সর্গ 22

22.1

তথা বসিষ্টে ব্রুবতি রাজা দশরথঃ স্বয়ম্ ।
প্রহৃষ্ট বদনো রামম্ আজুহাব স লক্ষ্মণম্ ॥১-২২-১॥

কৃতঃ স্বস্ত্যয়নম্ মাত্রা পিত্রা দশরথেন চ ।
পুরোধসা বসিষ্ঠেন মঙ্গলৈঃ অভিমংত্রিতম্ ॥১-২২-২॥

স পুত্রম্ মূর্ধ্নি উপাঘ্রায় রাজা দশরথঃ তদা ।
দদৌ কুশিক পুত্রায় সুপ্রীতেন অংতরাত্মনা ॥১-২২-৩॥

ততো বায়ুঃ সুখ স্পর্শো নীরজস্কো ববৌ তদা ।
বিশ্বামিত্র গতম্ রামম্ দৃষ্ট্বা রাজীব লোচনম্ ॥১-২২-৪॥

পুষ্প বৃষ্টিঃ মহতী আসীৎ দেব দুন্দুভি নিঃস্বনৈঃ ।
শঙ্খ দুন্দুভি নির্ঘোষঃ প্রয়াতে তু মহাত্মনি ॥১-২২-৫॥

বিশ্বামিত্রো যয়ৌ অগ্রে ততো রামো মহায়শাঃ ।
কাক পক্ষ ধরো ধন্বী তম্ চ সৌমিত্রিঃ অন্বগাৎ ॥১-২২-৬॥

কলাপিনৌ ধনুষ্ পাণী শোভয়ানৌ দিশো দশ ।
বিশ্বামিত্রম্ মহাত্মানম্ ত্রি শীর্ষৌ ইব পন্নগৌ ।অনুজগ্মতুঃ অক্ষুদ্রৌ পিতামহম্ ইব অশ্বিনৌ ॥১-২২-৭॥

তদা কুশিক পুত্রম্ তু ধনুষ্ পাণী স্বলংকৃতৌ ।
বদ্ধ গোধ অংগুলি ত্রাণৌ খড্গবন্তৌ মহাদ্যুতী ॥১-২২-৮॥

কুমারৌ চারু বপুষৌ ভ্রাতরৌ রাম লক্ষ্মণৌ ।
অনুয়াতৌ শ্রিয়া দীপ্তৌ শোভয়েতাম্ অনিন্দিতৌ ॥১-২২-৯॥

স্থাণুম্ দেবম্ ইব অচিন্ত্যম্ কুমারৌ ইব পাবকী ।
অধ্যর্ধ যোজনম্ গত্বা সরয্বা দক্ষিণে তটে ॥১-২২-১০॥

রামা ইতি মধুরাম্ বাণীম্ বিশ্বামিত্রঃ অভ্যভাষত ।
গৃহাণ বত্স সলিলম্ মা ভূৎ কালস্য পর্যয়ঃ ॥১-২২-১১॥

মংত্র গ্রামম্ গৃহাণ ত্বম্ বলাম্ অতিবলাম্ তথা ।
ন শ্রমো ন জ্বরো বা তে ন রূপস্য বিপর্যয়ঃ ॥১-২২-১২॥

ন চ সুপ্তম্ প্রমত্তম্ বা ধর্ষ ইষ্যন্তি নৈরৃতাঃ ।
ন বাহ্বোঃ সদৃশো বীর্যে পৃথিব্যাম্ অস্তি কশ্চন ॥১-২২-১৩॥

ত্রিষু লোকেষু বা রাম ন ভবেৎ সদৃশঃ তব ।
বলাম্ অতিবলাম্ চৈব পঠতঃ তাত রাঘব ॥১-২২-১৪॥

ন সৌভাগ্যে ন দাক্ষিণ্যে ন জ্ঞানে বুদ্ধি নিশ্চয়ে ।
ন উত্তরে প্রতি বক্তব্যে সমো লোকে তব অনঘ ॥১-২২-১৫॥

এতৎ বিদ্যা দ্বয়ে লব্ধে ন ভবেৎ সদৃশঃ তব ।
বলা চ অতিবলা চৈব সর্ব জ্ঞানস্য মাতরৌ ॥১-২২-১৬॥

ক্ষুৎ পিপাসে ন তে রাম ভবিষ্যেতে নরোত্তম ।
বলাম্ অতিবলাম্ চৈব পঠতঃ তাত রাঘব ॥১-২২-১৭॥

গৃহাণ সর্ব লোকস্য গুপ্তয়ে রঘু নন্দন ।
বিদ্যা দ্বয়ম্ অধীয়ানে যশঃ চ অথ ভবেৎ ভুবি ।পিতামহ সুতে হি এতে বিদ্যে তেজঃ সমন্বিতে ॥১-২২-১৮॥

প্রদাতুম্ তব কাকুত্থ্স সদৃঅশঃ ত্বম্ হি পার্থিব ।
কামম্ বহুগুণাঃ সর্বে ত্বয়ি এতে ন অত্র সংশয়ঃ ॥১-২২-১৯॥

তপসা সংভৃতে চ এতে বহু রূপে ভবিষ্যতঃ ।
ততো রামো জলম্ স্পৃষ্ট্বা প্রহৃষ্ট বদনঃ শুচিঃ ॥১-২২-২০॥

প্রতি জগ্রাহ তে বিদ্যে মহর্ষের্ ভাবিত আত্মনঃ ।
বিদ্যা সমুদিতো রামঃ শুশুভে ভীম বিক্রমঃ ॥১-২২-২১॥

সহস্র রশ্মিঃ ভগ্বান্ শরদীব দিবাকরঃ ।
গুরু কার্যাণি সর্বাণি নিয়ুজ্য কুশিক আত্মজে ।ঊষুঃ তাম্ রজনীম্ তত্র সরয্বাম্ সুসুখম্ ত্রয়ঃ ॥১-২২-২২॥

দশরথ নৃইপ সূনু সত্তমাভ্যাম্তৃণ শয়নে অনুচিতে তদা উষিতাভ্যাম্ ।
কুশিক সুত বচোঽনুলালিতাভ্যাম্ ।সুখমিব সা বিবভৌ বিভাবরী চ ॥১-২২-২৩॥