Utshovসর্গ 54
54.1
হ্রিয়মাণা তু বৈদেহী কংচিৎ নাথম্ অপশ্যতী ।
দদর্শ গিরি শৃংগস্থান্ পংচ বানর পুংগবান্ ॥৩-৫৪-১॥
54.2
তেষাম্ মধ্যে বিশালাক্ষী কৌশেয়ম্ কনক প্রভম্ ।
উত্তরীয়ম্ বরারোহা শুভানি আভরণানি চ ॥৩-৫৪-২॥
54.3
মুমোচ যদি রামায় শংসেয়ুঃ ইতি ভামিনী ।
বস্ত্রম্ উত্সৃজ্য তন্ মধ্যে বিনিক্ষিপ্তম্ স ভূষণম্ ॥৩-৫৪-৩॥
54.4
সংভ্রমাৎ তু দশগ্রীবঃ তৎ কর্ম ন চ বুদ্ধ্বান্ ।
পিংগাক্ষাঃ তাম্ বিশালাক্ষীম্ নেত্রৈঃ অনিমিষৈঃ ইব ॥৩-৫৪-৪॥
54.5
বিক্রোশন্তীম্ তদা সীতাম্ দদৃশুঃ বানর ঋষভাঃ ।
স চ পংপাম্ অতিক্রম্য লংকাম্ অভিমুখঃ পুরীম্ ॥৩-৫৪-৫॥
54.6
জগাম রুদতীম্ গৃহ্য মৈথিলীম্ রাক্ষস ঈশ্বরঃ ।
তাম্ জহার সুসংহৃষ্টো রাবণো মৃত্যুম্ আত্মনঃ ॥৩-৫৪-৬॥
54.7
উত্সংগেন এব ভুজগীম্ তীক্ষ্ণ দংষ্ট্রাম্ মহাবিষাম্ ।
বনানি সরিতঃ শৈলান্ সরাম্সি চ বিহায়সা ॥৩-৫৪-৭॥
54.8
স ক্ষিপ্রম্ সমতীয়ায় শরঃ চাপাৎ ইব চ্যুতঃ ।
তিমি নক্র নিকেতম্ তু বরুণ আলয়ম্ অক্ষয়ম্ ॥৩-৫৪-৮॥
54.9
সরিতাম্ শরণম্ গত্বা সমতীয়ায় সাগরম্ ।
সংভ্রমাৎ পরিবৃত্ত ঊর্মী রুদ্ধ মীন মহোরগঃ ॥৩-৫৪-৯॥
54.10
বৈদেহ্যাম্ হ্রিয়মাণায়াম্ বভূব বরুণ আলয়ঃ ।
অন্তরিক্ষ গতা বাচঃ সসৃজুঃ চারণাঃ তদা ॥৩-৫৪-১০॥
54.11
এতৎ অন্তো দশগ্রীব ইতি সিদ্ধাঃ তদা অব্রুবন্ ।
স তু সীতাম্ বিচেষ্টন্তীম্ অংকেন আদায় রাবণঃ ॥৩-৫৪-১১॥
54.12
প্রবিবেশ পুরীম্ লন্কাম্ রূপিণীম্ মৃত্যুম্ আত্মনঃ ।
সঃ অভিগম্য পুরীম্ লংকাম্ সুবিভক্ত মহাপথাম্ ॥৩-৫৪-১২॥
54.13
সংরূঢ কক্ষ্যা বহুলম্ স্বম্ অংতঃ পুরম্ আবিশৎ ।
তত্র তাম্ অসিত অপাংগাম্ শোক মোহ পরায়ণাম্ ॥৩-৫৪-১৩॥
54.14
নিদধে রাবণঃ সীতাম্ ময়ো মায়াম্ ইব আসুরীম্ ।
অব্রবীৎ চ দশগ্রীবঃ পিশাচীঃ ঘোর দর্শনাঃ ॥৩-৫৪-১৪॥
54.15
যথা ন এনাম্ পুমান্ স্ত্রী বা সীতাম্ পশ্যতি অসম্মতঃ ।
মুক্তা মণি সুবর্ণানি বস্ত্রাণি আভরণানি চ ॥৩-৫৪-১৫॥
54.16
যৎ যৎ ইচ্ছেৎ তৎ এব অস্যা দেয়ম্ মৎ চ্ছংদতো যথা ।
যা চ বক্ষ্যতি বৈদেহীম্ বচনম্ কিংচিৎ অপ্রিয়ম্ ॥৩-৫৪-১৬॥
54.17
অজ্ঞানাৎ যদি বা জ্ঞানান্ ন তস্যা জীবিতম্ প্রিয়ম্ ।
তথা উক্ত্বা রাক্ষসীঃ তাঃ তু রাক্ষসেন্দ্রঃ প্রতাপবান্ ॥৩-৫৪-১৭॥
54.18
নিষ্ক্রম্য অন্তঃ পুরাৎ তস্মাৎ কিম্ কৃত্যম্ ইতি চিংতয়ন্ ।
দদর্শ অষ্টৌ মহাবীর্যান্ রাক্ষসান্ পিশিত অশনান্ ॥৩-৫৪-১৮॥
54.19
স তান্ দৃষ্ট্বা মহাবীর্যো বর দানেন মোহিতঃ ।
উবাচ তান্ ইদম্ বাক্যম্ প্রশস্য বল বীর্যতঃ ॥৩-৫৪-১৯॥
54.20
নানা প্রহরণাঃ ক্ষিপ্রম্ ইতো গচ্ছত সত্বরাঃ ।
জনস্থানম্ হত স্থানম্ ভূত পূর্বম্ খর আলয়ম্ ॥৩-৫৪-২০॥
54.21
তত্র উষ্যতাম্ জনস্থানে শূন্যে নিহত রাক্ষসে ।
পৌরুষম্ বলম্ আশ্রিত্য ত্রাসম্ উত্সৃজ্য দূরতঃ ॥৩-৫৪-২১॥
54.22
বহু সৈন্যম্ মহাবীর্যম্ জনস্থানে নিবেশিতম্ ।
স দূষণ খরম্ যুদ্ধে নিহতম্ রাম সায়কৈঃ ॥৩-৫৪-২২॥
54.23
ততঃ ক্রোধো মম অপূর্বো ধৈর্যস্য উপরি বর্ধতে ।
বৈরম্ চ সুমহৎ জাতম্ রামম্ প্রতি সুদারুণম্ ॥৩-৫৪-২৩॥
54.24
নির্যাতয়িতুম্ ইচ্ছামি তৎ চ বৈরম্ অহম্ রিপোঃ ।
ন হি লপ্স্যামি অহম্ নিদ্রাম্ অহত্বা সংয়ুগে রিপুম্ ॥৩-৫৪-২৪॥
54.25
তম্ তু ইদানীম্ অহম্ হত্বা খর দূষণ ঘাতিনম্ ।
রামম্ শর্ম উপলপ্স্যামি ধনম্ লব্ধ্বা ইব নির্ধনঃ ॥৩-৫৪-২৫॥
54.26
জনস্থানে বসদ্ভিঃ তু ভবদ্ভিঃ রামম্ আশ্রিতা ।
প্রবৃত্তিঃ উপনেতব্যা কিম্ করোতি ইতি তত্ত্বতঃ ॥৩-৫৪-২৬॥
54.27
অপ্রমাদাৎ চ গংতব্যম্ সর্বৈঃ এব নিশাচরৈঃ ।
কর্তব্যঃ চ সদা যত্নো রাঘবস্য বধম্ প্রতি ॥৩-৫৪-২৭॥
54.28
যুষ্মাকম্ তু বলম্ জ্ঞাতম্ বহুশো রণ মূর্ধনি ।
অতঃ তু অস্মিন্ জনস্থানে ময়া যূয়ম্ নিয়োজিতাঃ ॥৩-৫৪-২৮॥
54.29
ততঃ প্রিয়ম্ বাক্যম্ উপেত্য রাক্ষসামহাঅর্থম্ অষ্টৌ অভিবাদ্য রাবণম্ ।
বিহায় লংকাম্ সহিতাঃ প্রতস্থিরেয়তো জনস্থানম্ অলক্ষ্য দর্শনাঃ ॥৩-৫৪-২৯॥
54.30
ততঃ তু সীতাম্ উপলভ্য রাবণঃসুসংপ্রহৃষ্টঃ পরিগৃহ্য মৈথিলীম্ ।
প্রসজ্য রামেণ চ বৈরম্ উত্তমম্বভূব মোহাৎ মুদিতঃ স রাক্ষসঃ ॥৩-৫৪-৩০॥