Utshovসর্গ 110
110.1
ক্রুদ্ধমাজ্ঞায় রামং তং বসিষ্ঠঃ প্রত্যুবাচ হ ।
জাবালিরপি জানীতে লোকস্যাস্য গতাগতিম্ ॥ ২.১১০.১॥
110.2
নিবর্ত্তয়িতুকামস্তু ত্বামেতদ্বাক্যমুক্তবান্ ।
ইমাং লোকসমুত্পত্তিং লোকনাথ নিবোধ মে ॥ ২.১১০.২॥
110.3
সর্বং সলিলমেবাসীৎ পৃথিবী যত্র নির্মিতা ।
ততঃ সমভবদ্ব্রহ্মা স্বয়ম্ভূর্দৈবতৈঃ সহ ।স বরাহস্ততো ভূত্বা প্রোজ্জহার বসুন্ধরাম্ ॥ ২.১১০.৩॥
110.4
অসৃজচ্চ জগৎ সর্বং সহ পুত্রৈঃ কৃতাত্মভিঃ ।
আকাশপ্রভবো ব্রহ্মা শাশ্বতো নিত্য অব্যয়ঃ ॥ ২.১১০.৪॥
110.5
তস্মান্মরীচিঃ সংজজ্ঞে মরীচেঃ কাশ্যপঃ সুতঃ ॥ ২.১১০.৫॥
110.6
বিবস্বান্ কাশ্যপাজ্জজ্ঞে মনুর্বৈবস্বতস্সুতঃ ।
স তু প্রজাপতিঃ পূর্বমিক্ষ্বাকুস্তু মনোঃ সুতঃ ॥ ২.১১০.৬॥
110.7
যস্যেয়ং প্রথমং দত্তা সমৃদ্ধা মনুনা মহী ।
তমিক্ষ্বাকুময়োধ্যায়াং রাজানং বিদ্ধি পূর্বকম্ ॥ ২.১১০.৭॥
110.8
ইক্ষ্বাকোস্তু সুতঃ শ্রীমান্ কুক্ষিরেবেতি বিশ্রুতঃ ।
কুক্ষেরথাত্মজো বীরো বিকুক্ষিরুদপদ্যত ॥ ২.১১০.৮॥
110.9
বিকুক্ষেস্তু মহাতেজা বাণঃ পুত্রঃ প্রতাপবান্ ।
বাণস্য তু মহাবাহুরনরণ্যো মহায়শাঃ ॥ ২.১১০.৯॥
110.10
নানাবৃষ্টির্বভূবাস্মিন্ন দুর্ভিক্ষং সতাং বরে ।
অনরণ্যে মহারাজে তস্করো নাপি কশ্চন ॥ ২.১১০.১০॥
110.11
অনরণ্যান্মহাবাহুঃ পৃথূ রাজা বভূব হ ।
তস্মাৎ পৃথোর্মহারাজস্ত্রিশঙ্কুরুদপদ্যত ।স সত্যবচনাদ্বীরঃ সশরীরো দিবঙ্গতঃ ॥ ২.১১০.১১॥
110.12
ত্রিশঙ্কোরভবত্সূনুর্ধুন্ধুমারো মহায়শাঃ ।
ধুন্ধুমারো মহাতেজা যুবনাশ্বো ব্যজায়ত ॥ ২.১১০.১২॥
110.13
যুবনাশ্বসুতঃ শ্রীমান্ মান্ধাতা সমপদ্যত ।
মান্ধাতুস্তু মহাতেজাঃ সুসন্ধিরুদপদ্যত ॥ ২.১১০.১৩॥
110.14
সুসন্ধেরপি পুত্রৌ দ্বৌ ধ্রুবসন্ধিঃ প্রসেনজিৎ ।
যশস্বী ধ্রুবসন্ধেস্তু ভরতো রিপুসূদনঃ ॥ ২.১১০.১৪॥
110.15
ভরতাত্তু মহাবাহোরসিতো নাম জায়ত ।
যস্যৈতে প্রতিরাজান উদপদ্যন্ত শত্রবঃ ।হৈহয়াস্তালজঙ্ঘাশ্চ শূরাশ্চ শশিবিন্দবঃ ॥ ২.১১০.১৫॥
110.16
তাংস্তু সর্বান্ প্রতিব্যূহ্য যুদ্ধে রাজা প্রবাসিতঃ ।
স চ শৈলবরে রম্যে বভূবাভিরতো মুনিঃ ॥ ২.১১০.১৬॥
110.17
দ্বে চাস্য ভার্যে গর্ভিণ্যৌ বভূবতুরিতি শ্রুতিঃ ।
একা গর্ভবিনাশায় সপত্ন্যৈ সগরং দদৌ ॥ ২.১১০.১৭॥
110.18
ভার্গবশ্চ্যবনো নাম হিমবন্তমুপাশ্রিতঃ ।
তমৃষিং সমুপাগম্য কালিন্দী ত্বভ্যবাদয়ৎ ॥ ২.১১০.১৮॥
110.19
স তামভ্যবদদ্বিপ্রো বরেপ্সুং পুত্রজন্মনি ।
পুত্রস্তে ভবিতা দেবি মহাত্মা লোকবিশ্রুতঃ ।ধার্মিকশ্চ সুশীলশ্চ বংশকর্ত্তা ঽরিসূদনঃ ॥ ২.১১০.১৯॥
110.20
কৃত্বা প্রদক্ষিণং হৃষ্টা মুনিং তমনুমান্য চ ।
পদ্মপত্রসমানাক্ষং পদ্মগর্ভসমপ্রভম্ ।ততঃ সা গৃহমাগম্য দেবী পুত্রং ব্যজায়ত ॥ ২.১১০.২০॥
110.21
সপত্ন্যা তু গরস্তস্যৈ দত্তো গর্ভজিঘাংসয়া ।
গরেণ সহ তেনৈব জাতঃ স সগরো ঽভবৎ ॥ ২.১১০.২১॥
110.22
স রাজা সগরো নাম যঃ সমুদ্রমখানয়ৎ ।
ইষ্ট্বা পর্বণি বেগেন ত্রাসয়ন্তমিমাঃ প্রজাঃ ॥ ২.১১০.২২॥
110.23
অসমঞ্জস্তু পুত্রোভূৎ সগরস্যেতি নঃ শ্রুতম্ ।
জীবন্নেব স পিত্রা তু নিরস্তঃ পাপকর্মকৃৎ ॥ ২.১১০.২৩॥
110.24
অংশুমানপি পুত্রো ঽভূদসমঞ্জস্য বীর্য্যবান্ ।
দিলীপোং ঽশুমতঃ পুত্রো দিলীপস্য ভগীরথঃ ॥ ২.১১০.২৪॥
110.25
ভগীরথাৎ ককুত্স্থস্তু কাকুত্স্থা যেন বিশ্রুতাঃ ।
ককুত্স্থস্য চ পুত্রো ঽভূদ্রঘুর্যেন তু রাঘবাঃ ॥ ২.১১০.২৫॥
110.26
রঘোস্তু পুত্রস্তেজস্বী প্রবৃদ্ধঃ পুরুষাদকঃ ।
কল্মাষপাদঃ সৌদাস ইত্যেবং প্রথিতো ভুবি ॥ ২.১১০.২৬॥
110.27
কল্মাষপাদপুত্রো ঽভূচ্ছঙ্খণস্ত্বিতি বিশ্রুতঃ ।
যস্তু তদ্বীর্যমাসাদ্য সহসৈন্যো ব্যনীনশৎ ॥ ২.১১০.২৭॥
110.28
শঙ্খণস্য চ পুত্রো ঽভূচ্ছূরঃ শ্রীমান্ সুদর্শনঃ ।
সুদর্শনস্যাগ্নিবর্ণ অগ্নিবর্ণস্য শীঘ্রগঃ ॥ ২.১১০.২৮॥
110.29
শীঘ্রগস্য মরুঃ পুত্রো মরোঃ পুত্রঃ প্রশুশ্রুকঃ ।
প্রশুশ্রুকস্য পুত্রো ঽভূদম্বরীষো মহাদ্যুতিঃ ॥ ২.১১০.২৯॥
110.30
অম্বরীষস্য পুত্রো ঽভূন্নহুষঃ সত্যবিক্রমঃ ।
নহুষস্য চ নাভাগঃ পুত্রঃ পরমধার্মিকঃ ॥ ২.১১০.৩০॥
110.31
অজশ্চ সুব্রতশ্চৈব নাভাগস্য সুতাবুভৌ ।
অজস্য চৈব ধর্মাত্মা রাজা দশরথঃ সুতঃ ॥ ২.১১০.৩১॥
110.32
তস্য জ্যেষ্ঠো ঽসি দায়াদো রাম ইত্যভিবিশ্রুতঃ ।
তদ্গৃহাণ স্বকং রাজ্যমবেক্ষস্ব জনং নৃপ ॥ ২.১১০.৩২॥
110.33
ইক্ষ্বাকূণাং হি সর্বেষাং রাজা ভবতি পূর্বজঃ ।
পূর্বজে নাবরঃ পুত্রো জ্যেষ্ঠো রাজ্যে ঽভিষিচ্যতে ॥ ২.১১০.৩৩॥
110.34
স রাঘবাণাং কুলধর্মমাত্মনঃ সনাতনং নাদ্য বিহন্তুমর্হসি ।
প্রভূতরত্নামনুশাধি মেদিনীং প্রভূতরাষ্ট্রাং পিতৃবন্মহায়শঃ ॥ ২.১১০.৩৪ ॥