সর্গ 58

58.1

স দৃষ্ট্বা লক্ষ্মণম্ দীনম্ শূন্যম্ দশরথ আত্মজঃ ।
পর্যপৃচ্ছত ধর্মাঅত্মা বৈদেহীম্ আগতম্ বিনা ॥৩-৫৮-১॥

প্রস্থিতম্ দণ্ডক অরণ্যম্ যা মাম্ অনুজগাম হ ।
ক্ব সা লক্ষ্মণ বৈদেহী যাম্ হিত্বা ত্বম্ ইহ আগতঃ ॥৩-৫৮-২॥

রাজ্য ভ্রষ্টস্য দীনস্য দণ্ডকান্ পরিধাবতঃ ।
ক্ব সা দুঃখ সহায়া মে বৈদেহী তনু মধ্যমা ॥৩-৫৮-৩॥

যাম্ বিনা ন উত্সহে বীর মুহূর্তম্ অপি জীবিতুম্ ।
ক্ব সা প্রাণ সহায়া মে সীতা সুর সুত উপমা ॥৩-৫৮-৪॥

পতিত্বম্ অমরাণাম্ বা পৃথিব্যাঃ চ অপি লক্ষ্মণ ।
বিনা তাম্ তপনীয় আভাম্ ন ইচ্ছেয়ম্ জনক আত্মজাম্ ॥৩-৫৮-৫॥

কচ্চিৎ জীবতি বৈদেহী প্রাণৈঃ প্রিয়তরা মম ।
কচ্চিৎ প্রব্রাজনম্ বীর ন মে মিথ্যা ভবিষ্যতি ॥৩-৫৮-৬॥

সীতা নিমিত্তম্ সৌমিত্রে মৃতে ময়ি গতে ত্বয়ি ।
কচ্চিৎ স কামা সুখিতা কৈকেয়ী সা ভবিষ্যতি ॥৩-৫৮-৭॥

স পুত্র রাজ্যাম্ সিদ্ধ অর্থাম্ মৃত পুত্রা তপস্বিনী ।
উপস্থাস্যতি কৌসল্যা কচ্চিৎ সৌম্যেন - সৌম্য ন - কৈকয়ীম্ ॥৩-৫৮-৮॥

যদি জীবতি বৈদেহী গমিষ্যাম্য্ আশ্রমম্ পুনঃ ।
সুবৃত্তা যদি বৃত্তা সা প্রাণান্ ত্যক্ষ্যামি লক্ষ্মণ ॥৩-৫৮-৯॥

যদি মাম্ আশ্রম গতম্ বৈদেহী ন অভিভাষতে ।
পুনঃ প্রহসিতা সীতা বিনশিষ্যামি লক্ষ্মণ ॥৩-৫৮-১০॥

ব্রূহি লক্ষ্মণ বৈদেহী যদি জীবতি বা ন বা ।
ত্বয়ি প্রমত্তে রক্ষোভিঃ ভক্ষিতা বা তপস্বিনী ॥৩-৫৮-১১॥

সুকুমারী চ বালা চ নিত্যম্ চ অদুঃখ দর্শিনী ।
মৎ বিয়োগেন বৈদেহী ব্যক্তম্ শোচতি দুর্মনাঃ ॥৩-৫৮-১২॥

সর্বথা রক্ষসা তেন জিহ্মেন সুদুরাত্মনা ।
বদতা লক্ষ্মণ ইতি উচ্Cঐঃ তব অপি জনিতম্ ভয়ম্ ॥৩-৫৮-১৩॥

শ্রুতঃ চ মন্যে বৈদেহ্যা স স্বরঃ সদৃশো মম ।
ত্রস্তয়া প্রেষিতঃ ত্বম্ চ দ্রষ্টুম্ মাম্ শীঘ্রম্ আগতঃ ॥৩-৫৮-১৪॥

সর্বথা তু কৃতম্ কষ্টম্ সীতাম্ উত্সৃজতা বনে ।
প্রতিকর্তুম্ নৃশংসানাম্ রক্ষসাম্ দত্তম্ অন্তরম্ ॥৩-৫৮-১৫॥

দুঃখিতাঃ খর ঘাতেন রাক্ষসাঃ পিশিত অশনাঃ ।
তৈঃ সীতা নিহতা ঘোরৈঃ ভবিষ্যতি ন সংশয়ঃ ॥৩-৫৮-১৬॥

অহো অস্মি ব্যসনে মগ্নঃ সর্বথা রিপু নাশন ।
কিম্ তু ইদানীম্ করিষ্যামি শংকে প্রাপ্তব্যম্ ঈদৃশম্ ॥৩-৫৮-১৭॥

ইতি সীতাম্ বরারোহাম্ চিংতয়ন্ এব রাঘবঃ ।
আজগাম জন স্থানম্ ত্বরয়া সহ লক্ষ্মণঃ ॥৩-৫৮-১৮॥

বিগর্হমাণো অনুজম্ আর্ত রূপম্ক্ষুধা শ্রমেণ এব পিপাসয়া চ ।
বিনিঃশ্বসন্ শুষ্ক মুখো বিষণ্ণঃপ্রতিশ্রয়ম্ প্রাপ্য সমীক্ষ্য শূন্যম্ ॥৩-৫৮-১৯॥

স্বম্ আশ্রমম্ স প্রবিগাহ্য বীরোবিহার দেশান্ অনুসৃত্য কাংশ্চিৎ ।
এতৎ তৎ ইতি এব নিবাস ভূমৌপ্রহৃষ্ট রোমা ব্যথিতো বভূব ॥৩-৫৮-২০॥