Utshovসর্গ 59
59.1
অথ আশ্রমাৎ উপাবৃত্তম্ অংতরা রঘুনংদনঃ ।
পরিপপ্রচ্ছ সৌমিত্রিম্ রামো দুঃখ অর্দিতঃ পুনঃ ॥৩-৫৯-১॥
59.2
তম্ উবাচ কিম্ অর্থম্ ত্বম্ আগতো অপাস্য মৈথিলীম্ ।
যদা সা তব বিশ্বাসাৎ বনে বিহরিতা ময়া ॥৩-৫৯-২॥
59.3
দৃষ্ট্বা এব অভ্যাগতম্ ত্বাম্ মে মৈথিলীম্ ত্যজ্য লক্ষ্মণ ।
শংকমানম্ মহৎ পাপম্ যৎ সত্যম্ ব্যথিতম্ মনঃ ॥৩-৫৯-৩॥
59.4
স্ফুরতে নয়নম্ সব্যম্ বাহুঃ চ হৃদয়ম্ চ মে ।
দৃষ্ট্বা লক্ষ্মণ দূরে ত্বাম্ সীতা বিরহিতম্ পথি ॥৩-৫৯-৪॥
59.5
এবম্ উক্তঃ তু সৌমিত্রিঃ লক্ষ্মণঃ শুভ লক্ষণঃ ।
ভূয়ো দুঃখ সংআবিষ্টো দুঃখিতম্ রামম্ অব্রবী ॥৩-৫৯-৫॥
59.6
ন স্বয়ম্ কাম কারেণ তাম্ ত্যক্ত্বা অহম্ ইহ আগতঃ ।
প্রচোদিতস্তয়ৈবোগ্রৈত্বত্সকাশমিহাঅগতঃ - যদ্বা -প্রচোদিতঃ তয়া এব উগ্রৈঃ ত্বৎ সকাশম্ ইহ আগতঃ ॥৩-৫৯-৬॥
59.7
আর্যেণ এব পরিক্রুষ্টম্ - পরাক্রুষ্টম্ - হা সীতে লক্ষ্মণ ইতি চ ।
পরিত্রাহি ইতি যৎ বাক্যম্ মৈথিল্যাঃ তৎ শ্রুতিম্ গতম্ ॥৩-৫৯-৭॥
59.8
সা তম্ আর্ত স্বরম্ শ্রুত্বা তব স্নেহেন মৈথিলী ।
গচ্ছ গচ্ছ ইতি মাম্ আহ রুদন্তী ভয় - বিক্লবা - বিহ্বলা ॥৩-৫৯-৮॥
59.9
প্রচোদ্যমানেন ময়া গচ্ছ ইতি বহুশঃ তয়া ।
প্রত্যুক্তা মৈথিলী বাক্যম্ ইদম্ তৎ প্রত্যয় অন্বিতম্ ॥৩-৫৯-৯॥
59.10
ন তৎ পশ্যামি অহম্ রক্ষো যৎ অস্য ভয়ম্ আবহেৎ ।
নির্বৃতা ভব ন অস্তি এতৎ কেন অপি এবম্ উদাহৃতম্ ॥৩-৫৯-১০॥
59.11
বিগর্হিতম্ চ নীচম্ চ কথম্ আর্যো অভিধাস্যতি ।
ত্রাহি ইতি বচনম্ সীতে যঃ ত্রায়েৎ ত্রিদশান্ অপি ॥৩-৫৯-১১॥
59.12
কিম্ নিমিত্তম্ তু কেন অপি ভ্রাতুঃ আলংব্য মে স্বরম্ ।
বিস্বরম্ ব্যাহৃতম্ বাক্যম্ লক্ষ্মণ ত্রাহি মাম্ ইতি ॥৩-৫৯-১২॥
59.13
রাক্ষসেন ঈরিতম্ বাক্যম্ ত্রসাৎ ত্রাহি ইতি শোভনে ।
ন ভবত্যা ব্যথা কার্যা কুনারী জন সেবিতা ॥৩-৫৯-১৩॥
59.14
অলম্ বৈক্লবতাম্ গংতুম্ স্বস্থা ভব নির্ উত্সুকা ।
ন চ অস্তি ত্রিষু লোকেষু পুমান্ যো রাঘবম্ রণে ॥৩-৫৯-১৪॥
59.15
জাতো বা জায়মানো বা সংয়ুগে যঃ পরাজয়েৎ ।
অজেয়ো রাঘবো যুদ্ধে দেবৈঃ শক্র পুরোগমৈঃ ॥৩-৫৯-১৫॥
59.16
এবম্ উক্তা তু বৈদেহী পরিমোহিত চেতনা ।
উবাচ অশ্রূণি মুংচন্তী দারুণম্ মাম্ ইদম্ বচঃ ॥৩-৫৯-১৬॥
59.17
ভাবো ময়ি তব অত্যর্থম্ পাপ এব নিবেশিতঃ ।
বিনষ্টে ভ্রাতরি প্রাপ্তুম্ ন চ ত্বম্ মাম্ অবাপ্স্যসি ॥৩-৫৯-১৭॥
59.18
সংকেতাৎ ভরতেন ত্বম্ রামম্ সমনুগচ্ছসি ।
ক্রোশন্তম্ হি যথা অত্যর্থম্ ন এনম্ অভ্যবপদ্যসে ॥৩-৫৯-১৮॥
59.19
রিপুঃ প্রচ্ছন্ন চারী ত্বম্ মৎ অর্থম্ অনুগচ্ছসি ।
রাঘবস্য অন্তর প্রেপ্সুঃ তথা এনম্ ন অভিপদ্যসে ॥৩-৫৯-১৯॥
59.20
এবম্ উক্তো হি বৈদেহ্যা সংরব্ধো রক্ত লোচনঃ ।
ক্রোধাৎ প্রস্ফুরমাণ ওষ্ঠ আশ্রমাৎ অভিনির্গতঃ ॥৩-৫৯-২০॥
59.21
এবম্ ব্রুবাণম্ সৌমিত্রিম্ রামঃ সংতাপ মোহিতঃ ।
অব্রবীৎ দুষ্কৃতম্ সৌম্য তাম্ বিনা যৎ ত্বম্ আগতঃ ॥৩-৫৯-২১॥
59.22
জানন্ অপি সমর্থম্ মাম্ রক্ষসাম্ অপবারণে ।
অনেন ক্রোধ বাক্যেন মৈথিল্যা নির্গতো ভবান্ ॥৩-৫৯-২২॥
59.23
ন হি তে পরিতুষ্যামি ত্যক্ত্বা যৎ যাসি মৈথিলীম্ ।
ক্রুদ্ধায়াঃ পরুষম্ শ্রুত্বা স্ত্রিয়া যৎ ত্বম্ ইহ আগতঃ ॥৩-৫৯-২৩॥
59.24
সর্বথা তু অপনীতম্ তে সীতয়া যৎ প্রচোদিতঃ ।
ক্রোধস্য বশম্ আগম্য ন অকরোঃ শাসনম্ মম ॥৩-৫৯-২৪॥
59.25
অসৌ হি রাক্ষসঃ শেতে শরেণ অভিহতো ময়া ।
মৃগ রূপেণ যেন অহম্ আশ্রমাৎ অপবাহিতঃ ॥৩-৫৯-২৫॥
59.26
বিকৃষ্য চাপম্ পরিধায় সায়কম্স লীল বাণেন চ তাডিতো ময়া ।
মার্গীম্ তনুম্ ত্যজ্য চ বিক্লব স্বরোবভূব কেয়ূর ধরঃ স রাক্ষসঃ ॥৩-৫৯-২৬॥
59.27
শর আহতেন এব তদা আর্তয়া গিরাস্বরম্ মম আলংব্য সু দূর সু শ্রবম্ ।
উদাহৃতম্ তৎ বচনম্ সু দারুণম্ত্বম্ আগতো যেন বিহায় মৈথিলীম্ ॥৩-৫৯-২৭॥