Utshovসর্গ 60
60.1
ভৃশম্ আব্রজমানস্য তস্য অধো বাম লোচনম্ ।
প্রাস্ফুরৎ চ অস্খলৎ রামো বেপথুঃ চ অস্য জায়তে ॥৩-৬০-১॥
60.2
উপালক্ষ্য নিমিত্তানি সো অশুভানি মুহুর্ মুহুঃ ।
অপি ক্ষেমম্ তু সীতায়া ইতি বৈ ব্যাজহার হ ॥৩-৬০-২॥
60.3
ত্বরমাণো জগাম অথ সীতা দর্শন লালসঃ ।
শূন্যম্ আবসথম্ দৃষ্ট্বা বভূব উদ্বিগ্ন মানসঃ ॥৩-৬০-৩॥
60.4
উদ্ ভ্রমন্ ইব বেগেন বিক্ষিপন্ রঘু নন্দনঃ ।
তত্র তত্র উটজ স্থানম্ অভিবীক্ষ্য সমংততঃ ॥৩-৬০-৪॥
60.5
দদর্শ পর্ণ শালাম্ চ সীতয়া রহিতাম্ তদা ।
শ্রিয়া বিরহিতাম্ ধ্বস্তাম্ হেমন্তে পদ্মিনীম্ ইব ॥৩-৬০-৫॥
60.6
রুদন্তম্ ইব বৃক্ষৈঃ চ গ্লান পুষ্প মৃগ দ্বিজম্ ।
শ্রিয়া বিহীনম্ বিধ্বস্তম্ সংত্যক্ত বন দৈবতৈঃ ॥৩-৬০-৬॥
60.7
বিপ্রকীর্ণ অজিন কুশম্ বিপ্রবিদ্ধ বৃসী কটম্ ।
দৃষ্ট্বা শূন্য উটজ স্থানম্ বিললাপ পুনঃ পুনঃ ॥৩-৬০-৭॥
60.8
হৃতা মৃতা বা নষ্টা বা ভক্ষিতা বা ভবিষ্যতি ।
নিলীনা অপি অথবা ভীরুঃ অথবা বনম্ আশ্রিতা ॥৩-৬০-৮॥
60.9
গতা বিচেতুম্ পুষ্পাণি ফলানি অপি চ বা পুনঃ ।
অথবা পদ্মিনীম্ যাতা জল অর্থম্ বা নদীম্ গতা ॥৩-৬০-৯॥
60.10
যত্নাৎ মৃগয়মাণঃ তু ন আসসাদ বনে প্রিয়াম্ ।
শোক রক্ত ঈক্ষণঃ শ্রীমান্ উন্মত্ত ইব লক্ষ্যতে ॥৩-৬০-১০॥
60.11
বৃক্ষাৎ বৃক্ষম্ প্রধাবন্ স গিরীম্ চ অপি নদী নদম্ ।
বভ্রাম বিলপন্ রামঃ শোক পংক অর্ণব প্লুতঃ ॥৩-৬০-১১॥
60.12
অস্তি কচ্চিৎ ত্বয়া দৃষ্টা সা কদম্ব প্রিয়া প্রিয়া ।
কদম্ব যদি জানীষে শংস সীতাম্ শুভ আননাম্ ॥৩-৬০-১২॥
60.13
স্নিগ্ধ পল্লব সংকাশাম্ পীত কৌশেয় বাসিনীম্ ।
শংসস্ব যদি সা দৃষ্টা বিল্ব বিল্ব উপম স্তনী ॥৩-৬০-১৩॥
60.14
অথবা অর্জুন শংস ত্বম্ প্রিয়াম্ তাম্ অর্জুন প্রিয়াম্ ।
জনকস্য সুতা তন্বী যদি জীবতি বা ন বা ॥৩-৬০-১৪॥
60.15
ককুভঃ ককুভ ঊরুম্ তাম্ ব্যক্তম্ জানাতি মৈথিলীম্ ।
লতা পল্লব পুষ্প আঢ্যো ভাতি হি এষ বনস্পতিঃ ॥৩-৬০-১৫॥
60.16
ভ্রমরৈর্ উপগীতঃ চ যথা দ্রুম বরো হি অসি ।
এষ ব্যক্তম্ বিজানাতি তিলকঃ তিলক প্রিয়াম্ ॥৩-৬০-১৬॥
60.17
অশোক শোক অপনুদ শোক উপহত চেতনম্ ।
ত্বন্ নামানম্ কুরু ক্ষিপ্রম্ প্রিয়া সংদর্শনেন মাম্ ॥৩-৬০-১৭॥
60.18
যদি তাল ত্বয়া দৃষ্টা পক্ব তাল ফল স্তনী ।
কথয়স্ব বরারোহাম্ কারুণ্যম্ যদি তে ময়ি ॥৩-৬০-১৮॥
60.19
যদি দৃষ্টা ত্বয়া সীতা জম্বো জাংবূনদ সম প্রভা ।
প্রিয়াম্ যদি বিজানাসি নিঃশংক কথয়স্ব মে ॥৩-৬০-১৯॥
60.20
অহো ত্বম্ কর্ণিকার অদ্য পুষ্পিতঃ শোভসে ভৃশম্ ।
কর্ণিকার প্রিয়াম্ সাধ্বীম্ শংস দৃষ্টা যদি প্রিয়া ॥৩-৬০-২০॥
60.21
চূত নীপ মহা সালান্ পনসান্ কুরবান্ ধবান্ ।
দাডিমান্ অপি তান্ গত্বা দৃষ্ট্বা রামো মহায়শাঃ ॥৩-৬০-২১॥
60.22
বকুলান্ অথ পুন্নাগান্ চ চংদনান্কেতকান্ তথা ।
পৃচ্ছন্ রামো বনে ভ্রান্ত উন্মত্ত ইব লক্ষ্যতে ॥৩-৬০-২২॥
60.23
অথবা মৃগ শাব অক্ষীম্ মৃগ জানাসি মৈথিলীম্ ।
মৃগ বিপ্রেক্ষণী কাংতা মৃগীভিঃ সহিতা ভবেৎ ॥৩-৬০-২৩॥
60.24
গজ সা গজ নাসোরুঃ যদি দৃষ্টা ত্বয়া ভবেৎ ।
তাম্ মন্যে বিদিতাম্ তুভ্যম্ আখ্যাহি বর বারণ ॥৩-৬০-২৪॥
60.25
শার্দূল যদি সা দৃষ্টা প্রিয়া চংদ্র নিভ আননা ।
মৈথিলী মম বিস্রব্ধম্ কথয়স্ব ন তে ভয়ম্ ॥৩-৬০-২৫॥
60.26
কিম্ ধাবসি প্রিয়ে নূনম্ দৃষ্টা অসি কমল ঈক্ষণে ।
বৃক্ষেণ আচ্চাদ্য চ আত্মানম্ কিম্ মাম্ ন প্রতিভাষসে ॥৩-৬০-২৬॥
60.27
তিষ্ঠ তিষ্ঠ বরারোহে ন তে অস্তি করুণা ময়ি ।
ন অত্যর্থম্ হাস্য শীলা অসি কিম্ অর্থম্ মাম্ উপেক্ষসে ॥৩-৬০-২৭॥
60.28
পীত কৌশেয়কেন অসি সূচিতা বর বর্ণিনি ।
ধাবন্তি অপি ময়া দৃষ্টা তিষ্ঠ যদি অস্তি সৌহৃদম্ ॥৩-৬০-২৮॥
60.29
ন এব সা নূনম্ অথবা হিংসিতা চারু হাসিনী ।
কৃচ্ছ্রম্ প্রাপ্তম্ ন মাম্ নূনম্ যথা উপেক্ষিতুম্ অর্হতি ॥৩-৬০-২৯॥
60.30
ব্যক্তম্ সা ভক্ষিতা বালা রাক্ষসৈঃ পিশিত অশনৈঃ ।
বিভজ্য অংগানি সর্বাণি ময়া বিরহিতা প্রিয়া ॥৩-৬০-৩০॥
60.31
নূনম্ তৎ শুভ দংত ওষ্ঠম্ সুনাসম্ শুভ কুণ্ডলম্ ।
পূর্ণ চংদ্র নিভম্ গ্রস্তম্ মুখম্ নিষ্প্রভতাম্ গতম্ ॥৩-৬০-৩১॥
60.32
সা হি চংপক বর্ণ আভা গ্রীবা গ্রৈবেয়ক উচিতা ।
কোমলা বিলপন্ত্যাঃ তু কান্তায়া ভক্ষিতা শুভা ॥৩-৬০-৩২॥
60.33
নূনম্ বিক্ষিপ্যমাণৌ তৌ বাহূ পল্লব কোমলৌ ।
ভক্ষিতৌ বেপমান অগ্রৌ স হস্ত আভরণ অংগদৌ ॥৩-৬০-৩৩॥
60.34
ময়া বিরহিতা বালা রক্ষসাম্ ভক্ষণায় বৈ ।
সার্থেন ইব পরিত্যক্তা ভক্ষিতা বহু বাংধবা ॥৩-৬০-৩৪॥
60.35
হা লক্ষ্মণ মহাবাহো পশ্যসে ত্বম্ প্রিয়াম্ ক্বচিৎ ।
হা প্রিয়ে ক্ব গতা ভদ্রে হা সীতে ইতি পুনঃ পুনঃ ॥৩-৬০-৩৫॥
60.36
ইতি এবম্ বিলপন্ রামঃ পরিধাবন্ বনাৎ বনম্ ।
ক্বচিৎ উদ্ ভ্রমতে বেগাৎ ক্বচিৎ বিভ্রমতে বলাৎ ॥৩-৬০-৩৬॥
60.37
ক্বচিৎ মত্ত ইব আভাতি কাংতা অন্বেষণ তত্পরঃ ।
স বনানি নদীঃ শৈলান্ গিরি প্রস্রবণানি চ ।কাননানি চ বেগেন ভ্রমতি অপরিসংস্থিতঃ ॥৩-৬০-৩৭॥
60.38
তদা স গত্বা বিপুলম্ মহৎ বনম্পরীত্য সর্বম্ তু অথ মৈথিলীম্ প্রতি ।
অনিষ্ঠিত আশঃ স চকার মার্গণেপুনঃ প্রিয়ায়াঃ পরমম্ পরিশ্রমম্ ॥৩-৬০-৩৮॥