সর্গ 57

57.1

রাক্ষসম্ মৃগ রূপেণ চরন্তম্ কাম রূপিণম্ ।
নিহত্য রামো মারীচম্ তূর্ণম্ পথি ন্যবর্তত ॥৩-৫৭-১॥

তস্য সংত্বরমাণস্য দ্রষ্টু কামস্য মৈথিলীম্ ।
ক্রূর স্বরো অথ গোমায়ুঃ বিননাদ অস্য পৃষ্ঠতঃ ॥৩-৫৭-২॥

স তস্য স্বরম্ আজ্ঞায় দারুণম্ রোম হর্ষণম্ ।
চিংতয়ামাস গোমায়োঃ স্বরেণ পরিশন্কিতঃ ॥৩-৫৭-৩॥

অশুভম্ বত মন্যে অহম্ গোমায়ুঃ বাশ্যতে যথা ।
স্বস্তি স্যাৎ অপি বৈদেহ্যা রাক্ষসৈঃ ভক্ষণম্ বিনা ॥৩-৫৭-৪॥

মারীচেন তু বিজ্ঞায় স্বরম্ আলক্ষ্য মামকম্ ।
বিক্রুষ্টম্ মৃগ রূপেণ লক্ষ্মণঃ শৃণুয়াৎ যদি ॥৩-৫৭-৫॥

স সৌমিত্রিঃ স্বরম্ শ্রুত্বা তাম্ চ হিত্বা অথ মৈথিলীম্ ।
তয়া এব প্রহিতঃ ক্ষিপ্রম্ মৎ সকাশম্ ইহ এষ্যতি ॥৩-৫৭-৬॥

রাক্ষসৈঃ সহিতৈর্ নূনম্ সীতায়া ঈপ্সিতো বধঃ ।
কাংচনঃ চ মৃগো ভূত্বা ব্যপনীয় আশ্রমাৎ তু মাম্ ॥৩-৫৭-৭॥

দূরম্ নীত্বা অথ মারীচো রাক্ষসো অভূৎ শর আহতঃ ।
হা লক্ষ্মণ হতো অস্মি ইতি যৎ বাক্যম্ ব্যজহার হ ॥৩-৫৭-৮॥

অপি স্বস্তি ভবেৎ দ্বাভ্যাম্ রহিতাভ্যাম্ ময়া বনে ।
জনস্থান নিমিত্তম্ হি কৃত বৈরো অস্মি রাক্ষসৈঃ ॥৩-৫৭-৯॥

নিমিত্তানি চ ঘোরাণি দৃশ্যন্তে অদ্য বহূনি চ ।
ইতি এবম্ চিংতয়ন্ রামঃ শ্রুত্বা গোমায়ু নিঃস্বনম্ ॥৩-৫৭-১০॥

নিবর্তমানঃ ত্বরিতো জগাম আশ্রমম্ আত্মবান্ ।
আত্মনঃ চ অপনয়নম্ মৃগ রূপেণ রক্ষসা ॥৩-৫৭-১১॥

আজগাম জনস্থানম্ রাঘবঃ পরিশন্কিতঃ ।
তম্ দীন মানসম্ দীনম্ আসেদুঃ মৃগ পক্ষিণঃ ॥৩-৫৭-১২॥

সব্যম্ কৃত্বা মহাত্মানম্ ঘোরাম্ চ সসৃজুঃ স্বরান্ ।
তানি দৃষ্ট্বা নিমিত্তানি মহাঘোরাণি রাঘবঃ ।ন্যবর্তত অথ ত্বরিতো জবেন আশ্রমম্ আত্মনঃ ॥৩-৫৭-১৩॥

ততো লক্ষণম্ আয়ান্তম্ দদর্শ বিগত প্রভম্ ।
ততো অবিদূরে রামেণ সমীয়ায় স লক্ষ্মণঃ ॥৩-৫৭-১৪॥

বিষণ্ণঃ স বিষণ্ণেন দুঃখিতো দুঃখ ভাগিনা ।
সংজগর্হে অথ তম্ ভ্রাতা দৃষ্টা লক্ষ্মণম্ আগতম্ ॥৩-৫৭-১৫॥

বিহায় সীতাম্ বিজনে বনে রাক্ষস সেবিতে ।
গৃহীত্বা চ করম্ সব্যম্ লক্ষ্মণম্ রঘুনংদনঃ ॥৩-৫৭-১৬॥

উবাচ মধুর উদর্কম্ ইদম্ পরুষম্ আর্তবৎ ।
অহো লক্ষ্মণ গর্হ্যম্ তে কৃতম্ যঃ ত্বম্ বিহায় তাম্ ॥৩-৫৭-১৭॥

সীতাম্ ইহ আগতঃ সৌম্য কচ্চিৎ স্বস্তি ভবেৎ ইতি ।
ন মে অস্তি সংশয়ো বীর সর্বথা জনকাত্মজা ॥৩-৫৭-১৮॥

বিনষ্টা ভক্ষিতা বা অপ রাক্ষসৈঃ বন চারিভিঃ ।
অশুভানি এব ভূয়িষ্ঠম্ যথা প্রাদুর্ ভবন্তি মে ॥৩-৫৭-১৯॥

অপি লক্ষ্মণ সীতায়াঃ সামগ্র্যম্ প্রাপ্নুয়াবহে ।
জীবন্ত্যাঃ পুরুষব্যাঘ্র সুতায়া জনক্স্য বৈ ॥৩-৫৭-২০॥

যথা বৈ মৃগ সংঘাঃঅ গোমায়ুঃ চ ভৈরবম্ ।
বাশ্যন্তে শকুনাঃ চ অপি প্রদীপ্তাম্ অভিতো দিশম্ ।অপি স্বস্তি ভবেৎ তস্যা রাজ পুত্র্যা মহাবল ॥৩-৫৭-২১॥

ইদম্ হি রক্ষো মৃগ সংনিকাশম্প্রলোভ্য মাম্ দূরম্ অনুপ্রয়াতম্ ।
হতম্ কথংচিৎ মহতা শ্রমেণস রাক্ষসো অভূৎ ম্রিয়মাণ এব ॥৩-৫৭-২২॥

মনঃ চ মে দীনম্ ইহ অপ্রহৃষ্টম্চক্ষুঃ চ সব্যম্ কুরুতে বিকারম্ ।
অসংশয়ম্ লক্ষ্মণ ন অস্তি সীতাহৃতা মৃতা বা পথি বর্ততে বা ॥৩-৫৭-২৩॥