Utshovসর্গ 56
56.1
সা তথা উক্তা তু বৈদেহী নির্ভয়া শোক কর্শিতা ।
তৃণম্ অন্তরতঃ কৃত্বা রাবণম্ প্রতি অভাষত ॥৩-৫৬-১॥
56.2
রাজা দশরথো নাম ধর্ম সেতুঃ ইব অচলঃ ।
সত্য সন্ধঃ পরিজ্ঞাতো যস্য পুত্রঃ স রাঘবঃ ॥৩-৫৬-২॥
56.3
রামো নাম স ধর্মাত্মা ত্রিষু লোকেষু বিশ্রুতঃ ।
দীর্ঘ বাহুঃ বিশালাক্ষো দৈবতম্ স পতিঃ মম ॥৩-৫৬-৩॥
56.4
ইক্ষ্বাকূণাম্ কুলে জাতঃ সিংহ স্কন্ধো মহাদ্যুতিঃ ।
লক্ষ্মণেন সহ ভ্রাত্রা যঃ তে প্রাণান্ হরিষ্যতি ॥৩-৫৬-৪॥
56.5
প্রত্যক্ষম্ যদি অহম্ তস্য ত্বয়া স্যাম্ ধর্ষিতা বলাৎ ।
শয়িতা ত্বম্ হতঃ সংখ্যে জনস্থানে যথা খরঃ ॥৩-৫৬-৫॥
56.6
য এতে রাক্ষসাঃ প্রোক্তা ঘোর রূপা মহাবলাঃ ।
রাঘবে নির্বিষাঃ সর্বে সুপর্ণে পন্নগা যথা ॥৩-৫৬-৬॥
56.7
তস্য জ্যা বিপ্রমুক্তাঃ তে শরাঃ কাংচন ভূষণাঃ ।
শরীরম্ বিধমিষ্যন্তি গংগা কূলম্ ইব ঊর্ময়ঃ ॥৩-৫৬-৭॥
56.8
অসুরৈঃ বা সুরৈঃ বা ত্বম্ যদি অবধ্যো অসি রাবণ ।
উত্পাদ্য সুমহৎ বৈরম্ জীবন্ তস্য ন মোক্ষ্যসে ॥৩-৫৬-৮॥
56.9
স তে জীবিত শেষস্য রাঘবো অন্ত করো বলী ।
পশোঃ যূপ গতস্য ইব জীবিতম্ তব দুর্লভম্ ॥৩-৫৬-৯॥
56.10
যদি পশ্যেৎ স রামঃ ত্বাম্ রোষ দীপ্তেন চক্ষুষা ।
রক্ষঃ ত্বম্ অদ্য নির্দগ্ধো যথা রুদ্রেণ মন্মধঃ ॥৩-৫৬-১০॥
56.11
যঃ চন্দ্রম্ নভসো ভূমৌ পাতয়েন্ নাশয়েত বা ।
সাগরম্ শোষয়েৎ বা অপি স সীতাম্ মোচয়েৎ ইহ ॥৩-৫৬-১১॥
56.12
গত আয়ুঃ ত্বম্ গত শ্রীকঃ গত সত্ত্বো গত ইন্দ্রিয়ঃ ।
লংকা বৈধব্য সংয়ুক্তা ত্বৎ কৃতেন ভবিষ্যতি ॥৩-৫৬-১২॥
56.13
ন তে পাপম্ ইদম্ কর্ম সুখ উদর্কম্ ভবিষ্যতি ।
যা অহম্ নীতা বিনা ভাবম্ পতি পার্শ্বাৎ ত্বয়া বনাৎ ॥৩-৫৬-১৩॥
56.14
স হি দেবর - দৈবত - সংয়ুক্তো মম ভর্তা মহাদ্যুতিঃ ।
নির্ভয়ো বীর্যম্ আশ্রিত্য শূন্যে বসতি দণ্ডকে ॥৩-৫৬-১৪॥
56.15
স তে বীর্যম্ দর্পম্ বলম্ উত্সেকম্ চ তথা বিধম্ ।
অপনেষ্যতি গাত্রেভ্যঃ শর বর্ষেণ সংয়ুগে ॥৩-৫৬-১৫॥
56.16
যদা বিনাশো ভূতানাম্ দৃশ্যতে কাল চোদিতঃ ।
তদা কার্যে প্রমাদ্যন্তি নরাঃ কাল বশম্ গতাঃ ॥৩-৫৬-১৬॥
56.17
মাম্ প্রধৃষ্য স তে কালঃ প্রাপ্তো অয়ম্ রক্ষস অধম ।
আত্মনো রাক্ষসানাম্ চ বধায় অন্তঃ পুরস্য চ ॥৩-৫৬-১৭॥
56.18
ন শক্যা যজ্ঞ মধ্যস্থা বেদিঃ স্রুক্ ভাণ্ড মণ্ডিতা ।
দ্বিজাতি মংত্র সংপূতা চণ্ডালেন অবমর্দিতুম্ ॥৩-৫৬-১৮॥
56.19
তথা অহম্ ধর্ম নিত্যস্য ধর্ম পত্নী দৃঢ ব্রতা ।
ত্বয়া সংপ্রষ্টুম্ ন শক্যা অহম্ রাক্ষসাধম পাপিনা ॥৩-৫৬-১৯॥
56.20
ক্রীডন্তী রাজ হংসেন পদ্ম ষংডেষু নিত্যশঃ ।
হংসী সা তৃণ ষণ্ডস্থম্ কথম্ দ্রক্ষেত মদ্গুকম্ ॥৩-৫৬-২০॥
56.21
ইদম্ শরীরম্ নিঃসংজ্ঞম্ বন্ধ বা ঘাতয়স্ব বা ।
ন ইদম্ শরীরম্ রক্ষ্যম্ মে জীবিতম্ বা অপি রাক্ষস ॥৩-৫৬-২১॥
56.22
ন তু শক্যামি উপক্রোশম্ পৃথিব্যাম্ ধাতুম্ আত্মনঃ ।
এবম্ উক্ত্বা তু বৈদেহী ক্রোদ্ধাৎ সু পরুষম্ বচঃ ॥৩-৫৬-২২॥
56.23
রাবণম্ মৈথিলী তত্র পুনঃ ন উবাচ কিংচন ।
সীতায়া বচনম্ শ্রুত্বা পরুষম্ রোম হর্ষণম্ ॥৩-৫৬-২৩॥
56.24
প্রতি উবাচ ততঃ সীতাম্ ভয় সংদর্শনম্ বচঃ ।
শৃণু মৈথিলি মৎ বাক্যম্ মাসান্ দ্বাদশ ভামিনি ॥৩-৫৬-২৪॥
56.25
কালেন অনেন ন অভ্যেষি যদি মাম্ চারু হাসিনি ।
ততঃ ত্বাম্ প্রাতঃ আশা অর্থম্ সূদাঃ ছেত্স্যন্তি লেশশঃ ॥৩-৫৬-২৫॥
56.26
ইতি উক্ত্বা পরুষম্ বাক্যম্ রাবণঃ শত্রু রাবণঃ ।
রাক্ষসীঃ চ ততঃ ক্রুদ্ধ ইদম্ বচনম্ অব্রবীৎ ॥৩-৫৬-২৬॥
56.27
শীঘ্রম্ এব হি রাক্ষস্যো বিকৃতা ঘোর দর্শনাঃ ।
দর্পম্ অস্যা অপনেষ্যন্তু মাংস শোণিত ভোজনাঃ ॥৩-৫৬-২৭॥
56.28
বচনাৎ এব তাঃ তস্য বিকৃতা ঘোর দর্শনাঃ ।
কৃত প্রাংজলয়ো ভূত্বা মৈথিলীম্ পর্যবারয়ন্ ॥৩-৫৬-২৮॥
56.29
স তাঃ প্রোবাচ রাজা তু রাবণো ঘোর দর্শনাঃ ।
প্রচাল্য চরণ উত্কর্ষৈঃ দারয়ন্ ইব মেদিনীম্ ॥৩-৫৬-২৯॥
56.30
অশোক বনিকা মধ্যে মৈথিলী নীয়তাম্ ইতি ।
তত্র ইয়ম্ রক্ষ্যতাম্ গূঢম্ যুষ্মাভিঃ পরিবারিতা ॥৩-৫৬-৩০॥
56.31
তত্র এনাম্ তর্জনৈঃ ঘোরৈঃ পুনঃ সাংত্বৈঃ চ মৈথিলীম্ ।
আনয়ধ্বম্ বশম্ সর্বা বন্যাম্ গজ বধূম্ ইব ॥৩-৫৬-৩১॥
56.32
ইতি প্রতি সমাদিষ্টা রাক্ষস্যো রাবণেন তাঃ ।
অশোক বনিকাম্ জগ্মুঃ মৈথিলীম্ পরিগৃহ্য তু ॥৩-৫৬-৩২॥
56.33
সর্বকামফলৈর্বৃক্ষৈর্নানাপুষ্পফলৈর্বৃতাম্ - যদ্বা -সর্ব কাম ফলৈঃ বৃক্ষৈঃ নানা পুষ্প ফলৈঃ বৃতাম্ ।
সর্ব কাল মদৈঃ চ অপি দ্বিজৈঃ সমুপসেবিতাম্ ॥৩-৫৬-৩৩॥
56.34
সা তু শোক পরীত অংগী মৈথিলী জনকাত্মজা ।
রাক্ষসী বশম্ আপন্না ব্যাঘ্রীণাম্ হরিণী যথা ॥৩-৫৬-৩৪॥
56.35
শোকেন মহতা গ্রস্তা মৈথিলী জনকাত্মজা ।
ন শর্ম লভতে ভীরুঃ পাশ বদ্ধা মৃগী যথা ॥৩-৫৬-৩৫॥
56.36
ন বিন্দতে তত্র তু শর্ম মৈথিলীবিরূপ নেত্রাভিঃ অতীব তর্জিতা ।
পতিম্ স্মরন্তী দয়িতম্ চ দেবরম্বিচেতনা অভূৎ ভয় শোক পীডিতা ॥৩-৫৬-৩৬॥