Utshovসর্গ 24
24.1
ততঃ প্রভাতে বিমলে কৃত আহ্নিকম্ অরিন্দমৌ ।
বিশ্বামিত্রম্ পুরস্কৃত্য নদ্যাঃ তীরম্ উপাগতৌ ॥১-২৪-১॥
24.2
তে চ সর্বে মহাত্মানো মুনয়ঃ সংশ্রিত ব্রতাঃ ।
উপস্থাপ্য শুভাম্ নাবম্ বিশ্বামিত্রম্ অথ অব্রুবন্ ॥১-২৪-২॥
24.3
আরোহতু ভবান্ নাবম্ রাজপুত্র পুরস্কৃতঃ ।
অরিষ্টম্ গচ্ছ পন্থানম্ মা ভূৎ কাল বিপর্যয়ঃ ॥১-২৪-৩॥
24.4
বিশ্বামিত্রঃ তথা ইতি উক্ত্বা তান্ ঋষীন্ প্রতিপূজ্য চ ।
ততার সহিতঃ তাভ্যাম্ সরিতম্ সাগরম্ গমাম্ ॥১-২৪-৪॥
24.5
তত্র শুশ্রাব বৈ শব্দম্ তোয় সংরম্ভ বর্ধিতম্ ।
মধ্যম্ আগম্য তোয়স্য তস্য শব্দস্য নিশ্চয়ম্ ॥১-২৪-৫॥
24.6
জ্ঞাতু কামো মহাতেজা সহ রামঃ কনীয়সা ।
অথ রামঃ সরিন্ মধ্যে পপ্রচ্ছ মুনি পুঙ্গবম্ ॥১-২৪-৬॥
24.7
বারিণো ভিদ্যমানস্য কিম্ অয়ম্ তুমুলো ধ্বনিঃ ।
রাঘবস্য বচঃ শ্রুত্বা কৌতূহল সমন্বিতম্ ॥১-২৪-৭॥
24.8
কথয়ামাস ধর্মাত্মা তস্য শব্দস্য নিশ্চয়ম্ ।
কৈলাস পর্বতে রাম মনসা নির্মিতম্ পরম্ ॥১-২৪-৮॥
24.9
ব্রহ্মণা নরশার্দূল তেন ইদম্ মানসম্ সরঃ ।
তস্মাৎ সুস্রাব সরসঃ সা অয়োধ্যাম্ উপগূহতে ॥১-২৪-৯॥
24.10
সরঃ প্রবৃত্তা সরয়ূঃ পুণ্যা ব্রহ্ম সরঃ চ্যুতা ।
তস্য অয়ম্ অতুলঃ শব্দো জাহ্নবীম্ অভিবর্ততে ॥১-২৪-১০॥
24.11
বারি সংক্ষোভজো রাম প্রণামম্ নিয়তঃ কুরু ।
তাভ্যাম্ তু তাবুভৌ কৃত্বা প্রণামম্ অতিধার্মিকৌ ॥১-২৪-১১॥
24.12
তীরম্ দক্ষিণম্ আসাদ্য জগ্মতুর্ লঘু বিক্রমৌ ।
স বনম্ ঘোর সংকাশম্ দৃষ্ট্বা নরবরাত্মজঃ ॥১-২৪-১২॥
24.13
অবিপ্রহতম্ ঐক্ষ্বাকঃ পপ্রচ্ছ মুনি পুংগবম্ ।
অহো বনম্ ইদম্ দুর্গম্ ঝিল্লিকা গণ সংয়ুতম্ ॥১-২৪-১৩॥
24.14
ভৈরবৈঃ শ্বাপদৈঃ কীর্ণম্ শকুনৈঃ দারুণ আরবৈঃ ।
নানা প্রকারৈঃ শকুনৈঃ বাশ্যদ্ভিঃ ভৈরব স্বনৈঃ ॥১-২৪-১৪॥
24.15
সিংহ ব্যাঘ্র বরাহৈঃ চ বারণৈঃ চ অপি শোভিতম্ ।
ধব অশ্বকর্ণ ককুভৈঃ বিল্ব তিন্দুক পাটলৈঃ ॥১-২৪-১৫॥
24.16
সংকীর্ণম্ বদরীভিঃ চ কিম্ নু এতৎ দারুণম্ বনম্ ।
তম্ উবাচ মহাতেজা বিশ্বামিত্রো মহামুনিঃ ॥১-২৪-১৬॥
24.17
শ্রূয়তাম্ বত্স কাকুত্স্থ যস্য এতৎ দারুণম্ বনম্ ।
এতৌ জনপদৌ স্ফীতৌ পূর্বম্ আস্তাম্ নরোউত্তম ॥১-২৪-১৭॥
24.18
মলদাঃ চ করূষাঃ চ দেব নির্মাণ নির্মিতৌ ।
পুরা বৃত্র বধে রাম মলেন সমভিপ্লুতম্ ॥১-২৪-১৮॥
24.19
ক্ষুধা চৈব সহস্রাক্ষম্ ব্রহ্ম হত্যা সম্ আবিশৎ ।
তম্ ইন্দ্রম্ মলিনম্ দেবা ঋষয়ঃ চ তপোধনাঃ ॥১-২৪-১৯॥
24.20
কলশৈঃ স্নাপয়ামাসুঃ মলম্ চ অস্য প্রমোচয়ন্ ।
ইহ ভূম্যাম্ মলম্ দত্ত্বা দেবাঃ কারুষম্ এব চ ॥১-২৪-২০॥
24.21
শরীরজম্ মহেন্দ্রস্য ততো হর্ষম্ প্রপেদিরে ।
নির্মলো নিষ্করূষঃ চ শুদ্ধ ইন্দ্রো যথা অভবৎ ॥১-২৪-২১॥
24.22
ততো দেশস্য সুপ্রীতো বরম্ প্রাদাদ্ অনুত্তমম্ ।
ইমৌ জনপদৌ স্ফীতৌ খ্যাতিম্ লোকে গমিষ্যতঃ ॥১-২৪-২২॥
24.23
মলদাঃ চ করূষাঃ চ মম অংগ মল ধারিণৌ ।
সাধু সাধু ইতি তম্ দেবাঃ পাকশাসনম্ অব্রুবন্ ॥১-২৪-২৩॥
24.24
দেশস্য পূজাম্ তাম্ দৃষ্ট্বা কৃতাম্ শক্রেণ ধীমতা ।
এতৌ জনপদৌ স্ফীতৌ দীর্ঘ কালম্ অরিন্দম ॥১-২৪-২৪॥
24.25
মলদাঃ চ করূষাঃ চ মুদিতা ধন ধান্যতঃ ।
কস্য চিৎ অথ কালস্য যক্ষী কাম রূপিণী ॥১-২৪-২৫॥
24.26
বলম্ নাগ সহস্রস্য ধারয়ন্তী তদা হি আভূৎ ।
তাটকা নাম ভদ্রম্ তে ভার্যা সুন্দস্য ধীমতঃ ॥১-২৪-২৬॥
24.27
মারীচো রাক্ষসঃ পুত্রো যস্যাঃ শক্র পরাক্রমঃ ।
বৃত্ত বাহুর্ মহা শীর্ষো বিপুলা অস্য তনুর্ মহান্ ॥১-২৪-২৭॥
24.28
রাক্ষসো ভৈরব আকারো নিত্যম্ ত্রাসয়তে প্রজাঃ ।
ইমৌ জনপদৌ নিত্যম্ বিনাশয়তি রাঘব ॥১-২৪-২৮॥
24.29
মলদাংশ্চ করূষাংশ্চ তাটকা দুষ্ট চারিণী ।
সা ইয়ম্ পন্থানম্ আবৃত্য বসতি অধ্যর্ধ যোজনে ॥১-২৪-২৯॥
24.30
অত এব চ গন্তব্যম্ তাটকায়া বনম্ যতঃ ।
স্ব বাহু বলম্ আশ্রিত্য জহি ইমাম্ দুষ্ট চারিণীম্ ॥১-২৪-৩০॥
24.31
মৎ নিয়োগাৎ ইমম্ দেশম্ কুরু নিষ্কণ্টকম্ পুনঃ ।
ন হি কশ্চিৎ ইমম্ দেশম্ শক্তো হি আগন্তুম্ ঈদৃশম্ ॥১-২৪-৩১॥
24.32
যক্ষিণ্যা ঘোরয়া রাম উত্সাদিতম্ অসহ্যয়া ।
এতৎ তে সর্বম্ আখ্যাতম্ যথা এতৎ দারুণম্ বনম্ ।যক্ষ্যা চ উত্সাদিতম্ সর্বম্ অদ্য অপি ন নিবর্ততে ॥১-২৪-৩২॥