Utshovসর্গ 114
114.1
স্ত্রিগ্ধগম্ভীরঘোষেণ স্যন্দনেনোপয়ান্ প্রভুঃ ।
অয়োধ্যাং ভরতঃ ক্ষিপ্রং প্রবিবেশ মহায়শাঃ ॥ ২.১১৪.১॥
114.2
বিডালোলূকচরিতামালীননরবারণাম্ ।
তিমিরাভ্যাহতাং কালীমপ্রকাশাং নিশামিব ॥ ২.১১৪.২॥
114.3
রাহুশত্রোঃ প্রিয়াং পত্নীং শ্রিয়া প্রজ্বলিতপ্রভাম্ ।
গ্রহেণাভ্যুত্থিতে নৈকাং রোহিণীমিব পীডিতাম্ ॥ ২.১১৪.৩॥
114.4
অল্পোষ্ণক্ষুব্ধসলিলাং ধর্মোত্তপ্তবিহঙ্গমাম্ ।
লীনমীনঝষগ্রাহাং কৃশাং গিরিনদীমিব ॥ ২.১১৪.৪॥
114.5
বিধূমামিব হেমাভামধ্বরাগ্নেঃ সমুত্থিতাম্ ।
হবিরভ্যুক্ষিতাং পশ্চাৎ শিখাং বিপ্রলয়ং গতাম্ ॥ ২.১১৪.৫॥
114.6
বিধ্বস্তকবচাং রুগ্ণজবাজিরথধ্বজাম্ ।
হতপ্রবীরামাপন্নাং চমূমিব মহাহবে ॥ ২.১১৪.৬॥
114.7
সফেনা সস্বনা ভূত্বা সাগরস্য সমুত্থিতাম্ ।
প্রশান্তমারুতোদ্ঘাতাং জলোর্মিমিব নিস্বনাম্ ॥ ২.১১৪.৭॥
114.8
ত্যক্তাং যজ্ঞায়ুধৈঃ সর্বৈরভিরূপৈশ্চ যাজকৈঃ ।
সুত্যাকালে বিনির্বৃত্তে বেদিং গতরবামিব ॥ ২.১১৪.৮॥
114.9
গোষ্ঠমধ্যে স্থিতামার্ত্তামচরন্তীং তৃণং নবম্ ।
গোবৃষেণ পরিত্যক্তাং গবাং পত্তিমিবোত্সুকাম্ ॥ ২.১১৪.৯॥
114.10
প্রভাকরাদ্যৈঃ সুস্নিগ্ধৈঃ প্রজ্বলদ্ভিরিবোত্তমৈঃ ।
বিয়ুক্তাং মণিভির্জাত্যৈর্নবাং মুক্তাবলীমিব ॥ ২.১১৪.১০॥
114.11
সহসা চলিতাং স্থানান্মহীং পুণ্যক্ষয়াদ্গতাম্ ।
সংহৃতদ্যুতিবিস্তারাং তারামিব দিবশ্চ্যুতাম্ ॥ ২.১১৪.১১॥
114.12
পুষ্পনদ্ধাং বসন্তান্তে মত্তভ্রমরনাদিতাম্ ।
দ্রুতদাবাগ্নিবিপ্লুষ্টাং ক্লান্তাং বনলতামিব ॥ ২.১১৪.১২॥
114.13
সম্মূঢনিগমাং স্তব্ধাং সংক্ষিপ্তবিপণাপণাম্ ।
প্রচ্ছন্নশশিনক্ষত্রাং দ্যামিবাম্বুধরৈর্বৃতাম্ ॥ ২.১১৪.১৩॥
114.14
ক্ষীণপানোত্তমৈর্ভিন্নৈঃ শরাবৈরভিসংবৃতাম্ ।
হতশৌণ্ডামিবাকাশে পানভূমিমসংস্কৃতাম্ ॥ ২.১১৪.১৪॥
114.15
বৃক্ণভূমিতলাং নিম্নাং বৃক্ণপাত্রৈঃ সমাবৃতাম্ ।
উপয়ুক্তোদকাং ভগ্নাং প্রপাং নিপতিতামিব ॥ ২.১১৪.১৫॥
114.16
বিপুলাং বিততাং চৈব যুক্তপাশাং তরস্বিনাম্ ।
ভূমৌ বাণৈর্বিনিষ্কৃত্তাং পতিতাং জ্যামিবায়ুধাৎ ॥ ২.১১৪.১৬॥
114.17
সহসা যুদ্ধশৌণ্ডেন হয়ারোহেণ বাহিতাম্ ।
নিক্ষিপ্তভাণ্ডামুত্সৃষ্টাং কিশোরীমিব দুর্বলাম্ ॥ ২.১১৪.১৭॥
114.18
শুষ্কতোয়াং মহামত্স্যৈঃ কূর্মৈশ্চ বহুভির্বৃতাম্ ।
প্রভিন্নতটবিস্তীর্ণাং বাপীমিব হৃতোত্পলাম্ ॥ ২.১১৪.১৮॥
114.19
পুরুষস্যাপ্রহৃষ্টস্য প্রতিষিদ্ধানুলেপনাম্ ।
সন্তপ্তামিব শোকেন গাত্রয়ষ্টিমভূষণাম্ ॥ ২.১১৪.১৯॥
114.20
প্রাবৃষি প্রবিগাঢায়াং প্রবিষ্টস্যাভ্রমণ্ডলম্ ।
প্রচ্ছন্নাং নীলজীমূতৈর্ভাস্করস্য প্রভামিব ॥ ২.১১৪.২০॥
114.21
ভরতস্তু রথস্থঃ সন্ শ্রীমান্ দশরথাত্মজঃ ।
বাহয়ন্তং রথশ্রেষ্ঠং সারথিং বাক্যমব্রবীৎ ॥ ২.১১৪.২১॥
114.22
কিং নু খল্বদ্য গম্ভীরো মূর্চ্ছিতো ন নিশম্যতে ।
যথাপুরময়োধ্যায়াং গীতবাদিত্রনিস্বনঃ ॥ ২.১১৪.২২॥
114.23
বারুণীমদগন্ধশ্চ মাল্যগন্ধশ্চ মূর্চ্ছিতঃ ।
ধূপিতাগরুগন্ধশ্চ ন প্রবাতি সমন্ততঃ ॥ ২.১১৪.২৩॥
114.24
যানপ্রবরঘোষশ্চ স্নিগ্ধশ্চ হয়নিস্বনঃ ।
প্রমত্তগজনাদশ্চ মহাংশ্চ রথনিস্বনঃ ।নেদানীং শ্রূয়তে পুর্যামস্যাং রামে বিবাসিতে ॥ ২.১১৪.২৪॥
114.25
চন্দনাগরুগন্ধাংশ্চ মহার্হাশ্চ নবস্রজঃ ।
গতে হি রামে তরুণাঃ সন্তপ্তা নোপভুঞ্জতে ॥ ২.১১৪.২৫॥
114.26
বহির্যাত্রাং ন গচ্ছন্তি চিত্রমাল্যধরা নরাঃ ।
নোত্সবাঃ সম্প্রবর্ত্তন্তে রামশোকার্দিতে পুরে ॥ ২.১১৪.২৬॥
114.27
সহ নূনং মম ভ্রাত্রা পুরস্যাস্যদ্যুতির্গতা ।
নহি রাজত্যয়োধ্যেয়ং সাসারেবার্জুনী ক্ষপা ॥ ২.১১৪.২৭॥
114.28
কদা নু খলু মে ভ্রাতা মহোত্সব ইবাগতঃ ।
জনয়িষ্যত্যয়োধ্যায়াং হর্ষং গ্রীষ্ম ইবাম্বুদঃ ॥ ২.১১৪.২৮॥
114.29
তরুণৈশ্চারুবেষৈশ্চ নরৈরুন্নতগামিভিঃ ।
সম্পতদ্ভিরয়োধ্যায়াং নাভিভান্তি মহাপথাঃ ॥ ২.১১৪.২৯॥
114.30
এবং বহুবিধং জল্পন্ বিবেশ বসতিং পিতুঃ ।
তেন হীনাং নরেন্দ্রেণ সিংহহীনাং গুহামিব ॥ ২.১১৪.৩০॥
114.31
তদা তদন্তঃপুরমুজ্ঝিতপ্রভং সুরৈরিবোত্সৃষ্টমভাস্করং দিনম্ ।
নিরীক্ষ্য সর্বন্তু বিবিক্তমাত্মবান্ মুমোচ বাষ্পং ভরতঃ সুদুঃখিতঃ ॥ ২.১১৪.৩১ ॥