫-৩৫॥
25.36
অনুজগ্মুঃ চ ভর্তারম্ ক্রোশংত্যঃ করুণ স্বনাঃ ।
তাসাম্ রুদিত শব্দেন বানরীণাম্ বন অংতরে ॥৪-২৫-৩৬॥
25.37
বনানি গিরয়ঃ চৈব বিক্রোশংতি ইব সর্বতঃ ।
পুলিনে গিরি নদ্যাঃ তু বিবিক্তে জল সংবৃতে ॥৪-২৫-৩৭॥
25.38
চিতাম্ চক্রুঃ সুবহবো বানরা বন চারিণঃ ।
অবরোপ্য ততঃ স্কংধাৎ শিবিকাম্ বানরোত্তমাঃ ॥৪-২৫-৩৮॥
25.39
তস্থুঃ একাংতম্ আশ্রিত্য সর্বে শোক পরায়ণাঃ ।
ততঃ তারা পতিম্ দৃষ্ট্বা শিবিকা তল শায়িনম্ ॥৪-২৫-৩৯॥
25.40
আরোপ্য অংকে শিরঃ তস্য বিললাপ সুদুঃখিতা ।
হা বানর মহারাজ হা নাথ মাম্ বত্সল ॥৪-২৫-৪০॥
25.41
হা মহার্হঃ মহাবাহো হা মম প্রিয় পশ্য মাম্ ।
জনম্ ন পশ্যসি ইমম্ ত্বম্ কস্মাৎ শোক অভিপীডিতম্ ॥৪-২৫-৪১॥
25.42
প্রহৃষ্টম্ ইহ তে বক্ত্রম্ গত অসোঃ অপি মানদ ।
অস্ত অর্ক সম বর্ণম্ চ দৃশ্যতে জীবতো যথা ॥৪-২৫-৪২॥
25.43
এষ ত্বাম্ রাম রূপেণ কালঃ কর্ষতি বানর ।
যেন স্ম বিধবাঃ সর্বাঃ কৃতা এক ইষুণা রণে ॥৪-২৫-৪৩॥
25.44
ইমাঃ তাঃ তব রাজেন্দ্র বানর্যো অপ্লবগাঃ তব।
পাদৈঃ বিকৃষ্টম্ অধ্বানম্ আগতাঃ কিম্ ন বুধ্যসে ॥৪-২৫-৪৪॥
25.45
তব ইষ্টা ননু চৈব ইমা ভার্যাঃ চন্দ্র নিভ আননাঃ ।
ইদানীম্ ন ঈক্ষসে কস্মাৎ সুগ্রীবম্ প্লবগ ঈশ্বরম্ ॥৪-২৫-৪৫॥
25.46
এতে হি সচিবা রাজন্ তার প্রভৃতয়ঃ তব ।
পুর বাসি জনঃ চ অয়ম্ পরিবার্য বিষীদতি ॥৪-২৫-৪৬॥
25.47
বিসর্জয় এনান্ সচিবান্ যথা উচিতম্ অরিন্দম ।
ততঃ ক্রীডামহে সর্বা বনেষু মদনোত্কটাঃ ॥৪-২৫-৪৭॥
25.48
এবম্ বিলপতীম্ তারাম্ পতি শোক পরীবৃতাম্ ।
উত্থাপয়ন্তি স্ম তদা বানর্যঃ শোক কর্শিতাঃ ॥৪-২৫-৪৮॥
25.49
সুগ্রীবেণ ততঃ সার্ধম্ অংগদঃ পিতরম্ রুদন্ ।
চিতাম্ আরোপয়ামাস শোকেন অভিপ্লুত ইন্দ্রিয়ঃ ॥৪-২৫-৪৯॥
25.50
ততো অগ্নিম্ বিধিবৎ দত্ত্বা সো অপসব্যম্ চকার হ ।
পিতরম্ দীর্ঘম্ অধ্বানম্ প্রস্থিতম্ ব্যাকুল ইন্দ্রিয়ঃ ॥৪-২৫-৫০॥
25.51
সংস্কৃত্য বালিনম্ তম্ তু বিধিবৎ প্লবগর্ষভাঃ ।
আজগ্মুঃ উদকম্ কর্তুম্ নদীম্ শুভ জলাম্ শিবাম্ ॥৪-২৫-৫১॥
25.52
ততঃ তে সহিতাঃ তত্র হি সঃ অংগদম্ স্থাপ্য চ অগ্রতঃ ।
সুগ্রীব তারা সহিতাঃ সিষিচুঃ বানরা জলম্ ॥৪-২৫-৫২॥
25.53
সুগ্রীবেণ এব দীনেন দীনো ভূত্বা মহাবলঃ ।
সমান শোকঃ কাকুত্স্থঃ প্রেত কার্যাণি অকারয়ৎ ॥৪-২৫-৫৩॥
25.54
ততো অথ তম্ বালিনম্ অগ্র্য পৌরুষম্প্রকাশম্ ইক্ষ্বাকু বর ইষুণা হতম্ ।
প্রদীপ্য দীপ্ত অগ্নি সম ওজসম্ তদাস লক্ষ্মণম্ রামম্ উপেয়বান্ হরিঃ ॥৪-২৫-৫৪॥