Utshovসর্গ 55
55.1
সংদিশ্য রাক্ষসান্ ঘোরান্ রাবণো অষ্টৌ মহাবলান্ ।
আত্মানম্ বুদ্ধি বৈক্লব্যাৎ কৃত কৃত্যম্ অমন্যত ॥৩-৫৫-১॥
55.2
স চিংতয়ানো বৈদেহীম্ কাম বাণ সংপ্রপীডিতঃ ।
প্রবিবেশ গৃহম্ রম্যম্ সীতাম্ দ্রষ্টুম্ অভিত্বরন্ ॥৩-৫৫-২॥
55.3
স প্রবিশ্য তু তৎ বেশ্ম রাবণো রাক্ষস অধিপঃ ।
অপশ্যৎ রাক্ষসী মধ্যে সীতাম্ দুঃখ পরায়ণম্ ॥৩-৫৫-৩॥
55.4
অশ্রু পূর্ণ মুখীম্ দীনাম্ শোক ভার অবপীডিতাম্ ।
বায়ু বেগৈঃ ইব আক্রাংতাম্ মজ্জন্তীম্ নাবম্ অর্ণবে ॥৩-৫৫-৪॥
55.5
মৃগ যূথ পরিভ্রষ্টাম্ মৃগীম্ শ্বভিঃ ইব আবৃতাম্ ।
অধোগত মুখীম্ সীতাম্ তাম্ অভ্যেত্য নিশাচরঃ ॥৩-৫৫-৫॥
55.6
তাম্ তু শোক বশাৎ দীনাম্ অবশাম্ রাক্ষস অধিপঃ ।
স বলাৎ দর্শয়ামাস গৃহম্ দেব গৃহ উপমম্ ॥৩-৫৫-৬॥
55.7
হর্ম্য প্রাসাদ সংবধম্ স্ত্রী সহস্র নিষেবিতম্ ।
নানা পক্ষি গণৈঃ জুষ্টম্ নানা রত্ন সমন্বিতম্ ॥৩-৫৫-৭॥
55.8
দান্তকৈঃ তাপনীয়ৈঃ চ স্ফাটিকৈ রাজতৈঃ তথা ।
বজ্র বৈদূর্য চিত্রৈঃ চ স্তম্ভৈঃ দৃষ্টি মনোরমৈঃ ॥৩-৫৫-৮॥
55.9
দিব্য দুন্দুভি নির্ঘোষম্ তপ্ত কাংচন ভূষণম্ ।
সোপানম্ কাংচনম্ চিত্রম্ আরুরোহ তয়া সহ ॥৩-৫৫-৯॥
55.10
দান্তকা রাজতাঃ চৈব গবাক্ষাঃ প্রিয় দর্শনাঃ ।
হেম জালা আবৃতাঃ চ আসন্ তত্র প্রাসাদ পংক্তয়ঃ ॥৩-৫৫-১০॥
55.11
সুধা মণি বিচিত্রাণি ভূমি ভাগানি সর্বশঃ ।
দশগ্রীবঃ স্ব ভবনে প্রাদর্শয়ত মৈথিলীম্ ॥৩-৫৫-১১॥
55.12
দীর্ঘিকাঃ পুষ্করিণ্যঃ চ নানা পুষ্প সমাবৃতাঃ ।
রাবণো দর্শয়ামাস সীতাম্ শোক পরায়ণাম্ ॥৩-৫৫-১২॥
55.13
দর্শয়িত্বা তু বৈদেহীম্ কৃত্স্নম্ তৎ ভবন উত্তমম্ ।
উবাচ বাক্যম্ পাপাত্মা সীতাম্ লোভিতুম্ ইচ্ছয়া ॥৩-৫৫-১৩॥
55.14
দশ রাক্ষস কোট্যঃ চ দ্বাবিংশতিঃ অথ অপরাঃ ।
বর্জয়িত্বা জরা বৃদ্ধান্ বালান্ চ রজনীচরান্ ॥৩-৫৫-১৪॥
55.15
তেষাম্ প্রভুঃ অহম্ সীতে সর্বেষাম্ ভীম কর্মণাম্ ।
সহস্রম্ একম্ একস্য মম কার্য পুরঃসরম্ ॥৩-৫৫-১৫॥
55.16
যৎ ইদম্ রাজ্য তংত্রম্ মে ত্বয়ি সর্বম্ প্রতিষ্ঠিতম্ ।
জীবিতম্ চ বিশালাক্ষি ত্বম্ মে প্রাণৈঃ গরীয়সী ॥৩-৫৫-১৬॥
55.17
বহ্বীনাম্ উত্তম স্ত্রীণাম্ মম যো অসৌ পরিগ্রহঃ ।
তাসাম্ ত্বম্ ঈশ্বরী সীতে মম ভার্যা ভব প্রিয়ে ॥৩-৫৫-১৭॥
55.18
সাধু কিম্ তে অন্যয়া বুদ্ধ্যা রোচয়স্ব বচো মম ।
ভজস্ব মা অভিতপ্তস্য প্রসাদম্ কর্তুম্ অর্হসি ॥৩-৫৫-১৮॥
55.19
পরিক্ষিপ্তা সমুদ্রেণ লংকা ইয়ম্ শত যোজনা ।
ন ইয়ম্ ধর্ষয়িতুম্ শক্যা স ইন্দ্রৈঃ অপি সুর অসুরৈঃ ॥৩-৫৫-১৯॥
55.20
ন দেবেষু ন যক্ষেষু ন গংধর্বেষু ন ঋষিষু ।
অহম্ পশ্যামি লোকেষু যো মে বীর্য সমো ভবেৎ ॥৩-৫৫-২০॥
55.21
রাজ্য ভ্রষ্টেন দীনেন তাপসেন পদাতিনা ।
কিম্ করিষ্যসি রামেণ মানুষেণ অল্প তেজসা ॥৩-৫৫-২১॥
55.22
ভজস্ব সীতে মাম্ এব ভর্তা অহম্ সদৃশঃ তব ।
যৌবনম্ হি অধ্রুবম্ ভীরু রমস্ব ইহ ময়া সহ ॥৩-৫৫-২২॥
55.23
দর্শনে মা কৃথাঃ বুদ্ধিম্ রাঘবস্য বরাননে ।
কা অস্য শক্তিঃ ইহ আগংতুম্ অপি সীতে মনোরথৈঃ ॥৩-৫৫-২৩॥
55.24
ন শক্যো বায়ুঃ আকাশে পাশৈঃ বদ্ধম্ মহাজবঃ ।
দীপ্যমানস্য বা অপি অগ্নেঃ গ্রহীতুম্ বিমলাম্ শিখাম্ ॥৩-৫৫-২৪॥
55.25
ত্রয়াণাম্ অপি লোকানাম্ ন তম্ পশ্যামি শোভনে ।
বিক্রমেণ নয়েৎ যঃ ত্বাম্ মৎ বাহু পরিপালিতাম্ ॥৩-৫৫-২৫॥
55.26
লংকায়াম্ সুমহৎ রাজ্যম্ ইদম্ ত্বম্ অনুপালয় ।
ত্বৎ প্রেষ্যা মৎ বিধা চৈব দেবাঃ চ অপি চর অচরম্ ॥৩-৫৫-২৬॥
55.27
অভিষেক উদক ক্লিন্না তুষ্টা চ রময়স্ব মাম্ ।
দুষ্কৃতম্ যৎ পুরা কর্ম বন বাসেন তদ্ গতম্ ॥৩-৫৫-২৭॥
55.28
যৎ চ তে সুকৃতো ধর্মঃ তস্য ইহ ফলম্ আপ্নুহি ।
ইহ সর্বাণি মাল্যানি দিব্য গংধানি মৈথিলি ॥৩-৫৫-২৮॥
55.29
ভূষণানি চ মুখ্যানি তানি সেব ময়া সহ ।
পুষ্পকম্ নাম সুশ্রোণি ভ্রাতুঃ বৈশ্রবণস্য মে ॥৩-৫৫-২৯॥
55.30
বিমানম্ সূর্য সংকাশম্ তরসা নির্জিতম্ রণে ।
বিশালম্ রমণীয়ম্ চ তৎ বিমানম্ মনো জবম্ ॥৩-৫৫-৩০॥
55.31
তত্র সীতে ময়া সার্ধম্ বিহরস্ব যথা সুখম্ ।
বদনম্ পদ্ম সংকাশম্ বিমলম্ চারু দর্শনম্ ॥৩-৫৫-৩১॥
55.32
শোক আর্তম্ তু বরারোহে ন ভ্রাজতি বর আননে ।
এবম্ বদতি তস্মিন্ সা বস্ত্র অন্তেন বর অংগনা ॥৩-৫৫-৩২॥
55.33
পিধায় ইন্দু নিভম্ সীতা মংদম্ অশ্রূন্ অবর্তয়ৎ ।
ধ্যায়ন্তীম্ তাম্ ইব অস্বস্থাম্ সীতাম্ চিংতা হত প্রভাম্ ॥৩-৫৫-৩৩॥
55.34
উবাচ বচনম্ বীরো রাবণো রজনী চরঃ ।
অলম্ ব্রীডেন বৈদেহি ধর্ম লোপ কৃতেন তে ॥৩-৫৫-৩৪॥
55.35
আর্ষো অয়ম্ দেবি নিষ্যন্দো যঃ ত্বাম্ অভিগমিষ্যতি ।
এতৌ পাদৌ ময়া স্নিগ্ধৌ শিরোভিঃ পরিপীডিতৌ ॥৩-৫৫-৩৫॥
55.36
প্রসাদম্ কুরু মে ক্ষিপ্রম্ বশ্যো দাসো অহম্ অস্মি তে ।
ইমাঃ শূন্যা ময়া বাচঃ শুষ্যমাণেন ভাষিতাঃ ॥৩-৫৫-৩৬॥
55.37
ন চ অপি রাবণঃ কাংচিৎ মূর্ধ্না স্ত্রীম্ প্রণমেত হ ।
এবম্ উক্ত্বা দশগ্রীবো মৈথিলীম্ জনক আত্মজাম্ ।কৃত অন্ত বশম্ আপন্নো মম ইয়ম্ ইতি মন্যতে ॥৩-৫৫-৩৭॥