Utshovসর্গ 23
23.1
প্রভাতায়াম্ তু শর্বর্যাম্ বিশ্বামিত্রো মহামুনিঃ ।
অভ্যভাষত কাকুত্স্থৌ শয়ানৌ পর্ণ সংস্তরে ॥১-২৩-১॥
23.2
কৌসল্যা সুপ্রজা রাম পূর্বা সংধ্যা প্রবর্ততে ।
উত্তিষ্ঠ নর শার্দূল কর্তব্যম্ দৈবমাহ্নিকম্ ॥১-২৩-২॥
23.3
তস্য ঋষেঃ পরম উদারম্ বচঃ শ্রুত্বা নৃপ নরোত্তমৌ ।
স্নাত্বা কৃত উদকৌ বীরৌ জেপতুঃ পরমম্ জপম্ ॥১-২৩-৩॥
23.4
কৃত আহ্নিকৌ মহাবীর্যৌ বিশ্বামিত্রম্ তপোধনম্ ।
অভিবাদ্য অতি সংহৃষ্টৌ গমনায় অভিতস্থতুঃ ॥১-২৩-৪॥
23.5
তৌ প্রয়ান্তৌ মহাবীর্যৌ দিব্যম্ ত্রিপথগাম্ নদীম্ ।
দদৃশা তে ততঃ তত্র সরয্বাঃ সংগমে শুভে ॥১-২৩-৫॥
23.6
তত্র আশ্রম পদম্ পুণ্যম্ ঋষীণাম্ ভাবিঅত আত্মানাম্ ।
বহু বর্ষ সহস্রাণি তপ্যতাম্ পরমম্ তপঃ ॥১-২৩-৬॥
23.7
তম্ দৃষ্ট্বা পরম প্রীতৌ রাঘবৌ পুণ্যম্ আশ্রমম্ ।
ঊচতুঃ তম্ মহাত্মানম্ বিশ্বামিত্রম্ ইদম্ বচঃ ॥১-২৩-৭॥
23.8
কস্য অয়ম্ আশ্রমঃ পুণ্যঃ কো নু অস্মিন্ বসতে পুমান্ ।
ভগবন্ শ্রোতুম্ ইচ্ছাবঃ পরম্ কৌতূহলম্ হি নৌ ॥১-২৩-৮॥
23.9
তয়োঃ তদ্ বচনম্ শ্রুত্বা প্রহস্য মুনিপুংগবঃ ।
অব্রবীৎ শ্রূয়তাম্ রাম যস্য অয়ম্ পূর্ব আশ্রমঃ ॥১-২৩-৯॥
23.10
কন্দর্পো মূর্তিমান্ আসীৎ কাম ইতি উচ্যতে বুধৈঃ ।
তপস্যংতম্ ইহ স্থাণুম্ নিয়মেন সমাহিতম্ ॥১-২৩-১০॥
23.11
কৃত উদ্বাহম্ তু দেবেশম্ গচ্ছন্তম্ স মরুদ্ গণম্ ।
ধর্ষয়ামাস দুর্মেধা হুম্ কৃতঃ চ মহাত্মনা ॥১-২৩-১১॥
23.12
অবধ্যতঃ চ রুদ্রেণ চক্ষুষা রঘু নন্দন ।
ব্যশীর্যন্ত শরীরাৎ স্বাৎ সর্ব গাত্রাণি দুর্মতেঃ ॥১-২৩-১২॥
23.13
তত্র গাত্রম্ হতম্ তস্য নির্দগ্ধস্য মহাত্মনঃ ।
অশরীরঃ কৃতঃ কামঃ ক্রোধাৎ দেব ঈশ্বরেণ হ ॥১-২৩-১৩॥
23.14
অনঙ্গ ইতি বিখ্যাতঃ তদা প্রভৃতি রাঘব ।
স চ অঙ্গ বিষয়ঃ শ্রীমান্ যত্র অংগম্ স মুমোচ হ ॥১-২৩-১৪॥
23.15
তস্য অয়ম্ আশ্রমঃ পুণ্যঃ তস্য ইমে মুনয়ঃ পুরা ।
শিষ্যা ধর্মপরা বীর তেষাম্ পাপম্ ন বিদ্যতে ॥১-২৩-১৫॥
23.16
ইহ অদ্য রজনীম্ রাম বসেম শুভ দর্শন ।
পুণ্যয়োঃ সরিতোঃ মধ্যে শ্বঃ তরিষ্যামহে বয়ম্ ॥১-২৩-১৬॥
23.17
অভিগচ্ছামহে সর্বে শুচয়ঃ পুণ্যম্ আশ্রমম্ ।
ইহ বাসঃ পরোঽস্মাকম্ সুখম্ বস্ত্যামহে বয়ম্ ॥১-২৩-১৭॥
23.18
স্নাতাঃ চ কৃত জপ্যাঃ চ হুত হব্যা নরোত্তম ।
তেষাম্ সংবদতাম্ তত্র তপো দীর্ঘেণ চক্ষুষা ॥১-২৩-১৮॥
23.19
বিজ্ঞায় পরম প্রীতা মুনয়ো হর্ষম্ আগমন্ ।
অর্ঘ্যম্ পাদ্যম্ তথা আতিথ্যম্ নিবেদ্য কুশিকাত্মজে ॥১-২৩-১৯॥
23.20
রাম লক্ষ্মণয়োঃ পশ্চাৎ অকুর্বন্ অতিথি ক্রিয়াম্ ।
সত্কারম্ সম্ অনুপ্রাপ্য কথাভিঃ অভিরংজয়ন্ ॥১-২৩-২০॥
23.21
যথা অর্হম্ অজপন্ সংধ্যাম্ ঋষয়ঃ তে সমাহিতাঃ ।
তত্র বাসিভিঃ আনীতা মুনিভিঃ সুব্রতৈঃ সহ ॥১-২৩-২১॥
23.22
ন্যবসন্ সুসুখম্ তত্র কাম আশ্রম পদে তথা ।
কথাভিরভিরামভিরভিরমৌ নৃপাত্মজৌ ।যদ্বা -কথাভিঃ অভি রামভিঃ অভি রমৌ নৃপ আত্মজৌরময়ামাস ধর্মাত্মা কৌশিকো মুনিপুঙ্গবঃ ॥১-২৩-২২॥