Utshovসর্গ 61
61.1
দৃষ্ট্বা আশ্রম পদম্ শূন্যম্ রামো দশরথ আত্মজঃ।
রহিতাম্ পর্ণশালাম্ চ প্রবিদ্ধানি আসনানি চ ॥৩-৬১-১॥
61.2
অদৃষ্ট্বা তত্র বৈদেহীম্ সংনিরীক্ষ্য চ সর্বশঃ ।
উবাচ রামঃ প্রাক্রুশ্য প্রগৃহ্য রুচিরৌ ভুজৌ ॥৩-৬১-২॥
61.3
ক্ব নু লক্ষ্মণ বৈদেহী কম্ বা দেশম্ ইতো গতা ।
কেন আহৃতা বা সৌমিত্রে ভক্ষিতা কেন বা প্রিয়া ॥৩-৬১-৩॥
61.4
বৃক্ষেণ আবার্য যদি মাম্ সীতে হসিতুম্ ইচ্ছসি ।
অলম্ তে হসিতেন অদ্য মাম্ ভজস্ব সুদুঃখিতম্ ॥৩-৬১-৪॥
61.5
যৈঃ সহ ক্রীডসে সীতে বিশ্বস্তৈঃ মৃগ পোতকৈঃ ।
এতে হীনাঃ ত্বয়া সৌম্যে ধ্যায়ন্তি অস্র আবিল ঈক্ষণাঃ ॥৩-৬১-৫॥
61.6
সীতায়া রহিতো অহম্ বৈ ন হি জীবামি লক্ষ্মণ ।
বৃতম্ শোকেন মহতা সীতা হরণজেন মাম্ ॥৩-৬১-৬॥
61.7
পর লোকে মহারাজো নূনম্ দ্রক্ষ্যতি মে পিতা ।
কথম্ প্রতিজ্ঞাম্ সংশ্রুত্য ময়া ত্বম্ অভিয়োজিতঃ ॥৩-৬১-৭॥
61.8
অপূরয়িত্বা তম্ কালম্ মৎ সকাশম্ ইহ আগতঃ ।
কাম বৃত্তম্ অনার্যম্ মাম্ মৃষা বাদিনম্ এব চ ॥৩-৬১-৮॥
61.9
ধিক্ ত্বাম্ ইতি পরে লোকে ব্যক্তম্ বক্ষ্যতি মে পিতা ।
বিবশম্ শোক সংতপ্তম্ দীনম্ ভগ্ন মনোরথম্ ॥৩-৬১-৯॥
61.10
মাম্ ইহ উত্সৃজ্য করুণম্ কীর্তিঃ নরম্ ইব অন্ঋজুম্ ।
ক্ব গচ্চসি বরারোহে মা মোত্সৃজ্য - মা মা উত্সৃজ্য - সুমধ্যমে ॥৩-৬১-১০॥
61.11
ত্বয়া বিরহিতঃ চ অহম্ ত্যক্ষ্যে জীবিতম্ আত্মনঃ ।
ইতি ইব বিলপন্ রামঃ সীতা দর্শন লালসঃ ॥৩-৬১-১১॥
61.12
ন দদর্শ সুদুঃখ আর্তো রাঘবো জনক আত্মজাম্ ।
অনাসাদয়মানম্ তম্ সীতাম্ শোকপরায়ণম্ ॥৩-৬১-১২॥
61.13
পংকম্ আসাদ্য বিপুলম্ সীদন্তম্ ইব কুংজরম্ ।
লক্ষ্মণো রামম্ অত্যর্থম্ উবাচ হিত কাম্যয়া ॥৩-৬১-১৩॥
61.14
মা বিষাদম্ মহাবুদ্ধে কুরু যত্নম্ ময়া সহ ।
ইদম্ গিরি বরম্ বীর বহু কন্দর শোভিতম্ ॥৩-৬১-১৪॥
61.15
প্রিয় কানন সংচারা বন উন্মত্তা চ মৈথিলী ।
সা বনম্ বা প্রবিষ্টা স্যাৎ নলিনীম্ বা সুপুষ্পিতাম্ ॥৩-৬১-১৫॥
61.16
সরিতম্ বা অপি সংপ্রাপ্তা মীন বংজুল সেবিতাম্ ।
বিত্রাসয়িতু কামা বা লীনা স্যাৎ কাননে ক্বচিৎ ॥৩-৬১-১৬॥
61.17
জিজ্ঞাসমানা বৈদেহী ত্বাম্ মাম্ চ পুরুষর্ষভ ।
তস্যা হি অন্বেষণে শ্রীমন্ ক্ষিপ্রম্ এব যতাবহে ॥৩-৬১-১৭॥
61.18
বনম্ সর্বম্ বিচিনুবো যত্র সা জনক আত্মজা ।
মন্যসে যদি কাকুত্স্থ মা স্ম শোকে মনঃ কৃথাঃ ॥৩-৬১-১৮॥
61.19
এবম্ উক্তঃ তু সৌহার্দাৎ লক্ষ্মণেন সমাহিতঃ ।
সহ সৌমিত্রিণা রামো বিচেতুম্ উপচক্রমে ॥৩-৬১-১৯॥
61.20
তৌ বনানি গিরীন্ চৈব সরিতঃ চ সরাংসি চ ।
নিখিলেন বিচিন্বন্তৌ সীতাম্ দশরথ আত্মজৌ ॥৩-৬১-২০॥
61.21
তস্য শৈলস্য সানূনি শিলাঃ চ শিখরাণি চ ।
নিখিলেন বিচিন্বন্তৌ ন এব তাম্ অভিজগ্মতুঃ ॥৩-৬১-২১॥
61.22
বিচিত্য সর্বতঃ শৈলম্ রামো লক্ষ্মণম্ অব্রবীৎ ।
ন ইহ পশ্যামি সৌমিত্রে বৈদেহীম্ পর্বতে শুভাম্ ॥৩-৬১-২২॥
61.23
ততো দুঃখ অভিসংতপ্তো লক্ষ্মণো বাক্যম্ অব্রবীৎ ।
বিচরন্ দণ্ডক অরণ্যম্ ভ্রাতরম্ দীপ্ত তেজসম্ ॥৩-৬১-২৩॥
61.24
প্রাপ্স্যসি ত্বম্ মহাপ্রাজ্ঞ মৈথিলীম্ জনক আত্মজাম্ ।
যথা বিষ্ণুঃ মহাবাহুঃ বলিম্ বদ্ধ্বা মহীম্ ইমাম্ ॥৩-৬১-২৪॥
61.25
এবম্ উক্তঃ তু বীরেণ লক্ষ্মণেন স রাঘবঃ ।
উবাচ দীনয়া বাচা দুঃখ অভিহত চেতনঃ ॥৩-৬১-২৫॥
61.26
বনম্ সুবিচিতম্ সর্বম্ পদ্মিন্যঃ ফুল্ল পংকজাঃ ।
গিরিঃ চ অয়ম্ মহাপ্রাজ্ঞ বহু কন্দর নির্ঝরঃ ।ন হি পশ্যামি বৈদেহীম্ প্রাণেভ্যো অপি গরীয়সীম্ ॥৩-৬১-২৬॥
61.27
এবম্ স বিলপন্ রামঃ সীতা হরণ কর্শিতঃ ।
দীনঃ শোক সমাবিষ্টো মুহূর্তম্ বিহ্বলো অভবৎ ॥৩-৬১-২৭॥
61.28
স বিহ্বলিত সর্ব অংগো গত বুদ্ধিঃ বিচেতনঃ ।
নিষসাদ আতুরো দীনো নিঃশ্বস্য অশীতম্ আয়তম্ ॥৩-৬১-২৮॥
61.29
বহুশঃ স তু নিঃশ্বস্য রামো রাজীব লোচনঃ ।
হা প্রিয়ে তি বিচুক্রোশ বহুশো বাষ্প গদ্গদঃ ॥৩-৬১-২৯॥
61.30
তম্ সান্ত্বয়ামাস ততো লক্ষ্মণঃ প্রিয় বান্ধবম্ ।
বহু প্রকারম্ শোক আর্তঃ প্রশ্রিতঃ প্রশ্রিত অংজলিঃ ॥৩-৬১-৩০॥
61.31
অনাদৃত্য তু তৎ বাক্যম্ লক্ষ্মণ ওষ্ঠ পুট চ্যুতম্ ।
অপশ্যন্ তাম্ প্রিয়াম্ সীতাম্ প্রাক্রোশৎ স পুনঃ পুনঃ ॥৩-৬১-৩১॥