Utshovসর্গ 115
115.1
ততো নিক্ষিপ্য মাতঽঃ স অয়োধ্যায়াং দৃঢব্রতঃ ।
ভরতঃ শোকসন্তপ্তো গুরূনিদমথাব্রবীৎ ॥ ২.১১৫.১॥
115.2
নন্দিগ্রামং গমিষ্যামি সর্বানামন্ত্রয়ে ঽদ্য বঃ ।
তত্র দুঃখমিদং সর্বং সহিষ্যে রাঘবং বিনা ॥ ২.১১৫.২॥
115.3
গতশ্চ হি দিবং রাজা বনস্থশ্চ গুরুর্মম ।
রামং প্রতীক্ষে রাজ্যায় স হি রাজা মহায়শাঃ ॥ ২.১১৫.৩॥
115.4
এতচ্ছ্রুত্বা শুভং বাক্যং ভরতস্য মহাত্মনঃ ।
অব্রুবন্ মন্ত্রিণঃ সর্বে বসিষ্ঠশ্চ পুরোহিতঃ ॥ ২.১১৫.৪॥
115.5
সুভৃশং শ্লাঘনীয়ং চ যদুক্তং ভরত ত্বয়া ।
বচনং ভ্রাতৃবাত্সল্যাদনুরূপং তবৈব তৎ ॥ ২.১১৫.৫॥
115.6
নিত্যং তে বন্ধুলুব্ধস্য তিষ্ঠতো ভ্রাতৃসৌহৃদে ।
আর্যমার্গং প্রপন্নস্য নানুমন্যেত কঃ পুমান্ ॥ ২.১১৫.৬॥
115.7
মন্ত্রিণাং বচনং শ্রুত্বা যথাভিলষিতং প্রিয়ম্ ।
অব্রবীত্সারথিং বাক্যং রথো মে যুজ্যতামিতি ॥ ২.১১৫.৭॥
115.8
প্রহৃষ্টবদনঃ সর্বা মাতঽঃ সমভিবাদ্য সঃ ।
আরুরোহ রথং শ্রীমান্ শত্রুঘ্নেন সমন্বিতঃ ॥ ২.১১৫.৮॥
115.9
আরুহ্য চ রথং শীঘ্রং শত্রুঘ্নভরতাবুভৌ।
যয়তুঃ পরমপ্রীতৌ বৃতৌ মন্ত্রিপুরোহিতৈঃ ॥ ২.১১৫.৯॥
115.10
অগ্রতো গুরবস্তত্র বসিষ্ঠপ্রমুখা দ্বিজাঃ ।
প্রয়য়ুঃ প্রাঙ্মুখাঃ সর্বে নন্দিগ্রামো যতো ঽভবৎ ॥ ২.১১৫.১০॥
115.11
বলং চ তদনাহূতং গজাশ্বরথসঙ্কুলম্ ।
প্রয়য়ৌ ভরতে যাতে সর্বে চ পুরবাসিনঃ ॥ ২.১১৫.১১॥
115.12
রথস্থঃ স হি ধর্মাত্মা ভরতো ভ্রাতৃবত্সলঃ ।
নন্দিগ্রামং যয়ৌ তূর্ণং শিরস্যাধায় পাদুকে ॥ ২.১১৫.১২॥
115.13
ততস্তু ভরতঃ ক্ষিপ্রং নন্দিগ্রামং প্রবিশ্য সঃ ।
অবতীর্য্য রথাত্তূর্ণং গুরূনিদমুবাচ হ ॥ ২.১১৫.১৩॥
115.14
এতদ্রাজ্যং মম ভ্রাত্রা দত্তং সংন্যাসবৎ স্বয়ম্ ।
যোগক্ষেমবহে চেমে পাদুকে হেমভূষিতে ॥ ২.১১৫.১৪॥
115.15
ভরতঃ শিরসা কৃত্বা সংন্যাসং পাদুকে ততঃ ।
অব্রবীদ্দুঃখসন্তপ্তঃ সর্বং প্রকৃতিমণ্ডলম্ ॥ ২.১১৫.১৫॥
115.16
ছত্রং ধারয়ত ক্ষিপ্রমার্যপাদাবিমৌ মতৌ ।
আভ্যাং রাজ্যে স্থিতো ধর্মঃ পাদুকাভ্যাং গুরোর্মম ॥ ২.১১৫.১৬॥
115.17
ভ্রাত্রা হি ময়ি সংন্যাসো নিক্ষিপ্তঃ সৌহৃদাদয়ম্ ।
তমিমং পালয়িষ্যামি রাঘবাগমনং প্রতি ॥ ২.১১৫.১৭॥
115.18
ক্ষিপ্রং সংয়োজয়িত্বা তু রাঘবস্য পুনঃ স্বয়ম্ ।
চরণৌ তৌ তু রামস্য দ্রক্ষ্যামি সহপাদুকৌ ॥ ২.১১৫.১৮॥
115.19
ততো নিক্ষিপ্তভারো ঽহং রাঘবেণ সমাগতঃ ।
নিবেদ্য গুরবে রাজ্যং ভজিষ্যে গুরুবৃত্তিতাম্ ॥ ২.১১৫.১৯॥
115.20
রাঘবায় চ সংন্যাসং দত্ত্বে মে বরপাদুকে ।
রাজ্যং চেদময়োধ্যাং চ ধূতপাপো ভবামি চ ॥ ২.১১৫.২০॥
115.21
অভিষিক্তে তু কাকুত্স্থে প্রহৃষ্টমুদিতে জনে ।
প্রীতির্মম যশশ্চৈব ভবেদ্রাজ্যাচ্চতুর্গুণম্ ॥ ২.১১৫.২১॥
115.22
এবং তু বিলপন্ দীনো ভরতঃ স মহায়শাঃ ।
নন্দিগ্রামে ঽকরোদ্রাজ্যং দুঃখিতো মন্ত্রিভিঃ সহ ॥ ২.১১৫.২২॥
115.23
স বল্কলজটাধারী মুনিবেষধরঃ প্রভুঃ ।
নন্দিগ্রামে ঽবসদ্বীরঃ সসৈন্যো ভরতস্তদা ॥ ২.১১৫.২৩॥
115.24
রামাগমনমাকাঙ্ক্ষন্ ভরতো ভ্রাতৃবত্সলঃ ।
ভ্রাতুর্বচনকারী চ প্রতিজ্ঞাপারগস্তথা ॥ ২.১১৫.২৪॥
115.25
পাদুকে ত্বভিষিচ্যাথ নন্দ্রিগ্রামে ঽবসত্তদা ।
ভরতঃ শাসনং সর্বং পাদুকাভ্যাং ন্যবেদয়ৎ ॥ ২.১১৫.২৫॥
115.26
ততস্তু ভরতঃ শ্রীমানভিষিচ্যার্য্যপাদুকে ।
তদধীনস্তদা রাজ্যং কারয়ামাস সর্বদা ॥ ২.১১৫.২৬॥
115.27
তদা হি যত্কার্য্যমুপৈতি কিঞ্চিদুপায়নং চোপহৃতং মহার্হম্ ।
স পাদুকাভ্যাং প্রথমং নিবেদ্য চকার পশ্চাদ্ভরতো যথাবৎ ॥ ২.১১৫.২৭ ॥