Utshovসর্গ 53
53.1
খম্ উত্পতন্তম্ তম্ দৃষ্ট্বা মৈথিলী জনক আত্মজা ।
দুঃখিতা পরম উদ্বিগ্না ভয়ে মহতি বর্তিনী ॥৩-৫৩-১॥
53.2
রোষ রোদন তাম্রাক্ষী ভীমাক্ষম্ রাক্ষস অধিপম্ ।
রুদতী করুণম্ সীতা হ্রিয়মাণা ইদম্ অব্রবীৎ ॥৩-৫৩-২॥
53.3
ন ব্যপত্রপসে নীচ কর্মণা অনেন রাবণ ।
জ্ঞাত্বা বিরহিতাম্ যো মাম্ চোরয়িত্বা পলায়সে ॥৩-৫৩-৩॥
53.4
ত্বয়া এব নূনম্ দুষ্টাত্মন্ ভীরুণা হর্তুম্ ইচ্ছতা ।
মম অপবাহিতো ভর্তা মৃগ রূপেণ মায়য়া ॥৩-৫৩-৪॥
53.5
যো হি মাম্ উদ্যতঃ ত্রাতুম্ সো অপি অয়ম্ বিনিপাতিতঃ ।
গৃধ্র রাজঃ পুরাণো অসৌ শ্বশুরস্য সখা মম ॥৩-৫৩-৫॥
53.6
পরমম্ খলু তে বীর্যম্ দৃশ্যতে রাক্ষসাধম ।
বিশ্রাব্য নামধেয়ম্ হি যুদ্ধে ন অস্মি জিতা ত্বয়া ॥৩-৫৩-৬॥
53.7
ঈদৃশম্ গর্হিতম্ কর্ম কথম্ কৃত্বা ন লজ্জসে ।
স্ত্রিয়াঃ চ হরণম্ নীচ রহিতে চ পরস্য চ ॥৩-৫৩-৭॥
53.8
কথয়িষ্যন্তি লোকেষু পুরুষাঃ কর্ম কুত্সিতম্ ।
সুনৃশম্সম্ অধর্মিষ্ঠম্ তব শৌণ্ডীর্য মানিনঃ ॥৩-৫৩-৮॥
53.9
ধিক্ তে শৌর্যম্ চ সত্ত্বম্ চ যৎ ত্বয়া কথিতম্ তদা ।
কুল আক্রোশকরম্ লোকে ধিক্ তে চারিত্রম্ ঈদৃশম্ ॥৩-৫৩-৯॥
53.10
কিম্ শক্যম্ কর্তুম্ এবম্ হি যৎ জবেন এব ধাবসি ।
মুহূর্তম্ অপি তিষ্ঠস্ব ন জীবন্ প্রতিয়াস্যসি ॥৩-৫৩-১০॥
53.11
ন হি চক্ষুঃ পথম্ প্রাপ্য তয়োঃ পার্থিব পুত্রয়োঃ ।
স সৈন্যো অপি সমর্থঃ ত্বম্ মুহূর্তম্ অপি জীবিতুম্ ॥৩-৫৩-১১॥
53.12
ন ত্বম্ তয়োঃ শর স্পর্শম্ সোঢুম্ শক্তঃ কথংচন ।
বনে প্রজ্বলিতস্য ইব স্পর্শম্ অগ্নেঃ বিহংগমঃ ॥৩-৫৩-১২॥
53.13
সাধু কৃত্বা আত্মনঃ পথ্যম্ সাধু মাম্ মুংচ রাবণ ।
মৎ প্রধর্ষণ রুষ্টো হি ভ্রাত্রা সহ পতিঃ মম ॥৩-৫৩-১৩॥
53.14
বিধাস্যতি বিনাশায় ত্বম্ মাম্ যদি ন মুংচসি ।
যেন ত্বম্ ব্যবসায়েন বলাৎ মাম্ হর্তুম্ ইচ্ছসি ॥৩-৫৩-১৪॥
53.15
ব্যবসায়ঃ তু তে নীচ ভবিষ্যতি নিরর্থকঃ ।
ন হি অহম্ তম্ অপশ্যন্তী ভর্তারম্ বিবুধ উপমম্ ॥৩-৫৩-১৫॥
53.16
উত্সহে শত্রু বশগা প্রাণান্ ধারয়িতুম্ চিরম্ ।
ন নূনম্ চ আত্মনঃ শ্রেয়ঃ পথ্যম্ বা সমবেক্ষসে ॥৩-৫৩-১৬॥
53.17
মৃত্যু কালে যথা মর্ত্যো বিপরীতানি সেবতে ।
মুমূর্ষূণাম্ তু সর্বেষাম্ যৎ পথ্যম্ তৎ ন রোচতে ॥৩-৫৩-১৭॥
53.18
পশ্যামি ইব হি কণ্ঠে ত্বাম্ কাল পাশ অবপাশিতম্ ।
যথা চ অস্মিন্ ভয় স্থানে ন বিভেষি দশানন ॥৩-৫৩-১৮॥
53.19
ব্যক্তম্ হিরণ্ময়ান্ হি ত্বম্ সংপশ্যসি মহী রুহান্ ।
নদীম্ বৈতরণীম্ ঘোরাম্ রুধির ওঘ বিবাহিনীম্ ॥৩-৫৩-১৯॥
53.20
খড্গ পত্র বনম্ চৈব ভীমম্ পশ্যসি রাবণ ।
তপ্ত কাংচন পুষ্পাম্ চ বৈদূর্য প্রবর চ্ছদাম্ ॥৩-৫৩-২০॥
53.21
দ্রক্ষ্যসে শাল্মলীম্ তীক্ষ্ণাম্ আয়সৈঃ কণ্টকৈঃ চিতাম্ ।
ন হি ত্বম্ ঈদৃশম্ কৃত্বা তস্য অলীকম্ মহাত্মনঃ ॥৩-৫৩-২১॥
53.22
ধারিতুম্ শক্স্যসি চিরম্ বিষম্ পীত্বা ইব নির্ঘৃণঃ ।
বদ্ধঃ ত্বম্ কাল পাশেন দুর্নিবারেণ রাবণ ॥৩-৫৩-২২॥
53.23
ক্ব গতো লপ্স্যসে শর্ম ভর্তুঃ মম মহাত্মনঃ ।
নিমেষ অন্তর মাত্রেণ বিনা ভ্রাতরম্ আহবে ॥৩-৫৩-২৩॥
53.24
রাক্ষসা নিহতা যেন সহস্রাণি চতুর্দশ ।
কথম্ স রাঘবো বীরঃ সর্ব অস্ত্র কুশলো বলী ॥৩-৫৩-২৪॥
53.25
ন ত্বাম্ হন্যাৎ শরৈঃ তীক্ষ্ণৈঃ ইষ্ট ভার্যা অপহারিণম্ ।
এতৎ চ অন্যৎ চ পরুষম্ বৈদেহী রাবণ অংক গা ।ভয় শোক সমাবিষ্টা করুণম্ বিললাপ হ ॥৩-৫৩-২৫॥
53.26
তথা ভৃশ আর্তাম্ বহু চৈব ভাষিণীম্বিললাপ পূর্বম্ করুণম্ চ ভামিনীম্ ।
জহার পাপঃ তরুণীম্ বিবেষ্টতীম্নৃপাত্মজাম্ আগত গাত্র বেপথুম্ ॥৩-৫৩-২৬॥