Utshovসর্গ 117
117.1
রাঘবস্ত্বথ যাতেষু তপস্বিষু বিচিন্তয়ন্ ।
ন তত্রারোচয়দ্বাসং কারণৈর্বহুভিস্তদা ॥ ২.১১৭.১॥
117.2
ইহ মে ভরতো দৃষ্টো মাতরশ্চ সনাগরাঃ ।
সা চ মে স্মৃতিরন্বেতি তান্নিত্যমনুশোচতঃ ॥ ২.১১৭.২॥
117.3
স্কন্ধাবারনিবেশেন তেন তস্য মহাত্মনঃ ।
হয়হস্তিকরীষৈশ্চ উপমর্দ্দঃ কৃতো ভৃশম্ ॥ ২.১১৭.৩॥
117.4
তস্মাদন্যত্র গচ্ছাম ইতি সঞ্চিন্ত্য রাঘবঃ ।
প্রাতিষ্ঠত স বৈদেহ্যা লক্ষ্মণেন চ সঙ্গতঃ ॥ ২.১১৭.৪॥
117.5
সো ঽত্রেরাশ্রমমাসাদ্য তং ববন্দে মহায়শাঃ ।
তং চাপি ভগবানত্রিঃ পুত্রবৎ প্রত্যপদ্যত ॥ ২.১১৭.৫॥
117.6
স্বয়মাতিথ্যমাদিশ্য সর্বমস্য সুসত্কৃতম্ ।
সৌমিত্রিং চ মহাভাগাং সীতাং চ সমসান্ত্বয়ৎ ॥ ২.১১৭.৬॥
117.7
পত্নীং চ সমনুপ্রাপ্তাং বৃদ্ধামামন্ত্র্য সত্কৃতাম্ ।
সান্ত্বয়ামাস ধর্মজ্ঞঃ সর্বভূতহিতে রতঃ ॥ ২.১১৭.৭॥
117.8
অনসূয়াং মহাভাগাং তাপসীং ধর্মচারিণীম্ ।
প্রতিগৃহ্ণীষ্ব বৈদেহীমব্রবীদৃষিসত্তমঃ ।রামায় চাচচক্ষে তাং তাপসীং ধর্মচারিণীম্ ॥ ২.১১৭.৮॥
117.9
দশবর্ষাণ্যনাবৃষ্ট্যা দগ্ধে লোকে নিরন্তরম্ ।
যয়া মূলফলে সৃষ্টে জাহ্নবী চ প্রবর্ত্তিতা ॥ ২.১১৭.৯॥
117.10
উগ্রেণ তপসা যুক্তা নিয়মৈশ্চাপ্যলঙ্কৃতা ।
দশবর্ষসহস্রাণি যয়া তপ্তং মহত্তপঃ ॥ ২.১১৭.১০॥
117.11
অনসূয়া ব্রতৈঃ স্নাতা প্রত্যূহাশ্চ নিবর্ত্তিতাঃ ।
দেবকার্যনিমিত্তং চ যয়া সংত্বরমাণয়া ।দশরাত্রং কৃতা রাত্রিঃ সেয়ং মাতেব তে ঽনঘ ॥ ২.১১৭.১১॥
117.12
তামিমাং সর্বভূতানাং নমস্কার্য্যাং যশস্বিনীম্ ।
অভিগচ্ছতু বৈদেহী বৃদ্ধামক্রোধনাং সদা ।অনসূয়েতি যা লোকে কর্মভিঃ খ্যাতিমাগতা ॥ ২.১১৭.১২॥
117.13
এবং ব্রুবাণং তমৃষিং তথেত্যুক্ত্বা স রাঘবঃ ।
সীতামুবাচ ধর্মজ্ঞামিদং বচনমুত্তমম্ ॥ ২.১১৭.১৩॥
117.14
রাজপুত্রি শ্রুতং ত্বেতন্মুনেরস্য সমীরিতম্ ।
শ্রেয়োর্থমাত্মনঃ শ্রীঘ্রমভিগচ্ছ তপস্বিনীম্ ॥ ২.১১৭.১৪॥
117.15
সীতা ত্বেতদ্বচঃ শ্রুত্বা রাঘবস্য হিতৈষিণঃ ।
তামত্রিপত্নীং ধর্মজ্ঞামভিচক্রাম মৈথিলী ॥ ২.১১৭.১৫॥
117.16
শিথিলাং বলিতাং বৃদ্ধাং জরাপাণ্ডরমূর্দ্ধজাম্ ।
সততং বেপমানাঙ্গী প্রবাতে কদলী যথা ॥ ২.১১৭.১৬॥
117.17
তাং তু সীতা মহাভাগামনসূয়াং পতিব্রতাম্ ।
অভ্যবাদয়দব্যগ্রা স্বনাম সমুদাহরৎ ॥ ২.১১৭.১৭॥
117.18
অভিবাদ্য চ বৈদেহী তাপসীং তামনিন্দিতাম্ ।
বদ্ধাঞ্জলিপুটা হৃষ্টা পর্যপৃচ্ছদনাময়ম্ ॥ ২.১১৭.১৮॥
117.19
ততঃ সীতাং মহাভাগাং দৃষ্ট্বা তাং ধর্মচারিণীম্ ।
সান্ত্বয়ন্ত্যব্রবীদ্ধৃষ্টা দিষ্ট্যা ধর্মমবেক্ষসে ॥ ২.১১৭.১৯॥
117.20
ত্যক্ত্বা জ্ঞাতিজনং সীতে মানমৃদ্ধিং চ ভামিনি ।
অবরুদ্ধং বনে রামং দিষ্ট্যা ত্বমনুগচ্ছসি ॥ ২.১১৭.২০॥
117.21
নগরস্থো বনস্থো বা পাপো বা যদি বা শুভঃ ।
যাসাং স্ত্রীণাং প্রিয়ো ভর্তা তাসাং লোকা মহোদয়াঃ ॥ ২.১১৭.২১॥
117.22
দুঃশীলঃ কামবৃত্তো বা ধনৈবা পরিবর্জিতঃ ।
স্ত্রীণামার্যস্বভাবানাং পরমং দৈবতং পতিঃ ॥ ২.১১৭.২২॥
117.23
নাতো বিশিষ্টং পশ্যামি বান্ধবং বিমৃশন্ত্যহম্ ।
সর্বত্রয়োগ্যং বৈদেহি তপঃকৃতমিবাব্যয়ম্ ॥ ২.১১৭.২৩॥
117.24
ন ত্বেনমবগচ্ছন্তি গুণদোষমসত্স্ত্রিয়ঃ ।
কামবক্তব্যহৃদয়া ভর্তৃনাথা শ্চরন্তি যাঃ ॥ ২.১১৭.২৪॥
117.25
প্রাপ্নুবন্ত্যয়শশ্চৈব ধর্মভ্রংশং চ মৈথিলি ।
অকার্যবশমাপন্নাঃ স্ত্রিয়ো যাঃ খলু তদ্বিধাঃ ॥ ২.১১৭.২৫॥
117.26
ত্বদ্বিধাস্তু গুণৈর্যুক্তা দৃষ্টলোকপরাবরাঃ ।
স্ত্রিয়ঃ স্বগ চরিষ্যন্তি যথা ধর্মকৃতস্তথা ॥ ২.১১৭.২৬॥
117.27
তদেবমেনং ত্বমনুব্রতা সতী পতিব্রতানাং সময়ানুবর্তিনী ।
ভবস্ব ভর্ত্তুঃ সহধর্মচারিণী যশশ্চ ধর্মং চ ততঃ সমাপ্স্যসি ॥ ২.১১৭.২৭ ॥