সর্গ 62

62.1

সীতাম্ অপশ্যন্ ধর্মাত্মা শোক উপহত চেতনঃ ।
বিললাপ মহাবাহূ রামঃ কমল লোচনঃ ॥৩-৬২-১॥

পশ্যন্ ইব চ তাম্ সীতাম্ অপশ্যন্ মদন অর্দিতঃ ।
উবাচ রাঘবো বাক্যম্ বিলাপ আশ্রয় দুর্বচম্ ॥৩-৬২-২॥

ত্বম্ অশোকস্য শাখাভিঃ পুষ্প প্রিয় তরাঅ প্রিয়ে ।
অবৃণোষি শরীরম্ তে মম শোক বিবর্ধিনী ॥৩-৬২-৩॥

কদলী কাণ্ড সদৃশৌ কদল্যা সংবৃতা উভৌ ।
ঊরূ পশ্যামি তে দেবি ন অসি শক্তা নিগূহিতুম্ ॥৩-৬২-৪॥

কর্ণিকার বনম্ ভদ্রে হসংতী দেবি সেবসে ।
অলম্ তে পরিহাসেন মম বাধাবহেন বৈ ॥৩-৬২-৫॥

বিশেষেণ আশ্রমস্থানে হাসো অয়ম্ ন প্রশস্যতে ।
অবগচ্ছামি তে শীলম্ পরিহাস প্রিয়ম্ প্রিয়ে ॥৩-৬২-৬॥

আগচ্ছ ত্বম্ বিশালাক্ষী শূন্যো অয়ম্ উটজঃ তব ।
সু ব্যক্তম্ রাক্ষৈঃ সীতা ভক্ষিতা বা হৃতা অপি বা ॥৩-৬২-৭॥

ন হি সা বিলপংতম্ মাম্ উপসম্প্রৈতি লক্ষ্মণ ।
এতানি মৃগ যূধানি স অশ্রু নেত্রাণি লক্ষ্মণ ॥৩-৬২-৮॥

শংশন্তি ইব হি মে দেবীম্ ভক্ষিতাম্ রজনীচরৈঃ ।
হা মম আর্যে ক্ব যাতা অসি হা সাধ্বি বর বর্ণিনি ॥৩-৬২-৯॥

হা স কামা অদ্য কৈকেয়ী দেবি মে অদ্য ভবিষ্যতি ।
সীতায়া সহ নির্যাতো বিনা সীতাম্ উপাগতঃ ॥৩-৬২-১০॥

কথম্ নাম প্রবেক্ষ্যামি শূন্যম্ অন্তঃ পুরম্ মম ।
নির্বীর্য ইতি লোকো মাম্ নির্দয়ঃ চ ইতি বক্ষ্যতি ॥৩-৬২-১১॥

কাতরত্বম্ প্রকাশম্ হি সীতা অপনয়নেন মে ।
নিবৃত্ত বন বাসঃ চ জনকম্ মিথিল অধিপম্ ॥৩-৬২-১২॥

কুশলম্ পরিপৃচ্ছন্তম্ কথম্ শক্ষে নিরীক্ষিতুম্ ।
বিদেহ রজো নূনম্ মাম্ দৃষ্ট্বা বিরহিতম্ তয়া ॥৩-৬২-১৩॥

সুতা বিনাশ সংতপ্তো মোহস্য বশম্ এষ্যতি ।
অথবা ন গমিষ্যামি পুরীম্ ভরত পালিতম্ ॥৩-৬২-১৪॥

স্বর্গো অপি হি তয়া হীনঃ শূন্য এব মতো মম ।
তৎ মাম্ উত্সৃজ্য হি বনে গচ্ছ অয়োধ্যা পুরীম্ শুভাম্ ॥৩-৬২-১৫॥

ন তু অহম্ তাম্ বিনা সীতাম্ জীবেয়ম্ হি কথংচন ।
গাঢম্ আশ্লিষ্য ভরতো বাচ্যো মৎ বচনাৎ ত্বয়া ॥৩-৬২-১৬॥

অনুজ্ঞাতো অসি রামেণ পালয় ইতি বসুংধরাম্ ।
অংবা চ মম কৈকেয়ী সুমিত্রা চ ত্বয়া বিভো ॥৩-৬২-১৭॥

কৌসল্যা চ যথা ন্যায়ম্ অভিবাদ্যা মম অজ্ঞয়া ।
রক্ষণীয়া প্রয়ত্নেন ভবতা সা উক্ত কারিণা ॥৩-৬২-১৮॥

সীতায়াঃ চ বিনাশো অয়ম্ মম চ অমিত্র সূদন ।
বিস্তরেণ জনন্যা বিনিবেদ্য ত্বয়া ভবেৎ ॥৩-৬২-১৯॥

ইতি বিলপতি রাঘবো তু দীনোবনম্ উপগম্য তয়া বিনা সু কেশ্যা ।
ভয় বিকল মুখঃ তু লক্ষ্মণো অপিব্যথিত মনা ভৃশম্ আতুরো বভূব ॥৩-৬২-২০॥